நன்னிச் சோழன்

மக்லியொட் மருத்துவமனை இணுவில், வலிகாமம், யாழ். இங்கு தான் வேலுப்பிள்ளை-பார்வதி இணையரின் கடைசி மகவாய் எமதினத்தின் தலைமகன் தோற்றரித்தான், நவம்பர் 26, 1954ம் ஆண்டு.

தமிழீழ தேசியத்தலைவர் மேதகு வே. பிரபாகரன் (மாவீரர்) அவர்கள் சிறுவயதில் வாழ்ந்த வீடும் மனையும் முகவரி: குச்சம் ஒழுங்கை, ஆலடி, ஆதிகோவிலடி, வல்வெட்டித்துறை வடமேற்கு, வடமராட்சி வடக்கு (பருத்தித்துறை), யாழ்ப்பாணம், தமிழீழம் மரபுவழி ஆள்கூற்று: 9°49'25.6"N 80°09'50.1"E பதின்ம ஆள்கூற்று: 9.823772, 80.163903 வாய்வழி சாலை வரைபடம்: கிழக்கு தெற்காக: ஏபி 21 பருத்தித்துறை-பொன்னாலை வீதியால் வல்வெட்டித்துறைச் சந்தியிலிருந்து தொண்டைமானாறு நோக்கிச்செல்லும் போது இடது பக்கத்தில் உள்ள சிறி முத்துமாரியம்மன் ஆலயத்தை (இதற்குப் பின்னால்தான் 'திருமேனியார்' வெங்கடாசலம்பிள்ளை அவர்களால் கட்டப்பட்ட வைத்தீஸ்வரன் கோவில் உண்டு. இதன் கோபுரத்தில்தான் மகாத்மா காந்தியின் சிலை வைக்கப்பட்டுள்ளது, 2009இற்குப் பிறகு) தாண்டினால் வரும் எம்ஜிஆர் சதுக்கத்தை கடக்க வலது பக்கத்தில் குச்சம் ஒழுங்கை வரும். அதன் நுழைவுவாயிலில் கட்டுகொண்ட ஒரு மரம் உண்டு. அந்த மரத்தின் அடியில் எம்ஜிஆரின் படம் வைக்கப்பட்டுள்ளது. அந்தக் குச்சம் ஒழுங்கைக்குள் சென்றால் இடதுபக்கம் இரண்டாவதாக உள்ள பற்றையடர்ந்த வெறுங்காணியே தலைவர் மாமாவின் வாழ்ந்த வீடிருந்த மனையாகும். தெற்கு கிழக்காக: ஏபி 21 பொன்னாலை-பருத்தித்துறை வீதியால் தொண்டைமானாற்றிலிருந்து பருத்தித்துறை நோக்கிச்செல்லும் போது யா/சிதம்பரக் கல்லூரியைத் தாண்ட வலது பக்கத்தில் வரும் இரண்டாவது ஒழுங்கையே எமக்கான குச்சம் ஒழுங்கை ஆகும். அதன் நுழைவுவாயிலில் கட்டுக்கொண்ட ஒரு மரம் உண்டு. அந்த மரத்தின் அடியில் எம்ஜிஆரின் படம் வைக்கப்பட்டுள்ளது. அந்தக் குச்சம் ஒழுங்கைக்குள் சென்றால் இடதுபக்கம் இரண்டாவதாக உள்ள பற்றையடர்ந்த வெறுங்காணியே தலைவர் மாமாவின் வீடிருந்த மனையாகும். இவ்வீட்டின் பெயர் "ஈஸ்வரி வாசா" என்பதாகும். பார்வதியம்மாவின் மூத்த மகளான ஜெகதீஸ்வரியின் நினைவாய் இவ்வீட்டிற்கு பெயர்சூட்டப்பட்டது. இஃது அவருக்கே சொந்தமான சொத்தாகும். மற்றது, தலைவர் மாமாவிற்கென்று இவ்வுலகில் சொத்தெதுவுமில்லை! வெறுங்கையுடன்தான் வீரச்சாவடைந்தார். இது மேற்கு வாசலைக் கொண்ட வீடாகும். இவ்வீட்டின் முன் புறத்தில் கிளிச்சொண்டன் மாமரம் இருந்தது. அது நன்றாக சடைத்து வளர்ந்து வீட்டின் முன்புறத்திற்கு நல்ல நிழல் தந்தது. இதைத் தவிர, வீட்டைச் சுற்றி இரு வேப்ப மரங்களும் ஒரு முல்லை மரமும் நின்றிருந்தன. வீட்டின் முன்வாசலின் மேலே காற்றோட்டத்திற்கென்று அமைக்கப்பட்டிருந்த சிறுசிறு துளைகளின் நடுவில், வாசலிற்கு மேலே, கண்ணன் பசுக்களோடு நின்று புல்லாங்குழல் வாசிக்கும் படியான சிலை ஒன்று இருந்தது. அதைத் தாண்டி உட்சென்றால் கூடத்திற்குள் இலக்குமியின் சிலை ஒன்று அதே போன்ற காற்றோட்டத்திற்கென்று அமைக்கப்பட்ட சிறுசிறு துளைகளின் நடுவில் அமைக்கப்பட்டிருந்தது. இவ்வீட்டினுள் ஒக்கமாக ஆறு அறைகள் இருந்தன. 2004: 2005: 2010: 2010 வைகாசியில் தகர்க்கப்பட்ட பின்னர்: எஞ்சியிருப்பது மதிலின் ஒரு சிறு பகுதி மட்டுமே: 2023 நிலைமையின் படி

தலைவரின் பெற்றோரிற்கு குருநாகல் வீதியில் இருந்த ஏலாலசோண என்னும் இடத்திலேயே கொடுக்கப்பட்டிருந்த தங்கும் விடுதி. இவ்விடுதி அன்றைய குருநாகல் – புத்தளம் முதன்மை வீதிகளை இணைக்கும் சிறு வீதி ஒன்றில் குருநாகல் அநுராதபுர வீதிக்கு அண்மையில் அமைந்தது. இங்கேயே எமது தலைமகன் கருவுற்றார்