புதிய பதிவுகள்

கனடாவுக்கும் ஆவா ( வந்துவிட்டார்கள் ) !!!

5 hours 39 minutes ago
போலி தேசியம் பாடும் இணையம்களை எப்படி கண்டு பிடிப்பது ? சிம்பிள் சிங்களவர் வெளிநாட்டில் களவெடுத்தால் செய்தி இப்படி இருக்கும் "லண்டனில் அநகாரிக செயலில் இலங்கையர்" அதே தமிழர் என்றால் "கனடாவில் வீடுகளில் கொள்ளையில் ஈடுபடும் தமிழ் இளைஞர்கள்! பொலிஸாரை மிரள வைத்த சிறுவர்கள்"

யாழ் கள உலகக்கிண்ண கிரிக்கெட் போட்டி 2019

5 hours 40 minutes ago
நான் இந்தியா வெல்லுமென்று கணிக்கவே இல்லையே. வடக்கத்தையானை எனக்கு கண்ணிலும் காட்டக்கூடாது. உங்களுக்கு என்னும் இது விளையாட்டு திரி என்று தெரியவே இல்லை போலுள்ளது. விளையாட்டை விளையாட்டாக பார்ப்பதனால்தான் நான் இதில் அரசியலை கலக்க விரும்பவில்லை அக்கோய். 48ஆவது கேள்விக்கான விடை இலங்கை என் இருக்கும்போது அதெப்படி சொறிலங்கா குழுநிலை போட்டியில் முதலாவதாக வந்து உலக கோப்பையை வேற தூக்கும் எழுதிவிட்டு கிரிக்கெட் பற்றி எனக்கு பாடம் எடுக்கும் அலப்பறையை என்னவென்று சொல்வது கடவுளே!! விளையாட்டுப்போட்டியில் கலந்து கொள்ளும்போது ஒன்றில் கிரிக்கெட் பற்றிய அறிவு வேண்டும் அல்லது கொஞ்சமாவது commom sense வேண்டும். இரண்டுமே இல்லாத உங்களுடன் கருத்தாடுவது விழலுக்கு இறைத்த நீரே! இலங்கைக்கான விசுவாசத்தை காட்ட எத்தனையோ திரிகள் யாழில் உள்ளது. அங்கே சென்று கொட்டுங்கள் உங்கள் அறிவுரைகளை. குழு விளையாட்டுகளிலேயே கிரிக்கெட்டுக்கென்று ஒரு தனி இடம் உண்டு. அதனால்தான் இதை a game with glorious uncertainties என்று சொல்வார்கள். இதெல்லாம் உங்களுக்கு தெரிந்திருக்க வாய்ப்பில்லை. தனியொருவனாக ஒரு ஆட்டத்தை வெல்லக்கூடிய குழு விளையாட்டும் இதுவே!

தமிழின்.. தொன்மை.

6 hours 16 minutes ago
சரியாக 10 வருசத்துக்கு முன்னர் 2009ம் ஆண்டு டெய்லி மிரர் பத்திரிகையில் இதே போல கேள்வி, பதில் பகுதியில் வந்திருக்கிறது.

ஜனாதிபதித் தேர்தல் முஸ்தீபுகள்

6 hours 18 minutes ago
ரணிலும் ‘கோட் சூட்’ அரசியலும் என்.கே. அஷோக்பரன் / 2019 ஜூன் 24 திங்கட்கிழமை, பி.ப. 05:47 Comments - 0 ஜனாதிபதித் தேர்தல் முஸ்தீபுகள் - 06 இலங்கை அரசியலில் சகுனம், காலம், நல்ல நேரம், ஜோதிடம், மந்திரம், மாந்திரீகம், பூஜைகள், திருத்தல தரிசனம் போன்றவற்றின் மீதான அதீத நம்பிக்கை என்பது, மிக வௌிப்படையாகவே நாம் கண்டுணரக்கூடிய விடயமாக இருக்கிறது. ‘சிங்கள-பௌத்தத்தின்’ காவலாளிகளாகத் தம்மை மார்தட்டிக்கொள்வோர் கூட, திருப்பதிக்கும் பத்மநாபசுவாமி கோவிலுக்கும் ஓடி ஓடிச் சென்று, தரிசனங்களில் ஈடுபடுவது எல்லாம் இந்த அதீத நம்பிக்கையால்த்தான். ஜோதிடரைக் கேட்டே தேர்தல் தினத்தைத் தீர்மானிக்கும், முடிவுகள் எடுக்கும் கால நேரத்தைத் தீர்மானிக்கும் போக்கும் இலங்கைக்குப் புதியதல்ல. அதுபோலவே, அதிர்ஷ்டத்தின் மீதான நம்பிக்கையும் அரசியல்பரப்பில் மிகுந்தே காணப்படுகிறது. ரணில் விக்கிரமசிங்க என்ற ஆளுமையின் மேல், விரும்பியோ விரும்பாமலோ தோல்வியின் முத்திரை மிக அழுத்தமாகக் குத்தப்பட்டிருக்கிறது. சுதந்திர இலங்கையின், மூத்த தேசியக் கட்சியான ஐக்கிய தேசியக் கட்சியின் தலைவராக, 1994 முதல் கோலோச்சிக் கொண்டிருப்பவர் ரணில். இவர், ஐக்கிய தேசியக் கட்சியின் தலைவராக இருந்த காலப்பகுதியில் நான்கு ஜனாதிபதித் தேர்தல்கள் இடம்பெற்றிருக்கின்றன. இதில் இரண்டில் மட்டுமே ரணில் போட்டியிட்டார் (1999, 2005). இரண்டு தடவையும் மிக நெருக்கமான போட்டி நிலவிய நிலையில், ரணிலால் ஜனாதிபதித் தேர்தலில் வெற்றிபெற முடியவில்லை. குறிப்பாக, 2005ஆம் ஆண்டு ஜனாதிபதித் தேர்தலில், தமிழீழ விடுதலைப் புலிகள் தேர்தலைப் புறக்கணிக்கக் கோராது, வடக்கு, கிழக்கு வாக்களித்திருக்குமானால் ரணில் விக்கிரமசிங்க அந்தத் தேர்தலில் வென்றிப்பார் என்பதே நிலவும் பொதுவான அபிப்பிராயமாகும். 