நீதிமன்றத்தினால் விடுவிக்கப்பட்ட தமிழர் ஒருவரை நீதிமன்றத்தின் எதிரில் வைத்தே கடத்திச் செல்ல முயற்சி :

நீதிமன்றத்தினால் விடுவிக்கப்பட்ட தமிழர் ஒருவரை நீதிமன்றத்தின் எதிரில் வைத்தே கடத்திச் செல்ல முயற்சி :

நீதிமன்றத்தினால் விடுவிக்கப்பட்ட தமிழர் ஒருவரை நீதிமன்றத்தின் எதிரில் வைத்தே கடத்திச் செல்ல முயற்சிக்கப்பட்டுள்ளது. கொழும்பு பயங்கரவாத தடுப்பு பிரிவினரால் கைதுசெய்யப்பட்டு 3 மாதங்கள் தடுப்பு காவலில் வைக்கப்பட்டிருந்த ஐயாதுரை பரமசிவம் என்பவர் புதுக்கடை நீதவான் நீதிமன்றத்தில் ஆஜர்ப்படுத்தப்பட்ட பின்னர் நேற்று விடுதலை செய்யப்பட்டுள்ளார்.

சாதாரண உடையில் காணப்பட்ட ஆயுதம் தாங்கிய நபர்கள் நீதிமன்றத்தின் நுழைவாயிலுக்கு அருகில் வைத்து அவரைக் கடத்திச் செல்ல முயன்றுள்ளனர். வவுனியாவைச் சேர்ந்த பரமசிவம் என்பவர் கொழும்பில் கைதுசெய்யப்பட்டிருந்தார். நீதிமன்றத்தில் இருந்து வெளியே சென்ற பரமசிவத்தை நுழைவாயிலுக்கு அருகில் கறுப்பு நிற டி சேர்ட் அணிந்திருந்த ஆயுததாரிகள் அவரின் தலையில் கைத்துப்பாக்கியை வைத்து அச்சுறுத்திக் கடத்திச் செல்ல முயற்சித்துள்ளனர். இதனை சுதாதரித்து கொண்ட அவர், அவர்களிடம் இருந்து தப்பி நீதிமன்றத்திற்கு ஓடிச் சென்று தனது சட்டத்தரணிகளிடம் விடயத்தை கூறியுள்ளார்.

சட்டத்தரணிகள் அவரின் பாதுகாப்புக் குறித்து 5 இலக்க நீதவான் நீதிமன்றத்தில் அவரை ஆஜர்ப்படுத்தியுள்ளனர். இதனையடுத்து நீதவான் நிஷாந்த ஹப்புவாராச்சி, நீதிமன்ற காவலுக்கு பொறுப்பான காவற்துறை அதிகாரியை அழைத்து பரமசிவத்தை நீதிமன்ற வளாகத்திற்குள் கைதுசெய்ய அனுமதிக்க வேண்டாம் என உத்தரவிட்டுள்ளார். இந்த நிலையில் பரமசிவத்தின் பாதுகாப்பு கருதி அவரை கொட்டாஞ்சேனை காவற்துறையினரின் ஜீப் வண்டியில் ஏற்றிய சட்டத்தரணிகள் காவற்துறை ஜீப் வண்டியை தொடர்ந்து சென்றதுடன் அவரை கொட்டாஞ்சேனை காவற்துறையினரிடம் ஒப்படைத்துள்ளனர்.

பரமசிவம் பயங்கரவாத தடுப்பு பிரிவினரால் உரிய தினத்தில்; நீதிமன்றத்தில் ஆஜர்ப்படுத்தப்படவில்லை என கூறப்படுகிறது. இந்த நிலையில் நேற்று கொட்டாஞ்சேனை காவற்துறையில் ஒப்படைக்கப்பட்ட பரமசிவத்தை அவரது உறவினர்கள், பார்ப்பதற்காக அங்கு சென்ற போது, அவர் அங்கு இல்லை என காவற்துறையினர் கூறியுள்ளனர் எனவும் தெரிவிக்கப்பட்டுள்ளது.

updated - 2009-06-09மூலம் - office Reporter

http://www.globaltamilnews.net/tamil_news....10472&cat=1