புதிய பதிவுகள்

ஜனாதிபதி தேர்தல் ;12 நாட்களுக்குள் 1034 முறைப்பாடுகள்

1 day 8 hours ago
மேற்குலக நாடுகளை பொறுத்தவரையில் பல கட்சி அமைப்பு முறையும், சொன்ன கால கட்டத்தில் தேர்தல்களை நடாத்துவதும், சனநாயகத்தின் ஆணி வேராக பார்க்கப்படுகின்றது. அதற்கு அப்பால், தான் மனித உரிமைகள், சம உரிமைகள், மத உரிமைகள் என பலவும் பார்க்கப்படுகின்றன. ஆனால், அவை முக்கியமாக பார்க்கப்படுவதில்லை. சனநாயகம் உள்ள இடங்களில் மேற்குலம் தனக்கு தேவையாவனற்றை சுரண்டவும் சந்தைப்படுத்தவும் இலகுவாக பயன்படுத்தி விடும்,

தனித்துப் பேச்சுக்கு வரமாட்டோம் கூட்டணியாகவே பேச வருவோம் -ரணிலுக்கு விக்னேஸ்வரன் தெரிவிப்பு

1 day 8 hours ago
மகிந்த அண்ட் கோ தமிழர் தரப்புடன் பேச மாட்டோம் என்று கூறிவிட்டது. ரணில் / சஜித் தரப்புடன் பேசி ஒரு உடன்பாட்டிற்கு வந்தால், 'அவர்கள் நாட்டை பிரிக்கப் பார்க்கிறார்கள்' என கூறக்கூடும். அதனால், தமிழர் தரப்பு ஒரு 'இரகசிய உடன்பாட்டிற்கு' வரலாம். அதை தமிழ் மக்களும் அறிய முடியாது. சஜித் ஜனாதிபதியான பின்னர் அவர் அதை நிறைவேற்ற வைப்பதும் கடினமே.

இன்றில் இருந்து கஞ்சா கலந்த பண்டங்களை கனடாவில் வாங்கலாம்

1 day 10 hours ago
அண்மையில் சில நாட்களுக்கு முன்னர் ஒரு தமிழர் வீட்டுக்குச் சென்றிருந்தேன். தொட்டியில் 4 கஞ்சாச் செடிகளை வளர்த்துள்ளார்கள். பார்த்தவுடன் விக்கித்து போனேன். வீட்டுக்கு நாலு கஞ்சாச்செடியை சட்டப்படி வளர்க்கலாமாம்... ஒரு செடியின் விலை குறைந்தபட்சம் 800 டொலர்கள் வரை போகிறது. நம்மாட்கள் நாட்டிலேயே புகையிலை வளர்த்த சனமெல்லோ இனிவருங்காலங்களில் வீட்டுக்கு வீடு கஞ்சா மரம் நிற்கும். புத்திசாலிகள் காலத்தைப்பயன்படுத்தி கோடீஸ்வரர்கள் ஆக வாய்ப்பிருக்கிறது. பாம்பு தின்னும் ஊருக்குப் போனா நடுமுறி நமக்கு😜

அவர்கள் எங்கே?

