உலகச் செய்திகள்

பிரேசில் சிறைக்குள் பாரிய கலவரம் : கைதிகள் தலை துண்டிக்கப்பட்ட நிலையில் மீட்பு

Sun, 15/01/2017 - 07:40
பிரேசில் சிறைக்குள் பாரிய கலவரம் : கைதிகள் தலை துண்டிக்கப்பட்ட நிலையில் மீட்பு

 

 

பிரேசில் சிறையில் ஏற்பட்ட கலவரத்தில் 10 கைதிகள் தலை துண்டித்து படுகொலை செய்யப்பட்டுள்ளதாக அந்நாட்டு செய்திகள் தெரிவிக்கின்றன._93574114_aa1e20b3-4971-492d-8fee-b5e1c9

பிரேசில் நாட்டின் வட கிழக்கில் அமைந்துள்ள நடால் நகரத்தில் உள்ள அல்காகஷ் என்ற சிறைச்சாலையிலேயே இச்சம்பவம் இடம்பெற்றுள்ளது

குறித்த சிறைச்சாலையில் உள்ள  கைதிகளின் இருதரப்பினரிடையே நேற்று மோதல் ஏற்பட்டுள்ளது.

 இரு தரப்பினரும் வெடி குண்டுகள் வீசியும், துப்பாக்கியால் சுட்டும் தாக்கிக் கொண்டுள்ளனர்.   _93574040_brazilnatal4640117.png

தகவல் அறிந்ததும் சிறைக்காவலர்களும், பொலிஸாரும் விரைந்து சென்று கலவரத்தை கட்டுபாட்டுக்குள் கொண்டு வர முயற்சி செய்துள்ளனர்.

சம்பவத்தில் 10 கைதிகள் உயிரிழந்துள்ளதோடு பெரும்பாலானோர் தலை துண்டிக்கப்பட்ட நிலையில் சடலமாக மீட்கப்பட்ட பொலிஸார் தெரிவித்துள்ளனர்.

 இதேவேளை  சிறைக்குள் தொடர்ந்து துப்பாக்கி சண்டையும், வெடி குண்டு சத்தமும் கேட்பதாகவும்  பலியானோர் எண்ணிக்கை மேலும் அதிகரிக்கலாம் எனவும் பொலிஸார் தெரிவிக்கின்றனர்.

http://www.virakesari.lk/article/15429

Categories: merge-rss, yarl-world-news

அராபிய தீபகற்பத்திற்கான அல் கொய்தா தலைவர் பலி

Sat, 14/01/2017 - 08:40
அராபிய தீபகற்பத்திற்கான அல் கொய்தா தலைவர் பலி

 

 

அராபிய தீபகற்பத்தில் செயல்பட்டுவரும் அல் கொய்தா இயக்கத்தின் தலைவர் அமெரிக்க விமானப்படைத் தாக்குதலில் உயிரிழந்துள்ளதாக அமெரிக்க இராணுவ தலைமையகம்  தெரிவித்துள்ளது.

161010-yemen-airstrike-1245a_592a637c8c7

இது தொடர்பாக அமெரிக்க இராணுவ தலைமையகமான பென்டகான் வெளியிட்டுள்ள செய்தி அறிக்கையில்,

 

யேமன் நாட்டுக்கு உட்பட்ட பய்டா என்ற பகுதியில் அமெரிக்க விமானப்படைகள் மேற்கொண்ட தாக்குதலில் அராபிய தீபகற்பத்தில் செயல்பட்டுவரும் அல் கொய்தா இயக்கத்தின் தலைவர் அப்ட் அல்-கானி அல்-ரஸாஸ் என்பவர் உயிரிழந்துள்ளதாக அறிவிக்கப்பட்டுள்ளது.

http://www.virakesari.lk/

Categories: merge-rss, yarl-world-news

ஒபாமாவின் இறுதி சந்திப்பு : அரசியல் ஆர்வலர்கள் ஆர்வத்தில்

Sat, 14/01/2017 - 08:39
ஒபாமாவின் இறுதி சந்திப்பு : அரசியல் ஆர்வலர்கள் ஆர்வத்தில்

 

 

அமெரிக்க ஜனாதிபதி இருக்கும் பராக் ஒபாமா தனது பதவிக்காலத்தில் இறுதி பத்திரிகையாளர் சந்திப்பை எதிர்வரும் 18 ஆம் திகதி நடத்தவுள்ளார்.

111412-3.jpg

அமெரிக்காவின் புதிய ஜனாதிபதியாக எதிர்வரும் 20 ஆம் திகதி டொனால்ட் டிரம்ப் பதவி ஏற்கவுள்ளார். இந்நிலையில் தற்போதைய ஜனாதிபதியாகவுள்ள பராக் ஒபாமாவின் பதவிக்காலம் இன்னும் ஒரு வாரத்தில் நிறைவடைகின்றது.

 

ஒபாமா, வழக்கமாக வொஷிங்டன் நகரிலுள்ள வெள்ளை மாளிகையில் உள்ள கேட்போர் கூடத்தில் அவ்வப்போது பத்திரிகையாளர்களை சந்தித்து கருத்துக்களை தெரிவிப்பார்.

இந்நிலையில், பராக் ஒபாமா தனது பதவிக்காலத்தில் எதிர்வரும் 18 ஆம் திகதி புதன்கிழமை பிற்பகல் பத்திரிகையாளர்களை சந்தித்து பேட்டி அளிக்கவுள்ளார். 

 

அமெரிக்காவின் ஜனாதிபதியாக முதன்முறை பதவியேற்றபோது உணர்ச்சிபூர்வமான தனது பேச்சால் அனைவரையும் கட்டிப்போட்ட ஒபாமாவின் இறுதி உரையை நேரில் காண்பதற்கும், கேட்பதற்கும் அமெரிக்க மக்கள் மட்டுமின்றி உலகம் முழுவதிலுமுள்ள அரசியல் ஆர்வலர்கள் ஆவலுடன் உள்ளமை குறிப்பிடத்தக்கது.

http://www.virakesari.lk/

Categories: merge-rss, yarl-world-news

சீன ஊடகங்கள் அமெரிக்காவிற்கு எச்சரிக்கை

Sat, 14/01/2017 - 05:55
சீன ஊடகங்கள் அமெரிக்காவிற்கு எச்சரிக்கை

China-media.jpg
தென் சீன கடற்பரப்பு விவகாரம்  தொடர்பில்  சீன ஊடகங்கள் அமெரிக்காவிற்கு  எச்சரிக்கை விடுத்துள்ளன. தீவுகளுக்கு பிரவேசிப்பது தொடர்பில் எழுந்துள்ள சர்ச்சையே இதற்கான காரணமாகும்.

தென் சீன கடற்பரப்பில் காணப்படும் தீவுகளுக்கு சீனா பிரவேசிக்க இடமளிக்கக் கூடாது என அமெரிக்க  ராஜாங்க செயலாளராக நியமிக்கப்பட உள்ள றெக்ஸ் ரில்லர்சன்  (Rex Tillerson ) தெரிவித்திருந்தார்.

இந்த கருத்துக்கு சீனாவின் தேசிய ஊடகங்கள் கடும் எதிர்ப்பையும் விமர்சனத்தையும் வெளியிட்டுள்ளன. முரண்பாடுகளை வலுக்கச் செய்யும் வகையில் செயற்படக் கூடாது என சீனா கோரியுள்ளது.

http://globaltamilnews.net/archives/13686

Categories: merge-rss, yarl-world-news

ஹங்கேரிய பெண் புகைப்பட செய்தியாளருக்கு மூன்று ஆண்டு நன்னடத்தை கால தண்டனை

Fri, 13/01/2017 - 21:25
ஹங்கேரிய பெண் புகைப்பட செய்தியாளருக்கு மூன்று ஆண்டு நன்னடத்தை கால தண்டனை

kangery.jpg
ஹங்கேரிய பெண் புகைப்பட  செய்தியாளர் பெட்ரா லாஸ்லோவுக்கு மூன்று ஆண்டுகளுக்கு நன்னடத்தை கால தண்டனை விதிக்கப்பட்டுள்ளது. 2015 ஆம் ஆண்டு  ஹங்கேரி – செர்பியா எல்லையில் போலீஸ் பாதுகாப்பு வட்டத்தை மீறிய  புகலிடக் கோரிக்கையாளர்களை எட்டி உதைப்பதும், தடுக்கி விழவைப்பதும், பதிவானதைத் தொடர்ந்து, ஒழுங்கற்ற நடத்தை எனும் குற்றச்சாட்டின் பேரில்  இந்த  தண்டனை விதிக்கப்பட்டுள்ளது.

