கடல் கரும்புலிகள்.

தேசியத் தலைவர் பிரபாகரனை, மறக்காத காஷ்மீர் மக்கள். ######################## ################################ ############## தமிழருக்கு மட்டும் அல்ல... எல்லா மொழிகளுக்கும் தாய்மொழி... தமிழ்.

நிறைவேற்று அதிகார ஜனாதிபதி ஆட்சிமுறையை ஒழிப்பதற்கு இணக்கம்? நிறைவேற்று அதிகார ஜனாதிபதி ஆட்சிமுறையை ஒழிப்பதற்கு ஜனாதிபதி, பிரதமர் மற்றும் எதிர்க்கட்சி தலைவர் ஆகியோர் இணக்கப்பாட்டுக்கு வந்துள்ளதாக தகவல்கள் வெளியாகியுள்ளன. இந்த விடயம் தொடர்பாக கொழும்பு ஆங்கில நாளிதழ் ஒன்று செய்தி வெளியிட்டுள்ளது. அண்மையில் ஸ்ரீலங்கா பொதுஜன பெரமுனவின் உயர்மட்ட உறுப்பினர்கள் மத்தியில் உரையாற்றிய எதிர்க்கட்சி தலைவர் மஹிந்த ராஜபக்ஷ, நிறைவேற்று அதிகார ஜனாதிபதி ஆட்சிமுறை ஒழிக்கப்பட வேண்டும் என்று வலியுறுத்தியிருந்தார். அத்தோடு இந்த விடயம் தொடர்பான கருத்துக்களை கூறுமாறு அவர் தெரிவித்திருந்ததோடு, அதற்கு சிலர் ஆதரவளித்திருந்தனர். அதேபோல் ஜனாதிபதி மைத்திரிபால சிறிசேனவும், நிறைவேற்று அதிகார ஜனாதிபதி ஆட்சிமுறை ஒழிக்கப்படுவதற்கு ஆதரவு வழங்க இணங்கியுள்ளார். அவ்வாறே பிரதமர் ரணில் விக்ரமசிங்கவும், நிறைவேற்று அதிகார ஜனாதிபதி ஆட்சி ஒழிக்கப்படுவதற்கு ஆதரவு தெரிவித்துள்ளார். இதற்கமைய நிறைவேற்று அதிகார ஜனாதிபதி ஆட்சிமுறையை ஒழிப்பதற்கு பெரும்பாலும் அனைத்து தரப்பினரும் ஆதரவு தெரிவித்துள்ளதாக அந்த செய்தியில் சுட்டிக்காட்டப்பட்டுள்ளது. http://athavannews.com/நிறைவேற்று-அதிகார-ஜனாதிப/

இராணுவ வீரர்களை தண்டிக்க ஒருபோதும் இடமளிக்கமாட்டேன்: ஜனாதிபதி இறுதி யுத்தத்தின்போது இராணுவ வீரர்கள் போர்க்குற்றத்தில் ஈடுபடவில்லை. ஆகையால் அவர்களை தண்டிப்பதற்கு ஒருபோதும் இடமளிக்கமாட்டேன் என ஜனாதிபதி மைத்திரிபால சிறிசேன தெரிவித்துள்ளார். யுத்தக்குற்றத்தில் ஈடுபட்ட இராணுவ வீரர்களுக்கு தண்டனை வழங்கப்பட வேண்டுமென வலியுறுத்தப்படுகின்றமை குறித்து ஜனாதிபதியிடம் கொழும்பிலுள்ள ஊடகமொன்று கேள்வி எழுப்பியபோதே மேற்கண்டவாறு குறிப்பிட்டுள்ளார். இது தொடர்பாக அவர் மேலும் தெரிவிக்கையில், “இராணுவத்தினர் குருதி சிந்தி நாட்டை மீட்டெடுத்தவர்கள். ஆகையால் அவர்கள் போர்க்குற்றங்களில் ஈடுபடவில்லை என்பதே எனது நிலைப்பாடு. ஆனாலும், இராணுவத்தினர் போர்க்குற்றங்களில் ஈடுபட்டார்கள் என்று யாரும் கூறினாலும் அவர்களை தண்டிக்க ஒருபோதும் இடமளிக்கமாட்டேன். சிலர் இராணுவத்தினர் மீது வீண்பழி சுமத்தி அவர்களை சர்வதேச நீதிமன்றத்தில் நிறுத்த முயற்சிக்கின்றனர். அவர்களுக்கு வரலாறு பாடம் புகட்டும். நான் ஆட்சியிலிருக்கும் வரை இராணுவத்தை நிச்சயம் பாதுகாப்பேன்” என ஜனாதிபதி தெரிவித்துள்ளார். http://athavannews.com/இராணுவ-வீரர்களை-ஒருபோதும/