1 day 10 hours ago
Published by rajeeban on 2019-10-20 22:16:29 சண்டே ஒப்சேவர் தமிழில் ரஜீபன் பொதுஜனபெரமுனவின் ஜனாதிபதி வேட்பாளரின் முதலாவது செய்தியாளர் மாநாட்டின் முதல் 15 நிமிடங்கள் மிகுந்த முக்கியமானவையாக காணப்பட்டன. முன்னாள் பாதுகாப்பு செயலாளர்- அவர் இலங்கையின் பாதுகாப்பிற்கு பொறுப்பாகயிருந்த காலத்தில் இடம்பெற்றதாக குற்றம்சாட்டப்படும், தற்போது அவரது ஜனாதிபதி தேர்தல் பிரச்சாரத்தை பாதித்து வரும் மனித உரிமை மீறல்கள் குறித்த குற்றச்சாட்டுகளிற்கு பதிலளிக்குமாறு கோரப்பட்டார். யுத்த கால சம்பவங்களிற்கு பொறுப்புக்கூறல் தொடர்பாக பத்திரிகையாளர்கள் தொடர்ச்சியாக கேள்விகளை எழுப்பியதை தொடர்ந்து கோத்தபாய ராஜபக்ச அவர்களை அதிலிருந்து விலகிச்செல்லுமாறு கேட்டுக்கொண்டார். அனைத்து தருணங்களிலும் நீங்கள் கடந்த காலங்களை பற்றியே பேசுகின்றீர்கள் நான் இலங்கையின் எதிர்கால ஜனாதிபதியாக வரமுயல்கின்றேன் என கோத்தாபய தெரிவித்தார். கடந்த கால விவகாரங்களிற்கு தீர்வை காணாமல் எதிர்காலத்தை நோக்கி முன்னேறுவது சாத்தியமா என்ற கேள்விக்கு நிச்சயமாக நாங்கள் முன்னோக்கி நகரலாம் என அவர் தெரிவித்தார். வடக்குகிழக்கில் அபிவிருத்தி கல்வி வேலைவாய்ப்பு ஆகியவற்றின் அவசியம் குறித்து வலியுறுத்திய ஸ்ரீலங்கா பொதுஜனபெரமுனவின் வேட்பாளர் காணாமல்போதல் மற்றும் மனித உரிமை விவகாரங்கள் யுத்தம் இடம்பெற்ற பகுதி மக்களின் முக்கிய கரிசனைக்குரிய விடயமில்லை என தெரிவித்தார். காணாமல்போனவர்கள் குறித்த கேள்விகளுக்கும் அவர்களை இன்னமும் தேடிக்கொண்டிருக்கும் குடும்பங்களின் துயரங்களிற்கும் ராஜபக்சவின் பதில்கள் தீர்வை வழங்கவில்லை. 2009 இல் யுத்தம் முடிவடைந்த வேளை படையினரிடம் சரணடைந்த பின்னர் காணாமல்போனவர்கள் குறித்த கேள்விகளிற்கு 13784 பேரிற்கு புனர்வாழ்வளிக்கப்பட்டு அவர்கள் விடுதலைசெய்யப்பட்டுள்ளனர் அவர்களிற்கு வாழ்வாதார உதவிகள் வழங்கப்பட்டுள்ளன என குறிப்பிட்டார் முன்னாள் பாதுகாப்பு செயலாளர்.புனர்வாழ்வளிக்கும் நடவடிக்கைகளின் வெற்றியை சர்வதேச சமூகம் பாராட்டியுள்ளது என அவர் குறிப்பிட்டார். படையினரிடம் சரணடைந்த தங்கள் குடும்பத்தவர்கள் திரும்பி வரவில்லை என வடக்குகிழக்கை சேர்ந்த பலர் மீண்டும் மீண்டும் வலியுறுத்தி வருகின்ற அதேவேளை கோத்தபாய ராஜபக்ச இது வெறும் குற்றச்சாட்டு என்றார். காணாமல்போனவர்கள் குறித்த விபரங்களை வழங்;கிய குடும்பங்கள் குறித்த பெயர் விபரங்கள் இல்லை,படையினரிடம் அவர்கள் சரணடைந்த நாட்கள் குறித்த விபரங்களும் இல்லை என முன்னாள் பாதுகாப்பு செயலாளர் தெரிவித்தார்.அவரின் இந்த கருத்து தனது சகோதரரின் காலத்தில் வெளியான உத்தியோகபூர்வ ஆவணங்களில் தெரிவிக்கப்பட்டுள்ள தகவல்களில் இருந்து மாறுபட்டதாக காணப்பட்டது. ஸ்ரீலங்கா பொதுஜனபெரமுன வேட்பாளரின் சகோதாரர் மகிந்த ராஜபக்ச நியமித்த இருஜனாதிபதி ஆணைக்குழுக்களின் முடிவுகள் சரணடைந்தவர்கள் திகதிகள் குறித்த பல விபரங்களை கொண்டுள்ளன. 2013 இல் படையினரிடம் சரணடைந்த பின்னர் காணாமல்போனவர்களின் குடும்பத்தவர்கள் வவுனியா கிளிநொச்சி முல்லைத்தீவில் 14 ஆட்கொணர்வு மனுக்களை தாக்கல் செய்திருந்தனர். குறிப்பிட்ட மனுவில் அவர்கள் முல்லைத்தீவில் அரச கட்டுப்பாட்டுப்பகுதியை நோக்கி வந்தவுடன் சரணடையுமாறு படையினர் விடுத்த வேண்டுகோளை கேட்டு தங்கள் உறவுகளை ஒப்படைத்ததாக குறிப்பிட்டிருந்தனர். சரணடைந்தவர்கள் வரிசையில் நிற்கவைக்கப்பட்ட பின்னர் பேருந்துகளில் ஏற்றப்பட்டனர் என அவர்கள் தங்கள் மனுக்களில் தெரிவித்திருந்தனர். சரணடைந்தவர்கள் பேருந்துகளில் ஏற்றப்படுவதை அவர்கள் மீண்டும் திரும்பிவருவார்கள் என்ற நம்பிக்கையுடன் குடும்பத்தவர்கள் பார்த்தவண்ணமிருந்துள்ளனர்.தங்கள் ஆட்கொணர்வு மனுவில் அவர்கள் இதனை தெரிவித்திருந்தனர். யுத்தத்தின் இறுதி தருணங்களில் இடம்பெற்ற பாரிய மனித உரிமை மீறல்களிற்கு பொறுப்புக்கூறவேண்டும் என்ற வேண்டுகோள்கள் அதிகரித்ததை தொடர்ந்து 2010 இல் மகிந்த ராஜபக்ச அரசாங்கம் கற்றுக்கொண்ட பாடங்கள் நல்லிணக்க ஆணைக்குழுவை நியமித்தது.2011இல் ஜனாதிபதி மகிந்த ராஜபக்சவிடம் சமர்ப்பித்த இறுதி அறிக்கையில் அந்த ஆணைக்குழு 2009 மேயில் படையினரிடம் சரணடைந்த 1018 பேர் காணாமல்போயுள்ளனர் என தெரிவித்திருந்து. கற்றுக்கொண்ட பாடங்கள் நல்லிணக்க ஆணைக்குழுவின் முன்னிலையில் காணாமல்போனமை தொடர்பில் பெருமளவானவர்கள் சாட்சியமளித்ததால் சர்வதேச அழுத்தங்கள் அதிகரித்ததை தொடர்ந்து காணாமல்போனவர்கள் குறித்து விசாரணைகளை மேற்கொள்வதற்கான ஜனாதிபதி ஆணைக்குழுவை ஜனாதிபதி மகிந்த ராஜபக்ச நியமித்தார்.2013 ஆகஸ்டில் ஏற்படுத்தப்பட்ட பரணகம ஆணைக்குழுவின் இறுதி அறிக்கையில் படையினரிடம் சரணடைந்தவர்கள் குறித்து கடுமையான குற்றச்சாட்டுகள் காணப்பட்டன. இந்த ஆணைக்குழுவின் அமர்வுகளின் போது கிடைத்த ஆதாரங்கள் மூலம் படையினரிடம் சரணடைந்த அல்லது ஒப்படைக்கப்பட்ட பல தனிநபர்கள் பேருந்துகளிலும் ஏனைய வாகனங்களிலும் ஏற்றப்பட்டனர் என்பதும் காணாமல்போனவர்களில் அவர்களும் அடங்குகின்றனர் என்பதும் தெளிவாக உறுதி செய்யப்பட்டுள்ளது என அந்த ஆணைக்குழு குறிப்பிட்டிருந்தது. எனினும் செய்தியாளர் மாநாட்டில் பொதுஜனபெரமுனவின் வேட்பாளர் காணாமல் போனவர்களிற்கும் சரணடைந்தவர்களிற்கும் இடையில் வேறுபாடுகள் உள்ளது என குறிப்பிட்டார்.4000 படையினரும் காணாமல்போயுள்ளனர் என அவர் தெரிவித்தார். மோதலின் உக்கிரதன்மையால் உடல்கள் மீட்கப்படாத சந்தர்ப்பத்தில் இவர்கள் காணாமல்போனவர்களின் பட்டியலில் சேர்க்கப்படுகின்றனர் என கோத்தபாய தெரிவித்தார். இந்த செய்தியாளர் மாநாட்டின் பின்னர் தமிழ் பத்திரிகையொன்று தகவல் உரிமை விண்ணப்பத்தின் மூலம் தான் பெற்ற விபரங்களை வெளியிட்டிருந்தது. இராணுவத்திற்கு சமர்ப்பிக்கப்பட்ட அந்த விண்ணப்பத்திற்கு புனர்வாழ்வு ஆணையாளர் நாயகம் பதிலளித்திருந்தார்.தனது பணியகத்தில் உள்ள ஆவணங்களின் படி 10,790 மே 19 2009 இல் சரணடைந்தனர் என அவர் குறிப்பிட்டிருந்தார்.இந்த புள்ளிவிபரங்களையும் கோத்தபாய ராஜபக்ச வெளியிட்ட புள்ளிவிபரங்களையும் அடிப்படையாக வைத்து பார்க்கும்போது 2994 பேர் காணாமல்போயுள்ளனர். ஸ்ரீலங்கா பொதுஜனபெரமுனவின் வேட்பாளரிடம் அவர்கள் குறித்த பதில்கள் இல்லை.அவர் தனது சகோதரரின் அரசாங்கம் உலகின் மிகச்சிறந்த புனர்வாழ்வு நடவடிக்கையை முன்னெடுத்தது என்கின்றார்.உலகின் வேறு எந்த நாடும் எங்களுடன் ஒப்பிடும் அளவிற்கு சிறந்த புனர்வாழ்வு நடவடிக்கைகளை முன்னெடுக்கவில்லை என குறிப்பிட்ட அவர் யுத்தத்தின் போது காணாமல்போவது இடம்பெறுவது வழமை என்கின்றார். https://www.virakesari.lk/article/67258

குடும்பத்தை பாதுகாக்க போட்டியிடவில்லை ; கோத்தாபயவைவிட நானே தகுதியானவன் - மஹேஷ் சேனாநாயக்க