இந்த தண்டனை குறித்து மேல்முறையீடு செய்யப்போவதாக பெட்ரா லாஸ்லோகூறியுள்ளார்.

http://globaltamilnews.net/archives/13668

Categories: merge-rss, yarl-world-news

ஐரோப்பா : கடும் குளிரில் குடியேறிகள் தவித்து வருவதாக ஐ.நா கவலை

Fri, 13/01/2017 - 20:04
ஐரோப்பா : கடும் குளிரில் குடியேறிகள் தவித்து வருவதாக ஐ.நா கவலை
 
 

குடியேறிகளுக்கு சில நாடுகள் ஆதரவு தாராததால், ஐரோப்பாவில் உள்ள குடியேறிகள் கடும் குளிரில் மிக பெரிய பிரச்சனைகளை சந்தித்து வருவதாக, ஐநாவின் அகதிகள் முகமை தெரிவித்துள்ளது.

கடும் குளிரில் தவிக்கும் ஐரோப்பாவில் உள்ள குடியேறிகள்
 ஐரோப்பாவில் உள்ள குடியேறிகள் கடும் குளிரில் தவித்து வருவதாக ஐ.நா தெரிவித்துள்ளது.

கிரேக்க தீவுகளில் பல வெப்பமடையாத கட்டிடங்களில் பலர் தங்கியுள்ளனர் என்றும், பல்கேரியாவில், குளிர் மற்றும் சோர்வு காரணமாக பல குடியேறிகள் இறந்துள்ளனர் என ஐநாவின் அகதிகள் முகமை தெரிவித்துள்ளது.

ஐரோப்பாவுக்கு இட்டுச் செல்லும் பால்கன் பாதையில் உள்ள நாடுகள், குடியேறிகளை வரவிடாமல் தொடர்ந்து தடுப்பதாகவும் , காவல் துறையினர் தங்கள் மீது வன்முறையை பிரயோகம் செய்ததாக சில குடியேறிகள் கூறியதாகவும் ஐநாவின் அகதிகள் முகமை கூறியுள்ளது.

இதற்கிடையில், சுமார் 26,000 பெற்றோருடன் அல்லது வயது வந்தவர்களுடன் வராத குழந்தைகள், கடந்த ஆண்டு மத்திய தரைக்கடலை கடந்து இத்தாலிக்கு வந்துள்ளதாக ஐநாவின் குழந்தைகளுக்காக முகமை தெரிவித்துள்ளது. 2015யை காட்டிலும், இந்த எண்ணிக்கை இரண்டு மடங்கு அதிகமானது ஆகும்.

http://www.bbc.com/tamil/global-38616539

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 13/01/17

Fri, 13/01/2017 - 16:10

இன்றைய பிபிசி தமிழ் தொலைக்காட்சி செய்தியறிக்கையில்,

* சைப்ரஸ் பேச்சுவார்த்தைகள் - சமாதானம் சாத்தியமா? துருக்கிய படை அங்கு தொடர வேண்டும் என்கிறார் துருக்கிய அதிபர்.

* அமெரிக்கா வரும் கியூபர்களுக்கு தானாகவே விசா இன்றி வதிவிட அனுமதி வழங்கும் திட்டத்தை அமெரிக்கா நிறுத்துகிறது; கியூப அரசாங்கம் அதனை வரவேற்றுள்ளது.

* உலகில் அதிக மது அருந்தும் நாடுகளில் ஒன்று தென்னாப்பிரிக்கா; அதனை மாற்றுவதற்கான ஒரு திட்டம் குறித்த பிபிசியின் சிறப்புத்தகவல்

Categories: merge-rss, yarl-world-news

மொஸ்கோ ஹோட்டலுக்கு பாலியல் தொழிலாளிகளை அழைத்துச் சென்ற டொனால்ட் ட்ரம்ப் படுக்கையில் சிறுநீர் கழித்தாராம்; ரஷ்ய புலனாய்வாளர்களிடம் வீடியோ உட்பட ஆதாரங்கள் உள்ளதாக செய்தி - பொய்யான செய்திகள் என ட்ரம்ப் மறுப்பு

Fri, 13/01/2017 - 10:24
மொஸ்கோ ஹோட்­ட­லுக்கு பாலியல் தொழி­லா­ளி­களை அழைத்துச் சென்ற டொனால்ட் ட்ரம்ப் படுக்­கையில் சிறுநீர் கழித்­தாராம்; ரஷ்ய புலனாய்வாளர்களிடம் வீடியோ உட்பட ஆதாரங்கள் உள்ளதாக செய்தி - பொய்யான செய்திகள் என ட்ரம்ப் மறுப்பு
 

அமெ­ரிக்க ஜனா­தி­ப­தி­யாக தெரிவு செய்­யப்­பட்­டுள்ள டொனால்ட் ட்ரம்ப் 5 வரு­டங்­க­ளுக்கு முன்னர் ரஷ்ய ஹோட்­ட­­லொன்றில் விலை­மாது ஒரு­வ­ரிடம் பாலியல் உறவு கொண்­ட­தா­கவும் ஹோட்டல் அறையின் படுக்­கையில் சிறுநீர் கழித்­த­தா­கவும் உறு­திப்­ப­டுத்­தப்­ப­டாத தக­வல்கள் வெளி­யா­கி­யமை பர­ப­ரப்பை  ஏற்­ப­டுத்­தி­யுள்­ளது. 

 

217862017-01-11T214147Z_99288514_RC16FA6

 

'வோட்­டர்ஸ்­போர்ட்கேட்' (Watersportsgate) என இந்த சர்ச்சை குறிப்பிடப்­ப­டு­கி­றது.
டொனால்ட் ட்ரம்பின் பாலியல் நட­வ­டிக்­கைகள் அடங்­கிய வீடியோ ஒளிப்­ப­தி­வுகள் ரஷ்ய புல­னாய்­வா­ளர்­க­ளிடம் இருப்­ப­தா­கவும் டொனால்ட் ட்ரம்ப் குறித்த பல தக­வல்­களை ரஷ்ய புல­னாய்­வுத்­து­றை­யினர் சேக­ரித்து வைத்­துள்­ள­தா­கவும் செய்தி வெளி­யா­கி­யுள்­ளது.

 

டொனால்ட் ட்ரம்பை மிரட்­டு­வ­தற்கு இந்த இர­க­சிய ஆவ­ணங்­களை ரஷ்யா பயன்­ப­டுத்தி வரு­வ­தா­கவும் கூறப்­ப­டு­கி­றது. பிரித்­தா­னிய புல­னாய்வு அமைப்பின் உள­வா­ளி­யான கிறிஸ்­டோபர் டேவிட் ஸ்டீலினால் தொகுக்­கப்­பட்ட ஆவ­ண மொன்றில்,  இது தொடர்­பான விப­ரங்கள் தெரி­விக்­கப்­பட்­டுள்­ள­தாக அமெ­ரிக்க ஊட­கங்கள் தெரி­வித்­துள்­ளன. சி.என்.என். தொலைக்­காட்சி இத்­த­க­வலை முதலில் வெளி­யிட்­டது.

 

மொஸ்கோ ரிட்ஸ் கார்ல்டன் ஹோட்­டலில் தங்­கி­யி­ருந்த டொனால்ட் ட்ரம்ப் பாலியல் தொழி­லா­ளிகள் பலரை ஹோட்டல் அறை­க­ளுக்கு அழைத்துச் சென்­ற­தா­கவும் ஹோட்டல் அறையின் படுக்­கையில் டொனால்ட் ட்ரம்ப் சிறுநீர் கழித்த­தா­கவும் தெரிவிக்கப்படுகின்றது.

