ஊர்ப்புதினம்

“ முகத்தை மூடாமல் ஆடைகளை அணிந்து அலுவலகம் செல்லலாம் ”

2 months 3 weeks ago
“ முகத்தை மூடாமல் ஆடைகளை அணிந்து  அலுவலகம் செல்லலாம் ”

Published by T. Saranya on 2019-06-26 09:37:04

 

முகத்தை மாத்திரம் மூடாமல்   மத  ரீதியிலான   ஆடைகளை  அணிந்து அரச அலுவலகங்களுக்கு    செல்ல முடியும் என்று  அமைச்சரவையில் தீர்மானம் நிறைவேற்றப்பட்டுள்ளது. 

உள்நாட்டலுவல்கள் அமைச்சினால் அரச அலுவலகங்களுக்கு அண்மையில் சுற்றுநிருபம்  வெளியிடப்பட்டிருந்தது. அதில்  பெண்கள்  சேலையும் ஆண்கள் முழுமையான உடையும் அணிந்து செல்ல வேண்டும் என்று  தெரிவிக்கப்பட்டிருந்தது.  இதற்கு எதிராக  பல்வேறு தரப்பினரும்  குரல் எழுப்பியிருந்தனர்.   இதனையடுத்தே  பொது நிர்வாக அமைச்சர்  ரஞ்சித் மத்தும பண்டார  நேற்று   புதிய அமைச்சரவைப் பத்திரத்தை   அமைச்சரவையில் சமர்ப்பித்துள்ளார். 

இதில் முகத்தை  மூடாமல்   மத ரீதியிலான   ஆடைகளை   அணிந்து  அலுவலகங்களுக்கு செல்வதற்கான  அனுமதியும்  வழங்கப்பட்டுள்ளது.  இந்த  அமைச்சரவைப் பத்திரம் நேற்று நிறைவேற்றப்பட்டுள்ளது.

 

https://www.virakesari.lk/article/59086

மொழிக் கொள்கை முறையாக அமுல்படுத்தினால் தேசிய பிரச்சினை ஏற்படாது - மனோ

2 months 3 weeks ago
மொழிக் கொள்கை முறையாக அமுல்படுத்தினால் தேசிய பிரச்சினை ஏற்படாது - மனோ

(எம்.மனோசித்ரா)

நாட்டில் தேசிய மொழிக் கொள்கை முறையாக அமுல்படுத்தப்பட்டால் தேசிய பிரச்சினை பாரியதொரு பிரச்சினையாக உருவெடுக்காது. இதனை நோக்காகக் கொண்டு எதிர்வரும் ஜூலை முதலாம் திகதி முதல் ஐந்து நாட்களுக்கு அரச கரும மொழிகள் வாரத்தை அனுஷ்டிப்பதற்கு தீர்மானித்துள்ளதாக தேசிய ஒருமைப்பாடு, அரச கரும மொழிகள், சமூக மேம்பாடு மற்றும் இந்து சமய அலுவல்கள் அமைச்சர் மனோ கணேஷன் தெரிவித்தார். 

mano.jpg

அரச கரும மொழிகள் அமைச்சில் இன்று இடம்பெற்ற நிகழ்வொன்றில் கலந்துகொண்டு உரையாற்றும் போதே அவர் இவ்வாறு தெரிவித்தார். 

அரசியலமைப்பின் 4 ஆம் அத்தியாயத்தில் தமிழ் மற்றும் சிங்களம் ஆகிய மொழிகள் தேசிய மொழிகளாகவும், ஆங்கில மொழி இணைப்பு மொழியாகவும் உள்ளன. இந்த மூன்று மொழிகளுமே மொழிக் கொள்கை சட்டத்திற்குள் உள்ளடங்குகின்றன. 

அதற்கிணங்க நாட்டில் அரச காரியாலயங்களில் வைக்கப்பட்டுள்ள பெயர் பலகைகள் மும்மொழிகளிலும் வைக்கப்பட்டிருக்க வேண்டும் என்பதோடு, எந்தவொரு அரச சேவை நிறுவனத்திற்கும் சென்று அனைத்து மொழிகளிலும் எழுத்து மூலமாகவும், வாய்மொழி மூலமாகவும் பதிலைப் பெற்றுக் கொள்ளக் கூடிய உரிமை காணப்படுகின்றது. இதனை முழுமையாக நடைமுறைப்படுத்த முடியாவிட்டாலும் கூட அந்த இலக்கை அடையக் கூடியதாகவுள்ளது. மொழிக் கொள்கை நடைமுறைப்படுத்தப்பட்டால் தேசிய பிரச்சினை பாரிய பிரச்சினையாக தோற்றம் பெறாது என்றும் குறிப்பிட்டார்.

 

https://www.virakesari.lk/article/59078

ஏறாவூர் பிரதேச செயலாளராக கடமையாற்றியவருக்கு 10 வருட கடூழிய சிறை தண்டனை

2 months 3 weeks ago
ஏறாவூர் பிரதேச செயலாளராக கடமையாற்றியவருக்கு 10 வருட கடூழிய சிறை தண்டனை

ஏறாவூர் பிரதேச செயலாளராக கடமையாற்றிய சதக்கத்துல்லாஹ் ஹில்மி என்பவருக்கு திருகோணமலை மேல் நீதிமன்ற நீதிபதி மாணிக்கவாசகர் இளஞ்செழியன் இன்று (25) 10 வருட கடூழிய சிறை தண்டனை விதித்து தீர்ப்பளித்துள்ளார்.

2006ஆம் ஆண்டு ஆகஸ்ட் மாதம் 31ஆம் திகதி ஜெயச்சந்திரா ஜெயந்தா என்பவருக்கு மரணத்தை விளைவித்த குற்றச்சாட்டில் சட்டமா அதிபர் திணைக்களத்தினால் 2018ஆம் ஆண்டு ஆறாம் மாதம் 11ஆம் திகதி குற்றப் பத்திரமொன்று மேல் நீதிமன்றத்தில் தாக்கல் செய்யப்பட்டுள்ளது.

இந்த நிலையில் குறித்த வழக்கு இன்றைய தினம் விசாரணைக்கு எடுத்துக் கொள்ளப்பட்ட போது சதக்கத்துல்லாஹ் ஹில்மிக்கு எதிராக வழங்கப்பட்ட சாட்சியங்களின் பிரகாரம் கொலைகுற்றச்சாட்டினை புரிந்துள்ளார் என்ற குற்றம் நிரூபிக்கப்பட்டுள்ளது.

இதனையடுத்தே பத்து வருட கடூழிய சிறை தண்டனையும், பத்தாயிரம் ரூபா தண்டப்பணம் செலுத்துமாறும், அதனை செலுத்த தவறும் பட்சத்தில் மூன்று மாத கால கடூழிய சிறை தண்டனை வழங்குமாறும் நீதிபதி கட்டளையிட்டார்.

மேலும் உயிரிழந்த பெண்ணின் மகனுக்கு ஒரு இலட்சம் ரூபா நஷ்ட ஈடு வழங்குமாறும் அதனை வழங்காவிட்டால் ஒரு வருட கால கடூழிய சிறைத் தண்டனை விதிக்குமாறும் தீர்ப்பளிக்கப்பட்டுள்ளது.

சதக்கத்துல்லாஹ் ஹில்மி திருகோணமலை பிராந்திய சுகாதார பணிமனையின் உதவி பணிப்பாளராக கடமையாற்றி கொண்டிருந்த வேளையில் உயிரிழந்த பெண்ணும் அதே அலுவலகத்தில் கடமையாற்றி கொண்டிருந்ததாகவும், அவர்களுக்கு இடையில் காதல் தொடர்பு ஏற்பட்டு அந்த காதல் தொடர்பினால் ஏற்பட்ட வாக்குவாதத்தின் காரணமாக மரணம் ஏற்பட்டுள்ளதாகவும் தெரியவந்துள்ளது.

 

https://www.virakesari.lk/article/59071

இலங்கையில் ஏற்பட்டுள்ள பிரச்சினைகள் குறித்து ஆராய கண்டிக்கு வரவும் – ஞானசாரர்

2 months 3 weeks ago
Ganasarar-720x450.jpg இலங்கையில் ஏற்பட்டுள்ள பிரச்சினைகள் குறித்து ஆராய கண்டிக்கு வரவும் – ஞானசாரர்

ஈஸ்டர் குண்டுத் தாக்குதலுக்குப் பின்னர் இலங்கையில் ஏற்பட்டுள்ள பிரச்சினைகள் குறித்து கலந்துரையாட அனைத்துத் தரப்பினரும் ஜுலை, 7ஆம் திகதி கண்டிக்கு வருகைத் தருமாறு பொதுபல சேனாவின் பொதுச் செயலாளர் கலகொட அத்தே ஞானசார தேரர் அழைப்பு விடுத்துள்ளார்.

கொழும்பில் நேற்று (செவ்வாய்க்கிழமை) இடம்பெற்ற ஊடகவியலாளர் சந்திப்பிலேயே அவர் இவ்வாறு தெரிவித்தார்.