1 day 10 hours ago
Published by Priyatharshan on 2019-10-20 19:49:18 (எம்.மனோசித்ரா) யுத்த வெற்றியின் பின்னர் தனிப்பட்ட காரணத்திற்காக பீல்ட் மார்ஷல் சரத் பொன்சேகா சிறையிலடைக்கப்பட்டார். ராஜபக்ஷ ஆட்சி காலத்தில் நான் உள்ளிட்ட 14 பேர் இராணுவத்திலிருந்து நீக்கப்பட்டோம் என தெரிவித்த ஜனாதிபதி வேட்பாளர் ஜெனரல் மஹேஷ் சேனாநாயக்க , வீரகேசரிக்கு வழங்கிய விசேட செவ்வியிலேயே ஜெனரல் மஹேஷ் சேனாநாயக்க மேற்கண்டவாறு குறிப்பிட்டார். அவர் வழங்கிய செவ்வியின் முழு வடிவம் வருமாறு : கேள்வி : நீங்கள் இராணுவத்திலிருந்து ஓய்வு பெறவுதற்கு முன்னரே அரசியலில் ஈடுபட வேண்டும் என்ற ஆர்வம் இருந்ததா? அல்லது தற்போது உங்களுக்கு ஆதரவு வழங்குகின்ற சிவில் அமைப்புக்களின் கோரிக்கைக்கு இனங்க அரசியலில் ஈடுபடத் தீர்மானித்தீர்களா? பதில் : இல்லை. இராணுவத்திலிருந்து ஓய்வு பெறுவதற்கு முன்னர் அரசியலில் ஈடுபட வேண்டும் என்ற எண்ணம் இருக்கவில்லை. ஓய்வு பெற்றதன் பின்னர் சிவில் அமைப்புக்களுடன் தொடர்புகள் ஏற்பட்டன. அதனடிப்படையில் சிவில் அமைப்புக்கள் சார்பில் வேட்பாளர் ஒருவர் களமிறக்கப்பட வேண்டும் என்ற யோசனை முன்வைக்கப்பட்டமைக்கு அமையவே நான் வேட்பாளராகக் களமிறங்கியுள்ளேன். கேள்வி : பொதுஜன பெரமுனவின் வேட்பாளர் கோதாபய ராஜபக்ஷவும் இராணுவ பின்புலம் கொண்டவர். அதனடிப்படையில் தானே யுத்தத்தை நிறைவு செய்து வைத்ததாகவும், அதனால் தனக்கு தேசிய பாதுகாப்பு தொடர்பில் அதிக பொறுப்பு இருப்பதாகவும் கூறுகின்றார். இதே போன்று அமைச்சர் சஜித் பிரேமதாச பீல்ட் மார்ஷல் சரத் பொன்சேகா தேசிய பாதுகாப்பிற்கு பொறுத்தமானவர் என்று கூறுகின்றார். இந்நிலையில் நீங்களும் இராணுவ பின்புலத்தையே கொண்டிருக்கிறீர்கள். இது சிங்கள மக்கள் மத்தியில் இராணுவவாத அரசியலை தோற்றுவிக்கும் முயற்சியா? பதில் : இல்லை அவ்வாறு கூற முடியாது. காரணம் நாட்டை அரசியல்வாதிகளிடம் மீட்பதற்காகவே நான் தேர்தலில் போட்டியிடுகின்றேன். கோதாபய ராஜபக்ஷ இடைநடுவிலேயே இராணுவத்திலிருந்து விலகி நாட்டை விட்டு சென்றுவிட்டார். நான் 38 வருடங்கள் இராணுவத்தில் பணிபுரிந்திருக்கின்றேன். அதில் 30 வருடங்கள் யுத்தம் இடம்பெற்றது. என்னுடன் ஒப்பிடுகையில் பீல்ட் மார்ஷல் சரத் பொன்சேக்கா கூடுதல் அனுபவம் கொண்டவர். எனினும் அவர்கள் ஓய்வு பெற்று நீண்ட காலம் ஆகிறது. உயிர்த்த ஞாயிறு தாக்குதலின் போது கடமையில் இருந்து மிக அண்மையில் ஓய்வு பெற்றேன் என்ற அடிப்படையில் தேசிய பாதுகாப்பு குறித்து பேசுவதற்கு அவர்கள் இருவரையும் விட எனக்கே அதிக பொறுப்பும் தகுதியும் இருக்கிறது. கேள்வி : எல்பிட்டி பிரதேசசபைத் தேர்தலில் பொதுஜன பெரமுன பாரிய வெற்றி பெற்றுள்ளது. இந்த வெற்றியைக் கொண்டு ஜனாதிபதித் தேர்தலிலும் தம்மால் வெற்றி பெற முடியும் என்று அந்த கட்சி கூறுகின்றது. இது தொடர்பில் உங்கள் நிலைப்பாடு என்ன? பதில் : இல்லை. இது தவறான கணிப்பாகும். பிரதேச சபை என்பது தேசிய ரீதியில் ஒப்பிடும் போது மிகச் சிறிய பிரிவாகும். உள்ளுராட்சி அல்லது மாகாணசபைத் தேர்தல் முடிவைக் கொண்டு முழு இலங்கைக்கான வாக்கினை கணிக்க முடியாது. இதன் போது தேர்தலில் போட்டியிட்ட கட்சிகள் தொடர்பிலும், வேட்பாளர்கள் தொடர்பிலும் அந்த பிரதேசத்தின் வரலாறு தொடர்பிலும் அவதானிக்க வேண்டும். அதனடிப்படையில் குறித்த பிரதேசசபை உறுப்பினர் அந்த பிரதேசத்தில் அபிவிருத்திகளை முன்னெடுத்திருந்தால் அவர் வெற்றி பெறுவார். இதே போன்று தான் ஏனைய பிரதேசசபைகளையும் அவதானிக்க வேண்டும். கேள்வி : யுத்தத்தின் பின்னர் உங்களுக்கும் கோதாபய ராஜபக்ஷவுக்கும் இடையிலான தனிப்பட்ட உறவு எவ்வாறு இருக்கிறது ? அவரைப் பற்றிய உங்களின் நிலைப்பாடு என்ன? பதில் : 2009 ஆம் ஆண்டு யுத்த வெற்றியின் பின்னர் தனிப்பட்ட காரணத்திற்காக பீல்ட் மார்ஷல் சரத் பொன்சேக்கா சிறையிலடைக்கப்பட்டார். எனக்கு தேவையற்ற விடயம் என்றாலும், ராஜபக்ஷ ஆட்சி காலத்தில் தான் நான் உள்ளிட்ட 14 பேர் இராணுவத்திலிருந்து நீக்கப்பட்டோம். எனினும் இது குறித்து எனக்கு அவர் மீது தனிப்பட்ட ரீதியில் கோபம் இல்லை. ஆனால் அன்றைய அரசியல் சூழலில் இவ்வாறு ஏற்பட்டது. செய்ய தவறை சுட்டிக்காட்ட வேண்டியது அவசியமாகும். எவ்வித விசாரணைகளும் இன்றி எம்மை இராணுவத்திலிருந்து நீக்கியதை ஏற்றுக் கொள்ள முடியாது. எனினும் அவர் மீதான கௌரவம் இன்றும் இருக்கிறது. ஆனால் அவரைச் சுற்றியிருப்பவர்கள் தொடர்பிலேயே அதிருப்தி ஏற்படுகின்றது. கோத்தாபய ராஜபக்ஷ மீது இராணுவ அதிகாரி என்ற ரீதியில் மரியாதை இருக்கிறது. அவர் மாத்திரமல்ல இராணுவத்தை நேசிப்பவன் என்ற ரீதியில் இராணுவ சீருடை அணிபவர்கள் அணிந்தவர் என்று அனைவர் மீதும் மரியாதை இருக்கிறது. கேள்வி : யுத்தம் நிறைவடைந்து பத்து