 

ஆனால், டொனால்ட் ட்ரம்ப், இச்­ செய்­திகள் பொய்­யா­னவை எனக் கூறி­யுள்ளார். தான் ஜனா­தி­ப­தி­யாக தெரி­வு­செய்­யப்­பட்­ட­வுடன் நியூ­யோர்க்கில் நேற்­று­ முன்­தினம் நடை­பெற்ற செய்­தி­யாளர் மாநா­டொன்றில் பங்­கு­பற்­றிய டொனால்ட் ட்ரம்ப், தன்னைப் பற்றி உறு­திப்­ப­டுத்­தப்­ப­டாத செய்திகளை ஊட­கங்கள் வெளி­யி­டு­வ­தாக குற்றம் சுமத்­தினார்.

 

ரஷ்யா உட்­பட வெளி­நா­டு­க­ளுக்கு தான் பயணம் செய்­யும் ­போ­தெல்லாம், ஹோட்டல் அறை­களில் இர­க­சிய கெம­ராக்கள் பொருத்­தப்­பட்­டுள்­ள­னவா என்­பதில் தான் கவ­ன­மாக இருப்­பது வழக்கம் எனவும் டொனால்ட் ட்ரம்ப் தெரி­வித்­துள்ளார்.

 

21786trump1-copy.jpg

 

2013 ஆம் ஆண்டு மொஸ்­கோவில் நடை­பெ­ற்ற மிஸ் யூனிவர்ஸ் அழ­கு­ ராணி போட்­டி­யின்­போது தான் மொஸ்­கோ­வுக்குச் சென்­றி­ருந்­த­தா­கவும் டொனால்ட் ட்ரம்ப் கூறியுள்ளார். அக் ­கா­லத்தில் மிஸ் யூனிவர்ஸ் போட்­டி­களை நடத்தும் நிறு­வ­னத்தின் உரி­மை­யா­ள­ராக டொனால்ட் ட்ரம்ப் விளங்­கி­யமை குறிப்­பி­டத்­தக்­கது.

 

 'என்னைச் சூழ மெய்ப்­ பா­து­கா­வ­லர்கள் இருப்பர். 'உங்கள் ஹோட்டல் அறை­களில் மற்றும் நீங்கள் எங்கு சென்­றாலும் அங்கே கெம­ராக்கள் இருக்­கக்­கூடும் என நான் அவர்­க­ளுக்கு எப்­போதும் கூறுவேன்' என டொனால்ட் டரம்ப் தெரி­வித்தார்.

 

'கெம­ராக்கள் குறித்து நீங்கள் கவ­ன­மாக இருக்க வேண்டும். இல்­லா­விட்டால் இரவு நேர தொலைக்­காட்­சி­களில் நீங்கள் பார்க்­கப்­ப­டு­வீர்கள்' எனவும் அவர் கூறினார்.

 

சி.என்.என். தொலைக்­காட்சி பொய் செய்தி வெளி­யி­டு­வ­தா­கவும் டொனால்ட் ட்ரம்ப் கூறினார். இச்­செய்­தி­யாளர் மாநாட்டில், சி.என்.என். செய்­தி­யாளர் ஜிம் அக்­கோட்­டா­வுடன் டெனால்ட் ட்ரம்ப் வாக்­கு­வா­தத்தில் ஈடு­பட்டார்.

 

அச் ­செய்­தி­யாளர் கேள்வி கேட்­ப­தற்கும் டொனால்ட் ட்ரம்ப் அனு­ம­திக்க மறுத் தார். 'நீங்கள் போலிச் செய்­திகள்' என அவர் கூறினார்.

 

ரஷ்­யாவும் மறுப்பு


இதே­வேளை, ரஷ்ய ஜனா­தி­பதி மாளி­கையும் டொனால்ட் ட்ரம்ப் தொடர்­பான மேற்­படி செய்­தி­களை மறுத்­துள்­ளது. இது குறித்து ரஷ்ய அதிபர் விளா­டிமிர் புட்­டினின் செய்தித் தொடர்­பாளர் டிமித்ரி பெஸ்காவ் கூறும்­போது, 'இவை அர்த்த மற்ற சோடிக்­கப்­பட்ட தக­வல்கள். ரஷ்யா, அமெ­ரிக்­கா­வுக்கு இடை­யி­லான உறவை சீர்­கு­லைக்கும் முயற்­சி­யாக இத்­த­கைய தக­வல்கள் வெளி­யிடப் பட்­டுள்­ளன' எனக் கூறி­யுள்ளார்.


21786ritz-carlton-hotel-moscow-copy.jpg

 

ஒன்­றுக்கு மேற்­பட்ட செக்ஸ் டேப்கள்


ஆனால், டொனால்ட் ட்ரம்பின் பாலியல் வீடி­யோவை தவிர வேறு பல ஆவ­ணங்­களும் ரஷ்­யா­விடம் இருக்­கக்­கூடும் என அமெ­ரிக்கப் புல­னாய்வு அமைப்­பான சி.ஐ.ஏ. நம்­பு­வ­தாக பி.பி.சி. யின் வோஷிங்டன் செய்­தி­யாளர் போல் வூட் தெரி­வித்­துள்ளார்.

 

டொனால்ட் ட்ரம்பின் செக்ஸ் டேப் குறித்து தெரியவந்ததாக கடந்த ஓகஸ்ட் மாதம், இரண்டாவது தகவல் மூலமொன்றினாலும்  தனக்குத் தெரியவந்ததாக போல்வூட் கூறியுள்ளார்.

 

அத்துடன் டொனால்ட்  ட்ரம்ப் தொடர்பான ஒன்றுக்கு மேற்பட்ட செக்ஸ் டேப்கள் இருப்பதாக சி.ஐ.ஏ. வட்டாரங்கள் தனக்குத் தெரிவித்ததாகவும் போல் வூட் தெரிவித்துள்ளார்.

 

ரஷ்யா ஊடு­ரு­வி­யி­ருக்­கலாம் என ட்ரம்ப் ஒப்­புதல்


இதே­வேளை, அமெ­ரிக்க ஜனா­தி­பதித் தேர்­த­லிலில் தலை­யீடு செய்­வ­தற்கு ரஷ்யா முயற்­சித்­தி­ருக்­கலாம் என டொனால்ட் ட்ரம்ப் முதல் தட­வை­யாக ஒப்­புக்­கொண்­டுள்ளார்.

 

எதிர்­வரும் 20 ஆம் திகதி ஜனா­ப­தி­யாக பத­வி­யேற்­க­வுள்ள டொனால்ட் ட்ரம்பின் நிர்­வா­கத்தில் வெள்ளை மாளிகை அதி­கா­ரி­களின் பிர­தா­னி­யாக பணி­யாற்­ற­வுள்ள பிரைபஸ் இத்தகவலை தெரிவித்துள்ளார்.

- See more at: http://www.metronews.lk/article.php?category=lifestyle&news=21786#sthash.vxoKiQMk.dpuf
Categories: merge-rss, yarl-world-news

ஒபாமாவிடம் கண்ணீருடன் விருது பெற்ற துணை ஜனாதிபதி ஜோ பிடன் : எதிர்பாராத நிகழ்வு

Fri, 13/01/2017 - 06:54
ஒபாமாவிடம் கண்ணீருடன் விருது பெற்ற துணை ஜனாதிபதி ஜோ பிடன் : எதிர்பாராத நிகழ்வு

 

 

அமெரிக்க ஜனாதிபதி பராக் ஒபாமாவிடம் துணை ஜனாதிபதி ஜோ பிடன் கண்ணீருடன் விருது பெற்றார். ஜோ பிடன், ஒபாமா ஆட்சியில் 8 ஆண்டுகள் துணை ஜனாதிபதியாக பணிபுரிந்தார் என்பது குறிப்பிடத்தக்கது.

 

அமெரிக்க ஜனாதிபதியாக எதிர்வரும் 20ஆம் திகதி டொனால்டு டிரம்ப் பதவி ஏற்கிறார். எனவே, தற்போதைய ஜனாதிபதி ஒபாமாவின் பதவிக்காலம் இன்னும் ஒரு வாரத்தில் முடிவடைகிறது.