இங்கு மேலும் தெரிவித்த அவர், “அரசியல் பிரிவினை என்பது தீவிரவாதத்தைவிட பயங்கரமான ஒன்றாகும். தேசியம் தொடர்பில் கருத்து வெளியிட்டால் எம்மையும் சந்தேகத்துடன்தான் பார்க்கிறார்கள்.

உண்மையில் தற்போது நாடு எங்கு சென்றுக்கொண்டிருக்கிறது என்று எமக்குத் தெரியவில்லை. எமது வங்கிக் கணக்குகளை சோதனையிடுங்கள் என்றுக் கேட்டுக்கொள்கிறேன்.

இவ்வாறான குழப்பங்களினால், இன்னும் முஸ்லிம் அடிப்படைவாதம் தொடர்பிலான பிரச்சினையை தீர்க்க முடியாத நிலையிலேயே நாம் அனைவரும் காணப்படுகிறோம்.

இதற்கு உரியத் தீர்வினை வழங்க வேண்டும். இதற்காக அனைத்துக்கட்சிகளுக்கும் நாம் பகிரங்க அழைப்பு விடுக்கிறோம்.

அனைவரும் கண்டிக்கு வாருங்கள். நாம் இதுதொடர்பில் பேச்சு நடத்துவோம். இதற்காக பேதங்களை பாராது அனைவரும் ஒன்றிணைய வேண்டும் என நாம் இவ்வேளையில் பகிரங்க அழைப்பு விடுக்கிறோம்.

நாம் அரசாங்கம் அல்ல. எனவேதான், இந்தப் பிரச்சினையைத் தீர்க்க 7 ஆம் திகதி கண்டிக்கு வருமாறு நாம் அனைத்துத் தரப்பினருக்கும் அழைப்பு விடுக்கிறோம்.

முஸ்லிம், தமிழர், சிங்களவர் என அனைவரும் இதற்கு வருகைத் தரவேண்டும் என்பதுதான் எமது கோரிக்கையாகும்” என மேலும் தெரிவித்துள்ளார்.

http://athavannews.com/இலங்கையில்-ஏற்பட்டுள்ள-ப/

சிறிலங்கா மீதான பயண எச்சரிக்கை:  நீக்கியது சீனா – தளர்த்தியது அமெரிக்கா

2 months 3 weeks ago
சிறிலங்கா மீதான பயண எச்சரிக்கை:  நீக்கியது சீனா – தளர்த்தியது அமெரிக்கா

US-China-Flag-300x200.jpgசிறிலங்கா தொடர்பான பயண எச்சரிக்கையை சீனா நீக்கியுள்ளதாக அறிவித்துள்ளது. ஜூன் 22 ஆம் நாள் தொடக்கம் இந்த பயண எச்சரிக்கை நீக்கப்பட்டுள்ளதாக, சீன அரசின் பேச்சாளர் ஒருவர் தெரிவித்தார்.

ஏப்ரல் 21ஆம் நாள், சிறிலங்காவில் இடம்பெற்ற குண்டுத் தாக்குதல்களை அடுத்து, சிறிலங்காவுக்குப் பயணம் செய்யும் தமது நாட்டவர்களுக்கு ஆலோசனை வழங்கும் பயண எச்சரிக்கையை சீனா வெளியிட்டிருந்தது.

பின்னர் இந்தப் பயண எச்சரிக்கையில் திருத்தம் செய்யப்பட்ட நிலையில்,  ஜூன் 22 ஆம் நாளில் இருந்து அந்தப் பயண எச்சரிக்கை நீக்கப்பட்டுள்ளதாக சீனா அறிவித்துள்ளது.

பயண எச்சரிக்கையை முழுமையாக முதல் நாடாக சீனா இருக்கிறது என்றும், இப்போது சிறிலங்கா தொடர்பான எந்த பயண எச்சரிக்கையும் கிடையாது என்றும், சீன அரசாங்க பேச்சாளர் தெரிவித்தார்.

அதேவேளை, சிறிலங்கா தொடர்பான பயண எச்சரிக்கையில் அமெரிக்கா தளர்வை ஏற்படுத்தியுள்ளதாக நேற்று முன்தினம் அறிவித்திருந்தது.

மூன்றாவது நிலை பயண எச்சரிக்கையில் இருந்து, இரண்டாவது நிலை பயண எச்சரிக்கையாக குறைக்கப்பட்டுள்ளதாக அமெரிக்கா அறிவித்துள்ளது.

http://www.puthinappalakai.net/2019/06/26/news/38720

அமெரிக்காவின் மிலேனியம் சவால் நிதிய உடன்பாடு – சிறிலங்கா அதிபர் முட்டுக்கட்டை

2 months 3 weeks ago
அமெரிக்காவின் மிலேனியம் சவால் நிதிய உடன்பாடு – சிறிலங்கா அதிபர் முட்டுக்கட்டை

sri-lanka-cabinet-300x200.jpgஅமெரிக்காவின் மிலேனியம் சவால் நிறுவனத்துடனான உடன்பாடு, நாடாளுமன்றத்தினால் அங்கீகரிக்கப்படுவதற்கு முன்னர், அதன் ஒவ்வொரு பிரிவும் கவனமாக ஆராயப்பட வேண்டும் சிறிலங்கா அதிபர் மைத்திரிபால சிறிசேன தெரிவித்துள்ளார்.

நேற்று நடந்த சிறிலங்கா அமைச்சரவைக் கூட்டத்திலேயே அவர் இவ்வாறு கூறியுள்ளார்.

அமெரிக்காவின் சுதந்திரமான உதவி முகவர் நிறுவனமான மிலேனியம் சவால் நிறுவனம், பூகோள வறுமைக்கு எதிராகப் போராடுவதற்கு உதவிகளை வழங்கி வருகிறது.

இந்த நிறுவனம், ஐந்து ஆண்டு காலப்பகுதியில், நகர போக்குவரத்து நெரிசலைக் குறைப்பது, பொது போக்குவரத்து முறைகளை நவீனமயப்படுத்துவது, காணி முகாமைத்துவத்தை மேம்படுத்துவது ஆகிய மூன்று திட்டங்களுக்காக சிறிலங்காவுக்கு 480 மில்லியன் டொலரை கொடையாக வழங்க முன்வந்துள்ளது.

இந்த நிதிக்கொடையைப் பெற்றுக் கொள்வதற்கான சிறிலங்காவின் கடப்பாடுகள் தொடர்பாக, சிறிலங்கா அதிபர் மைத்திரிபால சிறிசேனவின் தலைமையில் செயற்படும், தேசிய பொருளாதார சபை தமது அவதானிப்புகளை, சிறிலங்கா அமைச்சரவைக்கு அனுப்பியிருந்தது.

இந்த நிலையில் நேற்றைய அமைச்சரவைக் கூட்டத்தில் உரையாற்றிய சிறிலங்கா அதிபர், இந்த உடன்பாடு முறையாக ஆய்வு செய்யப்பட வேண்டும் என்றும்,  சிறிலங்காவின் காணி முகாமைத்துவத்தில் முன்மொழியப்பட்ட மாற்றங்கள் குறித்து சில ஒதுக்கீடுகள் பற்றி வெளிப்படுத்தப்பட வேண்டும் என்றும் குறிப்பிட்டார்.

இதன்போது கருத்து வெளியிட்ட நிதி அமைச்சர் மங்கள சமரவீர, முன்னைய அரசாங்கம் இந்த கொடையைப் பெற்றுக் கொள்வதில் வெற்றிபெறவில்லை என்றும்,  தற்போதைய அரசாங்கத்தின் நல்லாட்சி  தொடர்பான கொள்கைகளினால், அதனைப் பெற்றுக் கொள்ளும் தகுதியைப் பெற்றுள்ளது என்றும் குறிப்பிட்டார்.

எனினும், உடன்பாட்டில் கையெழுத்திட முன்னர், அதன் ஒவ்வொரு பிரிவும் ஆழமாக ஆராயப்பட வேண்டும் என்று சிறிலங்கா அதிபர் வலியுறுத்தியுள்ளார்.

http://www.puthinappalakai.net/2019/06/26/news/38725

அந்தரத்தில் தொங்கும் கூட்டமைப்பு எம்.பிக்கள்!

2 months 3 weeks ago

தமிழ் மக்களின் பிரச்சினைகளை இந்த அரசாங்கம் பின்வரிசையில் போட்டு விட்டதாகவும் இதையிட்டு தான் வெட்கமடைவதாகவும் தெரிவித்துள்ள அமைச்சர் மனோ கணேசன் கல்முனை வடக்கு பிரதேச செயலக பிரச்சினை தொடர்பில் தமிழ் தேசிய கூட்டமைப்புக்கு வழங்கிய வாக்குறுதிகளை நிறைவேற்றாத காரணத்தால், இந்த அரசாங்கத்தை தொடர்ந்து நல்லெண்ண நோக்கில் பாதுகாத்து வரும் தமிழ் தேசிய கூட்டமைப்பு எம்பிக்களை இந்த அரசாங்கம் ஏமாற்றி அந்தரத்தில் போட்டுள்ளதாகவும் விசனம் வெளியிட்டுள்ளார்.