தர்மபுரத்தில் வெட்டுக்காயங்களுடன் ஆணொருவரின் சடலம் கண்டெடுப்பு கிளிநொச்சி தர்மபுரம் பொலிஸ் பிரிவிலுள்ள தர்மபுரம் 2ஆம் யூனிற் சம்பு குளத்திலிருந்து இளம் குடுப்பஸ்த்தர் ஒருவரின் சடலம் கண்டெடுக்கப்பட்டுள்ளது. குறித்த சடலம் இன்று (வெள்ளிக்கிழமை) காலை கண்டெடுக்கப்பட்டுள்ளதாக தர்மபுரம் பொலிஸார் தெரிவித்துள்ளனர். தர்மபுரம் மேற்கு 6 யூனிட்டைச் சேர்ந்த ஒரு குழந்தையின் தந்தையான அரசசிங்கம் கௌரியனந்தம் (28 வயது) என்பவரே இவ்வாறு சடலமாக கண்டெடுக்கப்பட்டுள்ளார். சம்பவம் தொடர்பாக பிரதேச மக்களால் பொலிஸாருக்கு தகவல் வழங்கப்பட்டதையடுத்து, சம்பவ இடத்திற்கு விரைந்த தர்மபுரம் பொலிஸார் விசாரணைகளை மேற்கொண்டு வருகின்றனர். குறித்த நபரின் சடலம் வெட்டுக்காயங்களுடன் கண்டெடுக்கப்பட்டுள்ளமையினால், இந்த சம்பவம் கொலையாகவிருக்கலாமென பொலிஸார் சந்தேகம் வெளியிட்டுள்ளனர். http://athavannews.com/தர்மபுரத்தில்-வெட்டுக்க/

இந்திய பிரதமர் மோடிக்கு அமைதிக்கான மகாத்மா காந்தி விருது இந்திய பிரதமர் நரேந்திர மோடியின் ‘தூய்மை இந்தியா’, ‘மேக் இன் இந்தியா’ போன்ற திட்டங்களுக்காக அமைதிக்கான ‘மகாத்மா காந்தி’ விருது தென்கொரிய அரசு சார்பில் வழங்கப்படுகின்றது. உத்தியோகபூர்வ விஜயமொன்றை மேற்கொண்டு இன்று (வியாழக்கிழமை) தென்கொரியா சென்றடைந்த பிரதமர் சியோலில் உள்ள புகழ்பெற்ற யொன்சி (Yonsei) பல்கலைக்கழக்தில் நடைபெற்ற நிகழ்ச்சியில் பங்கேற்றார். அங்கு நிறுவப்பட்டிருந்த மகாத்மா காந்தியின் மார்பளவு சிலையை மோடி மற்றும் தென்கொரிய ஜனாதிபதி மூன் ஜே இன் மற்றும் ஐ.நா சபை முன்னாள் பொதுச்செயலாளர் பான் கி மூன் ஆகியோர் திறந்து வைத்தனர். நிகழ்ச்சியில் கலந்து பேசிய பிரதமர் மோடி, மகாத்மா காந்தியின் 150ஆவது பிறந்த நாளை கொண்டாடி வரும் வேளையில், அவரது சிலையை திறந்து வைத்தது முக்கியத்துவம் வாய்ந்த நிகழ்வு என்று குறிப்பிட்டார். தீவிரவாதம் மற்றும் பருவநிலை மாற்றம் ஆகிய இரண்டும் மனிதகுலம் எதிர்கொண்டுள்ள இரண்டு பெரிய சவால்கள் என்றும் கூறினார். அத்துடன் புதிய ஒப்பந்தங்களிலும் இரு நாட்டு தலைவர்கள் கைசாத்திட்டனர். http://athavannews.com/இந்திய-பிரதமர்-மோடிக்கு/