இந்நிலையில் அமெரிக்காவின் மிக உயரிய குடிமகனுக்கான ‘சுதந்திர ஜனாதிபதி பதக்கம்’ (Presidential Medal of Freedom) என்ற விருது வழங்கும் விழா வொஷிங்டனில் உள்ள வெள்ளை மாளிகையில் நடந்தது.

அதில் ஜனாதிபதி ஒபாமா மற்றும் துணை ஜனாதிபதி ஜோ பிடன் ஆகியோரின் குடும்பத்தினர் உள்பட உயர் அதிகாரிகள் மற்றும் முக்கிய பிரமுகர்கள் பங்கேற்றனர்.Biden-awarded-presidential-Medal-of-Free

இந்த விருது யாருக்கு வழங்கப்படுகிறது என்பது இரகசியமாக வைக்கப்பட்டிருந்தது. இந்த நிலையில் விருது வழங்கும் முன்பு மேடைக்கு வந்த ஒபாமா அந்த விருதுக்குரியவராக துணை ஜனாதிபதி ஜோ பிடன் பெயரை அறிவித்தார்.

இதை சற்றும் எதிர்பாராத ஜோ பிடன் ஆனந்த் அதிர்ச்சி அடைந்தார். அவரால் அதை நம்ப முடியவில்லை. அவரை அறியாமல் கண்களில் இருந்து கண்ணீர் வடிந்தது.

http://www.virakesari.lk/article/15397

Categories: merge-rss, yarl-world-news

சி.என்.என். நிருபரிடம் ‘நீங்கள் பொய் செய்திகளை வெளியிடுபவர்கள்’ என்று சீறிய ட்ரம்ப்

Fri, 13/01/2017 - 06:00
 
சி.என்.என். நிருபரிடம் ‘நீங்கள் பொய் செய்திகளை வெளியிடுபவர்கள்’ என்று சீறிய ட்ரம்ப்

 

 
படம். | ராய்ட்டர்ஸ்.
படம். | ராய்ட்டர்ஸ்.
 
 

தனக்கும் ரஷ்யாவுக்கும் உள்ள உறவு பற்றிய தகவல்களை கசிய விட்டதற்காக நாட்டின் உளவுத்துறையையும், அதனையொட்டி ‘பொய்ச் செய்திகளை’ வெளியிட்டதாக ஊடகங்களையும் அமெரிக்க அதிபராக தேர்ந்தெடுக்கப்பட்ட டொனால்டு ட்ரம்ப் விமர்சனம் செய்தார்.

தேர்தலுக்குப் பிந்தைய தனது முதல் செய்தியாளர்கள் சந்திப்பில் ட்ரம்ப், ரஷ்ய ஏஜென்சிகள் சிலவற்றினால் தான் விலைமாதர்களுடன் இருந்ததாக பிடிக்கப்பட்ட படம் பற்றிய செய்திகளை தனியார் அரசியல் ஆலோசகரிடமிருந்து உளவுத்துறைகள் வாங்கியதையும், ட்ரம்ப் மற்றும் அவரது ஊழியர்கள் தேர்தல் பிரச்சார காலக்கட்டங்களில் ரஷ்ய ஏஜெண்ட்களுடன் ரகசிய தொடர்பு வைத்திருந்ததாகவும் சூசகமாக தெரிவிக்கும் செய்திகளை வெளியிட்டமைக்கும் எதிர்ப்பு தெரிவித்த ட்ரம்ப், “இதை அவர்கள் செய்திருந்தால் அவர்கள் மீது விழுந்த கறுப்புக் கரையே” என்றார்.

“இப்படிப்பட்ட விஷயங்கள் எழுதப்பட்டிருக்கக் கூடாது, அதனை வெளியிட்டிருக்கவும் கூடாது” என்று கூறிய ட்ரம்ப், இத்தகைய செய்திகளை வெளியிட்ட சி.என்.என்., பஸ்ஃபீட் ஆகியவற்றை கடுமையாக விமர்சித்தார்.

சி.என்.என். நிருபரிடம், “நீங்கள் பொய்ச் செய்தியாளர்கள்” என்று நேரடியாகவே சாடினார்.

முன்னதாக, ட்ரம்ப் நிறுவனத்தைச் சேர்ந்தவர்கள் ரஷ்ய ஏஜெண்டுகளுடன் ரகசிய தொடர்பு வைத்திருந்தனரா, இதற்கு வெட்டு ஒன்று துண்டு இரண்டு என்று பதிலளிக்குமாறு வலியுறுத்தப்பட்டதையடுத்து செய்தியாளர்கள் சந்திப்பில் பரபரப்பு ஏற்பட்டது. பஸ்ஃபீட் ஊடகம் பற்றி ட்ரம்ப் சாடும் போது, “குப்பைகளின் குவியல்” என்று வர்ணித்தார்.

ஆனால் ஜனநாயகக் கட்சியின் கணினி நெட்வொர்க்கை ஹேக் செய்தது ரஷ்யாதான் என்று ட்ரம்ப் வெளிப்படையாக முதன் முதலில் ஒப்புக் கொண்டார்.

‘ஹேக்கிங்கைப் பொறுத்தவரை, ரஷ்யாதான் செய்திருக்கும் என்று நான் நினைக்கிறேன்” என்றார். ஆனால் “மற்ற நாடுகளும் ஹேக் செய்துள்ளன” என்று சுட்டிக்காட்டினார்.

புதினுக்கு உங்கள் செய்தியென்ன என்று கேட்ட போது, “அவர் இதனைச் செய்திருக்கக் கூடாது, அவர் செய்திருக்க மாட்டார். என் தலைமையில் நம் நாட்டின் மீது ரஷ்யாவுக்கு கூடுதல் மரியாதை பிறக்கும். ஆனால் ஹேக் செய்தது ரஷ்யா மட்டுமல்ல, என்ன நடந்தது என்பதைப் பார்த்தோமானால், நீங்கள் இதே பாணியில் மற்ற ஹேக்கிங்குகள் பற்றி செய்தி வெளியிட மாட்டீர்கள், சீனா நம் நாட்டின் 22 மில்லியன் கணக்குகளை ஹேக் செய்துள்ளது, காரணம் நம்மிடையே பாதுகாப்பு இல்லை. ஏனெனில் இதுநாள் வரை ஆட்சி செய்தவர்கள் தாம் என்ன செய்கிறோம் என்பதை அறியாதவர்கள்” என்றார்.

குடியரசுக் கட்சியின் செனட்டர் மார்கோ ருபியோ ரஷ்ய அதிபர் புதினை ‘போர்க் குற்றவாளி’ என்று கூறியதை அமைச்சர் பதவிக்கு பரிந்துரைக்கப்பட்டுள்ள ரெக்ஸ் டில்லர்சன் ஏற்கவில்லை.

அமெரிக்க தேர்தல் நடைமுறைகளில் குறுக்கிட்டதற்காக ரஷ்யா மீது ஒபாமா சில புதிய தடைகளை அறிவித்திருந்தார். இந்தத் தடைகளின் தன்மையையும் மறுபரிசீலனை செய்யப்போவதாக டில்லர்சன் தெரிவித்தார்.

மற்றொரு குடியரசுக் கட்சி செனட்டர் லிண்ட்சே கிரகாம் ரஷ்யா மீது மேலும் வலுவான தடைகளை விதிக்க வேண்டும் என்ற கோரலை கடுமையாக மறுத்த ட்ரம்ப், “லிண்ட்சே கிரகாம் என்னுடன் சில காலமாக போட்டிபோட்டு வருகிறார். 1% ஆதரவு நிலையிலிருந்து அவர் முன்னேறி விட்டார் என்று தெரிகிறது” என்று ரஷ்யாவுக்கு வலுவான தடைகள் இருக்காது என்பதை சூசகமாகத் தெரிவித்தார்.

http://tamil.thehindu.com/world/சிஎன்என்-நிருபரிடம்-நீங்கள்-பொய்-செய்திகளை-வெளியிடுபவர்கள்-என்று-சீறிய-ட்ரம்ப்/article9475986.ece

Categories: merge-rss, yarl-world-news

முடிவுக்கு வருகிறது கியூபர்களுக்கான அமெரிக்க விசாயின்றி தங்கும் சலுகை

Fri, 13/01/2017 - 05:53
முடிவுக்கு வருகிறது கியூபர்களுக்கான அமெரிக்க விசாயின்றி தங்கும் சலுகை
 
 

கியூபா மக்கள் விசா இல்லாமல் குடியேறிகளாக அமெரிக்காவுக்கு வந்து தங்க அனுமதிக்கும் நீண்டகால கொள்கையை அதிபர் பராக் ஒபாமா முடிவுக்குக் கொண்டு வந்துள்ளார்.