இன்று ஜனாதிபதி செயலகத்தில் அமைச்சரவை, ஜனாதிபதி மைத்திரிபால சிறிசேன தலைமையில் கூடி, பிரதமர் ரணில் விக்கிரமசிங்க உட்பட அமைச்சர்கள் கலந்துகொண்டபோது, இவ்விவகாரம் தொடர்பில் பிரதமருடனும், துறைசார் அமைச்சருடனும், கடுமையாக வாக்குவாதப்பட்ட அமைச்சர் மனோ கணேசன் மேலும் தெரிவித்துள்ளவை வருமாறு,

வடக்கு, கிழக்கு, மலையகம், மேற்கு, தெற்கு திசைகளில் வாழும் தமிழர்கள் மிக அதிகமான சிறுபான்மை இன வாக்குகளை வழங்கி இந்த நல்லாட்சி ஜனாதிபதியை உருவாக்கினோம். அதேபோல் அரசாங்கத்துக்குள் இருந்து தமிழ் முற்போக்கு கூட்டணி உங்களை பாதுகாக்கிறது. வெளியே இருந்தபடி தமிழ் தேசிய கூட்டமைப்பு உங்களை பாதுகாக்கின்றது. இந்த உண்மைகளை ஜனாதிபதியும், பிரதமரும் மறந்து விடக்கூடாது.

உண்மையில் தமிழ் மக்கள் பிரச்சினைகளை இந்த அரசாங்கம் பின்வரிசையில் போட்டு விட்டது. எங்கே நீங்கள் தருவதாக சொன்ன புதிய அரசியலமைப்பு? எங்கே அரசியல் தீர்வு? எங்கே அரசியல் கைதிகள் விடுதலை? நேற்று ஒரு தமிழ் கைதி பதினைந்து வருடங்கள் சிறையில் இருந்து இறந்து போயுள்ளார் என்பது உங்களுக்கு தெரியுமா? இன்று புலிகளின் ஆயுத போராட்ட யுகம் முடிந்து, சஹ்ரானின் ஆயுத போராட்ட யுகம் ஆரம்பித்துள்ளது. எனினும் இன்னமும் புலிகளின் காலத்தில் கைது செய்யப்பட்ட தமிழர்கள் பத்து, பதினைந்து, இருபது வருடங்கள் என நீண்ட காலமாக சிறையில் அடைக்கப்பட்டுள்ளார்கள். அவர்கள் விடுதலை செய்யப்பட வேண்டும். எதிர்வரும் வாரத்தில் அரசியல் கைதிகள் விடுதலை தொடர்பில் ஒரு அமைச்சரவை பத்திரம் ஒன்றை நான் கொண்டு வர உள்ளேன். இங்கே உள்ள அமைச்சர்கள் எவரும் அது தொடர்பில் தமது கருத்துகளை தெரிவியுங்கள். தமிழ் மக்கள் உங்களை அடையாளம் கண்டு கொள்வார்கள்.

இன்று இந்நாட்டில் தமிழ் மக்களை பிரதிநிதித்துவம் செய்யும் அமைச்சரவை அமைச்சர்களாக நானும், அமைச்சர் திகாம்பரமும்தான் இருக்கிறோம். எனவே இந்நாட்டில் வாழும் ஒட்டுமொத்த தமிழர் தொடர்பில் எனக்கு கடப்பாடு இருக்கிறது. வடக்கு, கிழக்கு, மலையகம், மேற்கு, தெற்கு திசைகளில் இந்நாட்டில் வாழும் அனைத்து தமிழ் மக்களது பிரச்சினைகள் தொடர்பில் நான் குரல் கொடுக்க வேண்டும் என எதிர்பார்க்கிறார்கள். ஆகவே நான் இவைபற்றி இந்நாட்டின் அதியுயர் சபையான இந்த அமைச்சரவையில் பேசுகிறேன்.

இன்று காலை இந்த அமைச்சரவை கூட்டத்தில் கலந்துகொள்ள வரமுன் நானும், கூட்டமைப்பு பேச்சாளர் சுமந்திரனும் கலந்துரையாடினோம். கல்முனை வடக்கு பிரதேச செயலகத்தில் ஒரு முழுநேர கணக்காளர் ஒருவரை நியமிப்பதாக அரசாங்கத்தின் துறைசார் அமைச்சர் வஜிர அபேவர்தன எழுத்து மூலமாக கூட்டமைப்புக்கு உறுதி கூறியுள்ளார் என அவர் எனக்கு கூறினார்.

அந்த கடிதத்தை நானும் நேரடியாக வாசித்தேன். இந்த நியமனம் நேற்று திங்கட்கிழமையே வழங்கப்பட உள்ளதாகவும், அது இன்னமும் வழங்கப்படவில்லை எனவும் சுமந்திரன் குற்றம் சாட்டுகிறார். இதற்கு, துறைசார் அமைச்சர் வஜிர அபேவர்தனவும், பிரதமர் ரணில் விக்கிரமசிங்கவும் என்ன பதில் கூறுகிறீர்கள் என நான் இங்கே தெரிந்துகொள்ள விரும்புகிறேன். இன்று எங்கள் பிரச்சினைகளை நீங்கள் பின்வரிசையில் போட்டுள்ளீர்கள். இனியும் தமிழர்களாகிய எங்களது பொறுமையை சோதிக்க வேண்டாம்.

இன, மத அடிப்படைகளில் கல்வி வலய, பிரதேச செயலக, உள்ளூராட்சி மன்ற எல்லைகளை நிர்ணயிப்பது தொடர்பில் மாறுபட்ட கருத்துகள் எனக்கும் இருக்கின்றன. இருந்தாலும் இன்று நாடு முழுக்க இப்படியான இன மத அடிப்படையில் பிரதேச செயலகங்கள் உள்ளன. வவுனியா தெற்கில் நிலத்தொடர்பற்ற சிங்கள பிரதேச செயலகம் உள்ளது. முஸ்லிம் மக்களை மையமாக வைத்தும் பிரதேச செயலகங்கள் உள்ளன. இந்நிலையில் தமிழ் மக்கள் தமது பிரதேச செயலகங்களை தரமுயர்த்த முயலும் போதும், அமைக்கும் போது மட்டும் ஏன் தடை போடுகிறீர்கள்? ஏன் இதை மாத்திரம் அரசாங்கம் இழுத்தடிக்கின்றது?

ஏற்கனவே இயங்கி வரும் ஒரு உப-பிரதேச செயலகத்தையே, முழு-பிரதேச செயலகமாக தரமுயர்த்தும்படி தமிழர்களின் இக்கோரிக்கை முன்னெடுக்கப்படுகின்றது. உண்மையில் முஸ்லிம் மக்களுக்கு இந்த கல்முனை வடக்கு தமிழ் பிரதேச செயலக எல்லைகள் தொடர்பில் பிரச்சினை இருக்கிறது. அது எனக்கு தெரியும். ஆகவே அதையும் தொடர்ந்து இழுத்தடிக்காமல் பேசி தீர்க்க வேண்டும். அதற்கு முன் அரசாங்கம் உறுதியளித்தது போல் முதலில் முழுநேர கணக்காளர் ஒருவரை இந்த கல்முனை வடக்கு பிரதேச செயலகத்தில் நியமிக்க வேண்டும்.

வடக்கு கிழக்கின் ஏனைய பிரதேசங்களிலும் இந்த பிரச்சினை காரணமாக ஆரப்பாட்டங்கள் நடைபெறுகின்றன. வட கிழக்கில் தமிழ், முஸ்லிம் இனத்தவர் மத்தியில் இந்த பிரச்சினை மூலம் இன உறவு சீர்கெடுகிறது. அதை இனியும் அனுமதிக்க முடியாது என்றார்.

இதன்போது அமைச்சர் மனோ கணேசனுக்கு பதிலளித்து பேசிய அமைச்சர் வஜிர அபேவர்தன, அடுத்த ஒரு வாரத்துக்குள் பிரதமர் தலைமையில் நடைபெறும் கலந்துரையாடலில், தானும், அமைச்சர்கள் மனோ கணேசன், தயா கமகே, தமிழ் தேசிய கூட்டமைப்பு, முஸ்லிம் கட்சிகள் பிரதிநிதிகள் கலந்துகொண்டு கல்முனை வடக்கு பிரதேச செயலக கணக்காளர் நியமனம் தொடர்பிலும், உப செயலகம் தரமுயர்த்தப்படுவது தொடர்பிலும் தீர்மானிக்கப்படும் என கூறினார்.

அத்துடன் கருத்து தெரிவித்த அமைச்சர் சம்பிக்க ரணவக்க, அமைச்சர் மனோ கணேசனுடன் தான் முழுமையாக உடன்படுவதாகவும், இந்த விடயத்தை இனியும் இழுத்தடிக்க கூடாது என கூறினார்.