வருடங்கள் பூர்த்தியாகின்றன. எனினும் நல்லிணக்கம் , தேசிய இனப்பிரச்சினை என்பவற்றை வழங்குவதில் தென்னிலங்கை அரசியல்வாதிகள் ஆர்வம் செலுத்துவதில்லை என்ற எண்ணம் தமிழ் மக்கள் மத்தியில் காணப்படுகிறது. இது குறித்து உங்கள் நிலைப்பாடு ? பதில் : தமிழ் மக்கள் மத்தியில் இவ்வாறான நிலைப்பாடு காணப்படுவது உண்மையாகும். அரசியலமைப்பிற்கமைய நாட்டின் ஜனாதிபதி எந்தவொரு அரசியல் கட்சியையும் சாராதவராக இருக்க வேண்டும். அவ்வாறு இருந்தால் மாத்திரமே நல்லிணகத்தை ஏற்படுத்த முடியும். ஜனாதிபதியானவர் கட்சிக்குள் சிறைப்படுத்தப்பட்ருந்தால் இனவாத , மதவாத செயற்பாடுகளை தடுக்க முடியாது. கட்சிக்குள் இருப்பவர்கள் இனம், மதம் என்று பிரிந்து செயற்படுகின்றமையே இதற்கான பிரதான காரணமாகும். எனவே நான் ஜனாதிபதியாகத் தெரிவு செய்யப்பட்டால் கட்சி சாரா ஜனாதிபதியாகவே செயற்படுவேன். இதன் மூலமே நீங்கள் மேற்கூறிய விடயங்களுக்கு தீர்வினை வழங்க முடியும். கேள்வி : கோத்தாபய ராஜபக்ஷ மற்றும் சஜித் பிரேமதாச உள்ளிட்டோர் தேர்தல் பிரசார கூட்டங்களின் போது வாக்குறுதிகளை வாரி இறைக்கின்றனர். இவ்வாறிருக்க நீங்கள் நாட்டு மக்களுக்கு வழங்கும் வாக்குறுதிகள் என்ன? பதில் : முன்னாள் இராணுவ தளபதி என்ற அடிப்படையில் மக்கள் மத்தியில் இராணுவத்தினர் மீது நம்பிக்கையை ஏற்படுத்தியுள்ளேன். ஒழுக்கமாக நாம் சேவையாற்றியமையால் ராஜபக்ஷவோ அல்லது வேறு யாரும் எமது பணிசார்ந்த விடயங்களில் தலையிடவில்லை. இவ்வாறிருக்கையில் என்னால் அவர்களைப் போன்று பொய் வாக்குறுதிகளை வழங்க முடியாது. பிரதான வேட்பாளர் ஒருவர் தான் ஜனாதிபதியானால் அனைத்தையும் இலவசமாக வழங்குவதாகக் கூறுகிறார். எவ்வாறு அனைத்தையும் இலவசமாக வழங்குவது ? அதற்கான நிதி யாருடையது ? வலது கரத்தில் வாங்குவதை இடது கரத்தில் கொடுப்பதைப் போன்றதே இவ்வாறான வாக்குறுதிகளாகும். தொடர்ந்தும் இவ்வாறான பொய் வாக்குறுதிகளை வழங்கி மக்களை ஏமாற்ற இடமளிக்க முடியாது. இம் மாதம் 23 ஆம் திகதி நாம் எமது கொள்ளை பிரகடனங்களை மக்களுக்கு தெரியப்படுத்தவுள்ளோம். அவற்றில் குறுகிய காலத்தில் செய்யக் கூடிய வேலைத்திட்டங்களும், நீண்ட காலத்தில் செய்யக் கூடிய வேலைத்திட்டங்களும் பாகுபடுத்தி தெளிவுபடுத்தப்படும். குறிப்பாக தேசிய பாதுகாப்பு மற்றும் தேசிய பொருளாதாரம் என்பது நாட்டிற்கு முக்கியத்துவம் வாய்ந்த விடயங்களாகும். பொருளாதார வளம் இன்றி தேசிய பாதுகாப்பை உறுதிப்படுத்துவது கடினமாகும். காரணம் தேசிய பாதுகாப்பென்பது பெறுமதியானதாகும். அத்தோடு கடன்வாங்கி இதனைச் செய்யவும் முடியாது. எனவே பொருளாதார பாதுகாப்பை உறுதிப்படுத்த வேண்டும். பாரியளவு ஊழல் மோசடிகள் காரணமாகவே இலங்கை வறுமையான நாடாக இருக்கிறது. இலங்கை வறுமையான நாடு என்று கூறுவதைவிட வறுமைபடுத்தப்பட்ட நாடு என்று கூறுவதே பொறுத்தமாக இருக்கும். அமைச்சரவை எண்ணிக்கையை 20 ஆகக் குறைப்பதால் பாரிய செலவு தடுக்கப்படு;ம். அவ்வாறு குறைப்பதற்கான அதிகாரம் 19 ஆம் அரிசியலமைப்பின் மூலம் ஜனாதிபதிக்கு இருக்கிறது. இதற்கான நடவடிக்கைகள் முன்னெடுக்கப்படும் என்பது என்னால் வழங்கப்படும் விஷேட வாக்குறுதியாகும். பெண்களுக்கான பல விடயங்கள் எமது கொள்ளை பிரகடனத்தில் உள்ளடக்கப்பட்டுள்ளன. எனது அரசாங்கத்தில் பெண்ணொருவர் பிரதமாராவதை நான் வரவேற்கின்றேன். கேள்வி : ஜனாதிபதி வேட்பாளர் என்ற ரீதியில் தமிழ் மற்றும் முஸ்லிம் மக்களுக்கும், தமிழ் மற்றும் முஸ்லிம் கட்சிகளுக்கும் என்ன கோரிக்கைகளை முன்வைக்க விரும்புகிறீர்கள் ? பதில் : இலங்கை என்பது ஒரு நாடு. நாட்டு பிரஜைகள் அனைவரும் ஒரே குடுபத்தைச் சேர்ந்தவர்கள். இலங்கையர் " என்பதே இந்த குடும்பத்தின் பெயராகும். இதற்குள் சிங்களம், தமிழ், முஸ்லிம், கிருஸ்தவம் என்ற அனைவரும் உள்ளடங்குகின்றனர். ஆனால் இலங்கையில் பௌத்தர்கள் பெரும்பான்மையினர் என்பதால் ஒரு குடும்பத்தின் தலைவர் போன்று இவர்கள் ஏனையோரை வழிநடத்த வேண்டும். நான் அவ்வாறான ஒரு தலைவனாக செயற்படுவேன் என்பதை அனைத்து இன மக்களுக்கு தெரிவிக்க விரும்புகின்றேன். அனைவரும் ஒன்றை புரிந்து கொள்ள வேண்டும். நாம் ஆயிரக்கணக்கான வருடங்கள் ஒன்றாக வாழ்கின்றோம். இதில் யார் முதலில் தோன்றியவர் என்பது பிரச்சினையல்ல. இவ்வாறு எண்ணுவதால் தான் பிரச்சினைகள் ஏற்படுகின்றன. இவ்வாறான பிரச்சினைகளை ஏற்படுத்தியிருப்பது அரசியல் கட்சிகளே ஆகும். சில இனங்களை அல்லது மதங்களை பிரதிநிதித்துவப்படுத்தும் கட்சிகள் காணப்பட வேண்டும் என்று அரசியல்வாதிகள் தான் தீர்மானித்தனர். அந்த தீர்மானமே இவ்வாறான பிரச்சினைகளுக்கு பிரதான காணமாக அமைந்தது. இதன் மூலம் அரசியல்வாதிகளே மக்களை பிரித்து வைத்திருக்கின்றனர். இதில் கவலைக்குரிய விடயம் என்னவென்றால் சில மதகுருமார்களும் இதில் உள்ளடங்குகின்றனர். இதன் மூலம் தவறான வழியிலேயே