அமெரிக்காவுக்கு எதிராக ரஷ்யாவும் அணு ஆயுத ஏவுகணைகளை நிலைநிறுத்த தயார் – புடின் அமெரிக்காவுக்கு எதிராக அணு ஆயுத ஏவுகணைகளை நிலைநிறுத்த ரஷ்யா தயாரக உள்ளது என அந்நாட்டு ஜனாதிபதி விளாடிமிர் புடின் கூறியுள்ளார். ஊடகவியாளர்களை இன்று (வியாழக்கிழமை) சந்தித்து கருத்து தெரிவித்த போதே, அமெரிக்காவுடனான ஆயுத போட்டியை ரஷ்யா விரும்பவில்லை என கூறினார். இதே நேரத்தில் ரஷ்யாவை குறி வைத்து அணு ஆயுத ஏவுகணைகளை ஐரோப்பிய நாடுகளில் நிறுத்த அமெரிக்க முயற்சி செய்வதாகவும் அவர் கூறினார். ஏவுகணைகளை ஏவி மொஸ்கோவை தாக்கும் வகையில் அமெரிக்கா திட்டமிட்டுள்ளதாக கூறிய அவர், இதற்கு பதிலடி கொடுக்க ரஷ்யாவும் தயாராக இருக்கின்றது என கூறினார். அமெரிக்காவுக்கு அருகில், சர்வதேச கடல்பரப்பில் ரஷ்யா கப்பல்கள், நீர் மூழ்கிகள் அணு ஆயுத ஏவுகணைகளுடன் நிறுத்தப்படும் எனவும் அவர் கூறினார். இந்த நிலையை அமெரிக்கா விரும்புகிறதா என கேள்வியெழுப்பிய அவர் அமெரிக்காவின் எந்த சவாலையும் எதிர்கொள்ள ரஷ்யா முழு அளவில் தயாராக இருக்கின்றது என விளாடிமிர் புடின் குறிப்பிட்டுள்ளார். http://athavannews.com/அமெரிக்காவுக்கு-எதிராக-ர/