2005 இன் பின்னர், நடந்த இரண்டு ஜனாதிபதித் தேர்தல்களிலும் (2010, 2015) ரணில் போட்டியிடவில்லை. மாறாக, பல எதிர்க்கட்சிகளையும் ஒன்றுதிரட்டிய ஒருமித்த எதிரணியின் பொதுவேட்பாளராக, 2010இல் சரத் பொன்சேகாவையும் 2015இல் மைத்திரிபால சிறிசேனவையும் களமிறக்கி, அவர்களுக்கு ரணிலும் ஐக்கிய தேசியக் கட்சியும் ஆதரவளித்திருந்தது. ஜனாதிபதித் தேர்தல் தோல்விகள் மட்டுமல்ல, ரணிலின் தலைமையின் கீழ், ஐக்கிய தேசியக் கட்சி இரண்டு முறை மட்டுமே ஆட்சியைக் கைப்பற்றியிருக்கிறது. முதலாவதாக, 2001இலும் பின்னர் 2015இலும் ஆகும். 2001இல் தொடங்கிய ஆட்சி, ஜனாதிபதி சந்திரிக்காவுடனான முறுகல் நிலையையும் தமிழீழ விடுதலைப் புலிகளுடனான போர் நிறுத்த ஒப்பந்தம், பேச்சுவார்த்தைகளில் ஏற்பட்ட பின்னடைவாலும் 2004இல் முடிவுக்கு வந்தது. அதன் பின்னர், ஐக்கிய தேசியக் கட்சி ஆட்சியைப் பிடிப்பதற்கு, ஏறத்தாழ ஒரு தசாப்தத்துக்கும் மேற்பட்டகாலம் தேவைப்பட்டது. இந்த ஒரு தசாப்தகாலம், ரணிலுக்கு இலகுவானதாக இருக்கவில்லை. குறிப்பாகக் கட்சிக்குள், ரணிலின் தலைமைக்கெதிராக எழுந்த குரல்களும் தலைமைக்கு ஏற்பட்ட போட்டியும் உட்கட்சி முறுகலை அதிகப்படுத்தியதுடன், ஐ.தே.க என்ற பலமான தேசியக் கட்சி, வினைத்திறனாகச் செயற்பட முடியாத நிலை ஏற்பட்டது. ரணில் தலைவராகத் தொடர்ந்ததால் கட்சியிலிருந்து சில அரசியல்வாதிகள் விலகினார்கள். சிலர், தாம் கட்சிதாவிப் பதவிகளைக் கைப்பற்றிக்கொள்ள இதை ஒரு சாட்டாக்கிக் கொண்டார்கள். எது எவ்வாறாக இருப்பினும், கட்சிக்கு வௌியில் மாத்திரமில்லாமல், கட்சிக்குள்ளும் ரணில் மீதான அதிருப்தி இருக்கவே செய்தது. ஆனால், இந்த அதிருப்தியாலும் எதிர்ப்பாலும் ரணிலை ஒன்றும் செய்ய முடியவில்லை. ஒரு கட்டத்தில், இனி ரணில், தலைவராகத் தொடர முடியாது என்ற கடுமையான நெருக்கடிச் சூழல் கட்சிக்குள் எழுந்தபோது, அனைவரும் ரணிலின் இராஜாங்கம் இதோடு முடிவடைகிறது என்று நினைக்குமளவுக்கு நிலைமை வந்தபோதும் கூட, அதையெல்லாம் கடந்து, ரணில் இன்றுவரை கட்சியின் தலைமையைத் தன்னிடம் வைத்திருப்பதானது ஆச்சரியமானதுதான்! 2015 ஜனவரிக்கு முன்பாக, ரணில் மீண்டும் இலங்கையின் பிரதமராவார் என்று யாராவது சொல்லியிருந்தால், அதை அனைவரும் நகைச்சுவையாக எதிர்கொள்ளும் நிலையே இருந்தது. ஆனால், 2015 ஜனவரியில் இலங்கையின் பிரதமராக ரணில் மீண்டும் ஆனார். ஆனால், இந்த இராஜதந்திரங்களையெல்லாம் அவரால் தேர்தல் வெற்றிகளாக மாற்றமுடியாமைதான், அவர் தோல்வியின் அடையாளமாகப் பார்க்கப்படக் காரணமாகும். ‘கோட் சூட்’ அரசியல் என்பது, சுதந்திர இலங்கையில் கொலனித்துவம் விட்டுச்சென்ற முக்கிய அடையாளங்களில் ஒன்று. இலங்கையின் முதலாவது பிரதமர் டீ.எஸ். சேனநாயக்க, அவரது மகன் டட்லி, அவரது உறவினர் சேர்.ஜோன் கொத்தலாவல என, இலங்கையின் ஆரம்பகாலத் தலைமைகள் ‘கோட் சூட்’ அரசியல்வாதிகளாகவே இருந்தார்கள். இதில் பெரும் மாற்றத்தை ஏற்படுத்தியவர் எஸ்.டபிள்யூ.ஆர்.டீ. பண்டாரநாயக்க. இலங்கை அரசியல் பரப்பில், அநகாரிக தர்மபாலவிலிருந்து ஆரம்பித்த ‘சிங்கள-பௌத்த’ தேசியவாதத்தை, நேரடி அரசியலில் தத்தெடுத்து, உயிர்கொடுத்தவர் எஸ்.டபிள்யு.ஆர்.டீ. பண்டாரநாயக்க ஆவார். ‘கோட் சூட்’ அரசியலுக்கு மாற்றாக, ‘தேசிய உடை’ அரசியலைப் பிரபல்யம் செய்தவர் அவர். சுதந்திர இலங்கை அரசியலில், இன்றுவரை இந்தக் ‘கோட் சூட்’ - ‘தேசிய உடை’ பிரிவினையைக் காணலாம். சமூகவியல் ரீதியில் பார்த்தால், இந்தக் ‘கோட் சூட்’ - ‘தேசிய உடை’ வேறுபாடுகளுக்கும் இனம், மதம், கல்வி, சமூகம், அந்தஸ்து, சாதி, வர்க்கம், அரசியல் கொள்கை ஆகியவற்றுக்கும் இடையிலான தொடர்புகளை அடையாளம் காணக் கூடியதாக இருக்கும். இவை நிரந்தரமானவையல்ல; ஆனால் பொதுவான அம்சங்கள் பல தொடர்புபடுவதை நோக்கலாம். இலங்கையைப் பொறுத்தவரை, ஓர் அரசியல் தலைவர் அணியும் ஆடை, பேச்சு, மொழி, உச்சரிப்பு என்பன, அவரது இனம், மதம், கல்வி, சமூக அந்தஸ்து, சாதி, வர்க்கம், அரசியல் கொள்கை ஆகியவற்றை நேரடியாகவும் மறைமுகமாகவும் உணர்த்துவதாகவே இருக்கிறது. அத்துடன், வாக்குவங்கியைப் பொறுத்தவரையும் வாக்குவங்கியானது, தமது தலைவர் யார் என்பதைத் தீர்மானிப்பதிலும் மேற்குறித்த விடயங்கள், குறிப்பிடத்தக்க ப‍ங்கை வகிக்கின்றன என்பது மறுக்க முடியாதது. இந்தக் ‘கோட் சூட்’ - ‘தேசிய உடை’ இருதுருவ பிரிநிலையில், ரணில் விக்கிரமசிங்க ‘கோட் சூட்’ பிரிவுக்குரியவர் என்பது வௌ்ளிடைமலை. அதனை மறைக்கவோ, மாற்றவோ கூட அவர் முனையவில்லை. இதுதான், தான் என்பதை மறைக்க, அவர் எண்ணியதில்லை; எத்தனித்ததும் இல்லை. அதனால்தான், பௌத்த விகாரைகளுக்கும், கோவில்களுக்கும் பூஜை வழிபாட்டுக்குச் சென்றாலும் கூட, ரணில் ‘சாரம்’ கட்டியதில்லை. மறுபுறத்தில், அவருடைய சரளமான ஆங்கிலப் பேச்சும், மேற்குலக ஆதரவு நிலைப்பாடும், திறந்த பொருளாதாரக் கொள்கை நிலைப்பாடும், தனியார்மயமாக்கல் மீதான நம்பிக்கையும் ஒப்பீட்டளவில் தாராளவாதக் கொள்கை மீதான சற்றேனுமான சார்பும் தேசியவாதிகளும் இடதுசாரிகளும் ரணில் மீதான கடுமையாக விமர்சனங்களை முன்வைக்க முக்கிய காரண‍ங்களாகும். மறுபுறத்தில், கட்சிக்குள் அவருடைய மேலாதிக்கப் போக்கும், கட்சியைக் கொண்டு நடத்தும் விதமுமே, தான் நினைத்ததிலிருந்து மாறாத பற்றுறுதியும் அவரைச் சர்வாதிகாரி என விமர்சிக்கக் காரணம் என, கட்சிக்குள் அவரை எதிர்ப்பவர்கள் சொல்லும் கருத்தாகும். மறுபுறத்தில், இவற்றுற்கு எல்லாம் மாறுபட்ட வகையில், முடிவெடுக்க முடியாதவர், ஒரு விடயத்தை நடத்தும் வல்லமையற்றவர், தனது நிலைப்பாட்டில் நிற்க முடியாவர், பலமற்றவர், வெற்றிபெற முடியாதவர், உறுதியாகப் பேசமுடியாதவர் என்ற கருத்தும் பொதுவில் நிலவுவதையும் அவதானிக்கலாம். மேலும், சாணக்கியப் பேர்வழி, தந்திரோபாயக்காரர், நம்பமுடியாதவர் என்ற அடையாளங்களும் ரணில் மீது சாற்றப்படுவதைக் காணலாம். இத்தனை ஒன்றுக்கொன்று முரணாண அடையாளங்களைக் கொண்ட முரண்பாடுகள் நிறைந்த ஆளுமையாகவே ரணில் காணப்படுகிறார். எத்தனை எதிர்மறை அடையாளங்கள் ரணில் மீது இருந்தாலும், கற்றவர், அறிவுள்ளவர், நேர்மையானவர், கறைபடியாத கரம் என்ற அடையாளங்களும் அவர் மீதான பொது அபிப்பிராயமாக இருந்ததையும் மறுக்க முடியாது. ஆனால், மத்தியவங்கி முறிகள் மோசடி தொடர்பில், அவரது பெயர் அடிபடத் தொடங்கியதிலிருந்து ‘கறைபடியாத கரம்’ என்ற அடைமொழியில் கறைபடிந்துவிட்டது என்பதுதான் யதார்த்தம். இந்த நிலையில்தான், அடுத்த ஜனாதிபதித் தேர்தலில் ரணில் போட்டியிடுவாரா, அல்லது கடந்த இருமுறை செய்ததைத் போலவே, இன்னொருவரைக் களத்தில் இறக்கிவிடுவாரா என்ற கேள்வி முக்கியம் பெறுகிறது. அண்மையில், அமைச்சர் ஹர்ஷ டி சில்வா டுவிட்டரில் ஒரு சுவாரஷ்யமான செய்தியைப் பகிர்ந்திருந்தார். அலரி மாளிகையில், முன்னாள் மாலைத்தீவு ஜனாதிபதி நஷீட் உள்ளிட்டவர்கள் கலந்துகொண்டிருந்த இரவுச் சந்திப்பொன்றின் முடிவில், “நீங்கள் ஓய்வுபெற நேரமாகிவிட்டது” என்று நஷீட், ரணிலுக்குச் சொல்ல, “ஓய்வா”? என்று ரணில் ஆச்சரியமாக வினவியதாகவும் “இல்லை, இன்றைய நாளுக்கு ஓய்வுபெற என்பதைச் சொன்னேன்” என்று அவர் தௌிவுபடுத்த, அனைவரும் சிரித்ததாக அவர் குறிப்பிட்டிருந்தார். இதில் குறிப்பிடத்தக்க விடயம், அரசியலிலிருந்து ஓய்வுபெற ரணில் விக்கிரமசிங்க தயாராகவில்லை என்பதாகும். ஆகவே, அரசியலில் தொடர்ந்தும் பயணிக்கும் திட்டம் அவருக்கு இருக்கிறது. அப்படியானால், நிச்சயமாக ஐக்கிய தேசியக் கட்சியின் தலைமையை அவர் உடனடியாக யாருக்கும் விட்டுத்தரப்போவதில்லை என்பது நிச்சயம். இந்தச் சூழலில், எதிர்வரும் ஜனாதிபதித் தேர்தல் தொடர்பான, அவரது திட்டம் என்னவாக இருக்கும் என்ற ஊகம் முக்கியம் பெறுகிறது. குறிப்பாக, கரு ஜெயசூரிய போட்டியிடுவார்; சஜித் பிரேமதாஸ போட்டியிடுவார் என்ற வதந்திகள் பலமாகப் பரவிக்கொண்டிருக்கும் நிலையில், ரணில் போட்டியிடுவாரா என்று கேள்வி முக்கியத்துவம் பெறுகிறது. ஆனால், இந்தக் கேள்விக்குப் பதிலளிக்க முன்பதாக, இன்னொரு முக்கிய விடயத்தை கருத்திற்கொள்ள வேண்டும். அரசமைப்புக்கான 19ஆம் திருத்தத்துக்குப் பின்பு, அடுத்ததாக வரும் ஜனாதிபதி, இதுவரை காலமும் இருந்த மற்றும் தற்போது இருக்கின்ற ஜனாதிபதியை விட ஒப்பீட்டளவில் குறைந்த அதிகாரத்தையே கொண்ட நிறைவேற்று அதிகாரம் கொண்ட ஜனாதிபதியாக இருப்பார். அவரால் அமைச்சுப் பதவிகளைக் கூட வகிWக்க முடியாது. நாடாளுமன்றமும் பிரதமர் உள்ளிட்ட அமைச்சரவையும் தற்போதுள்ளதைவிடச் சற்றே பலம்வாய்ந்ததாக இருக்கும். இந்த நிலையைக் கருத்திற் கொள்ளும் போது, ஜனாதிபதி ஆவதற்கான ஊக்கவிசை, முன்பை விடக் குறைவாகவே இருக்கிறது. ஆகவே, ஜனாதிபதி ஆக வேண்டும் என்ற நீண்டநாள் ஆசையை (?) தவிர, ரணில் ஜனாதிபதித் தேர்தலில் போட்டியிட வேறென்ன காரணங்கள் இருக்க முடியும் என்பதும், அவர் போட்டியிடும் பட்சத்தில் இலங்கையின் வாக்குவங்கியை அவரால் தனக்குச் சாதமாக்க முடியுமா, அதன் மூலம் வெற்றிபெற முடியுமா என்பதும் எமக்கு எழும் முக்கிய கேள்விகளாகும். (அடுத்த திங்கட்கிழமை தொடரும்) http://www.tamilmirror.lk/சிறப்பு-கட்டுரைகள்/ரணிலும்-கோட்-சூட்-அரசியலும்/91-234545

