சென்னை உயர்நீதிமன்றத்தில் வழக்கறிஞர்களுக்கும் காவலருக்கும் இடையே பயங்கர மோதல் வெடித்தது. அப்போது ஏற்பட்ட அடிதடியில் 50க்கும் மேற்பட்ட வழக்கறிஞர்கள், 20க்கும் மேற்பட்ட காவலர்கள் காயமடைதனர்.

சுப்பிரமணிய சுவாமி மீது முட்டை வீசிய சர்ச்சையில் 16 வழக்கறிஞர்களை காவல் துறையினர் தேடி வருகின்றனர். அது தொடர்பான விசாரணையில் இன்று (19.02.09) பிற்பகல் வழக்கறிஞர்களுக்கும் காவலர்களுக்கும் இடையே வாக்குவாதம் நீண்டு கலவரமாக வெடித்தது. இதில் இருதரப்பினரிடையே கல்வீச்சு பலமாக நடந்தது. இதனால் காவல் ஆணையர் தலைமையில் நூற்றுக்கணக்கான காவலர்கள் குவிக்கப்பட்டனர். வழக்கறிஞர்களை கட்டுப்படுத்த தடியடி நடத்தப்பட்டது. அதனால் கலவரம் பெரிதானது.. இதில் 50க்கும் அதிகமான வழக்கறிஞர்களும், துணை ஆணையர் உட்பட 20 காவலர்களும் காயமடைதனர். இதை பார்வையிட வந்த நீதிபதிகளும் தாக்கப்பட்டனர்.

கலவரத்தில் சென்னை உயர்நீதிமன்றத்தின் வளாகத்தில் இருந்த காவல் நிலையம் தீவைத்து எரிக்கப்பட்டது. அதில் முக்கிய ஆவணங்கள் எரிந்து சாம்பலாகியது.. மேலும் வாகன நிறுதத்தில் இருந்த வாகனங்கள் அடித்து நொறுக்கப்பட்டன. சில தீயிக்கு இரையாகின.

இச்சம்பவத்தின் எதிரொலியாக தகவல் அறிந்த மதுரை நீதிமன்ற வழக்கறிஞர்கள் உடனடியாக பணி புறக்கணிப்பு செய்தனர்.. கோவை நீதிமன்ற வளாகத்தில் நின்றிருந்த காவல் துறை வாகனம் தீயிட்டு கொளுத்தப்பட்டது. வழக்கறிஞர்கள் காவலர்களால் தாக்கப்பட்ட இச்சம்பவம் தமிழகத்தில் பெரும் கிளர்ச்சியை ஏற்படுத்தக் கூடும் என அஞ்சப்படுகிறது.

இந்த கலவரம் தொடர்பாக சண் நியூஸ் தொலைக்காட்சிச் சேவையில் நேரடியாக ஒளிபரப்பட்ட சில காட்சிகளை கானொளியில் இங்கே காண்க

கானொளி: நன்றி' சண்நியூஸ்'

மீண்டும் கிழவன் போய் முதுகு வலியென படுத்து கொள்வான்.