அதிமுகவுக்கு தினகரன்.. திமுகவுக்கு கமல்ஹாசன்.. என்னென்ன நடக்குமோ.. கிலியில் தலைவர்கள் மக்கள் நீதி மையம் கட்சித் தலைவர் கமல்ஹாசன் மற்றும் அம்மா மக்கள் முன்னேற்ற கழக துணை பொது செயலாளர் டிடிவி தினகரன் ஆகியோருக்கு தமிழகம் முழுக்க பரவலாக உள்ள ஆதரவு, பிற கட்சிகளுக்கு பின்னடைவை ஏற்படுத்தும் என்று கூறப்படுகிறது. வரும் லோக்சபா தேர்தல் தமிழகத்தில் நான்குமுனைப்போட்டி உருவாகும் சூழ்நிலை உருவாகி உள்ளது. அதிமுக, பாஜக, பாமக ஆகிய கட்சிகள் அடங்கியது ஒரு கூட்டணி என்றால், திமுக, காங்கிரஸ், மதிமுக உள்ளிட்ட கட்சிகள் அடங்கியது மற்றொரு கூட்டணி. தேமுதிகவை இவ்விரு கூட்டணிகளில் ஒன்றைத்தான் தேர்ந்தெடுக்கப்போகிறது.இதில் கவனிக்க வேண்டிய ஒரு விஷயம், தேர்தலில் சிறப்பாக செயல்படும் டிராக் ரெக்கார்ட் வைத்துள்ள, அம்மா மக்கள் முன்னேற்ற கழகம் துணைப் பொதுச்செயலாளர் தினகரன், இதுவரை எந்தக் கட்சியுடனும் கூட்டணி என்று அறிவிக்கவில்லை. இதனால் அந்த கட்சி தனித்துப் போட்டியிடப் போவது உறுதியாகி உள்ளது.இதேபோல இரண்டாவது ஆண்டில் காலடி எடுத்து வைத்துள்ளது மக்கள் நீதி மையம் கட்சி. அனைத்து கட்சிகளையும் சரமாரியாக விமர்சனம் செய்து வருகிறார் கமல்ஹாசன். அதிமுக, திமுக, பாமக என கமல்ஹாசனின் விமர்சன சாட்டையடிக்கு, எந்த கட்சியும் தப்பவில்லை. எனவே அவரது கட்சியும் தனித்துதான் போட்டியிடப் போவது உறுதியாகி உள்ளது. தமிழகத்தில் வரும் லோக்சபா தேர்தலில் நான்கு முனைப் போட்டி என்பது உறுதியான விஷயமாகிவிட்டது.தினகரனை பொறுத்தளவில், அதிமுகவில் கணிசமான வாக்குகளை அவர் ஈர்ப்பார் என்பதுதான் அரசியல் பார்வையாளர்கள் கருத்தாக உள்ளது. அதிமுக தலைமையில் வலுவான கூட்டணி அமைத்தால் தான் தப்பிக்க முடியும் என்ற எண்ணத்தில் அதிமுக தலைமை, இதனால்தான், தீவிரமாக செயல்பட்டு வருகிறது. ஒவ்வொரு தொகுதியிலும் சுமார் 10% அளவிற்கு அதிமுக வாக்குகளை தினகரன் ஈர்ப்பார். இது எதிர் முகாமில் உள்ள திமுக கூட்டணிக்கு சாதகமாக செல்லும் என்று கணிக்கப்படுகிறது.ஆனால் அங்குதான் ஒரு திருப்பமாக, கமல்ஹாசன் கட்சி களமாட உள்ளது. கமல்ஹாசனின், கடவுள் மறுப்புக் கொள்கை, திராவிடக் கொள்கை போன்ற பலவும் திமுகவுடன் பொருந்திப் போவதாக உள்ளது. ஆனால் திமுகவில் உள்ள வாரிசு அரசியல் உள்ளிட்ட சில விஷயங்களைக் குறிப்பிட்டு கமல்ஹாசன் குற்றம்சாட்டி வருகிறார். எனவே தேர்தல் நேரத்தில் திமுகவுக்கு மாற்றாக ஒரு சக்தியை விரும்புவோர் கமல்ஹாசன் கட்சிக்கு வாக்களிக்கக்கூடும். திமுகவிடம் உள்ள பல அடிப்படை கொள்கைகள் கமல்ஹாசன் கட்சியில் உள்ளது. ஆனால் அதே கொள்கைகளுடன் ஒரு மாறுபட்ட தலைவர், மாறுபட்ட கட்சி தேவை என்ற எண்ணத்தில் இருக்கக்கூடிய வாக்காளர்களின் ஓட்டுகள் கமல்ஹாசன் கட்சிக்கு செல்லும். இது திமுகவின் வாக்குகளை தமிழகம் முழுக்க கணிசமாக பிரித்துவிடும்.தினகரனை பார்த்து அதிமுக தரப்பும், கமல்ஹாசன் கட்சியின் வளர்ச்சியை பார்த்து திமுக தரப்பும் அச்சமடைந்துள்ளனர். எனவேதான் கமல்ஹாசனுக்கு எதிராக முரசொலியில் சமீபகாலமாக தொடர் தாக்குதல்கள் அரங்கேறி வருகின்றன. சமூகவலைத்தளங்களிலும் திமுகவினர் கமல்ஹாசனை கடுமையான வார்த்தைகளால் விமர்சனம் செய்வதை பார்க்க முடிகிறது. தனித்தனியாக போட்டியிட்டாலும் கூட, அதிமுக மற்றும் திமுக தலைவர்களுக்கு, தினகரன் மற்றும் கமல்ஹாசன் பெரும் கிலியை உண்டு செய்து உள்ளனர்.Read more at: https://tamil.oneindia.com/news/chennai/kamal-hassan-ttv-dhinakaran-will-play-crucial-role-the-lok-sabha-election-342042.html

ஆசிரியர் பணியில்..... உலகின் தலைசிறந்த பத்து ஆசிரியர்களுள் ஒருவராக, தமிழ் பெண்மணி இருப்பது... தமிழர்களுக்கெல்லாம் பெருமை தரும் விடயம். யசோதை செல்வகுமாரனுக்கு.... வாழ்த்துக்கள்.

வாழ்த்துக்கள்.

யசோதை செல்வகுமாரன் வெற்றி பெற வாழ்த்துக்கள்.