விக்­கி­னேஸ்­வ­ரனின் கீழ்த்­த­ர­மான வார்த்தைப் பிர­யோ­கங்­க­ளுக்கு கூட்­ட­மைப்பு செவி­ கொ­டுக்­காது - சுமந்திரன்

6 hours 21 minutes ago
விக்­கி­னேஸ்­வ­ரனின் கீழ்த்­த­ர­மான வார்த்தைப் பிர­யோ­கங்­க­ளுக்கு கூட்­ட­மைப்பு செவி­ கொ­டுக்­காது - சுமந்திரன் (ஆர்.யசி) அர­சாங்­கத்தின் வாக்­கு­று­தி­களை எமது மக்கள் முன்­னி­லையில் சென்று கூறு­வது மாமா வேலை அல்ல. விக்­கி­னேஸ்­வ­ரனின் கீழ்த்­த­ர­மான வார்த்தைப் பிர­யோ­கங்­க­ளுக்கு கூட்­ட­மைப்பு செவி­ கொடுக்­காது. அதேபோல் விக்­கி­னேஸ்­வரன் தனது அர­சியல் சுய­லா­பங்­க­ளுக்­காக எந்­த­ளவு கீழ் மட்­டத்தில் வீழ்ந்­துள்ளார் என்­பது நன்­றாக வெளிப்­பட்­டு­விட்­டது என தமிழ் தேசிய கூட்­ட­மைப்பின் ஊட­கப்­ பேச்­சா­ளரும் எம்.பி.யு­மான எம்.ஏ.சுமந்­திரன் தெரி­வித்தார். கல்­முனை வடக்கு பிர­தே­ச­ சபை விவ­கா­ரத்தில் தமிழ் தேசிய கூட்­ட­மைப்பு அர­சாங்­கத்­துக்கு மாமா வேலை செய்­கின்­றது என வடக்கின் முன்னாள் முத­ல­மைச்சர் விக்­கி­னேஸ்­வரன் பகி­ரங்­க­மாகத் தெரி­வித்­துள்ள நிலையில் அதற்குப் பதில் கூறும் வகை­யி­லேயே சுமந்­திரன் எம்.பி. இதனைக் குறிப்­பிட்டார். அவர் மேலும் குறிப்­பி­டு­கையில், தமிழ் மக்­களின் பிரச்­சி­னை­க­ளுக்கு தீர்­வு­களைப் பெற்­றுக்­கொ­டுக்க தமிழ் தேசிய கூட்­ட­மைப்பு எப்­போ­துமே முன்­னின்று செயற்­பட்டு வரு­கின்­றது. இன்­று­ வரை வடக்கு, கிழக்கில் தமிழ் மக்கள் பெற்றுக் கொண்­டுள்ள தமது உரி­மை­க­ளுக்கு எமது தலை­யீ­டுகள் பிர­தான காரணம் என்­பதை மறந்­து­விடக் கூடாது. காணி விடு­விப்­புகள் உள்­ளிட்ட முக்­கி­ய­மான விவ­கா­ரங்­களில் தமிழ் தேசிய கூட்­ட­மைப்பின் செயற்­பா­டு­களை மறந்­து­வி­டக்­ கூ­டாது. இப்­போது கல்­முனை வடக்கு செய­ல­கப்­ பி­ரிவு விவ­கா­ரத்தில் தமிழ் தேசிய கூட்­ட­மைப்­பினர் தீர்வைப் பெற்­றுக்­கொ­டுப்­பதில் அதிக அக்­க­றை­யுடன் செயற்­பட்டு வரு­கின்­றனர். இன்று எமது தமிழ் மக்கள் முன்­னெ­டுக்கும் போராட்­டங்­களில் தமிழ் தேசிய கூட்­ட­மைப்பின் பிர­தே­ச­ சபை உறுப்­பி­னர்கள் இரு­வரும் கூட உள்­ளனர். இவை கட்சி அடை­யா­ளங்கள் பார்த்து முன்­னெ­டுக்­கப்­படும் விட­ய­மல்ல. அவ்­வாறு இருக்­கையில் அர­சாங்­கத்தின் அறிக்­கையை கல்­மு­னையில் சென்று வாசித்­தமை மாமா வேலை என முன்னாள் முதல்வர் விக்­கி­னேஸ்­வரன் கூறி­யது மிகவும் கீழ்த்­த­ர­மான வார்த்­தைப் பி­ர­யோ­க­மாகும். எமது மக்­களின் உரி­மை­க­ளையும் எமக்­கான அடை­யா­ளங்­க­ளையும் நாம் பெற்­றுக்­கொள்ள அரச தரப்­புடன் பேச்­சு­வார்த்தை நடத்­தி­யுள்ள நிலையில் அர­சாங்கம் எமக்கு கொடுத்த வாக்­கு­று­தி­களை எமது மக்கள் முன்­னி­லையில் நாம்தான் எடுத்­துக்­ கூற வேண்டும். அர­சாங்கம் நேர­டி­யாக வந்து அந்தப் பகு­தியில் அறிக்­கையைத் தராது. இந்தப் பகுத்­த­றிவு கூட இல்­லாத நபர்கள் தகு­தி­யற்ற வார்த்­தை­களைப் பயன்­ப­டுத்தி தமிழ் தேசிய கூட்­ட­மைப்பை விமர்­சிக்­கின்­றனர். முன்னாள் முதல்வர் விக்­கி­னேஸ்­வரன் பிர­யோ­கிக்கும் வார்த்தைப் பிர­யோ­கங்கள் மூல­மாக அவர் எந்­த­ளவு கீழ்த்­த­ர­மான அர­சி­யலைச் செய்­கின்றார் என்­பதும் அவர் எந்த மட்­டத்தில் இன்று விழுந்­துள்ளார் என்றும் நன்­றாகத் தெரி­கின்­றது. ஆனால் இவரின் இந்த நிலை­மைக்கு தமிழ் தேசிய கூட்­ட­மைப்பும் விழப்­போ­வ­தில்லை. நாம் எமது மக்­க­ளிடம் நேர­டி­யாக பிரச்­சி­னை­களை எடுத்­துக்­ கூறி தீர்­வு­களைப் பெற்­றுக்­கொ­டுப்போம். விக்கினேஸ்வரன் போன்று கீழ்மட்ட அரசியல் செய்து மக்களை ஏமாற்ற மாட்டோம் என அவர் குறிப்பிட்டார். https://www.virakesari.lk/article/59010