இதேவேளை கருத்து தெரிவித்த அமைச்சர் ராஜித சேனாரத்ன, அமைச்சர் மனோ கணேசன் கூறிய தமிழ் அரசியல் கைதிகள் விவகாரம் கூடிய விரைவில் முடிவுக்கு வர வேண்டும் என கூறினார்.

https://www.ibctamil.com/srilanka/80/122778

ஜனாதிபதி தேர்தலுக்கான வியூகம் – தமிழ் கட்சியை சந்தித்தார் பசில்

2 months 3 weeks ago
ஜனாதிபதி தேர்தலுக்கான வியூகம் – தமிழ் கட்சியை சந்தித்தார் பசில்
basil.jpg

ஒரு புதிய கூட்டணியை உருவாக்குவது குறித்து ஈழ மக்கள் ஜனநாயக கட்சியுடனும் (ஈ.பி.டி.பி.) கம்யூனிஸ்ட் கட்சியுடனும் ஸ்ரீலங்கா பொதுஜன பெரமுன பேச்சுவார்த்தை நடத்தியுள்ளது.

ஈ.பி.டி.பி. தலைவர் டக்ளஸ் தேவானந்தா கம்யூனிஸ்ட் கட்சித் தலைவர் டி. இ. டபிள்யூ. குணசேகர மற்றும் பெரமுன கட்சியின் தேசிய அமைப்பாளர் பசில் ராஜபக்ஷ ஆகியோருக்கு இடையில் இன்று (செவ்வாய்க்கிழமை) பேச்சுவார்த்தை நடைபெற்றது.

இந்த சந்திப்பு தொடர்பாக பொதுஜன பெரமுன தெரிவிக்கையில், புதிய கூட்டணியின் கொள்கையை உருவாக்கும்போது இரு அரசியல் கட்சிகளும் முன்வைக்கும் திட்டங்கள் பரிசீலிக்கப்படும் என தெரிவித்துள்ளது.

மேலும் ஒரு பரந்த கூட்டணியை உருவாக்க மேலும் பல அரசியல் கட்சிகளுடன் பேச்சுவார்த்தையை தொடங்கியுள்ளதாகவும் இந்த புதிய கூட்டணியின் முக்கிய குறிக்கோள் ஐக்கிய தேசிய கட்சி அரசாங்கத்தை தோற்கடித்து புதிய அரசாங்கத்தை அமைப்பது என்றும் அறிவித்துள்ளது.

இதேவேளை பொதுஜன பெரமுனவின் ஜனாதிபதி வேட்பாளரை எதிர்வரும் ஓகஸ்ட் மாதம் அறிவிப்போம் என அக்கட்சி முன்னர் அறிவித்திருந்தமை குறிப்பிடத்தக்கது.

basil-ne.jpg

சிறுவர் வைத்தியசாலையை கைநழுவ விட்டுவிடாதீர்கள்

2 months 3 weeks ago
வடக்கு மாகாணத்துக்கான சிறுவர் வைத்தியசாலையை இணுவில் மக்லியயாட் வைத் தியசாலை வளாகத்தின் ஒரு பகுதியில் அமைப்ப தெனத் தீர்மானிக்கப்பட்டிருந்தமை ஏலவே தெரிந்ததே.
 
சிறுவர் வைத்தியசாலை அமைப்பதற்கான காணி தெரிவு செய்யப்பட்டு, அதற்கான எல்லைகள் நிர்ணயிக்கப்பட்டு மதில் சுவர்கள் அமைக்கப்பட்ட நிலையில், குறித்த காணியின் உரிமம் தொடர்பில் சிக்கல்கள் எழுந்துள்ளது.
 
இதனால் சிறுவர் வைத்தியசாலையை நிர்மாணிக்கின்ற பூர்வாங்க நடவடிக்கைகள் ஸ்தம்பிதமடைந்துள்ளன.
 
வட பகுதி மக்களுக்குக் கிடைக்கக்கூடிய சிறுவர் வைத்தியசாலையை கைநழுவவிடுவ தென்பது எமது இனத்துக்கு நாம் செய்கின்ற மிகப்பெரிய பாதகமாகும்.
 
அதேநேரம் இணுவில் மக்லியயாட் வைத்தியசாலை வளாகத்தில் வடபகுதிக்கான சிறுவர் வைத்தியசாலையை அமைப்பதென்பது மிகவும் பொருத்தமான தெரிவாகும்.
 
நீர்வளம், நிலவளம், போக்குவரத்து வசதிகள் என்ற அடிப்படைக் கட்டுமானங்கள் அங்கு திருப்தியாக இருக்கிறது.
 
இதுதவிர, ஒரு காலத்தில் இணுவில் மக்லி யயாட் வைத்தியசாலை என்பது பிரசவத்துக்கான மிகச்சிறந்த வைத்தியசாலையாகவும் இருந்ததன் அடிப்படையில், அந்த இடத்தில் சிறுவர் வைத்தியசாலை அமைவது பொருத்துடையது.
 
எனவே, குறித்த காணி உரிமம் தொடர்பில்,  எழுந்துள்ள சர்ச்சையை நிவர்த்திக்க விசேட குழுவொன்றை அமைத்து அதனூடு சிறுவர் வைத்தியசாலையை அமைப்பதற்கான வேலைத்திட்டத்தை முன்னெடுக்க வேண்டும்.
 
இதுவிடயத்தில் வடக்கு மாகாண ஆளுநர் கலாநிதி சுரேன் ராகவன் தலையிடுவது பொருத்துடையதாகும்.
 
மேற்படி விடயத்தில் ஆளுநர் தலையிடுவதுடன் சிறுவர் வைத்தியசாலையுடன் தொடர்புபட்ட வைத்திய நிபுணர்கள், யாழ். போதனா வைத்தியசாலை தலைமை நிர் வாகம் மற்றும் சமூகக் கருசனையுடன் செயற்படக்கூடிய; யாழ்.பல்கலைக்கழக முன்னாள் துணைவேந்தர் பேராசிரியர் பொ.பாலசுந்தரம் பிள்ளை, சிவபூமி இயக்குநர் கலாநிதி ஆறு திருமுருகன், முன்னாள் பேராயர் கலாநிதி எஸ்.ஜெபநேசன் போன்றவர்களையும் வெளி நாடுகளில் உள்ள எங்கள் புலம்பெயர் உறவுகள் இயக்குகின்ற நிதிவளம் மிகுந்த பொது அமைப்புகளின் பிரதிநிதிகளையும் உள்ளடக் கியதாக ஒரு குழுவை அமைத்து அதன்மூலமாக சிறுவர் வைத்தியசாலைக்கான அமை விட ஏற்பாடுகளைச் செய்ய வேண்டும்.
 
இவ்விடத்தில் காணி உரிமம் தொடர்பில் யாரெல்லாம் உரிமை கோருகிறார்களோ அவர் கள் அத்தனை பேரும் ஒரு நல்ல கைங்கரியம் அமைவதற்குத் தங்களால் ஆன உதவிகளையும் பரோபகாரங்களையும் வழங்கி வடபகுதிக்கான சிறுவர் வைத்தியசாலை அமையப் பெரும் பங்காற்ற வேண்டும் என்பது நம் தாழ்மையான கோரிக்கை.
 
 

முன்னாள் போராளிகளுக்கு வாழ்வாதார உதவி வழங்கப்பட்டது

2 months 3 weeks ago

தேசிய கொள்கை பொருளாதார அபிவிருத்தி மீள்குடியேற்றம் புனர்வாழ்வு அமைச்சு ஊடக புனர்வாழ்வு ஆணையாளர் அலுவலகத்தின் கீழ் இயங்கும் சமூக நலன்புரி இணைப்பு காரியாலயம் மாவட்ட செயலகம்  இணைந்து முன்னாள் போராளிகள் 12 பேருக்கு தலா 4 ஆடுகள் வீதம் 48 ஆடுகள் வழங்கிவைக்கப்பட்டது

இந்நிகழ்வு அரியாலைப் பகுதியில் இடம் பெற்றிருந்தது. நிகழ்வில் வன்னி மாவட்ட புனர்வாழ்வு ஆணையாளர் நாயகம் அசேல ஒபயசேகர பிரதம விருந்தினராக கலந்துகொண்டிருந்தார். 

 

image_07e2a1d015.jpg

http://www.tamilmirror.lk/யாழ்ப்பாணம்/முன்னாள்-போராளிகளுக்கு-வாழ்வாதார-உதவி-வழங்கப்பட்டது/71-234578

பெரும் வாகனப் பேரணியுடன் கிளிநொச்சியில் போதை ஒழிப்பு வாரம்!!

2 months 3 weeks ago

“போதையிலிருந்து விடுப்பட்ட நாடு, நான் போதையை எதிர்க்கிறேன்“ ஆகிய தொனிப்பொருளில் வடக்கு மாகாணத்தின் போதை ஒழிப்பு வார நிகழ்வுகள் கிளிநொச்சியில் இன்று இடம்பெற்றன.

IMG_5168.jpg?zoom=0.9024999886751175&resIMG_5086.jpg?zoom=0.9024999886751175&resIMG_5118.jpg?zoom=0.9024999886751175&resIMG_5122.jpg?zoom=0.9024999886751175&resIMG_5150.jpg?zoom=0.9024999886751175&res

ஜனாதிபதி மைதிரிபால சிறிசேனவின் பணிப்பின் பேரில் தேசிய போதைப்பொருள் தடுப்பு வாரம் 23 திகதி தொடக்கம் முதலாம் திகதி வரை நாடாளவிய ரீதியில் கடைப்பிடிக்கப்பட்டு வருகிறது.