நாம் சென்று கொண்டிருக்கின்றோம். எனவே முஸ்லிம் மற்றும் தமிழ் மக்களிடம் கட்சி சாராமல் செயற்படுமாறு கேட்டுக்கொள்றேன். ஏப்ரல் மாதம் உயிர்த்த ஞாயிறு தாக்குதல் மேற்கொள்ளப்பட்டதன் பின்னர் முஸ்லிம் அடிப்படைவாதிகள் பற்றி பரவலாக பேசப்பட்டது. அத்தோடு சிங்கள மக்கள் மத்தியில் முஸ்லிம் மக்கள் மீது வெறுப்பு ஏற்பட்டது. எனினும் ஆகஸ்ட் மாதத்தின் பின்னர் இவை அனைத்தும் மறைந்துவிட்டன. காரணம் மக்கள் மத்தியில் இவ்வாறான பிரிவினையை ஏற்படுத்தியவர் வேட்பாளராகக் களமிறங்கியுள்ளார். அவருக்கு முஸ்லிம் வாக்குகள் அவசியமாகின்றதால் அவரே இவற்றை நிறுத்தியுள்ளார். எனவே மக்கள் இவற்றை புரிந்து இம்முறை தேர்தலில் வாக்களிக்க வேண்டும் என்பதே எனது கோரிக்கையாகும். கேள்வி : கோத்தாபய ராஜபக்ஷவுக்கு இராணுவத்தினர் வழங்கும் வாக்குகளை சிதைப்பதற்காகவே நீங்கள் தேர்தலில் களமிறங்கியிருப்பதாக பொதுஜன பெரமுன குற்றஞ்சாட்டுகிறது. இது உங்கள் நிலைப்பாடு என்ன? பதில் : நான் வாக்குகளைப் பெற்றுக் கொள்வதற்காகவே தேர்தலில் களமிறங்கியுள்ளேன். யாருடைய வாக்குகளையும் சிதைப்பதற்காக அல்ல. ஊழல் மோசடியிலிருந்து நாட்டு மக்களை பாதுகாப்பதற்காகவும், இந்த முறைமையை மாற்றியமைப்பதற்காகவும் பொது மக்களுக்குள் ஒருவனான நான் நாட்டின் தலைவராக வேண்டும் என்ற நிலைப்பாட்டிலேயே தேர்தலில் களமிறங்கியுள்ளேன். சிலர் தமது குடும்பத்துக்காகவே ஆட்சியைக் கைப்பற்ற வேண்டும் என்று எண்ணுகின்றார்கள். ஆனால் எனக்கு அவ்வாறு எந்த தேவையும் இல்லை. வாக்குகள் சிதைவதாக அவர்கள் கூறுவது உண்மை. காரணம் அவர்கள் அரசியல் மூலமாகத் தான் வாழ்கின்றனர். கேள்வி : கடந்த வாரம் கிளிநொச்சியில் ஆயுதங்கள் மீட்க்கப்பட்டமை, விடுதலைப் புலிகளுடன் தொடர்புடையோர் என்ற குற்றச்சாட்டில் மலேசியாவில் ஏழு பேர் கைது செய்யப்பட்டமை போன்ற சம்பவங்கள் , சிங்கள மக்கள் மத்தியில் விடுதலைப் புலிகள் மீண்டும் தலையெடுக்கின்றனர் என்ற அச்சத்தை ஏற்படுத்தி அதன் மூலம் வாக்குகளைப் பெற்றுக் கொள்ளும் முயற்சியா? பதில் : எந்தவொரு பயங்கரவாத அமைப்பையும் ஒரே தடவையில் தடுத்து விட முடியாது. இலங்கையில் மாத்திரமல்ல உலகில் பல நாடுகளிலும் இவ்வாறான அமைப்புக்களைக் இருக்கின்றன. விடுதலைப் புலிகளுடைய பிரச்சினைகளுக்கு தீர்வு கிடைத்ததா என்று சிந்திக்க வேண்டும்? யுத்தத்தின் பின்னர் இரு அரசாங்கங்கள் இருந்தன. அவற்றினால் இவர்களுக்கு தீர்வு வழங்கப்பட்டதா? புலிகள் இயக்கத்தில் செயற்பட்ட இளைஞர் யுவதிகளுக்கு தீர்வு வழங்கப்பட்டதா ? அவர்களது வாழ்வாதாரம் சீர்படு;தப்பட்டுள்ளதா ? என்ற கேள்விகளுக்கு பதில் இல்லை. நாம் இராணுவத்தில் இருந்தததால் அவர்களுடன் பணிபுரிந்திருக்கின்றோம். ஆனால் அரசாங்கம் அவ்வாறு செயற்படவில்லை. அவர்கள் மீண்டும் தலையெடுத்து விட்டார்கள் என்று கூற முடியாது. ஆனால் தமது தேவைகளை நிறைவேற்றிக் கொள்வதற்காக வரக்கூடிய வாய்ப்புக்கள் இருக்கின்றன. சில சந்தர்ப்பங்களில் இவ்வாறான பிரச்சினைகள் ஏன் ஏற்படுகின்ற என்று சிந்திக்க வேண்டும். வெளிநாடுகளில் இருக்கின்ற புலம் பெயர் தமிழர்கள் இவ்வாறு பிரச்சினைகளை ஏற்படுத்தலாம். அவ்வாறில்லை என்றால் அவர்களால் அங்கு வாழ முடியாது. இவ்வாறான அமைப்புக்களும் செயற்பட்டுக் கொண்டிருக்கின்றன. எனவே யார் இதனைச் செய்கிறார்கள் என்று நாம் தான் தெளிவாக புரிந்து கொள்ள வேண்டும். தேர்தல் நெருங்கும் போது இவ்வாறான பிரச்சினைகள் அதிகமாகத் தோற்றுவிக்கப்படலாம். இவ்வாறான பிரச்சினைகளை தோற்றுவித்து தேசிய பாதுகாப்பு பற்றி பேசுவார்கள். கேள்வி : இலங்கையின் ஜனாதிபதித் தேர்தலில் அமெரிக்கா , சீனா மற்றும் இந்தியா உள்ளிட்ட சர்வதேச நாடுகள் செல்வாக்கு செலுத்துகின்றன. இது குறித்து உங்கள் நிலைப்பாடு என்ன? பதில் : இலங்கையின் பூகோள அமைவிடம் இந்த வலயத்தில் மிக முக்கியத்துவம் வாய்ந்ததாகும். கடற்றொழில் மற்றும் சுற்றுலாத்துறை உள்ளிட்ட பல்வேறு விடயங்களில் இந்த நாடுகளுக்கு இலங்கையின் அமைவிடம் முக்கியத்துவம் வாய்ந்ததாக இருக்கிறது. எனினும் இந்த நாடுகளுக்கு இது முழுமையாகத் தெரியாவிட்டாலும் இலங்கையின் அமைவிடம் மிக முக்கியத்துவம் வாய்ந்தது. கடல்வழி போக்குவரத்து மற்றும் ஏனைய வணிக நடவடிக்கைகளின் பிரதான கேந்திர நிலையமாக இலங்கை காணப்படுகிறது. சீனாவின் பட்டுப்பாதை திட்டம் என்பன இங்கு தான் காணப்படுகின்றன. எனவே தான் மேற்கூறிய இலங்கையில் ஜனாதிபதித் தேர்தலை எதிர்பார்த்துக் கொண்டிருக்கின்றன. எனினும் நான் ஜனாதிபதியானதன் பின்னர் எமது நாட்டை முன்னிலைப்படுத்தியே செயற்படுவேன். சர்வதேசத்தின் கையாள் போன்று செயற்படாது எமது நாட்டுக்கு நன்மையும், அபிவிருத்திகளும் கிடைக்கும் வகையில் செயற்பட வேண்டும் என்பதே எமது கொள்கையாகும். https://www.virakesari.lk/article/67253