ஜனா­தி­பதி நினைத்­தாலும் மாற்ற முடி­யாது - ரியர் அட்­மிரல் சரத் வீர­சே­கர

6 hours 22 minutes ago
ஜனா­தி­பதி நினைத்­தாலும் மாற்ற முடி­யாது - ரியர் அட்­மிரல் சரத் வீர­சே­கர (நா.தனுஜா) அர­சி­ய­ல­மைப்பின் 19ஆவது திருத்தம் பாரா­ளு­மன்­றத்தில் நிறைவேற்­றப்­பட்ட போது நான் மாத்­தி­ரமே அதற்கு எதிர்ப்பை வெளி­யிட்டேன். எனினும் அப்­போது என்னை அறி­வில்­லா­தவன் என்றும், இன­வாதி என்றும் தூற்­றி­னார்கள். ஆனால் இப்­போது ஜனா­தி­ப­தியே 19ஆவது திருத்தம் இரத்துச் செய்­யப்­பட வேண்டும் என்று கூறு­கிறார். இருப்­பினும் இனிமேல் அதனை நீக்­கு­வ­தென்­பது கடி­மா­ன­தொரு காரியம். இது நாட்­டிற்குப் பாத­க­மா­னது என்ற விட­யத்தை ஜனாதிபதி 4 வரு­டங்­க­ளுக்கு முன்­ன­ரேயே சிந்­தித்­தி­ருக்க வேண்டும் என்று ரியர் அட்­மிரல் சரத் வீர­சே­கர தெரி­வித்­தி­ருக்­கிறார். அர­சி­ய­ல­மைப்பின் 18 ஆவது திருத்தம் சர்­வா­தி­கா­ரத்­தையும், 19ஆவது திருத்தம் நிலை­யற்ற அர­சாங்­கத்­தை­யுமே ஏற்­ப­டுத்­தி­யி­ருக்­கின்­றன.இவ்­விரு திருத்­தங்­க­ளையும் இரத்துச் செய்தால் மாத்­திரமே மக்­க­ளா­ணையை மதிக்கும் ஓர் அர­சாங்­கத்தை உரு­வாக்க முடியும் என்று ஜனா­தி­பதி மைத்­தி­ரி­பால சிறி­சேன கூறி­யி­ருக்­கிறார். கடந்த 2015 ஆம் ஆண்டு 19ஆவது அர­சி­ய­ல­மைப்புத் திருத்தம் பாரா­ளு­மன்­றத்தில் சமர்ப்­பிக்­கப்­பட்ட போது ரியர் அட்­மிரல் சரத் வீர­சே­கர மாத்­திரம் அதற்கு எதி­ராக வாக்­க­ளித்­தி­ருந்தார். எனவே அவ­ரிடம் இது­ கு­றித்து வின­விய போதே இவ்­வாறு பதி­ல­ளித்தார். அவர் மேலும் குறிப்­பி­டு­கையில், பாரா­ளு­மன்­றத்தில் 19ஆவது அர­சி­ய­ல­மைப்புத் திருத்தம் நிறை­வேற்­றப்­பட்டு 4 வரு­டங்­க­ளுக்குப் பின்னர் தான் அது தீங்­கா­னது என்ற விடயம் ஜனா­தி­ப­திக்குப் புரிந்­தி­ருக்­கி­றது. அர­சி­ய­ல­மைப்பின் 19ஆவது திருத்தம் பாரா­ளு­மன்­றத்தில் சமர்ப்­பிக்­கப்­பட்ட போது அதற்கு எதி­ராக நான் மட்­டுமே வாக்­க­ளித்தேன். அப்­போது பலர் எனக்­கெ­தி­ரான கருத்­து­களை முன்­வைத்­தார்கள். என்னை அறி­வில்­லா­தவன் என்றும், இன­வாதி என்றும் தூற்­றி­னார்கள். ஆனால் அப்­போது நான் கடு­மை­யாக எதிர்த்த 19ஆவது அர­சி­ய­ல­மைப்புத் திருத்தம் நிலை­யற்ற அர­சாங்­கத்தை ஏற்­ப­டுத்­தி­யுள்­ளது என்றும், அதனை இரத்துச் செய்ய வேண்­டு­மென்றும் ஜனா­தி­பதி சிறி­சேன கூறு­கிறார். இது நாட்­டுக்குப் பாத­க­மா­னது என்ற விட­யத்தை முன்­கூட்­டியே உணர்ந்­தி­ருக்­காத, ஒரு தூர­நோக்கு சிந்­த­னை­யற்ற மனிதர் ஒரு­போதும் சிறந்த தலை­வ­ராக இருக்க முடி­யாது. தற்­போது நாட்டை அமெ­ரிக்­கா­வுக்கு முழு­வ­து­மாகக் குத்­த­கைக்கு வழங்­கி­னாலும் கூட ஜனா­தி­ப­தி­யால் அதனைத் தடுக்க முடி­யாது. அர­சாங்­கத்தைக் கலைக்­கவும் முடி­யாது. அதற்கு ஏற்­ற­வாறு ரணில் விக்­கி­ர­ம­சிங்க உரு­வாக்கும் 19ஆவது அர­சி­ய­ல­மைப்புத் திருத்தம் என்ற முடிச்­சுக்குள் சிக்­கிக்­கொள்ள வேண்டாம் என அன்று கூறினேன். ஆனால் அவர் அதனைச் செவி­ம­டுக்­க­வில்லை. தற்­போ­தேனும் பாரா­ளு­மன்­றத்தின் மூன்றில் இரண்டு பெரும்­பான்­மையைப் பெற்று 19 ஆவது திருத்தத்தை நீக்க வேண்டும். ஆனாலும் அது சாத்தியமற்ற தொரு விடயமாகும். அது நாட்டிற்குக் கேடானது என்று ஜனாதிபதி கூறினாலும் கூட அதை அவரால் நீக்க முடியாது. ஜனாதிபதி சிறிசேனவைப் பொறுத்தவரை இவ்விடயத்தை மிகத் தாமதமாகவே உணர்ந்திருக்கிறார் என்றே கூற வேண்டும் என்றார். https://www.virakesari.lk/article/59006

மாற்று கூட்டணி அமைப்பதில் உள்ள பிரதான தடையை வெளிப்படுத்தினார் சிவசக்தி ஆனந்தன்

6 hours 28 minutes ago