அதற்கமைவாக வடக்கு மாகாண நிகழ்வு, யாழ்ப்பாணம், முல்லைத்தீவு, வவுனியா, மன்னார் மாவட்டங்களில் இருந்து வருகை தந்த வாகன ஊர்வலத்துடன் கிளிநொச்சியில் இடம்பெற்றது.

கிளிநொச்சி கூட்டுறவாளர் மண்டபத்தில் நிகழ்வுகள் இடம்பெற்றன.

https://newuthayan.com/story/14/பெரும்-வாகனப்-பேரணியுடன்.html

சற்றுமுன்னர் கோரவிபத்து- தொடருந்து மோதி இராணுவத்தினர் உயிரிழப்பு!!

2 months 3 weeks ago

கிளிநொச்சி 55 ஆம் கட்டைப் பகுதியில் சற்றுமுன்னர் இடம்பெற்ற கோர விபத்தில் இராணுவத்தினர் நால்வர் உயிரிழந்தனர் எனத் தெரிவிக்கப்படுகிறது.

dgfdtrfgd.jpg?zoom=0.9024999886751175&refgfgfdfd.jpg?zoom=0.9024999886751175&res

கொழும்பில் இருந்து யாழ்ப்பாணம் நோக்கி வந்து கொண்டிருந்த யாழ்.தேவி தொடருந்துடன் இராணுவ வாகனம் மோதி விபத்து நடந்துள்ளது.

மேலும் மூவர் படுகாயமடைந்து கிளிநொச்சி வைத்தியசாலையில் சேர்க்கப்பட்டுள்ளனர் எனத் தெரிவிக்கப்படுகிறது.

https://newuthayan.com/story/14/சற்றுமுன்னர்-கோரவிபத்து.html

முத்தையா சகாதேவன் உயிரிழப்பு - இலங்கை அரசே காரணம் என குற்றச்சாட்டு

2 months 3 weeks ago

இலங்கையில் உள்நாட்டு யுத்தம் நிறைவடைந்து, 10 ஆண்டுகள் கடந்துள்ள போதிலும், தமிழ் அரசியல் கைதிகள் தொடர்பான பிரச்சனை இன்றும் தொடர்ந்து கொண்டே வருகிறது.

தமிழீழ விடுதலைப் புலிகளுடன் தொடர்புடையவர்கள் என்ற சந்தேகத்தின் பேரில் கைது செய்யப்பட்ட நூற்றுக்கணக்கான தமிழ் அரசியல் கைதிகள் சிறைச்சாலைகளில் இன்று சிறைவாசம் அனுபவித்து வருகின்றனர்.

சிலர் மீது குற்றச்சாட்டுக்கள் முன்வைக்கப்பட்டுள்ளதுடன், பலர் மீது இன்றும் எந்தவித குற்றச்சாட்டுக்களும் சுமத்தப்படாத நிலையிலேயே தமிழ் அரசியல் கைதிகள் சிறைவாசம் அனுபவித்து வருகின்றனர்.

தமிழ் அரசியல் கைதிகளில் ஒருவரான கொழும்பைச் சேர்ந்த முத்தையா சகாதேவன் சுகயீனமுற்ற நிலையில், கடந்த 22ஆம் தேதி சிறைச்சாலையிலேயே உயிரிழந்திருந்தார்.

சிறுநீரக பிரச்சனை காரணமாக கடந்த 20 தினங்களாக வைத்தியசாலையில் அனுமதிக்கப்பட்ட நிலையிலேயே முத்தையா சகாதேவன் உயிரிழந்துள்ளதாக உறவினர்கள் தெரிவிக்கின்றனர்.

இலங்கையின் முன்னாள் வெளிவிவகார அமைச்சர் லக்ஷ்மன் கதிர்காமர், கொழும்பிலுள்ள அவரது வீட்டில் வைத்து 2005ஆம் ஆண்டு ஆகஸ்ட் மாதம் 12ஆம் தேதி துப்பாக்கிச் சூட்டுக்கு இலக்காகி உயிரிழந்திருந்தார்.

தமிழீழ விடுதலைப் புலிகள் இந்த கொலையை செய்ததாக அப்போதைய அரசாங்கம் குற்றஞ்சுமத்தியிருந்தது.

இந்த கொலை சம்பவம் தொடர்பில் சந்தேகத்தின் பேரில் முத்தையா சகாதேவன், பாதுகாப்பு பிரிவினரால் பயங்கரவாதத் தடைச் சட்டத்தின் கீழ் 2005ஆம் ஆண்டு கைது செய்யப்பட்டிருந்தார்.

லக்ஷ்மன் கதிர்காமரின் வீட்டிற்கு அயல் வீட்டில் பணியாற்றிய முத்தையா சகாதேவன், தான் பணிபுரிந்து வீட்டிலுள்ள மரமொன்றின் கிளையை வெட்டி, துப்பாக்கி சூட்டை நடத்துவதற்கு துப்பாக்கித்தாரிக்கு உதவிகளை வழங்கியதாகவே குற்றஞ்சுமத்தப்பட்டிருந்தது.

கைது செய்யப்பட்ட முத்தையா சகாதேவன் மீது 2008ஆம் ஆண்டு வழக்கு தாக்கல் செய்யப்பட்டதாகவும், அந்த வழக்கு விசாரணைகள் கடந்த 14 வருடங்களாக நடத்தப்பட்டு வருகின்ற நிலையிலேயே தனது தந்தை உயிரிழந்ததாக அவரது மகள் பிபிசி தமிழுக்கு தெரிவித்தார்.

எந்தவித குற்றச்சாட்டுகளும் நிரூபிக்கப்படாத நிலையில், முத்தையா சகாதேன் சிறைச்சாலை சீருடையின்றி, சாதாரண உடைகளை அணிந்த வண்ணமே இருந்ததாகவும் அவர் சுட்டிக்காட்டினார்.

தனது தந்தையை விடுதலை செய்துக் கொள்வதற்கு அரசாங்க தரப்பினால் நியமிக்கப்பட்ட சட்டத்தரணி உரிய முறையில் முயற்சிகளை மேற்கொள்ளவில்லை எனவும் அவர் கவலை வெளியிட்டார்.

அரசியல் கைதிகளை விடுதலை செய்யும் தேசிய அமைப்பு

முத்தையா சகாதேவன், இயற்கையாக உயிரிழந்துள்ளதாக மரண அத்தாட்சி பத்திரத்தில் குறிப்பிடப்பட்டுள்ள போதிலும், அவரை அரசாங்கம் பயங்கரவாதத் தடைச் சட்டத்தின் கீழ் கொலை செய்துள்ளதாக அரசியல் கைதிகளை விடுதலை செய்யும் தேசிய அமைப்பு குற்றஞ்சுமத்துகின்றது.

சக்திவேல் Image caption சக்திவேல்

பயங்கரவாதத் தடைச் சட்டத்தின் கீழ் கைது செய்யப்படுபவர்கள், தமது வாழ்க்கையில் நம்பிக்கையை இழக்க வேண்டிய நிலைக்கு தள்ளப்படுவார்கள் என அந்த அமைப்பின் ஏற்பாட்டாளர் அருட்தந்தை சக்திவேல் பிபிசி தமிழுக்கு தெரிவித்தார்.

பயங்கரவாதத் தடைச் சட்டத்தின் கீழ் கைது செய்யப்படும் சந்தேகநபர்களை பிணையில் கூட விடுவிக்க முடியாத நிலையில் அந்த சட்டம் தயாரிக்கப்பட்டுள்ளமையினால், அந்த சட்டமானது மிகவும் பாரதூரமானது எனவும் அவர் குறிப்பிட்டார்.

இந்த சட்டத்தின் கீழ் கைது செய்யப்படுபவர்கள், தம்மீதான நம்பிக்கையை இழந்து விரக்தியுற்ற நிலையில் உளரீதியான பாதிப்புக்களை எதிர்நோக்கி நோய்வாய்க்கு உட்பட்டு, உயிரிழக்கும் நிலைக்கு அவர்களை அரசாங்கம் தள்ளுகின்றது எனவும் அவர் சுட்டிக்காட்டினார்.

பயங்கரவாதத் தடைச் சட்டம் நீக்கப்பட வேண்டியது கட்டாயம் என சர்வசேத சமூகம் வலியுறுத்தி வருகின்ற பின்னணியில் கூட அதனை நீக்காது தொடர்ச்சியாக அந்த சட்டத்தை அமுல்படுத்தியுள்ள இலங்கை அரசாங்கம் ஒரு பயங்கரவாத அரசாங்கம் என அருட்தந்தை சக்திவேல் குறிப்பிட்டுள்ளார்.