ஜனாதிபதி தேர்தலும் இராணுவவாத அரசியலும்

1 day 10 hours ago
Published by Jayanthy on 2019-10-20 17:11:05 வீ.தனபாலசிங்கம் போர் வெற்றியை ஜனாதிபதி தேர்தல் பிரசாரங்களில் பயன்படுத்தக்கூடாது ; போர் அரசுக்கு சொந்தமானதே தவிர, எந்தவொரு அரசியல் கட்சிக்கும் சொந்தமானதல்ல ; போர் வெற்றியை தேர்தல் பிரசாரங்களில் எந்த கட்சியும் பயன்படுத்தமுடியாது என்று தேசிய தேர்தல் ஆணைக்குழுவின் தலைவர் மகிந்த தேசப்பிரிய கடந்தவாரம் செயதியாளர் மகாநாட்டில் கூறியிருந்தார். ஆனால், அவரது அறிவுறுத்தலை அரசியல் கட்சிகள் மதித்துச் செயற்படும் என்று எதிர்பார்ப்பதற்கில்லை. போரின் முடிவுக்கு பின்னர் மாத்திரமல்ல, முன்னரும் கூட போர் சகல தேர்தல்களிலும் முக்கியமான பிரசாரப்பொருளாக தாராளமாக அரசியல் கட்சிகளினால் பயன்படுத்தப்பட்டு வந்திருக்கிறது. இராணுவ நடவடிக்கைகளை அரசியல்மயப்படுத்துவதில் தென்னிலங்கை அரசியல் சமுதாயம் சுமார் நான்கு தசாப்தங்களாக காட்டிவந்த அக்கறையின் விளைவாக சிங்கள மக்கள் மத்தியில் இராணுவவாத அரசியல் உணர்வுகள் மேலோங்கிக் காணப்படுகின்றன. போர் முடிவுக்கு வந்து பத்து வருடங்களுக்கும் கூடுதலான காலம் கடந்துவிட்டபோதிலும், அந்த உணர்வுகள் தணிந்தபாடாக இல்லை ; தணிவதற்கு அரசியல்வாதிகள் விடுவதாகவும் இல்லை.விடுதலை புலிகளை அரசாங்கப்படைகள் தோற்கடித்தமைக்கு பிரதான காரணம் போர் நடவடிக்கைகளுக்கு தாங்கள் வழங்கிய அரசியல் தலைமைத்துவமே என்று உரிமை கோரும் ராஜபக்சாக்கள் அதன் மூலமாக உச்சபட்ச அரசியல் அனுகூலத்தை அடைந்தார்கள் ; சகல தேர்தல்களிலும் பெருவெற்றிகளைக் கண்டார்கள்.போர் வெற்றிக் குதூகலத்தில் சிங்கள மக்களை மிதக்கவிடுவதன் மூலமாக என்றென்றைக்கும் ஆட்சியதிகாரத்தில் தாங்கள் இருக்கலாம் என்றும் அவர்கள் நம்பினார்கள். அவர்களது அணுகுமுறைகளும் செயற்பாடுகளும் தென்னிலங்கையை இராணுவவாத அரசியல் ஆக்கிரமிக்க வழிவகுத்தன. அதன் விளைவாக, போரின் முடிவுக்கு பி்ன்னர் நடைபெற்ற 2010 ஜனவரி ஜனாதிபதி தேர்தலில் மகிந்த ராஜபக்சவுக்கு எதிராக அவருடன் சமதையாக போர்வெற்றிக்கு உரிமைகொண்டாடக்கூடியவர் என்று தாங்கள் நம்பிய முன்னாள் இராணுவத் தளபதி சரத் பொன்சேகாவை அன்றைய எதிரணி கட்சிகள் அவற்றின் பொதுவேட்பாளராக களமிறக்கவேண்டியேற்பட்டது.அதன் மூலமாக ராஜபக்சாக்களுக்கு எதிரான அரசியல் முகாமும் இராணுவவாத அரசியல் வலுவடைய அதன் பங்களிபைச்செய்தது.ஆனால், அவரால் வெற்றிபெறமுடியவில்லை. மூன்று தசாப்தகால போரினால் அவலத்துக்குள்ளான தமிழ் மக்கள் அந்த ஜனாதிபதி தேர்தலில் ராஜபக்ச மீதான வெறுப்பு காரணமாக பொன்சேகாவுக்கு அமோகமாக வாக்களித்தார்கள். தமிழ் மக்கள் எந்தக் காரணத்துக்காக ராஜபக்சவை வெறுத்தார்களோ அதே காரணத்துக்காகவே சிங்கள மக்கள் அவரை அமோகமாக ஆதரித்தார்கள். இவ்வாறாக போர் வெற்றியுடன் நெருக்கமாக அடையாளப்படுத்தப்படும் ராஜபக்சாக்கள் 2015 தேர்தல்களில் தோல்வியடைந்து ஆட்சியதிகாரத்தை இழந்தபோதிலும் சிங்கள மக்கள் மத்தியில்ெதாடர்ந்தும் பெரும் ஆதரவைக்கொண்டவர்களாகவே இருக்கிறார்கள். சுமார் 10 வருடகால ராஜபக்ச ஆட்சியில் பாரதூரமான ஊழல் மோசடிகள், அதிகார துஷ்பிரயோகம் மற்றும் சட்டம் ஒழுங்கு சீர்குலைவு நிலவிய போதிலும், தொடர்ந்தும் செல்வாக்குடையவர்களாக விளங்குவதற்கு பிரதான காரணம் போர் வெற்றியின் சூத்திரதாரிகள் அவர்களே என்று பெரும்பான்மையான தென்னிலங்கை மக்கள் நம்புவதேயாகும். ராஜபக்சாக்கள் தங்களது புதிய அரசியல் வாகனமாக மூன்று வருடங்களுக்கு முன்னர் ஆரம்பித்த ஸ்ரீலங்கா பொதுஜன பெரமுன குறுகிய காலத்துக்குள் நாட்டின் பிரதான அரசியல் கட்சிகளில் ஒன்றாக வெளிக்கிளம்பக்கூடியதாக இருந்ததற்கும் அதுவே காரணமாகும். இத்தடவை ஜனதிபதி தேர்தலில் பொதுஜன பெரமுனவின் வேட்பாளராக ராஜபக்ச சகோதரர்களில் ஒருவரான கோதாபய ராஜபக்ச களமிறங்கியிருக்கும் நிலையில், தேர்தல் பிரசாரங்களில் இராணுவவாத அரசியல் மீண்டும் முனைப்படைந்திருக்கிறது. போரின் இறுதிக்கட்டங்களில் பாதுகாப்பு செயலாளராக பதவிவகித்த முன்னாள் இராணுவ அதிகாரியான அவர் கடந்த இரு வருடங்களாக ஜனாதிபதி வேட்பாளராகுவதற்கு தன்னை தயார்படுத்தியபோது போரில் முக்கிய பங்கு வகித்த முன்னாள் இராணுவ அதிகாரிகள் பலரையும் தனது அணியில் இணைத்துக்கொண்டு செயற்பட்டதை காணக்கூடியதாக இருந்தது. சகோதரரின் ஆட்சிக்காலத்தில் மெய்நடப்பில் பாதுகாப்பு அமைச்சர் போன்றே செயற்பட்ட கோதாபய இயல்பாகவே போர் வெற்றியை தனது மாபெரும் சாதனையாக மக்கள் முன்னிலையில் பிரசாரம் செய்து வாக்குக் கேட்கிறார். பயங்கரவாதம் மீண்டும் தலையெடுத்துவிட்டது என்று எச்சரிக்கை செய்யும் அவர் தேசிய பாதுகாப்பை உறுதிப்படுத்துவதற்கு தன்னை ஜனாதிபதியாக தெரிவுசெய்யுமாறு கேட்கிறார்.