கியூபா குடியேறிகள்
 இதுவரை அமெரிக்கா வந்த கியூபா குடியேறிகள் அங்கு தங்கும் அனுமதி பெறுகின்றனர்

20 ஆண்டுகளாக இருந்து வருகின்ற இந்த கொள்கைப்படி,, அமெரிக்காவுக்கு குடியேறிகளாக வந்தடையும் கியூபா மக்கள், அங்கு ஓராண்டு தங்கியிருந்த பின்னர், சட்டப்படி நிரந்தரமாக தங்குகின்ற உரிமையை பெறுபவர்களாக இருந்து வந்தனர்.

 

இதற்கு பதில் நடவடிக்கையாக, அமெரிக்காவிலிருந்து திருப்பி அனுப்பப்படும் அல்லது நாடு கடத்தப்படும் தங்களது மக்களை ஏற்றுகொள்ள கியூபா ஒப்பு கொண்டுள்ளது.

ஒபாமாவுடன் கலந்துரையாடும் ராவுல் காஸ்ட்ரோ  ராவுல் காஸ்ட்ரோவை சந்தித்த பராக் ஒபாமாவின் ஹவானா பயணம் இரு நாடுகளுக்கு இடையிலான உறவை மாற்றியமைத்தது

அமெரிக்க அதிபராக பதவியில் இருக்கும் கடைசி நாட்களில் கியூபாவோடு நல்லுறவை ஏற்படுத்துவதற்கு பாராக் ஒபாமா மேற்கொண்டு வருகின்ற முயற்சிகளின் தொடர்ச்சியாக இது அமைகிறது.

 

விசா இல்லாமல் அமெரிக்கா வர அனுமதிக்கிற கொள்கையானது இதுவரை கியூபா மக்களுக்கு மட்டுமே பொருந்துவதாக இருந்து வந்துள்ளது.

விசா இல்லாமல் அமெரிக்கா வருகின்ற பிற நாட்டு குடியேறிகள் கைது செய்யப்பட்டு நாடுகடத்தப்படுவர்.

http://www.bbc.com/tamil/global-38606074

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 12/01/17

Thu, 12/01/2017 - 17:51

 

இன்றைய பிபிசி தமிழ் தொலைக்காட்சி செய்தியறிக்கையில்,

* டொனால்ட் டிரம்ப் பதவியேற்க இன்னமும் சில நாட்களே இருக்கின்றன; ஆனால், அவரது முதல் சண்டை அமெரிக்க புலனாய்வு துறையுடந்தான் இருக்கப்போகிறதோ?

* பனிப்பொழிவால் அவதியுறும் கிரேக்கத்தில் அகதிகள் படும் பாடு; தொடரும் பெரும் குளிரால் மேலும் அச்சுறுத்தல் ஏற்படும் என்று உதவிநிறுவனங்கள் எச்சரிக்கை.

* நீர் அருந்த கருவிகளை செய்து பயன்படுத்தும் சிம்பான்ஸி குரங்குகள்

Categories: merge-rss, yarl-world-news

போய் வாருங்கள் ஒபாமா!

Thu, 12/01/2017 - 06:56
போய் வாருங்கள் ஒபாமா!

 

 
 
obama_3116683f.jpg
 
 
 

அமெரிக்காவுக்குத் தேவையான ஒரு மாற்றத்துக்குத் தொடக்கமாகத்தான் கறுப்பினத்தைச் சேர்ந்த ஒருவர் முதன்முதலில் அங்கே அதிபராகத் தேர்வானார். அதை உலகம் பாராட்டியது. அதே நேரத்தில், அமெரிக்கா பின்னுக்குப்போன ஒரு தலைகீழ் மாற்றமாகவும் உலகத்தை வருத்தப்பட வைப்பதாகவும் அது இருந்தது.

எழுத்தாளர் நடைன் கார்டிமர் கொல்கத்தா வில் 2008 நவம்பரில் ஒரு கலந்துரையாடலில் பங்கேற்றார். "பாதி கறுப்பர்தான் ஒபாமா" என்றார் அவர். நோபல் பரிசு பெற்ற அந்த எழுத்தாளர் மேலும் ஒரு வரி சொன்னார். "அவர் பாதி வெள்ளையரும்கூட". ஒபாமா ஒரு கறுப்பர் என்று கொண்டாடப்படுகிறார். அவரது கணிப்பு எளிமையானது. ஆழமானது. சின்னதாக நாம் நினைக்கும் உலகின் பாதி அவர். ஒருவர் பெரிதாகச் சிந்திக்கும் உலகின் பாதியும் அவர்தான். ஒபாமா முன்னேறினார். ஒரு அர்த்தத்தில் அவரே முன்னேற்றமாக இருந்தார். அவர் முன்னேறியபோது அவரோடு முன்னேறிய அமெரிக்க மக்களுக்கு மட்டுமல்ல. அரசியல்ரீதியாகப் பரிணமிக்கும் உலகத்துக்கே அவர் முன்னேற்றமாக இருந்தார்.

சங்கடப்படுத்தாத மாற்றம்

ஒபாமா தனது பணிகளைத் தொடங்கிய உடனே எல்லாம் ஆரம்பமாகிவிட்டன. அவரைப் பலவீனப்படுத்த, அத்துமீறித் துளைத்தெடுக்கும் கேள்விகள் கேட்கப்பட்டன. அற்பத்தனமான, வலிதரும் விமர்சனங்கள் செய்யப்பட்டன. அவர் பற்றிய எல்லாம் ஆர்வத்தோடு கண்காணிக்கப்பட்டன. என்ன உடுத்துவார், என்ன சாப்பிடுவார், என்ன குடிப்பார், என்ன விளையாடுவார், அவரைப் பற்றி அவரது நண்பர்கள் என்ன சொல்கிறார்கள் என்று அவரது வாழ்வைத் தோண்டிப் பார்க்கும் முயற்சிகள் தொடங்கிவிட்டன. அவரைச் சேதப்படுத்த வேண்டும் என்று நினைத்தவர்கள் அவரது குடும்பத்துக்குள்ளும் கைவரிசை காட்டினார்கள்.

அவர் வெள்ளை அமெரிக்காவை மறுத்து விடாமல், தனது ஆழமான, கறுப்பு வேர்களை உறுதிப்படுத்திக்கொள்ள வேண்டியவர் ஆனார். அவர் எதையும் ரொம்ப சங்கடப்படுத்தி விடாமல் மாற்ற நினைத்தார். மிகவும் பிடித்த மான விவகாரங்களை அவர் மாற்ற நினைத்தார். ஆனால், அதேபோல மிகவும் பிடித்தமான விவகாரங்களைச் சங்கடப்படுத்திவிடாமல் மாற்ற நினைத்தார். புதிய வடிவங்களை உருவாக்காமல் அவரால் ஒரு புதிய பார்வை யைச் செதுக்க முடியுமா? அவர் முயற்சி செய்ய விரும்பினார். உண்மையாகவே முயன்றார்.