250 மில்லியன் ரூபா செலவில் யாழில் தகவல் தொழில்நுட்ப பூங்கா! யாழ்ப்பாணத்தில் விருத்திக்கான தகவல் பேணும் தொழில்நுட்ப பூங்கா அமைக்கப்பட்வுள்ளது. இதுதொடர்பிவல் இந்தியா மற்றும் இலங்கைக்கு இடையில் புரிந்துணர்வு ஒப்பந்தம் கைச்சாத்திடப்பட்டுள்ளது. இந்த ஒப்பந்தம் அலரிமாளிகையில் இந்திய தூதுவர் தரன்ஜித் சிங் சந்துவும் அபிவிருத்தி மூலோபாயங்கள் மற்றும் சர்வதேச வணிக அமைச்சின் செயலர் கொடிகாரவும் கையெழுத்திட்டனர். பிரதமர் ரணில் விக்ரமசிங்க அமைச்சர் மலிக் சமரவிக்ரம பாராளுமன்ற உறுப்பினர் மாவை சேனாதிராஜா உள்ளிட்டவர்களும் கலந்து இதில் கலந்து கொண்டனர். இலங்கை அரசினால் மேற்கொள்ளப்படும் மக்கள் நலன்சார் அபிவிருத்தித் திட்டங்களுக்கு இந்திய அரசினால் வழங்கப்படும் உதவிகளின் வரிசையில் இத்திட்டமும் ஒன்றாகும். இந்த பூங்கா வடமாகாணத்தில் தகவல் தொடர்பாடல் தொழில்நுட்பம் மற்றும் பிற தொழில்சார் சேவைகளுக்கான வாய்ப்பை மேம்படுத்த உதவும். இவை தவிரஇ இந்திய அரசினால் அபிவிருத்தி மற்றும் புனர்நிர்மாணம் மற்றும் மீள்குடியேற்றத்தினை மேம்படுத்தும் முகமாக வடமாகாணத்தில் 46,000 வீடுகள் அமைக்கப்பட்டுள்ளன. இந்திய அரசாங்கத்தின் இலங்கைக்கான 3 பில்லியன் அமெரிக்க டொலர் உதவிகளில் 560 மில்லியன் அமெரிக்க டொலர் நிதி மானிய உதவியாக வழங்கப்பட்டுள்ளது. மேலும் இந்திய அரசின் நிதியுதவியினால் இம் மாகாணத்தில் 1990 இலக்க அவசர நோயாளர் அம்புலன்ஸ் சேவைறும் தற்போது நடைமுறைப்படுத்தப்பட்டு வருகின்றது. இந்திய அரசாங்கத்தின் நிதியுதவியின் கீழ் இலங்கையில் தற்போது நடைமுறைப்படுத்தப்படும் திட்டங்களான யாழ். கலாச்சார மையம் 27 பாடசாலைகளுக்கான கட்டிடங்கள், 3000 மழை நீர் சேகரிப்பு தொகுதிகள் 600 வீடுகளைக் கொண்ட 25 மாதிரிக் கிராமங்கள் ஆகியன அமைக்கப்பட்டு வருகின்றன. இந்திய அரசாங்கத்தின் நிதிப் பங்களிப்பில் நாடு முழுவதும் 70 ற்கும் மேற்பட்ட மக்கள நலன் சார் அபிவிருத்தி திட்டங்கள் ஏற்கனவே பூர்த்தி செய்யப்பட்ட நிலையில் தற்போது 20 அபிவிருத்தித் திட்டங்கள் மேற்கொள்ளப்பட்டு வருகின்றமை குறிப்பிடத்தக்கது. (அரசாங்க தகவல் திணைக்களம்) http://tamil.adaderana.lk/news.php?nid=111560