கோதாபய போர் வெற்றிக்கும் இராணுவத்துக்கும் அதன் தொடர்ச்சியாக தேசிய பாதுகாப்புக்கும் கொடுக்கும் முக்கியத்துவம் காரணமாக தேர்தல் பிரசாரங்களில் அரசியல் விவாதம் இராணுவவாத அரசியல்மயமானதாக முனைப்படைந்திருக்கிறது. அவரைப் பொறுத்தவரை, நாட்டின் ஜனாதிபதியாக தன்னால் மாத்திரமே பாதுகாப்பை உறுதிப்படுத்தமுடியும் என்று வெளிப்படையாகவே கூறுகிறார். பொதுஜன பெரமுன அரசியல்வாதிகளும் பிரசாரக்கூட்டங்களில் கோதாபய ஜனாதிபதியாக வராவிட்டால் நாட்டைா ஆபத்தில் இருந்து காப்பாற்ற முடியாது என்றுபயங்காட்டிக்கொண்டிருக்கிறார்கள். அதனால் போர் வெற்றி சுலோகத்தை பயன்படுத்தாமல் ராஜபக்ச முகாமினால் விறுவிறுப்பான தேர்தல் பிரசாரங்களைச் செய்யமுடியாது என்பது வெளிப்படையானது. எந்த சட்டத்தின் கீழ் போர் வெற்றியை தேர்தல்களில் பயன்படுத்தமுடியாது என்று அவர்கள் ஆணைக்குழுவை நோக்கி கேள்வியும் எழுப்புகிறார்கள்.கடந்த வாரம் செய்தியாளர் மகாநாடொன்றில் கருத்து தெரிவித்த எதிரணி பாராளுமன்ற உறுப்பினரான பந்துல குணவர்தன, " முன்னைய ஜனாதிபதிகளில் எவரினாலும் விடுதலை புலிகளை தோற்கடிக்க முடியவில்லை.உகந்த போர்த்தந்திரோபாயங்களை வகுக்கக்கூடிய பாதுகாப்பு செயலாளர் அவர்களிடம் இல்லாததே அதற்கு காரணம். கோதாபய ராஜபக்சவின் ஆற்றல்மிகுந்த தந்திரோபாயங்கள் இல்லாவிட்டால் விடுதலை புலிகளை தோற்கடித்திருக்கமுடியாது.அதன் காரணத்தினால்தான் மீண்டும் பயங்கரவாத அச்சுறுத்தல் தோன்றியிருக்கும் இன்றைய காலகட்டத்தில் மக்களை அவரின் பின்னால் அணிதிரளுமாறு நாம் கேட்கிறோம்.கோதாபயவைப் போன்று தேசிய பாதுகாப்பில் பற்றுறுதி கொண்டவர் வேறு யாருமில்லை.போர் வெற்றியை தேர்தல் பிரசாரங்களுக்கு பயன்படுத்தமுடியாது என்று தேர்தல் ஆணைக்குழு தடைசெய்யுமானால், விடுதலை புலிகளின் இராணுவரீதியான தோல்விக்கு வழிவகுத்த காரணங்களைப் பற்றி நாம் பேசுவோம் " என்று கூறினார். பொதுஜன பெரமுனவினதும் ராஜபக்சாக்களினதும் இத்தகைய பிரசாரங்களுக்கு உறுதியான முறையில் எதிர்வினையாற்ற வேண்டிய நிர்ப்பந்தத்திற்குள்ளாகும் புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாச தனது பிரசாரங்களிலும் இராணுவவாத அரசியலுக்கு முக்கியத்துவத்தை கொடுக்கத் தொடங்கியிருக்கிறார். இரு வாரங்களுக்கு முன்னர் கொழும்பு காலிமுகத்திடலில் நடைபெற்ற தனது முதலாவது தேர்தல் பிரசாரப் பேரணியில் அவர் ஜனாதிபதியாக தெரிவுசெய்யப்பட்டால் தேசிய பாதுகாப்பை உறுதிப்படுத்துவதற்கு தனது தலைமையிலான அரசாங்கத்தில் முன்னாள் இராணுவத்தளபதி ஃபீல்ட் மார்ஷால் சரத் பொன்சேகாவை சட்டம், ஒழுங்கு மற்றும் பாதுகாப்பு அமைச்சராக நியமிப்பதாக உறுதியளித்தார். அப்போது மேடையில் இருந்த பொன்சேகா எழுந்து நின்று மக்களுக்கு கையசைத்து மகிழ்ச்சியைத் தெரிவித்ததை காணக்கூடியதாக இருந்தது. போரில் இராணுவத்தை வெற்றிக்கு வழிநடத்திய இராணுவத் தளபதி பொன்சேகாவே கோதாபயவை விடவும் தேசிய பாதுகாப்பை உறுதிப்படுத்துவதற்குமிகவும் பொருத்தமானவர் என்றும் சஜித் தனதுரையில் குறிப்பிட்டார். அதற்கு பிறகு சஜித்தின் பிரசாரக்கூட்டங்களில் பொன்சேகா முக்கியமான ஒரு பேச்சாளராக இருந்துவருகிறார். கோதாபயவின் பிரசாரங்களில் தேசிய பாதுகாப்புக்கு கொடுக்கப்படும் முக்கியத்துவத்தை இப்போது சஜித்தின் பிரசாரங்களிலும் காணக்கூடியதாக இருக்கிறது. போரில் இராணுவத்தினரின் வெற்றிக்கு தனது வழிநடத்தலும் தந்திரோபாயங்களுமே காரணம் என்றும் தான் வகுத்த தந்திரோபாயங்கள் குறித்து பாதுகாப்பு செயலாளராக இருந்த கோதாபய அறிந்திருக்கவுமில்லை என்றும் பொன்சேகா இப்போது கூறுகிறார். கோதாபய ஜனாதிபதி வேட்பாளர் என்ற வகையில் முதன்முதலாக நடத்திய செய்தியாளர் மகாநாடு கடந்தவாரம் கொழும்பு ஹோட்டல் ஒன்றில் இடம்பெற்றது. அதில் ' த இந்து ' பத்திரிகையின் கொழும்பு செய்தியாளர் மீரா ஸ்ரீனிவாசன் போரின் இறுதிக்கட்டத்தில் இராணுவத்திடம் சரணடைந்ததாக கூறப்படுவோர் காணாமல் போயிருக்கும் பிரச்சினை குறித்து கேள்வியெழுப்பியபோது கோதாபயவை நோக்கி ' அந்த நேரத்தில் இராணுவத்துக்கு தலைமை தாங்கியவர் என்ற வகையில் நீங்கள் என்ன கூறுகிறீர்கள் ' என்று கேட்டார்.அதற்கு பதிலளித்த கோதாபய ' இராணுவத்துக்கு நான் தலைமைதாங்கவில்லை. இராணுவத்தளபதியே தலைதாங்கினார் ' என்று பொன்சேகாவின் பெயரைக் குறிப்பிடாமல் கூறினார். இதை போர் வெற்றிக்கு தானல்ல, பொன்சேகாவே உண்மையில் காரணம் என்று கோதாபய பத்து வருடங்கள் கழித்து ஒப்புக்கொண்டுவிட்டதாக அர்த்தப்படுத்தி சஜித் பிரேமதாசவின் மேடைகளில் பிரசாரம் செய்யப்படுகிறது. அந்த செய்தியாளர் மகாநாட்டுக்கு பிறகு பிரசாரக்கூட்டங்களில் இந்திய செய்தியாளரின் கேள்வியும் கோதாபயவின் பதிலும் தொடர்ச்சியாக எதிரொலித்துக் கொண்டிருக்கின்றன.இவ்வாறாக, இரு பிரதான வேட்பாளர்களினதும் பிரசாரங்களை தேசிய பாதுகாப்பும் இராணுவவாத அரசியலும் சூழ்ந்திருப்பதை காணக்கூடியதாக இருக்கிறது. எஞ்சியிருக்கும் நான்கு வாரங்களிலும் இந்தப் போக்கு மேலும் தீவிரமடையப்போகிறது. அத்தகையதொரு ஆரோக்கியமற்ற சூழ்நிலை சிறுபான்மையினத்தவர்களுக்கு எதிரான இனவாத அரசியல் கருத்துக்களும் உணர்வுகளும் தென்னிலங்கையில் முழுவீச்சில் கிளறிவிடப்படும் ஆபத்தை தோற்றுவிக்கும்.அதற்கான தெளிவான அறிகுறிகளை ஏற்கெனவே காணக்கூடியதாக இருக்கிறது. https://www.virakesari.lk/article/67246