மாற்று கூட்டணி அமைப்பதில் உள்ள பிரதான தடையை வெளிப்படுத்தினார் சிவசக்தி ஆனந்தன் தமிழ்த்தேசியக் கூட்டமைப்புக்கு மாற்றாக வடமாகாண முன்னாள் முதலமைச்சர் சி.வி.விக்கினேஸ்வரன் தலைமையிலான கூட்டணி அமைவதில் தடைகள் உள்ளமைக்கு காரணம், ஒரு தரப்பினர் தமது தனிப்பட்ட அடையாளம் அழிந்து விடுமோ என்று எண்ணுவதே ஆகும் என ஈழமக்கள் புரட்சிகர விடுதலை முன்னணியின் செயலாளரும், வன்னி மாவட்ட பாராளுமன்ற உறுப்பினருமான சிவசக்தி ஆனந்தன் வழங்கிய செவ்வியில் தெரிவித்தார். அச்செவ்வியின் முழுவடிவம் வருமாறு, கேள்வி:- தற்போதைய தமிழர் அரசியல்களம் தமிழர்களின் உரிமையை பெறுவதற்கு சாதாகமானதாக உள்ளதா? பதில்:-ஆங்கிலேயரின் காலனித்துவ ஆட்சியின் கீழ் இலங்கை இருந்தபோது நிர்வாக வசதி கருதி இந்நாட்டில் நிலவி வந்த யாழ்ப்பாண இராச்சியம், கண்டி இராச்சியம் மற்றும் கோட்டே இராச்சியம் என்பன ஒரே அலகாக மாற்றப்பட்டது. இரண்டாம் உலகப் போருக்குப் பின்னர் இலங்கை சுதந்திரம் அடைந்த வேளையில். சிங்கள பௌத்த மேலாதிக்க சக்திகள் பிரித்தானியர்களிடமிருந்து கபடத்தனமாக எமது இறைமையையும் பறித்துக் கொண்டன. அன்றிலிருந்து நாம் இழந்துபோன எமது சுயநிர்ணய உரிமையையும் எமது இறைமையையும் திருப்பித் தருமாறே கோரி வருகிறோம். ஆகவே சூழல் எமக்கு சாதகமாக இருக்கிறதா இல்லையா என்பதைவிட நாம் எமது உரிமைகளை வென்றெடுப்பதில் எந்தளவிற்குப் பற்றுறுதியுடன் இருக்கிறோம் என்பதே மிகவும் முக்கியமானது. சேர் பொன்.இராமநாதன், சேர் பொன் அருணாசலம், தந்தை செல்வா, ஜி.ஜி.பொன்னம்பலம் போன்றவர்கள் கள நிலைமையைக் கருத்தில் கொண்டு கோரிக்கைகளை முன்வைக்கவில்லை. நாம் அனுபவித்து வந்த உரிமைகளை பறித்தெடுத்ததற்கு எதிராகவே குரல் கொடுத்தனர். அந்த உரிமைகளை வென்றெடுப்பதற்கு சமஷ;டிக் கோரிக்கையையே தந்தை செல்வா முன்வைத்தார். அவர்களது கோரிக்கைகள் நிறைவேற்றப்படாததன் காரணமாகவே தனிநாட்டுக் கோரிக்கையை தந்தை செல்வா முன்வைத்தார். தமிழ் மக்களின் உரிமைகளை வென்றெடுப்பதற்காக அகிம்சை வழியில் மேற்கொள்ளப்பட்ட போராட்டங்கள் அரச பயங்கரவாதத்தினால் ஆயுத முனையில் ஒடுக்கப்பட்டதன் விளைவாகவே தந்தை செல்வாவின் பிரகடனத்திற்கு உயிர்கொடுக்கும் வகையில் ஆயுதப்போராட்டம் முன்னெடுக்கப்பட்டது. தமிழ்த் தேசிய இனத்தின் விடுதலைக்கான எழுபதாண்டுகால போராட்ட வரலாற்றில் எப்பொழுதுமே கள நிலவரம் எமக்குச் சாதகமாக இருந்ததில்லை. ஆனால் எமது இருப்பையும் அடையாளத்தையும் உரிமையையும் நிலைநாட்டிக்கொள்வதற்காக நாம் தொடர்ந்தும் போராடுவதற்கு நிர்ப்பந்திக்கப்பட்டுள்ளோம். எமது போராட்டம் நியாயமானதா இல்லையா என்பதுதான் கேள்வியே தவிர, களம் சாதகமாக உள்ளதா இல்லையா என்பதல்ல இங்கு கேள்வி. கேள்வி:- அண்மையில் ஏற்பட்ட பயங்கரவாத தாக்குhதலின் பின்னர் அரசியல் தீர்வுக்கு பங்கம் ஏற்பட்டுள்ளதாக தமிழ் தலைவர்கள் கூறுவதானது ஜதார்த்தமானதாக பார்க்கின்றீர்களா? பதில்:-முற்றிலும் தவறான கூற்று. முன்னாள் ஜனாதிபதி மகிந்தராஜபக்ச ஆயுதப் போராட்டத்தை முறியடித்துவிட்டதாக வெற்றிக்களிப்பில் திளைத்து தமிழ் மக்களின் அடிப்படை உரிமைகளை இனி நிறைவேற்ற வேண்டிய அவசியமில்லை என்ற நிலைக்கு வந்திருந்தார். அது மட்டுமன்றி சர்வாதிகார குடும்ப ஆட்சி காரணமாக சிங்கள மக்கள் மத்தியிலும் ராஜபக்ச அரசாங்கத்தை வீழ்த்த வேண்டும் என்ற எண்ணம் ஏற்பட்டிருந்தது. சர்வதேசத்திற்கும் மகிந்த தான் வழங்கிய வாக்குறுதிகளை நிறைவேற்றாததன் காரணமாக அவரைப் பதவியில் இருந்து அகற்ற வேண்டிய தேவை இருந்தது. இவை அனைத்தும் சேர்ந்துதான் ஆட்சி மாற்றத்திற்கு வித்திட்டிருந்தது. தமிழ்த் தேசியக் கூட்டமைப்பின் தலைவர் ஆட்சி மாற்றத்திற்காகப் பணியாற்றிக் கொண்டிருந்த வேளையில் இந்த அரசாங்கத்தை வீட்டிற்கு அனுப்பினால் புதிய அரசாங்கத்தின் ஊடாக எமது பிரச்சினைக்கு நிரந்தரத் தீர்வைப் பெற்றுக்கொள்ள முடியும் என்று நம்பிக்கை வெளியிட்டிருந்தார். இதற்காகவே ஜனாதிபதித் தேர்தல் முடிவடைந்து மைத்திரி அரியணை ஏறியவுடன் அவசர அவசரமாக ரணிலைப் பிரதமராக நியமித்து நூறுநாள் வேலைத்திட்டமும் உருவாக்கப்பட்டது. இந்த நூறுநாள் வேலைத்திட்டத்திலேயே தமிழ் தேசிய இனப்பிரச்சிpனைக்கு நிரந்தரத் தீர்வு காண்பதற்கான முயற்சிகள் மேற்கொள்ளப்படும் என்றும் தெரிவிக்கப்பட்டது. ஆனால் பின்னர் புறையோடிப்போயுள்ள தேசிய இனப்பிரச்சினைக்கு நூறுநாட்களில் தீர்வை முன்வைப்பது சாத்தியமில்லை என்றும் பொதுத்தேர்தல் முடிந்தவுடன் உருவாக்கப்படவுள்ள தேசிய அரசாங்கத்தினூடாக புதிய அரசியல் அமைப்பை உருவாக்கி நிரந்தரத் தீர்வைக் காண்பதற்கு வழிசமைக்கப்படும் என்று ஜனாதிபதி மைத்திரி, பிரதமர் ரணில் மற்றும் தமிழ்த் தேசியக் கூட்டமைப்பின் தலைவர் இரா.