மீடூ புகாருக்கு விளக்கம் அளித்த பாடகர் கார்த்திக் செய்திகள் தமிழ், இந்தி, தெலுங்கு, கன்னட மொழி படங்களில் அதிகமான பாடல்கள் பாடி உள்ள பிரபல பாடகர் கார்த்திக் மீது ‘மீ டூ’வில் சில மாதங்களுக்கு முன்பு பாலியல் புகார் கூறப்பட்டது. வெளிநாட்டு தமிழ் பாடகி இந்த புகாரை கூறியிருந்தார். இதனை பாடகி சின்மயி வெளியிட்டார். இதற்கு தற்போது தனது டுவிட்டர் பக்கத்தில் கார்த்திக் விளக்கம் அளித்து கூறியிருப்பதாவது:- “புல்வாமாவில் பயங்கரவாத தாக்குதலில் உயிர் துறந்த வீரர்கள் குடும்பத்தினருக்கு ஆழ்ந்த இரங்கலை தெரிவித்துக்கொள்கிறேன். என்மீது கூறப்படும் சந்தேகங்களுக்கு விளக்கம் அளிக்க விரும்புகிறேன். என்னை சுற்றி எப்போதும் மகிழ்ச்சி பரவ வேண்டும் என்று விரும்புபவன் நான். சமீபகாலமாக என் மீது வதந்திகள் வருகின்றன. நான் இதுவரை யாரையும் புண்படுத்தியது இல்லை. யாருக்கும் தொல்லையோ, அசவுகரியமோ கொடுத்ததும் இல்லை. கடந்த காலங்களில் எனது செயலால் யாராவது சங்கடப்பட்டு இருந்தால் அந்த தவறுக்கான விளைவுகளை சந்திக்க தயாராக இருக்கிறேன். ‘மீ டூ’ இயக்கத்தை நான் ஆதரிக்கிறேன். எனக்கு எதிரான புகாரில் உண்மை இருந்தால் அதற்காக மன்னிப்பு கேட்கவும் சட்ட நடவடிக்கைக்கு உட்படவும் தயாராக இருக்கிறேன்.” இவ்வாறு பாடகர் கார்த்திக் கூறியுள்ளார். http://kisukisu.lk/?p=31133

உபாதை காரணமாக லசித் அம்புள்தெனிய போட்டியில் இருந்து விலகினார் இடது பெருவிரலில் ஏற்பட்ட உபாதை காரணமாக இலங்கை அணி வீரர் லசித் அம்புள்தெனிய, தென்னாபிரிக்காவுக்கு எதிரான 2 ஆவது டெஸ்ட் போட்டியில் இருந்து விலகியுள்ளார். இலங்கை கிரிக்கெட் அணி 2 டெஸ்ட், 5 ஒருநாள் மற்றும் 3 ரி 20 போட்டிகளில் விளையாடுவதற்காக தென்ஆப்பிரிக்கா சென்றுள்ளது. 2 வது டெஸ்ட் போட்டி தென்னாப்பிரிக்காவின் போர்ட் எலிசபெத் மைதானத்தில் நடைபெறுகின்றது. நாணய சுழற்சியை வென்ற தென்னாபிரிக்க அணி முதலில் துடுப்பெடுத்தாட தீர்மானித்தது. அதன்படி முதலில் துடுப்பெடுத்தாடிய தென்னாப்பிரிக்கா அணி சகல விக்கெட்டுக்களையும் இழந்து 222 ஓட்டங்கள் மட்டுமே பெற்றது. இலங்கை அணி சாரபில் வேகப்பந்து வீச்சாளர் விஷ்வ பெர்னாண்டோ 3 விக்கெட்டுக்களும் ராஜித 3 விக்கெட்டுக்களையும் பெற்றனர். பதிலுக்கு துடுப்பெடுத்தாடி வரும் இலங்கை அணி இதுவரையில் 3 விக்கெட்டுக்களை இழந்து 60 ஓட்டங்களை பெற்றுள்ளது. 1 வது டெஸ்ட் போட்டியில் இலங்கை அணி 1 விக்கெட் வித்தியாசத்தில் வெற்றி பெற்றிருந்தமை குறிப்பிடத்தக்கது. http://tamil.adaderana.lk/news.php?nid=111557