பேரம் பேசி உரிமை பெற ஒட்டகம் தான் முஸ்லீம்களின் தெரிவாக இருக்கும் :

1 day 11 hours ago
பேரம் பேசி உரிமை பெற ஒட்டகம் தான் முஸ்லீம்களின் தெரிவாக இருக்கும் : மகளிரணி தலைவி ஹஸ்மியா ! (அபு ஹின்சா ) 35 வேட்பாளர்கள் போட்டியிடும் இந்த தேர்தலில் முஸ்லீம்களின் பிரச்சினைகளை தீர்க்க கூடிய ஒருவராக இருப்பவர் முன்னாள் ஆளுநர் எம்.எல். எ. எம். ஹிஸ்புல்லா அவர்கள் மட்டுமே. பாட்டு போட்டு ஓட்டு கேட்கும் கட்சிகள் இந்த சமூகத்துக்கு செய்த சேவைகளை விட ஆளுநராக இருந்த எமது முஸ்லிம் வேட்பாளர் ஹிஸ்புல்லாஹ் அவர்கள் செய்த சேவைகள் அதிகம்.என பிரச்சார குழு மகளிரணி தேசிய அமைப்பாளர் வைத்தியர் ஹஸ்மியா உதுமாலெப்பை தெரிவித்தார். அக்கரைப்பற்றில் இன்று பகல் நடைபெற்ற மகளிர் சந்திப்பில் கலந்துகொண்டு பேசிய அவர் அங்கு தொடர்ந்து உரையாற்றிய போது, கடந்த முறை நாம் சிறுபான்மை இன ஒற்றுமையை வலியுறுத்தி ஜனாதிபதியாக மைத்திரியை கொண்டுவந்தோம். ஆனால் முந்தைய ஆட்சியை விட இந்த ஆட்சியில் தான் மினுவாங்கொட தாக்குதல் நடத்தி அதிக சொத்துக்கள் சேதமானது. செய்வதை எல்லாம் செய்துவிட்டு கோத்தாபாயவை குற்றம் சொல்வதில் எந்த உண்மையும் இல்லை. தலைவர் அஷ்ரப் அவர்களின் வழியில் எமது வேட்பாளர் ஹிஸ்புல்லாஹ் அவர்கள் பெண்களின் கல்வியறிவு, பாதுகாப்பு ,சேவைகள் என்பவற்றில் கரிசனையுடன் செயலாற்றும் திறன் கொண்டவர். தொடர்ந்தும் எமது பெண்களின் உரிமைகள் பறிபோகும் நிலைக்கு நாம் இடம் கொடுக்க முடியாது. எமது முஸ்லிம் மக்களுடைய வேட்பாளர் ஹிஸ்புல்லாஹ் அவர்கள் ஜனாதிபதியை தீர்மானிக்கும் வேட்பாளராக களமிறங்கி உள்ளார். எங்கள் மீது தீவிரவாத முத்திரை குத்தப்பட்டுள்ளது. அவற்றை நீக்க நடவடிக்கை எடுக்க நாம் எமது வாக்கை ஒட்டகத்துக்கு வழங்க வேண்டும். சமூகத்துக்கு அநீதி நடக்கும் போது ஒற்றுமைபட முடியாத எமது முஸ்லிம் தலைவர்கள் இப்போது அன்னத்தில் ஒற்றுமை பட்டுள்ளார்கள். இவர்களின் ஒற்றுமை நிலைக்காது. என்றார். https://www.madawalaenews.com/2019/10/o.html

பொலிஸாரின் துப்பாக்கிச் சூட்டில் உயிரிழந்த யாழ்.பல்கலை மாணவர்களின் நினைவு நிகழ்வு

1 day 11 hours ago
யாழ்ப்பாண பொலிஸாரின் துப்பாக்கிச் சூட்டுக்கு இலக்காகி படுகொலையான யாழ்.பல்கலை கழக மாணவர்களின் மூன்றாம் ஆண்டு நினைகூரல் நிகழ்வுகள் நடைபெற்றன. யாழ்.பல்கலைகழக மாணவர் ஒன்றிய கேட்போர் கூடத்தில் இன்று (ஞாயிற்றுக்கிழமை) இந்நிகழ்வு இடம்பெற்றது. மாணவர் ஒன்றியத்தினரின் ஏற்பாட்டில் நடைபெற்ற இந்த நிகழ்வில் மாணவர்களின் உருவ படங்களுக்கு மலர் மாலை அணிவித்து , மலர் தூவி சுடரேற்றி அஞ்சலி செலுத்தப்பட்டது. யாழ்ப்பாண பல்கலைக்கழக மாணவர்களான விஜயகுமார் சுலக்சன் மற்றும் நடராஜா கஜன் ஆகியோர் கடந்த 2016 ஆம் ஆண்டு ஒக்டோபர் 20ஆம் திகதி நள்ளிரவு மோட்டார் சைக்கிளில் வீடு நோக்கி சென்று கொண்டிருந்த போது, கொக்குவில் குளப்பிட்டி சந்தியில் வைத்து அவர்கள் மீது பொலிஸார் துப்பாக்கிச் சூடு நடத்தியதில் அவர்கள் இருவரும் உயிரிழந்தனர். குறித்த சம்பவம் தொடர்பாக விசாரணைகளை முன்னெடுத்த பொலிஸார் அன்றைய தினம் அங்கு கடமையில் இருந்த ஐந்து பொலிஸாரையும் கைது செய்து நீதிமன்றில் முற்படுத்தினர். அதனைத் தொடர்ந்து நடைபெற்ற வழக்கு விசாரணைகளையடுத்து மூவர் வழக்கில் இருந்து விடுவிக்கப்பட்டு அரச தரப்பு சாட்சிகளாக மாற்றப்பட்டனர். கடமைக்கு பொறுப்பான முதலாவது சந்தேகநபரும் துப்பாக்கி பிரயோகம் மேற்கொண்ட மூன்றாவது சந்தேகநபருக்கும் எதிராக இலங்கை குற்றவியல் நடைமுறை சட்டக் கோவையின் 296ஆம் பிரிவின் கீழான கொலைக் குற்றச்சாட்டின் கீழ் பிராது பத்திரத்தை குற்றப் புலனாய்வுப் பிரிவினர் யாழ்.நீதவான் நீதிமன்றில் தாக்கல் செய்தனர். அதனைத் தொடர்ந்து “சந்தேகநபர்கள் இருவருக்கும் எதிராக தாக்கல் செய்யப்பட்ட கொலைக் குற்றச்சாட்டுப் பத்திரத்தின் மீது முன்வைக்கப்பட்ட சான்று ஆதாரங்களில் மன்று திருப்தியடைகின்றது. அதனால் அவர்கள் இருவருக்கும் எதிராக மேல் நீதிமன்றில் குற்றப்பத்திரிகை தாக்கல் செய்ய மன்று கட்டளையிடுகின்றது. அதற்காக சுருக்கமுறையற்ற விசாரணைகளின் வழக்கு ஆவணங்களை சட்ட மா அதிபருக்கு பாரப்படுத்த மன்று பணிக்கின்றது. அத்துடன், சந்தேகநபர்கள் இருவரும் யாழ்ப்பாணம் மேல் நீதிமன்றால் வழங்கப்பட்ட பிணையில் விடுவிக்கப்படுகின்றனர்” என யாழ் நீதவான் நீதிமன்ற நீதவான் ஏ.எஸ்.பீற்றர் போல் கடந்த ஜூன் 27ஆம் திகதி கட்டளை வழங்கினார் என்பது குறிப்பிடத்தக்கது. http://athavannews.com/பொலிஸாரின்-துப்பாக்கிச-2/

கோரிக்கைகளை நிராகரிக்கும் கோத்தாவுடன் பேச்சுவார்த்தை நடத்த தயாரில்லை - மாவை

1 day 11 hours ago
அப்பிடியே கோரிக்கைகளை ஏற்காத ஆக்களோடையும் பேச்சுவார்த்தை நடத்த தாயரில்லை என்டு அறிவிக்கின்ற தில் இருக்கா மாவைக்கு?

தனித்துப் பேச்சுக்கு வரமாட்டோம் கூட்டணியாகவே பேச வருவோம் -ரணிலுக்கு விக்னேஸ்வரன் தெரிவிப்பு

1 day 12 hours ago
ஐந்து கட்சிகள் இணைந்த பின்னும் சொறிலங்காவின் திருட்டுப் புத்தி நிறைந்த பிரதமர் றணில் விக்ரமசிங்க தனது கபட குணத்துடன் தமிழ் மக்கள் கூட்டணியின் விக்கியை தனியே பேச்சுவார்த்தைக்கு அழைத்த போது அவர் றணிலுக்கு "என்னையும் கருணா என்டு நினைச்சாயோ" என சாட்டையடி குடுத்திருக்கார். ஐந்து கட்சிகளுக்கு சிறந்த முன்னுதாரணமாக இருந்த விக்கிக்கு பாராட்டுக்கள்!
Checked
Tue, 10/22/2019 - 03:24
கருத்துக்களம் - new topics
Subscribe to புதிய பதிவுகள் feed