பயங்கரவாதத் தடைச் சட்டம் உடனடியாக நீக்கப்பட்டு, தமிழ் அரசியல் கைதிகள் உடனடியாக விடுதலை செய்யப்பட வேண்டும் என அரசியல் கைதிகளை விடுதலை செய்யும் தேசிய அமைப்பின் ஏற்பாட்டாளர் அருட்தந்தை சக்திவேல் வலியுறுத்துகின்றார்.

https://www.bbc.com/tamil/sri-lanka-48760708

சகாதேவனின் இறுதிக் கிரியைகள் நாளை

image_17c548945b.jpg

 

முன்னாள் அமைச்சர் லக்‌ஷ்மன் கதிர்காமர் கொலை வழக்கில் கைதுசெய்யப்பட்டு, 15 வருடங்களாக தடுத்துவைக்கபட்டிருந்த நிலையில், உயிரிழந்த தமிழ் அரசியல் கைதியான முத்தையா சகாதேவனின் இறுதிக் கிரியைகள் நாளை(26) இடம்பெற்று, பொரளை பொதுமயானத்தில் அடக்கம் செய்யப்படவுள்ளது.

15 வருடங்களாக சிறையில் தடுத்து வைக்கப்பட்டிருந்த 63 வயதுடைய சகாதேவன்,  சுகயீனம் காரணமாக சிறைச்சாலையில் நேற்று(24) உயிரிழந்திருந்தமைக் குறிப்பிடத்தக்கது. 

http://www.tamilmirror.lk/செய்திகள்/சகாதேவனின்-இறுதிக்-கிரியைகள்-நாளை/175-234568

யாழ். மக்களிடையே தோன்றியுள்ள புதிய “ 5G ” அச்சம்

2 months 3 weeks ago

யாழ்ப்பாணத்தில் 5G அதிதுரித இணைய சேவைக்கான மின்காந்த அலைக்கற்றை கோபுரங்கள் நிறுவப்படுவதற்கான தகவல்கள் பரவி வரும் நிலையில் இந்த சேவையால் மனிதர்கள் உள்ளிட்ட உயிரினங்களுக்கு பாதிப்புக்கள் குறித்த அச்சமும் மிகவேகமாக பரவி மக்களிடையே கடும் அச்சத்தை ஏற்படுத்தியுள்ளது.

jaffna.jpg

யாழ்ப்பாணம் மாநகர சபைக்குட்பட்ட பகுதி, வலிகாமம் தெற்கு பகுதியில் தொலைத்தொடர்பு சேவை நிறுவனம் ஒன்று உயரம் குறைந்த தொலைபேசி கம்பங்களை நாட்டி வருகிறது. இது 5G தொழில்நுட்ப சேவையை ஆரம்பிக்கும் நோக்கிலேயே இந்த கம்பங்கள் நாட்டப்படுகிறது என தெரிவிக்கப்படுகிறது.

jaffna63.jpg

இதனால் இச்சேவைக்கான மின்காந்த அலைவரிசை மனித உயிர்களுக்கு மட்டுமன்றி விலங்குகளுக்கும் கடும் பாதிப்பை ஏற்படுத்தும் என சர்வதேச அளவில் மருத்துவர்கள் மற்றும் விஞ்ஞானிகள் எச்சரித்துள்ளதுள்ளனர்.

உலகில் 36 நாடுகள் இச்சேவை குறித்து எச்சரித்துள்ளதுள்ளன. அத்துடன் உலகெங்கும் உள்ள 180 விஞ்ஞானிகளும் 5 G சேவைக்கான மின்காந்த அலைக்கற்றையால் ஏற்படும் பாதிப்பு குறித்து எச்சரித்துள்ளனர்.

இதன் அலைவரிசை புற்றுநோய் தாக்கம், குழந்தைகள், கற்பவதிகள், சிறுவர்கள் பாதிக்கப்படுவார்கள் எனவும் உலகளாவிய ரீதியில் எச்சரிக்கப்பட்டுள்ளது.

தொலைபேசி அலைக்கற்றைகள் புற்றுநோயை உருவாக்கும் காரணியாக அமைவதாக 2011 ஆம் ஆண்டு உலக சுகாதார நிறுவனம் எச்சரித்தது. இதனை விஞ்ஞானிகள் ஆதாரபூர்வமாக நிரூபித்துள்ளனர். வளர்ச்சியடைந்த நாடுகளில் கூட 5G தொழில்நுட்ப சேவைக்கு அனுமதி வழங்க தயங்கி வரும் நிலையில் இலங்கையில் குறிப்பாக யாழ்ப்பாணத்தில் இச் சேவை ஆரம்பிக்கப்படவுள்ளதாக வரும் செய்திகள் மக்களை அச்சத்தில் ஆழ்த்தியுள்ளது.

https://www.virakesari.lk/article/59036

‘அபாயா அணிவதை அனுமதியுங்கள்’ ரிஷாத் பதியுதீன்,

2 months 3 weeks ago

Comments - 0 Views - 16

உள்நாட்டலுவல்கள் அமைச்சு, கடந்த மே மாதம் 29ஆம் திகதி வெளியிட்ட அரசாங்க ஊழியர்களின் ஆடை தொடர்பான சுற்று நிருபத்தை,  மீண்டும் திருத்தி வெளியிடுவதில் காலம் தாழ்த்தப்படுவதால், முஸ்லிம் பெண்கள் அலுவலகங்களுக்குச் செல்வதில் பெரும் சிரமங்களை எதிர்கொள்கின்றனரெனத் தெரிவித்து,  முன்னாள் அமைச்சர்  ரிஷாட் பதியுதீன், ஜனாதிபதி, பிரதமர், அமைச்சர் ரஞ்சித் மத்தும பண்டார ஆகியோரின் கவனத்துக்கு கொண்டுச் சென்றுள்ளார்.

இந்தச் சிக்கலைத் தீர்த்து வைக்க,  முஸ்லிம்களின் கலாசார உடையில்  அபாயா அணிவதை அனுமதித்து,  புதிய சுற்று நிருபத்தை விரைவில் வெளியிடுமாறு, முன்னாள் அமைச்சர் ரிஷாத் பதியுதீன்,  அவர்களுக்கு அனுப்பி வைத்துள்ள கடிதங்களில் குறிப்பிட்டுள்ளார்.

அதில் மேலும்  தெரிவிக்கப்பட்டுள்ளதாவது,

உள்நாட்டலுவல்கள் அமைச்சினால் அண்மையில் வெளியிடப்பட்ட அரச ஊழியர்களின்  ஆடை தொடர்பிலான சுற்று நிருபத்தில், முஸ்லிம் பெண்கள் பாரம்பரியமாக அணிந்து வந்த அபாயாவுக்கு தடை விதிக்கப்பட்டிருந்தது. இதனால், அலுவலகங்களுக்குச் செல்வதில் முஸ்லிம் பெண்கள் பெரும் மன உளைச்சலுக்கு உள்ளாகியுள்ளனர். தேசிய உடை என்ற போர்வையில் பாரம்பரிய முஸ்லிம்களின் கலாசார ஆடைகள் மீது கட்டுப்பாடு விதிப்பதும், இஸ்லாமிய கலாசார விடயங்களில் தேவையற்ற நெருக்குதல்களை ஏற்படுத்துவதும் சமூகங்களுக்கிடையில் வீண் விமர்சனங்களை ஏற்படுத்துவதாக, அவர் குறிப்பிட்டுள்ளார்.\

http://www.tamilmirror.lk/செய்திகள்/அபாயா-அணிவதை-அனுமதியுங்கள்/175-234590

கிளிநொச்சியில் கோர விபத்து ; 5 இராணுவ வீரர்கள் பலி , மூவர் காயம்

2 months 3 weeks ago
கிளிநொச்சியில் கோர விபத்து ; 5 இராணுவ வீரர்கள் பலி , மூவர் காயம்

கிளிநொச்சியில் இன்று இடம்பெற்ற கோர விபத்தில் 5 இராணுவ வீரர்கள் உயிரிழந்துள்ளதுடன் 3 இராணுவ வீரர்கள் காயமடைந்துள்ளதாக இராணுவ ஊடகப் பேச்சாளர் தெரிவித்தார்.

இவ்விபத்து இன்று மத்திய 1.45 மணியளவில் இடம்பெற்றுள்ளது. கொழும்பிலிருந்து யாழ்ப்பாணம் நோக்கி பயணித்த மதிய நேர கடுகதி புகையிரதத்தில் ஏ9 வீதியிலிருந்து பாரதிபுரம் நோக்கி பயணித்து இராணுவத்தின் மருத்துவப் பிரிவின் ஹன்ரர் ரக வாகனம் மோதியிதில் இவ்விபத்து ஏற்பட்டுள்ளது.

புகையிரத அருகில் வருவதனை அவதானிக்காத இராணுவ சாரதி புகையிரத பாதையினை கடக்க முற்பட்ட போதே புகையிரதத்துடன் மோதுண்டு விபத்து ஏற்பட்;டுள்ளது. குறித்த புகையிரத கடவையானது பாதுகாப்பற்ற புகையிரத கடவையாகும். இதற்கு முன்னரும் இரண்டு விபத்துக்களில் மூவர் பலியாகியிருந்தனர். இது மூன்றாவது விபத்து. 

 

 

https://www.virakesari.lk/article/59042

"புத்தளத்தில் சடலமாக மிதந்த 19 வயது இராணுவ வீரர்....!

புத்தளம் சின்னவில்லு குளத்திலிருந்து இராணுவ வீரர் ஒருவரின் சடலம் மீட்கப்பட்டுள்ளது.