நிறைவேற்று அதிகார அதிபர் முறையை ஒழிக்க மைத்திரி, ரணில், மகிந்த இணக்கம் நிறைவேற்று அதிகார அதிபர் ஆட்சிமுறையை ஒழிப்பதற்கு மைத்திரிபால சிறிசேன, ரணில் விக்ரமசிங்க, மகிந்த ராஜபக்ச ஆகியோர் இணக்கப்பாட்டுக்கு வந்துள்ளனர் என்று கொழும்பு ஆங்கில நாளிதழ் ஒன்று செய்தி வெளியிட்டுள்ளது. அண்மையில் சிறிலங்கா பொதுஜன முன்னணியின் உயர்மட்ட உறுப்பினர்கள் மத்தியில் உரையாற்றிய மகிந்த ராஜபக்ச, நிறைவேற்று அதிகார அதிபர் ஆட்சிமுறை ஒழிக்கப்பட வேண்டும் என்று கூறியிருந்தார். இதுதொடர்பான கருத்துக்களை கூறுமாறும் அவர் தெரிவித்திருந்தார். அதற்கு சிலர் ஆதரவளித்தனர். சிலர் கருத்துக்களை வெளியிடவில்லை என்றும் கூறப்படுகிறது. சிறிலங்கா அதிபர் மைத்திரிபால சிறிசேனவும், நிறைவேற்று அதிகார அதிபர் ஆட்சிமுறை ஒழிக்கப்படுவதற்கு ஆதரவு வழங்க இணங்கியுள்ளார். பிரதமர் ரணில் விக்ரமசிங்கவும், தமது 2015 தேர்தல் அறிக்கைக்கு அமைய, நிறைவேற்று அதிகார அதிபர் ஆட்சி ஒழிக்கப்படுவதற்கு ஆதரவு தெரிவித்துள்ளார். இந்த நிலையில் இன்று சிறிலங்கா அதிபர் சிறிசேனவும், முன்னாள் அதிபர் மகிந்த ராஜபக்சவும் இன்று சந்தித்துக் கலந்துரையாடவுள்ளனர். இதன்போது, நிறைவேற்று அதிகார அதிபர் முறையை ஒழிப்பது குறித்து கலந்துரையாடப்படும் என்று எதிர்பார்க்கப்படுகிறது. http://www.puthinappalakai.net/2019/02/22/news/36526

குற்றவாளிகளைப் பாதுகாக்கவா மனித உரிமை ஆணைக்குழு?- சிறிசேன பாய்ச்சல் சிறிலங்கா மனித உரிமைகள் ஆணைக்குழு மீது சிறிலங்கா அதிபர் மைத்திரிபால சிறிசேன மீண்டும் குற்றச்சாட்டுகளை முன்வைத்திருக்கிறார். சிறிலங்கா மனித உரிமைகள் ஆணைக்குழு குற்றவாளிகளைப் பாதுகாக்கப் போகிறதா அல்லது பொதுமக்களைப் பாதுகாக்கப் போகிறதா என்று நேற்று நாடாளுமன்றத்தில் உரையாற்றிய சிறிலங்கா அதிபர் மைத்திரிபால சிறிசேன கேள்வி எழுப்பியுள்ளார். அங்குணகொலபெலஸ்ஸ சிறைச்சாலையில் சிறப்பு அதிரடிப்படையை நிறுத்துவதற்கு, சிறிலங்கா மனித உரிமைகள் ஆணைக்குழு எதிர்ப்புத் தெரிவித்திருந்தது. இது தொடர்பாகவும், ஐ.நா அமைதிப்படைக்கு அனுப்பப்படும் சிறிலங்கா படையினரை ஆய்வுக்குட்படுத்தும் விவகாரம் தொடர்பாகவும், சிறிலங்கா மனித உரிமைகள் ஆணைக்குழு மீது, மைத்திரிபால சிறிசேன இரண்டு வாரங்களுக்கு முன்னர் நாடாளுமன்றத்தில் கடும் விமர்சனங்களை முன்வைத்திருந்தார். நேற்று மீண்டும் நாடாளுமன்றத்தில் சிறிலங்கா மனித உரிமைகள் ஆணைக்குழு மீது அவர் விமர்சனங்களை முன்வைத்திருக்கிறார். http://www.puthinappalakai.net/2019/02/22/news/36529

