கிழக்கு முஸ்லிம்கள் மத்தியில் தம்மைப்பற்றி பெறுப்பேற்றும் சதித்திட்டமாகச் சிங்கள அமைசசர் ஒருவர் திட்டமிட்டு பொய்பிரச்சாரம் செய்துள்ளார் என ம.தி..க பொதுச் செயலாளர் வைகோ குறிப்பிட்டடிருக்கின்றார்.

'புலிகள் தழிழீழத்தை அடைந்தால், வடக்கில் இருந்து இடம் பெயர்ந்த முஸ்லிம்களை அங்கு திரும்பிச் செல்ல அனுமதிக்கவே மாட்டார்கள், என்ற சாரப்பட வைகோ கருத்து வெளியிட்டார் என இலங்கை அரசின் சார்பில்

பேசவல்ல ஓர் அமைச்சரை மேற்கோள் காட்டி அண்மையில் செய்திகள் வெளியாகியிருந்தன.

இந்தச் செய்திகளை ஒட்டித் த.தே.கூட்டமைப்புக்குத் தாம் அனுப்பி வைத்துள்ள ஒரு விளக்க அறிக்கையிலேயே மேற்படி செய்தி, சிங்கள அமைச்சர் ஒருவரின் திட்டமிடப்பட்ட சதி என வைகோ கடுமையாகச் சாடியிருக்கின்றார்.

அந்த அறிக்கையில் அவர் தெரிவித்திருப்பதாவது :

தாய்த் தமிழகத்திலும், இந்தியத் துணைக்கண்டத்திலும், இலங்கைத் தீவிலும் ஏன் உலகமெங்கிலும் வாழ்கின்ற இஸ்லாமியப் பெருமக்களை சகோரர்களாக அன்புடன் நேசிப்பவன் நான் என்பதை யாரும் மறுக்க முடியாது. பாலஸ்தீனிய தலைவர் யசீர் அரஃபாத் ரமல்லாவில் சிறை வைக்கப்பட்டு கொடுமைகள் இழைக்கபட்ட போதும் மனம் கொதித்து கண்டனம் தெரிவித்தவன் நான்.

ஈராக்கில், அமெரிக்க இராணுவம் நுழைந்த போது, இந்திய அரசு, அமெரிக்காவிற்கு கடும் கண்டம் தெரிவிக்க வேண்டும் என்று வேலூர்ச் சிறையில் இருந்தவாரே அன்றைய பிரதமர் அடல் பிகாரி வாஜ்பேக்கு கடிதம் எழுதிமை அப்போதே ஏடுகளில் வெளிவந்துள்ளது.

ஈராக்கின் அதிபர் சாதாம் ஹ_சேன் இழிவு படுத்தித் தூக்கில் இட்ட அக்கிரமத்தைக் கடுமையாகச் சாடி அறிக்கை தந்தவன் நான்.சர்வதேச அணுசக்திக் கழகம், ஆஸ்திரியா நாட்டின் தலைநகர் வியன்னாவில் நடைபெற்ற மாநாட்டில் ஈரானுக்கு எதிராக இந்தியா வாக்கு அளித்தமையை மிகக் கடுமையாக கண்டித்து இருக்கிறேன்.

இஸ்லாமிய மக்கள் சகோதரர்களாகக் கருதி, அவர்களுடன் அன்பையும், பாச உணாவையும் பேரறிஞர் அண்ணாவின் இயக்கத்தின் வழியாக மனதில் வளர்த்துக் கொண்டேன். என்னுடைய இதயதாகம் எல்லாம் இலங்கைத் தீவில், சுதந்திர இறையாண்மை உள்ள ஈழத் தனி நாடு மலர வேண்டும். அங்கு இந்துக்கள், கிறிஸ்தவர்கள், முஸ்லிம்கள் அனைவரும்

ஒரு தாய் மக்களாக நல்லினக்கத்தோடு சகோதரத்துவத்தைப் பேணி வாழ வேண்டும் என்பதுதான்.

கிழக்கு மாகாணத்தில், இராணுவம், பொலிஸாரைப் பயன்படுத்தி மஹிந்த அரசு நடத்திய மோசடித் தேர்தலுக்கு முன்பு, கிழக்கில் வாழுகின்ற இஸ்லாமிய சகோதரர்களின் உள்ளத்திலும் என்மீதும் விடுதலைப் புலிகள் மீதும் வெறுப்பை உமிழுகின்ற வேலையாக சிங்கள அமைச்சர் வேண்டுமென்றெ திட்டமிட்டுப் பொய்ப் பிரசாரம் செய்து இருக்கிறார்.

இந்தச் செய்தி உடனடியாக என் கவனத்திற்கு வரவில்லை. அண்மையில் தான் இலங்கைத் தீவில் ஒரு பத்திரிகையில் வெளியான இச் செய்தி குறித்து அறிய நேர்நதது. என்றும் அதில் உள்ளது.

நன்றி : சுடர் ஒளி

அட விடுங்கள் வைக்கோ. இதுவெல்லாம் ஒரு பிரச்சனை எண்டு....எப்படா தமிழன் பலவீனப்படுவான், நாங்கள் எங்கள் கைவரிசையைக் காட்டலாம் என்று தருணம் பார்த்துக்கொண்டு இருப்பவர்கள் தானே ? தமிழரின் தாயகக் கோட்பாட்டையே கேலி செய்து அதைத் துண்டாட காலம் காலமாக சிங்களத்துடன் சேர்ந்து உளைத்தவர்கள் தானே, இப்போது நீங்கள் விளக்கம் கொடுப்பதால் மட்டும் அவற்றை எல்லாம் விட்டு விடுவார்களா என்ன?

புலிகளும் கிழக்கில் இல்லை, பிள்ளையானும் அரசின் துணைக்குழுவாய் மாறியாச்சுது, இனி எங்கள் கை வரிசையைக் காட்டலாம் எண்டு கிளம்பியிருக்கிறார்கள். அவ்வளவுதான்.