குடாநாட்டில் புதுவகை நிர்வாகம் பிரதேச செயலகங்களில் அமைச்சர்கள் பணிபுரிவர் மீள்குடியமர்வு, அபிவிருத்திப் பணிகள் இனி அவர்களின் வழிகாட்டலில்

யாழ். மாவட்டத்தில் அகதிகளின் மீள்குடியமர்வு, அபிவிருத்தி, உட்கட்டுமானப் பணிகளைத் துரிதப்படுத்துவதற் காக புது வகை நிர்வாகம் அறிமுகப்படுத்தப்படுகின்றது. இங்குள்ள பிரதேச செயலகங்கள் எல்லாவற்றிலும்அமைச்சர்கள் பணி யாற்றவுள்ளனர்.

இதற்காக யாழ். மாவட்டத்தில் உள்ள 15 பிரதேச செயலர் பிரிவுகளுக்கும் 11 அமைச்சர்கள் நேற்றுமுதல் நியமிக் கப்பட்டுள்ளனர். இவர்கள் பிரதேச செயலகங்களில் பிரதேச செயலர்களுடன் இணைந்து அபிவிருத்திப் பணிகளை முன்னெடுக்கவுள்ளனர் என்று தெரிவிக்கப்பட்டது. இதற்கென மின்சக்தி, எரிசக்தி அமைச் சர் மஹிந்தானந்த அளுத்கமகே தலைமை யில் 7 அமைச்சர்கள் நேற்று யாழ்ப்பாணம் வருகை தந்தனர். அமைச்சர்களான ஜகத் புஷ்பகுமார, துமிந்த திஸநாயக்க, லஸந்த அழகியவன்ன, நாடாளுமன்ற உறுப்பினர் அர்ஜுன ரணதுங்க ஆகியோர் அடுத்த சில தினங்களில் யாழ்ப்பாணத்துக்கு வருகை தரவுள்ளனர்.

வடக்கு மீள்குடியமர்வு மற்றும் அபிவிருத்திக்கான ஜனாதிபதி செயலணியின் தலைவர் பஸில் ராஜபக்ஷவின் ஏற்பாட்டில் சமூக சேவைகள் மற்றும் சமூக நலத்துறை அமைச்சர் டக்ளஸ் தேவானந்தாவின் வழிகாட்டலில் இந்த அமைச்சர்கள் பிரதேச செயலகங்களில் பணியாற்றவுள்ளனர்.

இது தொடர்பான கூட்டம் ஒன்று நேற்றுக்காலை 10.30 மணியளவில் யாழ். செயலகத்தில் நடைபெற்றது. சமூக சேவைகள் மற்றும் சமூக நலத்துறை அமைச்சர் டக்ளஸ் தேவானந்தாவின் தலைமையில் இக்கூட்டம் நடைபெற்றது. இக்கூட்டத்தில் மின்சக்தி, எரிசக்தி அமைச்சர் மஹிந்தானந்த அளுத்கமகே, பிரதி வெளிவிவகார அமைச்சர் ஹுசைன் பைலா, சுகாதார பிரதி அமைச்சர் வடிவேல் சுரேஷ், சுகாதார போஷாக்குத்துறை அமைச்சர் ஜயரத்ன ஹேரத், கிராமியக் கைத்தொழில் அபிவிருத்தி அமைச்சர் பிறேம்லால் ஜயசேகர, நீர்வழங்கல் வடிகாலமைப்பு அமைச்சர் மஹிந்த அமரவீர, தேச நிர்மாண அமைச்சர் றோஹித அபேவர்த்தன ஆகியோர் கலந்துகொண்டனர்.

யாழ். அரச அதிபர் k..கணேஷ், வடமாகாண ஆளுநர் ஜி.ஏ. சந்திரசிறி, யாழ். பிராந்திய கடற்படைத்தளபதி, யாழ். மாவட்ட இராணுவத் தளபதி, யாழ். உதவிப் பொலிஸ் அத்தியட்சகர் ஆகியோருடன் யாழ். மாவட்டத்தின் 15 பிரதேச செயலகங்களின் பிரதேச செயலாளர்களும் இக்கூட்டத்தில் கலந்துகொண்டனர்.

அமைச்சர்களுக்கான பிரதேச செயலர் பிரிவுகள் ஒதுக்கீடு

இந்தக் கூட்டத்தில் அமைச்சர்களுக்கான பிரதேச செயலர் பிரிவுகள் ஒதுக்கீடு செய்யப்பட்டன.அகதிகளின் மீள்குடியமர்வு, பிரதேச அபிவிருத்தி, உட்கட்டமைப்பு வசதிகளை இந்த அமைச்சர்கள் கவனித்துக் கொள்வார்கள். விசேடமாகத் தற்போது நலன்புரி நிலையங்களில் இருந்து விடுவிக்கப்படும் அகதிகளின் மீள்குடியமர்வு, அவர்களின் வாழ்வாதாரத்தை மேம்படுத்துதல் போன்றவற்றுக்கு முன்னுரிமை வழங்குவது குறித்தும் பிரதேச செயலர்களுடன் இணைந்து அமைச்சர்கள் பணியாற்றுவார்கள்.

பிரதேச செயலர் பிரிவுகளில் மேற்கொள்ளப்படவேண்டிய அபிவிருத்திப் பணிகளை இனம்கண்டு முன்னெடுப்பதற்கும் இந்த அமைச்சர்கள் பணியாற்றுவார்கள். அகதிகளின் மீள்குடியமர்வு வேலைத்திட்டங்கள் அனைத்தும் இந்த அமைச்சர்களின் தலைமையிலேயே மேற்கொள்ளப்படும்.

கண்ணிவெடி அகற்றல், மின்விநியோகம், வாழ்வாதார உதவி வழங்கல் ஆகிய நடவடிக்கைகளையும் இந்த அமைச்சர்களே கவனித்துக்கொள்வர்.

பிரதேச செயலகங்களுக்கு நியமிக்கப்பட்டுள்ள அமைச்சர்களின் விவரங்கள் வருமாறு:

* நெடுந்தீவு பிரேம்லால் ஜயசேகர

* வேலணை, ஊர்காவற்றுறை ஹுசைன் பைலா

* காரைநகர், சங்கானை வடிவேல் சுரேஷ்

* யாழ்ப்பாணம், மருதங்கேணி மஹிந்தானந்த அளுத்கமகே

* சண்டிலிப்பாய் றோஹித அபேவர்தன

* உடுவில், தெல்லிப்பளை ஜயரத்ன ஹேரத்

* கோப்பாய் ஜகத் புஷ்பகுமார

* சாவகச்சேரி லசந்த அழகியவன்ன

* நல்லூர் மஹிந்த அமரவீர

* பருத்தித்துறை துமிந்த திஸாநாயக்க

* கரவெட்டி அர்ஜுன ரணதுங்க.

இணைய இணைப்பு : http://www.uthayan.com/Welcome/full.php?id=1148&ஊதயந௧௨௫௬௦௦௩௫௬௭

Edited October 20, 200916 yr by அன்புச்செல்வன்