... வடக்கு, கிழக்கு தழுவிய முழு அடைப்பு – இன்னமும் பச்சைக்கொடி காண்பிக்காத கூட்டமைப்பு எதிர்வரும் திங்கட்கிழமை வடக்கு, கிழக்கில் முழு அடைப்புப் போராட்டத்துக்கு பல்வேறு அமைப்புகளும் அழைப்பு விடுத்துள்ள நிலையில், தமிழ்த் தேசியக் கூட்டமைப்பு மௌனம் காத்து வருகிறது. ஜெனிவாவில் வரும் திங்கட்கிழமை ஐ.நா மனித உரிமைகள் பேரவையின் கூட்டத்தொடர் ஆரம்பமாகவுள்ளது. இதில் சிறிலங்கா விவகாரம் முக்கிய இடத்தை வகிக்கும் என்று எதிர்பார்க்கப்படும் நிலையில், பாதிக்கப்பட்ட தமிழர்களுக்கு நீதி வழங்குமாறு சிறிலங்கா அரசாங்கத்துக்கு அழுத்தங்களைக் கொடுக்குமாறு வலியுறுத்தி, வடக்கு, கிழக்கு தழுவிய ரீதியாக முழு அடைப்பு போராட்டம் நடத்தப்படவுள்ளது. வரும் திங்கட்கிழமை இந்தப் போராட்டத்துக்கு வலிந்து காணாமல் ஆக்கப்பட்டவர்களின் உறவுகளின் அமைப்புகள், மற்றும் பாதிக்கப்பட்டவர்களுக்கு நீதி கோரும் அமைப்புகள், பொது அமைப்புகள், அரசியல் கட்சிகள் ஆதரவு தெரிவித்து வருகின்றன. எனினும், தமிழ்த் தேசியக் கூட்டமைப்பு இதுவரை ஆதரவு அளிக்கவில்லை. தமிழ்த் தேசியக் கூட்டமைப்பின் ஆதரவையும் பெற்றுக் கொள்ளும் முயற்சிகளை சிவில் சமூக அமைப்புகள் மேற்கொண்டு வருவதாகவும் தகவல்கள் தெரிவிக்கின்றன. http://www.puthinappalakai.net/2019/02/22/news/36531

மீண்டும் அரசியலமைப்பு சபையில் சம்பந்தன்? அரசியலமைப்பு சபைக்கு தமிழ்த் தேசியக் கூட்டமைப்பின் தலைவரான இரா.சம்பந்தன் நியமிக்கப்படவுள்ளார் என்றும், இது தொடர்பாக பிரதமர் ரணில் விக்ரமசிங்கவுக்கும், எதிர்க்கட்சித் தலைவர் மகிந்த ராஜபக்சவுக்கும் இடையில் இணக்கப்பாடு ஏற்பட்டுள்ளதாகவும் தகவல்கள் தெரிவிக்கின்றன. எதிர்க்கட்சித் தலைவராக இருந்த போது, அரசியலமைப்பு சபையில் இரா.சம்பந்தன் இடம்பெற்றிருந்தார். மகிந்த ராஜபக்ச எதிர்க்கட்சித் தலைவரான பின்னர், அவர் அரசியலமைப்புச் சபை உறுப்பினரானார். இதனால் சம்பந்தன் அரசியலமைப்பு சபை உறுப்பினர் பதவியை இழந்துள்ளார். அதேவேளை, இரா.சம்பந்தன் எதிர்க்கட்சித் தலைவராக இருந்த போது, அரசியலமைப்புச் சபை உறுப்பினராக அவரால் நியமிக்கப்பட்ட சமல் ராஜபக்ச, அரசியலமைப்பு சபையில் இருந்து விலகியுள்ளார். இவரது இடத்துக்கு பிரதமர் ரணில் விக்ரமசிங்கவும், எதிர்க்கட்சித் தலைவர் மகிந்த ராஜபக்சவும் இணைந்தே, புதிய உறுப்பினரை நியமிக்க வேண்டும். இந்த நிலையில், இந்த வெற்றிடத்துக்கு டக்ளஸ் தேவானந்தாவை நியமிக்குமாறு எதிர்க்கட்சித் தலைவர் மகிந்த ராஜபக்ச, சபாநாயகரிடம் பரிந்துரைத்திருந்தார். ஆனால் பிரதமருடன் இணைந்தே பரிந்துரையை முன்வைக்க வேண்டும் என்று கூறி அதனை சபாநாயகர் கரு ஜெயசூரிய நிராகரித்து விட்டார். இந்தநிலையில், ரணில் விக்ரமசிங்கவும், மகிந்த ராஜபக்சவும் கலந்துரையாடி, இரா.சம்பந்தனின் பெயரை முன்மொழிவதற்கு முடிவு செய்துள்ளதாக தகவல்கள் தெரிவிக்கின்றன. http://www.puthinappalakai.net/2019/02/22/news/36533

இனிய பிறந்த நாள் வாழ்த்துக்கள் தமிழ் சிறி பிந்திய பிறந்த தின வாழ்த்துக்கள் நுணா