சம்பந்தன் ஆகியோரால் உறுதியளிக்கப்பட்டது. இதற்காகவே தமிழ் மக்களும் தமது ஏகோபித்த ஆதரவினை தமிழ்த் தேசியக் கூட்டமைப்பிற்கு வழங்கி 2010ஆம் ஆண்டைவிடவும் கூடுதலாக இரண்டு ஆசனங்களுடன் பதினாறு ஆசனங்களைப் பெறுவதற்கு வழியேற்படுத்தியிருந்தனர். இத்தகைய வலுவான பேரம் சக்தியைக் கூட்டமைப்பின் தலைவர் அரசாங்கத்தை தேசிய இனப்பிரச்சினைக்குத் தீர்வு காண்பதற்கான முயற்சியை மேற்கொள்வதை நோக்கி நகர்த்துவதற்கும் அழுத்தம் கொடுப்பதற்கும் தவறிவிட்டார் என்பதே உண்மை. அரசியல் தீர்வை துருப்புச் சீட்டாக வைத்து, கடந்த அரசாங்கம் இழைத்திருந்ததாக நம்பப்படும் போர்க்குற்றங்கள், மனித உரிமைகள் மீறல் மற்றும் மனித குலத்திற்கு எதிரான குற்றங்கள் ஆகியவற்றைப் பின்தள்ளி ஜெனிவா உள்ளிட்ட சர்வதேச அரங்கில் அரசாங்கத்தைக் காப்பாற்றுவதில் கூட்டமைப்பின் தலைமை முன்னின்று பணியாற்றியது. அன்று இது குறித்து நாம் எமது கண்டனத்தையும் விமர்சனத்தையும் முன்வைத்திருந்தோம் என்பதை எமது மக்களுக்குத் தெரியும். இந்நிலையில் 2017ஆம் ஆண்டு ஒக்டோபர் மாதமளவில் புதிய அரசியல் யாப்பிற்காகஅ உருவாக்கப்பட்ட அரசியல் நிர்ணய சபையின் வழிநடத்தல் குழுவினரின் இடைக்கால அறிக்கை நாடாளுமன்றத்தில் சமர்ப்பிக்கப்பட்டிருந்தது. இதில் தமிழ் மக்களின் அபிலாசைகளைப் பூர்த்தி செய்யக்கூடிய எத்தகைய முன்மொழிவுகளும் உள்ளடக்கப்படவில்லை என்று பிரசித்திபெற்ற சட்டத்தரணிகள், புத்திஜீவிகள், அரசியல் ஆய்வாளர்கள், கல்வியியலாளர்கள் உள்ளிட்ட சமூக ஆர்வலர்களும் கருத்துக்களைத் தெரிவித்திருந்தனர். ஆகவே 2018ஆம் ஆண்டு ஒக்டோபர் மாதம் நடைபெற்ற ஆட்சிக்கவிழ்ப்பு நாடகம் மற்றும் 2019ஆம் ஆண்டின் ஏப்ரல் மாதத்தில் உயிர்த்த ஞாயிறன்று நடைபற்ற மத அடிப்படைவாத பயங்கரவாத தற்கொலை தாக்குதல் சம்பவங்களால் அரசியல் தீர்வு முயற்சிக்கு பங்கம் ஏற்பட்டுவிட்டதாகக் கூறுவது மக்களை முட்டாள்கள் என நினைத்து வெளிப்படுத்தும் கருத்துக்களாகும். இதற்கு முன்னர் இடைக்கால அறிக்கையில் சமஷ;டி ஒளிந்திருக்கிறது. வெளியில் கூறினால் சிங்களவர்கள் கோபிப்பார்கள் என்றெல்லாம் சொன்னவர்கள் இப்பொழுது இப்படிச் சொல்வதிலிருந்தே தேசிய இனப்பிரச்சினை தொடர்பான அரசியல் தீர்விற்கு இவர்கள் இதய சுத்தியுடன் தீவிரமாக முயற்சிக்கவில்லை என்பது தெளிவாகிறது. நூறுநாள் வேலைத்திட்டத்திலிருந்தே அரசியல் தீர்விற்கான முயற்சிகளை ஆரம்பிக்கப்போவதாகக் கூறியவர்கள் நான்காண்டுகள் கழிந்தபின்னர் காரணத்தைத் தேடுவது வேதனையான விடயம். இதனால்தான் நாம் மக்கள் வழங்கிய ஆணையிலிருந்து கூட்டமைப்பு விலகிவிட்டது என்றும் இனியும் அவர்களின் மக்கள் விரோதப் போக்கிற்குத் துணைபோக முடியாது என்றும் தெரிவித்து அதிலிருந்து வெளியேறினோம். கேள்வி:-தமிழ் தேசியக்கூட்டமைப்பு அபிவிருத்தி பற்றி சிந்திப்பதானது மக்களுக்கு வரப்பிரசாதமானது தானே? பதில்:-அபிவிருத்தி அரசியலை மேற்கொள்வதாக இருந்தால் உள்ளூராட்சி மன்றங்களினூடாகவே மேற்கொண்டிருக்க முடியும். 2010ஆம் ஆண்டு பொதுத்தேர்தல் முடிவடைந்தவுடன் 2011 மற்றும் 2012ஆம் ஆண்டு நடைபெற்ற உள்ளூராட்சி மன்றத் தேர்தல்களிலும், அதனைத் தொடர்ந்து இடம்பெற்ற கிழக்கு மற்றும் வடக்கு மாகாணசபைத் தேர்தல்களிலும் சர்வதேச சமூகம் எம்மை உன்னிப்பாக அவதானிக்கிறது. நாம் ஒற்றுமையாக இருக்கிறோம் என்பதை சர்வதேச சமூகத்திற்கு காட்ட வேண்டியுள்ளது. அபிவிருத்திகளை நாம் எப்பொழுது வேண்டுமானாலும் செய்துகொள்ளலாம். நடைபெறுகின்ற அனைத்துத் தேர்தல்களிலும் மக்கள் எமக்கு ஆணையை வழங்குவார்களானால் எமது மக்கள்மீது மேற்கொள்ளப்பட்ட போர்க்குற்றம், மனித உரிமைகள் மீறல், மனிதகுலத்திற்கு எதிரான குற்றங்கள்இ காணாமல் ஆக்கப்பட்டோர் விவகாரம், அரசியல் கைதிகளின் விடுதலை, காணி விடுவிப்பு ஆகிய விடயங்கள் தொடர்பாக