ட்ரம்ப் வெற்றிக்கான வேர்

வெள்ளை அமெரிக்கர்கள் சகிப்புத்தன்மை யோடு அனைவரையும் வரவேற்க வேண்டும் என்ற வெளிப்படையான பேரார்வத்தை அவர் வெளிப்படுத்தினார். ஹார்வர்டு பல்கலைக் கழகத்தில் அவர் படிக்கும்போது அதன் சட்டப் பள்ளியில் வெளியாகும் 'ஹார்வர்டு லா ரெவ்யூ' இதழின் முதல் கறுப்பின ஆசிரியராக அவர் மாறியபோதே அத்தகைய நடத்தை அவரிடம் வெளிப்பட்டது. அமெரிக்க நலன்களைப் பாதுகாக்கும் அதிபர் என்ற முறையில், அவர் வெளியுறவுக் கொள்கையில் முரட்டுத்தனமாக நடந்துகொண்டார். அதனால், பேரழிவுகள் நடந்தன. குறிப்பாக, சிரியாவில் அவர் தன் கொள்கையைச் சமரசம் செய்துவிட்டார். அதன் விளைவை இன்னும் சிரியா அனுபவித்துக் கொண்டிருக்கிறது. லிபியா விவகாரத்தில் அவரும் சேர்ந்துகொண்டதைச் சொல்லலாம்.

கழுவ முடியாத கறை

இரண்டு எதிர்மறையான விஷயங்கள் ஒபாமா விடம் இருக்கின்றன. ஒன்று, அவர் நோபல் பரிசை ஏற்றுக்கொண்டது. அது முதல் பிறந்த நாளுக்கான பரிசை எட்டே மாதக் குழந்தைக்கு வழங்கியதைப் போல இருந்தது. ஒபாமா அதை மறுத்திருந்தால் அவர் உலகம் முழுவதற்கும் புத்துணர்வு ஊட்டியிருப்பார்.

இரண்டாவதாக, அவர் பொதுமக்களை அதிகமாகக் கொல்லக்கூடிய ஆள் இல்லாத விமானங்கள் போன்ற ட்ரோன் போர்க் கருவி களைப் பயன்படுத்த அனுமதித்தார். அவரால் அந்தக் கறையை எதைக் கொண்டும் கழுவ முடியாது. ஒசாமா பின்லேடனின் கதையை முடித்தது வேறுபட்ட அனுபவம். அது பயங்கர வாதத்தால் பாதிக்கப்பட்டவர்களுக்கு ஒரு நிவாரணத்தை அளித்த தருணம்தான்.

முயற்சியால் கிடைத்த உயர்இடம்

ஒபாமாவிடம் உள்ள நல்லவை, அவரது சமரசங்களால் ஏற்பட்ட ஏமாற்றங்கள், தவறான முடிவுகளால் ஏற்பட்ட அதிர்ச்சிகள், எல்லாவற்றையும் மொத்தமாகக் கணித்தால், பெரும் முயற்சியால் உயர்ந்த இடத்துக்குப் போனவராக உலகம் அவரைப் பார்க்கும். பல விஷயங்களை முதல்தடவையாகச் செய்தவர் என்ற இடத்தை விதி அவருக்குத் தந்துள்ளது.

2015 ஜூன் மாதத்தில் இம்மானுவேல் மெத டிஸ்ட் எபிஸ்கோபல் தேவாலயத்தில் நடந்த துப்பாக்கிச் சூடு தொடர்பில் அவர் பேசியதுதான் அவர் பேசியவற்றிலேயே மனத்தைத் தொட்ட உரை. அந்தத் தாக்குதலை நடத்திய 21 வயது இளைஞர் டைலான் கைது செய்யப்பட்டிருந்தார். தனது பேச்சை "தேவ மாதா" என்று தொடங் கினார் ஒபாமா. "உண்மையில், இது தேவாலயத் துக்கும் மேலான இடம். சுதந்திரத்தைத் தேடிய ஆப்பிரிக்க - அமெரிக்கர்கள் நிறுவிய வழிபாட்டுத்தலம் இது. அடிமைத்தனத்தை ஒழிப்பதற்காக உழைத்தவர்களால் கட்டப்பட்ட தால் இது எரித்துத் தரைமட்டமாக்கப் பட்டது. கறுப்பின மக்கள் தேவாலயங்கள் கட்டி வழிபடுவதைச் சட்டங்கள் தடைசெய்த காலம் அது. அவர்கள் தேவாலய வழிபாடுகளை ரகசியமாகச் செய்தனர். வன்முறை இல்லாத இயக்கம்தான் உயர்ந்த லட்சியங்களை நோக்கி நாட்டைக் கொண்டுசென்றது. நமது உயர்வான தலைவர்கள் இந்தத் தேவாலயத்திலிருந்துதான் நீண்ட நடைப் பயணங்களைத் தொடங்கி னார்கள்" என்றார் அவர்.

திருப்பியடித்தலும் மரபும்

"கறுப்பின மக்களின் தேவாலயங்கள் தாக்கப்படுவது இது முதல்முறையல்ல. இனங்கள், நம்பிக்கைகளுக்கு அப்பாற்பட்டதாக உள்ள வெறுப்பு நமது ஜனநாயகத்துக்கும் லட்சியங்களுக்கும் ஆபத்தாக இருக்கிறது. ஆனாலும், அனைத்து இனங்களிலிருந்தும், அனைத்து நம்பிக்கைகளிலிருந்தும், அனைத்து வழிபாட்டுத் தலங்களிலிருந்தும் ஒற்றுமையும் அன்பும் பீறிட்டுக் கிளம்பும் என்று நான் நம்புகிறேன். கசப்பையும் வெறுப்பையும் அது முறியடிக்கும்" என்றார் அவர்.

ஒபாமா ஒரு தவறு செய்தார். பிளவுகளை இணைப்பதற்கு முயல்கிறபோது, அவருக்குப் புலப்படாமல் இருந்த வெள்ளையர் இனத் தொழிலாளர்களுக்கு அது பிடித்தமானதாக இல்லை என்பதை அறிந்துகொள்ளத் தவறிவிட்டார். அமெரிக்க மக்களின் முன்னேற்றம், உலகமயம், தொழில்நுட்பப் புரட்சியில் அந்தத் தொழிலாளர்கள் ஓரங்கட்டப்பட்டதை அவர் பார்க்கத் தவறினார். அதன் பயனைத்தான் அவர் அனுபவித்தார். அமெரிக்கா குடியரசுக் கட்சியைத் தேர்வு செய்தது. அது அதிபர் மாற்றம் மட்டுமல்ல. கருத்துகளின் மாற்றமும்தான். அவரது அதிபர் காலகட்டத்துக்கு எதிரான பின்விளைவு இனரீதியாக இருந்தது. ட்ரம்ப் தேர்வானார் என்பதில் சந்தேகமில்லை.

ஆனால் ஒரு முரண்நகை உண்டு. எழுத்தாளர் நடைன் கார்டிமர் கோட்பாடு என்று இதை அழைக்கலாம். அமெரிக்காவுக்குத் தேவையான ஒரு மாற்றத்துக்கான தொடக்க மாகத்தான் கறுப்பினத்தைச் சேர்ந்த ஒருவர் முதன்முதலில் அங்கே அதிபராகத் தேர்வானார். அதை உலகம் பாராட்டியது. அதே நேரத்தில், அமெரிக்கா பின்னுக்குப்போன ஒரு தலைகீழ் மாற்றமாகவும் உலகத்தை வருத்தப்பட வைப்பதாகவும் அது இருந்தது. தலைகீழாகப் போகிற இந்த மாற்றம் அதிலிருந்து மீளுமா? தனது பாதையில் முன்னேறுமா?

ஏங்குகிறேன்

அமெரிக்காவுக்கு மட்டுமல்ல, உலகுக்கும் இது முக்கியம்தான். இந்தியர்கள் நாம் ஒபாமா வெற்றியைக் கொண்டாடினோம். மாற்றம் பற்றி அவர் பேசியதை ஆசையோடு ஆதரித்தோம். இந்தியாவில் உள்ள 'ட்ரம்ப்கள்' வாழ்க்கைக்கு எந்தச் சிரமமும் ஒபாமாவால் ஏற்படவில்லை. நான் ஒரு இந்திய ஒபாமாவுக்காக ஏங்குகிறேன். எந்த ஒரு பக்கச் சார்பு எடுக்காதவராக, மிச்சமிருக்கிற சந்தேகத்தையும் வெறுப்பையும் தூர எறிந்துவிட்டு, நாம் எப்படிக் கடந்து செல்வது என்பதைச் சொல்பவராக இருக்கிற ஒபாமாவுக்காக நான் ஏங்குகிறேன். ஒபாமா தொடங்கியுள்ள அவரது மரபு, ஒரு மெழுகுவத்தியின் ஒளிபோல இருளோடு போராடும். தனித்தன்மையோடு அது ஒளிரவே செய்யும். மனித இனத்தில் ஒரு அரசியல் ஆன்மிகவாதி அதிகாரத்தில் இருந்தார் என்று வருத்தத்தின் வலியோடு உலகம் நினைவுகூரும்.

