கட்டுபெத்தவில் இடம் பெற்ற குண்டு தாக்குதல் காரணமாக தோன்றிய பதற்றமான சூழ்நிலையையடுத்து பாதுகாப்பினை கருத்திற் கொண்டு வடபகுதியைச் சோந்த மொரட்டுவை பல்கலைக்கழக மாணவர்கள் அவர்களின் சொந்த இடங்களுக்கு அனுப்பி வைத்ததாக த.தே.கூட்டமைப்பின் வன்னி மாவட்ட பா.உ. சிவநாதன் கிஷோர் தெரிவித்தார்.

இது தொடர்பாக கேசரிக்கு கருத்துத் தெரிவிக்கையில் :

நேற்று காலை கட்டுபெத்த பகுதியில் இடம் பெற்ற குண்டுத் தாக்குதலையடுத்து மொரட்டுவை பல்கலைக்கழகப் பகுதியில் பதற்றமான சூழ்நிலை ஏற்பட்டது. வடபகுதியைச் சோந்த பல்கலைக்கழக மாணவர்கள் சக மாணவர்களால் தாக்கப்பட்ட சம்பவங்களும் இடம் பெற்றுள்ளன.

இந் நிலையில், நிலைமை மேலும் மோசமாவதை த:டுக்கவும் வடபகுதி மாணவர்கள் மீது இரவில் தாக்குதல் நடத்தப்படலாம் என்ற அச்சதத்தின் காரணமாகவும் அவர்களை பொலிஸாரின் பாதுகாப்புடன் மொரட்டுவவில் இருந்து பம்பலப்பிட்டி பொலிஸ் நிலையத்திற்கு கொண்டுவர நடவடிக்கை எடுத்தேன்.

அதனையடுத்து, மாணவர்கள் நேற்றிறவு ரயில் மூலம் சொந்த இடங்களுக்கு அனுப்பி வைக்கப்ட்டனர். யாழ். மாணவர்கள் உடனடியாக சொந்த இடங்களுக்கு செல்ல முடியாத சூழ்நிலை உள்ளதால் அவர்கள் வவுனியாவிற்கு சென்றுள்ளனர்.

பாதுகாப்பினை கருத்திற்கொண்டு மாணவர்களுடன் நான் கலந்தாலோசித்ததன் பயனாகவே அவர்கள் சொந்த இடங்களுக்கு செல்வது என்ற முடிவு எடுக்கபட்டது. அவர்களை சொந்த இடங்களுக்குச் செல்லுமாறு யாரும் நிர்ப்பந்திக்கவில்லை என்பதனையும் தெளிவாக தெரிவித்துக் கொள்ளவிரும்புகிறேன்.

நன்றி வீரகேசரி

சொந்த தேசம் வேண்டும். பலமுறை சிங்களம் புரிய வைத்து விட்டது.

இனியும் கண்மூடி பால் குடிப்பான் ஏன் உலக அமைதி விரும்பிகளே, சனநாயக வாதிகளே.