பிரதேசவாசிகள் வழங்கிய தகவலுக்கு அமைய குறித்த வீரரின் சடலம் மீட்கப்பட்டுள்ளதாக தெரிவிக்கப்பட்டுள்ளது. பேருவளை பகுதியில் வசிக்கும் 19 வயதுடைய இராணுவ வீரர் ஒருவரே இவ்வாறு சடலமாக மீட்கப்பட்டுள்ளார்.

நேற்று முன்தினம் தனது நண்பர்களுமன் குறித்த வீரர் குளத்திற்கு வருகை தந்துள்ளதோடு, தனது உடைகளை சலவை செய்யவுள்ளதாக தெரிவித்து அவர் நண்பர்களை அனுப்பிவிட்டு குளக்கரையில் சலவை செய்துக்கொண்டிருந்தார் என தெரிவிக்கப்படுகிறது. இந்நிலையிலேயே அவர் நேற்றைய தினம் சடலமாக மீட்கப்பட்டுள்ளார்.

சடலம் பிரேத பரிசோதணைகளுக்காக வைத்தியசாலையில் வைக்கப்பட்டுள்ள நிலையில் காவல் துறையினர் மேலதிக விசாரணைகளை மேற்கொண்டு வருகின்றனர்.

http://www.hirunews.lk/tamil/219076/புத்தளத்தில்-சடலமாக-மிதந்த-19-வயது-இராணுவ-வீரர்

முஸ்லிம்கள் வர்த்தகம் செய்ய தடை: வென்னப்புவ பிரதேசசபை அதிரடி!

2 months 3 weeks ago

தங்கொட்டுவ வாராந்த சந்தையில் முஸ்லிம்கள் வர்த்தகத்தில் ஈடுபடுவதற்கு வென்னப்புவ பிரதேசசபை தடை விதித்துள்ளது.

நாட்டு நிலை சுமுகமடையும் வரை முஸ்லிம் வர்த்தகர்களின் வர்த்தகத்திற்கு தடைவிதிக்கப்பட்டுள்ளதாக பிரதேசசபை தலைவர், பிரதேச செயலர் உள்ளிட்ட அதிகாரிகளிற்கு கடிதம் மூலம் அறிவித்துள்ளார்.65557801_10216612250872980_298473386962365557801_10216612250872980_2984733869623738368_n-225x300.jpg

http://www.pagetamil.com/61779/?fbclid=IwAR0KwfZZ3aSAQZ8R22mcqz_WmEXK-Xz-XqTAyRmQx2FKfHQT5RjwdHkFzeE

விக்­கி­னேஸ்­வ­ரனின் கீழ்த்­த­ர­மான வார்த்தைப் பிர­யோ­கங்­க­ளுக்கு கூட்­ட­மைப்பு செவி­ கொ­டுக்­காது - சுமந்திரன்

2 months 3 weeks ago
விக்­கி­னேஸ்­வ­ரனின் கீழ்த்­த­ர­மான வார்த்தைப் பிர­யோ­கங்­க­ளுக்கு கூட்­ட­மைப்பு செவி­ கொ­டுக்­காது - சுமந்திரன்

(ஆர்.யசி)

அர­சாங்­கத்தின் வாக்­கு­று­தி­களை எமது மக்கள் முன்­னி­லையில் சென்று கூறு­வது மாமா வேலை அல்ல. விக்­கி­னேஸ்­வ­ரனின் கீழ்த்­த­ர­மான வார்த்தைப் பிர­யோ­கங்­க­ளுக்கு கூட்­ட­மைப்பு செவி­ கொடுக்­காது. அதேபோல் விக்­கி­னேஸ்­வரன் தனது அர­சியல் சுய­லா­பங்­க­ளுக்­காக எந்­த­ளவு கீழ் மட்­டத்தில் வீழ்ந்­துள்ளார் என்­பது நன்­றாக வெளிப்­பட்­டு­விட்­டது என தமிழ் தேசிய கூட்­ட­மைப்பின் ஊட­கப்­ பேச்­சா­ளரும் எம்.பி.யு­மான எம்.ஏ.சுமந்­திரன் தெரி­வித்தார்.

sumanthiran.jpg

கல்­முனை வடக்கு பிர­தே­ச­ சபை விவ­கா­ரத்தில் தமிழ் தேசிய கூட்­ட­மைப்பு அர­சாங்­கத்­துக்கு மாமா வேலை செய்­கின்­றது என வடக்கின் முன்னாள் முத­ல­மைச்சர் விக்­கி­னேஸ்­வரன் பகி­ரங்­க­மாகத் தெரி­வித்­துள்ள நிலையில் அதற்குப் பதில் கூறும் வகை­யி­லேயே  சுமந்­திரன் எம்.பி. இதனைக் குறிப்­பிட்டார். 

அவர் மேலும்  குறிப்­பி­டு­கையில், 

தமிழ் மக்­களின் பிரச்­சி­னை­க­ளுக்கு தீர்­வு­களைப் பெற்­றுக்­கொ­டுக்க தமிழ் தேசிய கூட்­ட­மைப்பு எப்­போ­துமே முன்­னின்று செயற்­பட்டு வரு­கின்­றது. இன்­று­ வரை வடக்கு, கிழக்கில் தமிழ் மக்கள் பெற்றுக் கொண்­டுள்ள தமது உரி­மை­க­ளுக்கு எமது தலை­யீ­டுகள் பிர­தான காரணம் என்­பதை மறந்­து­விடக் கூடாது. காணி விடு­விப்­புகள் உள்­ளிட்ட முக்­கி­ய­மான விவ­கா­ரங்­களில் தமிழ் தேசிய கூட்­ட­மைப்பின் செயற்­பா­டு­களை மறந்­து­வி­டக்­ கூ­டாது. இப்­போது கல்­முனை வடக்கு செய­ல­கப்­ பி­ரிவு விவ­கா­ரத்தில் தமிழ் தேசிய கூட்­ட­மைப்­பினர் தீர்வைப்  பெற்­றுக்­கொ­டுப்­பதில் அதிக அக்­க­றை­யுடன்  செயற்­பட்டு வரு­கின்­றனர். இன்று எமது தமிழ் மக்கள் முன்­னெ­டுக்கும் போராட்­டங்­களில் தமிழ் தேசிய கூட்­ட­மைப்பின் பிர­தே­ச­ சபை உறுப்­பி­னர்கள் இரு­வரும் கூட உள்­ளனர். இவை கட்சி அடை­யா­ளங்கள் பார்த்து முன்­னெ­டுக்­கப்­படும் விட­ய­மல்ல. 

அவ்­வாறு இருக்­கையில் அர­சாங்­கத்தின் அறிக்­கையை கல்­மு­னையில் சென்று வாசித்­தமை மாமா வேலை என முன்னாள் முதல்வர் விக்­கி­னேஸ்­வரன் கூறி­யது மிகவும் கீழ்த்­த­ர­மான வார்த்­தைப் பி­ர­யோ­க­மாகும். எமது மக்­களின் உரி­மை­க­ளையும் எமக்­கான அடை­யா­ளங்­க­ளையும் நாம் பெற்­றுக்­கொள்ள அரச தரப்­புடன் பேச்­சு­வார்த்தை நடத்­தி­யுள்ள நிலையில் அர­சாங்கம் எமக்கு கொடுத்த வாக்­கு­று­தி­களை எமது மக்கள் முன்­னி­லையில் நாம்தான் எடுத்­துக்­ கூற வேண்டும். அர­சாங்கம் நேர­டி­யாக வந்து அந்தப் பகு­தியில் அறிக்­கையைத் தராது. இந்தப் பகுத்­த­றிவு கூட இல்­லாத நபர்கள் தகு­தி­யற்ற வார்த்­தை­களைப் பயன்­ப­டுத்தி  தமிழ் தேசிய கூட்­ட­மைப்பை விமர்­சிக்­கின்­றனர்.  

முன்னாள் முதல்வர் விக்­கி­னேஸ்­வரன் பிர­யோ­கிக்கும் வார்த்தைப் பிர­யோ­கங்கள் மூல­மாக அவர் எந்­த­ளவு கீழ்த்­த­ர­மான அர­சி­யலைச் செய்­கின்றார் என்­பதும் அவர் எந்த மட்­டத்தில் இன்று விழுந்­துள்ளார் என்றும் நன்­றாகத் தெரி­கின்­றது. ஆனால் இவரின் இந்த நிலை­மைக்கு தமிழ் தேசிய கூட்­ட­மைப்பும் விழப்­போ­வ­தில்லை. நாம் எமது மக்­க­ளிடம் நேர­டி­யாக பிரச்­சி­னை­களை எடுத்­துக்­ கூறி தீர்­வு­களைப் பெற்­றுக்­கொ­டுப்போம். விக்கினேஸ்வரன் போன்று கீழ்மட்ட அரசியல் செய்து மக்களை ஏமாற்ற மாட்டோம் என அவர் குறிப்பிட்டார்.