- கோபாலகிருஷ்ண காந்தி, அசோகா பல்கலைக்கழகத்தின் பேராசிரியர். மே.வங்கத்தின் முன்னாள் ஆளுநர்.

© 'தி இந்து' ஆங்கிலம் | சுருக்கமாகத் தமிழில்: த.நீதிராஜன்

http://tamil.thehindu.com/opinion/columns/போய்-வாருங்கள்-ஒபாமா/article9474549.ece?homepage=true&theme=true

Categories: merge-rss, yarl-world-news

சிங்கம், புலி வளர்க்க தடை!

Thu, 12/01/2017 - 06:14
சிங்கம், புலி வளர்க்க தடை!

 

Image

ஐக்கிய அரபு நாடுகளில் சிங்கம், புலி மற்றும் சிறுத்தையை செல்லப் பிராணியாக வளர்க்க தடைவிதிக்கப்பட்டுள்ளது.

ஐக்கிய அரபு நாடுகளில் சிங்கம், புலி மற்றும் சிறுத்தையை செல்லப் பிராணியாக வளர்க்க தடைவிதிக்கப்பட்டுள்ளது. மீறினால் ரூ.93 லட்சம் அபராதம் விதிக்கப்படும்.

ஐக்கிய அரபு நாடுகளில் வாழும் செல்வந்தர்கள் சிங்கம், புலி, மற்றும் சிறுத்தைகளை தங்கள் வீடுகளில் செல்லப் பிராணிகளாக வளர்த்து வருகின்றனர்.

அவற்றை நாய்கள் போன்று தெருக்களிலும், கடற்கரையிலும் அவற்றை கையில் பிடித்தபடி நடைபயிற்சி மேற்கொள்கின்றனர். அத்தகைய போட்டோக்களை சமூக வளைதளங்களிலும், இன்ஸ்டாகிராமிலும் பிரசுரித்து வருகின்றனர்.

துபாய் நாட்டின் பட்டத்து இளவரசர் ஹம்தன் பின் முகமது அல் மக்தூம் இன்ஸ்டாகிராமில் தான் சிங்கத்துடன் இருக்கும் பல்வேறு போட்டோக்களை பதிவு செய்துள்ளார்.

இன்னும் சிலரோ தங்களது ஆடம்பர கார்களின் முன்புறம் கூண்டுகளில் சிறுத்தைப்புலிகளை அடைத்துக்கொண்டு காட்சிபொருளாக வலம் வருகிறார்கள். இவை அனைத்தும் இயற்கை சூழ்நிலையில் வனப் பகுதிகளில் வாழும் மிருகங்களை பிடித்து வந்து சட்ட விரோதமாக கடத்தி வரப்பட்டு ஐக்கிய அரபு நாடுகளில் விற்பனை செய்யப்பட்டவையாகும்.

எனவே, ஐக்கிய அரபு நாடுகளில் வன விலங்குகளை செல்லப்பிராணி ஆக வளர்ப்பதை தடை செய்ய வேண்டும் என மிருக நல ஆர்வலர்கள் கோரிக்கை விடுத்து வந்தனர்.

அதை ஏற்று வன விலங்குகளான சிங்கம், புலி, சிறுத்தையை செல்ல பிராணிகளாக வளர்க்க தடை விதித்து சட்டம் இயற்றப்பட்டுள்ளது. மீறி வளர்ப்பவர்களுக்கு ரூ.93 லட்சம் அதாவது 1 லட்சத்து 36 ஆயிரம் அமெரிக்க டாலர், (7 லட்சம் தினார்) அபராதம் அல்லது ஜெயில் தண்டனை விதிக்கப்படும் எனவும் உத்தரவிடப்பட்டுள்ளது. மேலும் வீடுகளில் வளர்க்கப்படும் வன விலங்குகளை அபுதாபி வன விலங்குகள் மையத்தில் ஒப்படைக்கவும் அறிவுறுத்தப்பட்டுள்ளது.

siii.jpg

http://tamilsguide.com/blog/world-news/4852

Categories: merge-rss, yarl-world-news

"பள்ளிகளில் முஸ்லிம் சிறுமிகளுக்கு தனி நீச்சல் குளம் கிடையாது"

Thu, 12/01/2017 - 05:33
"பள்ளிகளில் முஸ்லிம் சிறுமிகளுக்கு தனி நீச்சல் குளம் கிடையாது"

 

ஸ்விட்சர்லாந்தில் இஸ்லாமிய பெற்றோர்கள் தங்களின் பெண் குழந்தைகளை ஆண்-பெண் இருபாலாருக்குமான பொது நீச்சல் குளங்களுக்கு அனுப்பி வைக்க, ஐரோப்பிய மனித உரிமை நீதிமன்றத்தில் தொடரப்பட்ட வழக்கில் ஸ்விட்சர்லாந்து வெற்றி பெற்றுள்ளது.படத்தின் காப்புரிமை

"பொது பள்ளி பாடத்திட்டம்" மற்றும் சமூகத்தில் குழந்தைகள் "வெற்றிகரமாக ஒன்று கூடுதல்" ஆகியவற்றிற்கு முன்னுரிமை கொடுத்து செயல்படுத்துவதால் அதிகாரிகள் அதை நியாயப்படுத்தியுள்ளனர்.

அது மத சுதந்திரத்தில் தலையீடுவதாக உள்ளது என்று ஐரோப்பிய மனித உரிமை நீதிமன்றம் ஒப்புக் கொண்டுள்ளது.

ஆனால் அதே சமயம் அது மத சுதந்திரத்தை மீறுவதாக இல்லை என நீதிபதிகள் தெரிவித்துள்ளனர்.

பேசல் நகரில், கட்டாய பொது நீச்சல் பாடத்துக்கு தங்களது பெண்களை அனுப்ப மறுத்த துருக்கியை பாரம்பரியமாக கொண்ட இரண்டு ஸ்விட்சர்லாந்து பிரஜைகளால் இந்த வழக்கு தொடரப்பட்டது 

இந்த விதிவிலக்கு பூப்படைந்த பெண்களுக்கு மட்டும் தான் கொடுக்கப்பட்டுள்ளது ஆனால் அந்த பெண்கள் அந்த வயதை அடையவில்லை என கல்வி அதிகாரிகள் தெரிவித்துள்ளனர்.

2010 ஆம் ஆண்டு நெடுங்காலமாக நடந்த சர்ச்சைக்கு பிறகு, "பெற்றோருக்கான கடமையை மீறிவிட்டதாக" பெற்றோர்களுக்கு கூட்டு அபராதமாக 1,400 ஸ்விஸ் ஃபிராங்க்ஸ் விதிக்கப்பட்டுள்ளது.

இந்த நடவடிக்கைகள் சிந்தனை, மனம் மற்றும் மத சுதந்திரம் ஆகியவற்றை உள்ளடக்கிய ஐரோப்பிய மனித உரிமைகளின் மாநாட்டின் ஒன்பதாம் சட்டப்பிரிவை மீறுவதாக உள்ளது என்று அவர்கள் வாதித்தட்டனர்.

ஐரோப்பிய மனித உரிமை நீதிமன்றம்படத்தின் காப்புரிமைGETTY IMAGES

பெண்களுக்கு விலக்கு அளிக்க மறுப்பது மதச் சுதந்திரத்தில் தலையிடுவதாக உள்ளது என ஐரோப்பிய மனித உரிமை ஆணையம் அதன் அறிக்கையில் தெரிவித்துள்ளது

ஆனால் வெளிநாட்டினரை எந்த விதமான சமூக விலக்கலில் இருந்தும் பாதுகாப்பதற்காகவே இந்த சட்டம் வடிவமைக்கப்பட்டது. மேலும் தேவை மற்றும் பாரம்பரியத்திற்கு ஏற்ப கல்வி அமைப்பை வடிவமைக்க ஸ்விட்சர்லாந்து நாட்டிற்கு சுதந்திரம் உள்ளது எனவும் தெரிவித்துள்ளது

சமூக ஒன்றிணைப்பில் பள்ளிகள் ஒரு முக்கிய பங்கை வகிக்கின்றன என்றும் மேலும் சில பாடங்களில் இருந்து விலக்கி வைப்பது மிக அரிதமான சூழ்நிலைகளில் மட்டுமே நியாயப்படுத்துகின்றன என்று தெரிவித்துள்ளது.

பொது நீச்சல் குளங்களிலிருந்து தங்கள் பெண் பிள்ளைகளை விலக்கி வைக்கும் பெற்றோர்களின் எண்ணத்தைக் காட்டிலும் உள்ளூர் பழக்கம் மற்றும் நெறிகளுக்கு ஏற்றவாறு வெற்றிகரமான சமூக ஒற்றுமைக்கு வழிவகுக்கும் முழு நீள கல்வியில் குழந்தைகளுக்கு உள்ள ஆர்வமே முக்கியம் என்று நீதிமன்றம் தெரிவித்தது.

அதே சமயம் நீதிமன்றம் "பல சாதகமான மாற்று ஏற்பாடுகள்`` முன்வைக்கப்பட்டுள்ளன என்பதை சுட்டிக்காட்டியுள்ளது; பாரம்பரிய நீச்சல் உடையை அணிவதற்கு பதிலாக புர்கினிகளை அணிந்து கொள்ளலாம் மேலும் அவர்கள் சிறுவர்கள் இல்லாத அறைகளில் ஆடை மாற்றிக் கொள்ளலாம் என்று நீதிமன்றம் தெரிவித்துள்ளது.

http://www.bbc.com/tamil/global-38572964

Categories: merge-rss, yarl-world-news

Wrong

Thu, 12/01/2017 - 05:31

D

Categories: merge-rss, yarl-world-news

மம்தா கட்சி அலுவலகத்தில் மர்ம நபர்கள் துப்பாக்கிச் சூடு: 2 ஆதரவாளர்கள் உயிரிழப்பு

Wed, 11/01/2017 - 19:55
மம்தா கட்சி அலுவலகத்தில் மர்ம நபர்கள் துப்பாக்கிச் சூடு: 2 ஆதரவாளர்கள் உயிரிழப்பு

மேற்கு வங்க முதல்வர் மம்தா பானர்ஜியின் கட்சி அலுவலகத்தில் மர்மநபர்கள் நடத்திய துப்பாக்கிச் சூட்டில் இரண்டு பேர் கொல்லப்பட்டனர்.

 
 
 2 ஆதரவாளர்கள் உயிரிழப்பு
 
கொல்கத்தா:

மேற்குவங்க மாநிலத்தில் முதல்வர் மம்தா பானர்ஜி தலைமையிலான திரிணாமூல் காங்கிரஸ் ஆட்சி நடைபெற்று வருகிறது.

இந்நிலையில், மேற்கு மிதினிபுர் மாவட்டத்தின் கராக்பூர் பகுதியில் உள்ள உள்ள திரிணாமூல் கட்சி அலுவலகத்தில் அடையாளம் தெரியாத மர்ம நபர்கள் சில திடீரென துப்பாக்கிச் சூடு நடத்தினர். கச்சா குண்டுகளை வீசி தாக்குதலில் ஈடுபட்டனர்.

இந்த தாக்குதலின் போது கட்சி அலுவலகத்தில் இருந்த திரிணாமூல் கட்சி ஆதரவாளர்கள் 5 பேர் படுகாயம் அடைந்தனர். உடனடியாக அவர்கள் அருகில் உள்ள மருத்துவமனைக்கு கொண்டு செல்லப்பட்டனர். அதில் இரண்டு பேர் பரிதாபமாக உயிரிழந்தனர்.

மீதமுள்ள 3 பேர் உயர் சிகிச்சைக்காக மிதினிபூர் மருத்துவக் கல்லூரி மருத்துவமனைக்கு கொண்டு செல்லப்பட்டுள்ளனர்.

இந்த சம்பவம் தொடர்பாக காரக்பூர் டவுன் போலீசார் விசாரணையை தொடங்கி உள்ளனர். இந்த சம்பவம் குறித்து திரிணாமூல் தலைவர்கள் கருத்து எதுவும் தெரிவிக்கவில்லை.

http://www.maalaimalar.com/News/TopNews/2017/01/11233951/1061627/West-Bengal-TMC-leader-his-companion-die-after-Kharagpur.vpf

Categories: merge-rss, yarl-world-news

ரஷ்யாவுடன் சமரசம் செய்து கொண்டேனா? ஆவேசத்துடன் டிரம்ப் மறுப்பு

Wed, 11/01/2017 - 17:34
ரஷ்யாவுடன் சமரசம் செய்து கொண்டேனா? ஆவேசத்துடன் டிரம்ப் மறுப்பு
 
 

தன்னை சங்கடத்துக்குள்ளாக்கும் முக்கிய தகவல்களை ரஷ்யா வைத்துள்ளதாக கூறப்படுவதற்கு எதிராக கடுங்கோபத்துடன் பதிலளித்துள்ள அமெரிக்க அதிபராக தேர்ந்தெடுக்கப்பட்டுள்ள டொனால்ட் டிரம்ப், தன்னை பயன்படுத்திக் கொள்ள ரஷ்யா எப்போதும் முயன்றதில்லை என்று கூறியுள்ளார்.

தாங்கள் சமரசம் செய்து கொண்டதாக கூறப்படுவதை மறுத்துள்ள டிரம்ப் மற்றும் புதின் அலுவலகங்கள்
 தாங்கள் சமரசம் செய்து கொண்டதாக கூறப்படுவதை மறுத்துள்ள டிரம்ப் மற்றும் புதின் அலுவலகங்கள்

இது போன்ற தவறான தகவல்களை பொது மக்களிடையே கசிய அனுமதித்த உளவு முகமைகளுக்கு கண்டனம் தெரிவித்துள்ள டிரம்ப், , '' நாம் என்ன நாஜி ஜெர்மனியிலா வாழ்ந்து வருகிறோம்? என்று கேள்வியெழுப்பினார்.

டிரம்ப்பின் தேர்தல் பிரச்சாரக் குழு ரஷ்யாவுடன் தொடர்பில் இருந்தது எனவும், விலைமாதர்கள் பயன்படுத்தப்பட்டிருக்கலாம் என்றும் இந்தக் கூற்றுகள் கூறுகின்றன.

இத்தகைய கூற்றுகளுக்கு எதிராக ரஷ்யாவும் ஆவேசமாக மறுப்பு தெரிவித்துள்ளது.

http://www.bbc.com/tamil/38587979

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 11/01/17

Wed, 11/01/2017 - 17:30

 

இன்றைய பிபிசி தமிழ் தொலைக்காட்சி செய்தியறிக்கையில்,

* எட்டு ஆண்டுகள் அமெரிக்க அதிபராக பணியாற்றிய பின்னர் தனது பிரியாவிடை உரையை வழங்க தனது அரசியல் ஆரம்பக் களமான சிக்காக்கோவுக்கு சென்றார் ஒபாமா.

* சைப்பிரஸின் எதிர்காலம் குறித்து பேச்சுக்கள் தொடர்கின்றன. பிரிந்த நாட்டின் துருக்கிய பக்க தலைவர்கள் பிபிசியிடம் பேசினார்கள்.

* ஜிம்பாப்வே-யின் சர்ச்சைக்குரிய காணி மறுசீரமைப்புத் திட்டத்தை அடுத்து அங்குள்ள விவசாயிகள் எப்படி தாக்குப் பிடிக்கிறார்கள்?பிபிசியின் சிறப்பு தகவல்.

Categories: merge-rss, yarl-world-news