 

https://www.virakesari.lk/article/59010

ஜனா­தி­பதி நினைத்­தாலும் மாற்ற முடி­யாது - ரியர் அட்­மிரல் சரத் வீர­சே­கர

2 months 3 weeks ago
ஜனா­தி­பதி நினைத்­தாலும் மாற்ற முடி­யாது -  ரியர் அட்­மிரல் சரத் வீர­சே­கர  

(நா.தனுஜா)

அர­சி­ய­ல­மைப்பின் 19ஆவது திருத்தம் பாரா­ளு­மன்­றத்தில் நிறைவேற்­றப்­பட்ட போது நான் மாத்­தி­ரமே அதற்கு எதிர்ப்பை வெளி­யிட்டேன். எனினும் அப்­போது என்னை அறி­வில்­லா­தவன் என்றும், இன­வாதி என்றும் தூற்­றி­னார்கள். ஆனால் இப்­போது ஜனா­தி­ப­தியே 19ஆவது திருத்தம் இரத்துச் செய்­யப்­பட வேண்டும் என்று கூறு­கிறார்.

sarath.jpg

இருப்­பினும் இனிமேல் அதனை நீக்­கு­வ­தென்­பது கடி­மா­ன­தொரு காரியம். இது நாட்­டிற்குப் பாத­க­மா­னது என்ற விட­யத்தை ஜனாதிபதி 4 வரு­டங்­க­ளுக்கு முன்­ன­ரேயே சிந்­தித்­தி­ருக்க வேண்டும் என்று ரியர் அட்­மிரல் சரத் வீர­சே­கர தெரி­வித்­தி­ருக்­கிறார்.  

அர­சி­ய­ல­மைப்பின் 18 ஆவது திருத்தம் சர்­வா­தி­கா­ரத்­தையும், 19ஆவது திருத்தம் நிலை­யற்ற அர­சாங்­கத்­தை­யுமே ஏற்­ப­டுத்­தி­யி­ருக்­கின்­றன.இவ்­விரு திருத்­தங்­க­ளையும் இரத்துச் செய்தால் மாத்­திரமே மக்­க­ளா­ணையை மதிக்கும் ஓர் அர­சாங்­கத்தை உரு­வாக்க முடியும் என்று ஜனா­தி­பதி மைத்­தி­ரி­பால சிறி­சேன கூறி­யி­ருக்­கிறார். 

கடந்த 2015 ஆம் ஆண்டு 19ஆவது அர­சி­ய­ல­மைப்புத் திருத்தம் பாரா­ளு­மன்­றத்தில் சமர்ப்­பிக்­கப்­பட்ட போது ரியர் அட்­மிரல் சரத் வீர­சே­கர மாத்­திரம் அதற்கு எதி­ராக வாக்­க­ளித்­தி­ருந்தார்.  எனவே அவ­ரிடம் இது­ கு­றித்து வின­விய போதே இவ்­வாறு பதி­ல­ளித்தார். அவர் மேலும்  குறிப்­பி­டு­கையில், 

பாரா­ளு­மன்­றத்தில் 19ஆவது அர­சி­ய­ல­மைப்புத் திருத்தம் நிறை­வேற்­றப்­பட்டு 4 வரு­டங்­க­ளுக்குப் பின்னர் தான் அது தீங்­கா­னது என்ற விடயம் ஜனா­தி­ப­திக்குப் புரிந்­தி­ருக்­கி­றது. அர­சி­ய­ல­மைப்பின் 19ஆவது திருத்தம் பாரா­ளு­மன்­றத்தில் சமர்ப்­பிக்­கப்­பட்ட போது அதற்கு எதி­ராக நான் மட்­டுமே வாக்­க­ளித்தேன். அப்­போது பலர் எனக்­கெ­தி­ரான கருத்­து­களை முன்­வைத்­தார்கள். என்னை அறி­வில்­லா­தவன் என்றும், இன­வாதி என்றும் தூற்­றி­னார்கள்.

ஆனால் அப்­போது நான் கடு­மை­யாக எதிர்த்த 19ஆவது அர­சி­ய­ல­மைப்புத் திருத்தம் நிலை­யற்ற அர­சாங்­கத்தை ஏற்­ப­டுத்­தி­யுள்­ளது என்றும், அதனை இரத்துச் செய்ய வேண்­டு­மென்றும் ஜனா­தி­பதி சிறி­சேன கூறு­கிறார். 

இது நாட்­டுக்குப் பாத­க­மா­னது என்ற விட­யத்தை முன்­கூட்­டியே உணர்ந்­தி­ருக்­காத, ஒரு தூர­நோக்கு சிந்­த­னை­யற்ற மனிதர் ஒரு­போதும் சிறந்த தலை­வ­ராக இருக்க முடி­யாது. தற்­போது நாட்டை அமெ­ரிக்­கா­வுக்கு முழு­வ­து­மாகக் குத்­த­கைக்கு வழங்­கி­னாலும் கூட ஜனா­தி­ப­தி­யால் அதனைத் தடுக்க முடி­யாது. 

அர­சாங்­கத்தைக் கலைக்­கவும் முடி­யாது. அதற்கு ஏற்­ற­வாறு ரணில் விக்­கி­ர­ம­சிங்க உரு­வாக்கும் 19ஆவது அர­சி­ய­ல­மைப்புத் திருத்தம் என்ற முடிச்­சுக்குள் சிக்­கிக்­கொள்ள வேண்டாம் என அன்று கூறினேன். ஆனால் அவர் அதனைச் செவி­ம­டுக்­க­வில்லை. தற்­போ­தேனும் பாரா­ளு­மன்­றத்தின் மூன்றில் இரண்டு பெரும்­பான்­மையைப் பெற்று 19 ஆவது திருத்தத்தை நீக்க வேண்டும். ஆனாலும் அது சாத்தியமற்ற தொரு விடயமாகும். அது நாட்டிற்குக் கேடானது என்று ஜனாதிபதி கூறினாலும் கூட அதை அவரால் நீக்க முடியாது. ஜனாதிபதி சிறிசேனவைப் பொறுத்தவரை இவ்விடயத்தை மிகத் தாமதமாகவே உணர்ந்திருக்கிறார் என்றே கூற வேண்டும்  என்றார்.

 

https://www.virakesari.lk/article/59006

கல்முனை விவகாரம் போன்று ஏனைய பிரச்சினைகளுக்கும் பிக்குகள் குரல்கொடுக்க வேண்டும் – ஸ்ரீநேசன்

2 months 3 weeks ago
Srineshan-1-720x450.jpg கல்முனை விவகாரம் போன்று ஏனைய பிரச்சினைகளுக்கும் பிக்குகள் குரல்கொடுக்க வேண்டும் – ஸ்ரீநேசன்

கல்முனை வடக்கு தமிழ்ப் பிரதேச செயலய பிரச்சினைக்கு குரல்கொடுத்ததுபோல, தமிழர்களின் ஏனையப் பிரச்சினைகளையும் தீர்க்க பௌத்த மதகுருமார் முன்வர வேண்டும் என்று தமிழ்த் தேசியக் கூட்டமைப்பின் நாடாளுமன்ற உறுப்பினர் ஸ்ரீநேசன் தெரிவித்தார்.

மட்டக்களப்பில் நேற்று (திங்கட்கிழமை) இடம்பெற்ற நிகழ்வொன்றில் கலந்துகொண்டு உரையாற்றுகையிலேயே அவர் இவ்வாறு கூறினார்.

இங்கு மேலும் தெரிவித்த அவர், “ கல்முனை வடக்கு தமிழ்ப் பிரதேச செயலயக பிரச்சினைக்கு அனைவரும் குரல் கொடுத்தனர். சிறுபான்மை மக்களுக்கு உதவிபுரியும் நோக்கில் பெளத்த மதகுருமாரும் அந்த போராட்டத்திற்கு ஆதரவு தெரிவித்திருந்தனர்.

சிறுபான்மையினத்தவர்களாக இருந்தாலும் அவர்களின் கோரிக்கை நியாயமானது என்பதற்காக அதனை ஏற்றுக்கொண்டார்களென்பது திருப்திகரமான ஒரு விடயமாகும்.

அதேபோல தமிழர்களின் ஏனையப் பிரச்சினைகளையும் தீர்க்க பௌத்த பௌத்த மதகுருமார் முன்வர வேண்டும்.

இந்த பிரச்சினைகள் தீர்க்கப்படாமைக்கு ஒரு காலத்தில் பௌத்த குருமாரே காரணமாகவிருந்தனர். எனவே நாட்டில் இனப்பிரச்சினை இருக்கக்கூடாது என அவர்கள் உண்மையாகவே எண்ணுவார்களாகவிருந்தால், தமிழர்களின் ஏனையப் பிரச்சினைகளையும் தீர்க்க அவர்கள் முன்வர வேண்டும்” என மேலும் தெரிவித்தார்.

http://athavannews.com/கல்முனை-விவகாரம்-போன்று/

கூட்டமைப்பில்.... இந்தப் பெயரில் ஒரு  நாடாளுமன்ற உறுப்பினர் இருக்கின்றார் என்று, எனக்கு இன்று தான் தெரியும்.

Checked
Sun, 09/22/2019 - 08:09
ஊர்ப் புதினம் Latest Topics
Subscribe to ஊர்ப்புதினம் feed
texte-feed
sqdgvsqfqsg vdgvdgvv qdsbrzbvzrbvzr