சர்வதேசத்தின் ஆதரவுடன் இலங்கை அரசாங்கத்திற்கு அழுத்தங்களைக் கொடுத்து கருமங்களை ஆற்ற முடியுமென்றும் யுத்தத்தை முடிவிற்குக் கொண்டுவருவதற்கு உதவிய சர்வதேச சமூகம் எமக்கு உரித்தான சுயநிர்ணய உரிமையை வென்றெடுப்பதற்கு வழி செய்ய வேண்டுமென்றும் நாம் கோரமுடியும் என்றும் கூட்டமைப்பின் தலைவர் திரு. சம்பந்தன் கூறினார். தமிழ்த் தேசியக் கூட்டமைப்பு வெற்றிபெறுமாக இருந்தால், எனக்கு உள்ள வெளிநாட்டுத் தொடர்புகளைப் பயன்படுத்தி போதிய நிதியைப் பெற்றுக்கொடுத்து எமது பிரதேசங்களின் அபிவிருத்தியை மேற்கொள்வதற்கு நான் நடவடிக்கை எடுப்பேன் என்றும் ஆனபடியால் எமக்கு அபிவிருத்தி அவசியமில்லை என்றும் ஒவ்வொரு தேர்தல் பிரச்சார மேடையிலும் அவர் மேலும் கூறியிருந்தார். ஆகவே தற்பொழுது அரசியல் தீர்வு நடவடிக்கைகள் கிட்டத்தட்ட கைவிடப்பட்ட நிலையில், அபிவிருத்தி என்ற போர்வையில் தமிழ்த் தேசியக் கூட்டமைப்பு தனது தோல்வியை மறைத்துக்கொள்ள முயற்சிக்கிறது. இது வரமா சாபமா என்பதை மக்கள் தீர்மானிப்பார்கள். கேள்வி:-அரசியல் தீர்வு அபிவிருத்தி இரண்டும் தமிழர்களை பொறுத்தவரையில் முக்கியமானதாக இருக்கும் போது கம்பரலியவை ஏன் விமர்சினம் செய்கின்றீர்கள்? பதில்:-மாகாணசபைக்கு அதிகளவில் நிதியுதவியையும் அதிகாரத்தையும் பெற்றுக்கொடுத்து அதனூடாக எமது பிரதேசத்தின் அபிவிருத்தியை நாமே மேற்கொள்வோம் என்று தெரிவித்த தமிழ்த் தேசியக் கூட்டமைப்பின் தலைவர் மாகாணசபைக்கு அதிகாரத்தையும் நிதியுதவியையும் பெற்றுக்கொடுக்காமல் மாகாண சபைகளுக்கு தற்போது இருக்கும் அதிகாரங்களையும் குறைக்கும் நோக்கில் மத்திய அரசின் நேரடி நடவடிக்கையின் மூலமாக அபிவிருத்திப்பணிகளை மேற்கொள்வதற்குத் துணைபோயுள்ளார். இது அவரது சுயமுரண்பாட்டை வெளிப்படுத்துகிறது. கிழக்கு மாகாணத்தில் எத்தகைய நிர்வாகக் கட்டமைப்பு இருந்தது என்று கேள்வி எழுப்பும் அளவிற்கு ஒரு தனியார் கல்வி நிறுவனத்திற்கு 3650 கேடி ரூபாய் நிதியுதவி பெற்றுக்கொள்ளப்பட்டுள்ளது. ஆனால் தமிழ்த் தேசியக் கூட்டமைப்பினால் வடக்கு மாகாணத்திற்கு குறைந்தபட்சம் முதலமைச்சர் நிதியத்தைக்கூட பெற்றுக்கொடுக்க முடியாமல் போயுள்ளது. எம்மைப் பொறுத்தவரையில் அரசியல் தீர்வை முதன்மைப் படுத்தியே கருமங்கள் முன்னெடுக்கப்பட்டிருக்க வேண்டும். அதற்காகத்தான் மக்களிடம் கூட்டமைப்பு ஆணையைப் பெற்றுக்கொண்டது. ஆனால் இன்று உள்ளூராட்சி கட்டமைப்புகளின் அதிகாரங்களை மேவும் வகையில் அபிவிருத்திப் பணிகள் மேற்கொள்ளப்படுகின்றன. அபிவிருத்திக்கான நிதிகளைப் பெற்றுக்கொண்ட சூழலை ஆராய்வதும் இங்கு முக்கியமானது. 2018ஆம் ஆண்டிற்கான வரவு-செலவுத் திட்டத்தை ஆதரிப்பதற்காக என்னைத் தவிர கூட்டமைப்பின் நாடாளுமன்ற உறுப்பினர்கள் ஒவ்வொருவருக்கும் இரண்டரைகோடி ரூபாய் அபிவிருத்திக்காக வழங்கப்பட்டது. முன்னெப்பொழுதும் இல்லாத அளவிற்கு பாதுகாப்புச் செலவினங்களுக்காக அதிக நிதி ஒதுக்கப்பட்டது. வட மாகாணத்திற்கான நிதியொதுக்கீடு குறைவாக இருந்தது. இந்நிலையில் கூட்டமைப்பின் நாடாளுமன்ற உறுப்பினர்கள் அந்த வரவு-செலவு திட்டத்தை ஆதரித்திருந்தனர். பின்னர் மனச்சாட்சியை அடகுவைத்து ஆதரித்ததாகவும் நல்லாட்சி அரசாங்கத்தைக் காப்பாற்றவே ஆதரித்தோம் என்றும் அவர்கள் கூறியிருந்ததையும் இங்கு நினைவூட்டுகிறேன். இந்த ஆண்டிற்கான வரவு-செலவுத் திட்டத்தை ஆதரிப்பதற்காகவும் அரசாங்கத்தைக் காப்பதற்காகவும் ரணிலை ஆதரித்தமைக்காகவும் கைம்மாறாகவே கம்பரெலியா என்னும் கிராம எழுச்சி திட்டத்தினை முன்மொழிவதற்காக கூட்டமைப்பின் பதிநான்கு நாடாளுமன்ற உறுப்பினர்களுக்கும் சுமார் 40கோடி ரூபா ஒதுக்கப்பட்டுள்ளது. சிறப்பு ஏற்பாட்டின்கீழ் ஒதுக்கப்பட்ட இந்நிதியை நிலைபேறான அபிவிருத்தியை மையப்படுத்தி சில தொழிற்சாலைகளை நிர்மாணித்திருந்தாலும் பரவாயில்லை. ஆனால் பன்முகப்படுத்தப்பட்ட நிதியொதுக்கீட்டைப் போன்றே இதனையும் செலவு செய்துள்ளனர். இது அபிவிருத்தி குறித்து அவர்களிடம் எத்தகைய திட்டமும் இல்லை என்பதைப் புலப்படுத்துகிறது. கேள்வி:-விடுதலைப்புலிகளாலேயே சமஸ்டி உட்பட எந்த தீர்வையும் பெற முடியாத நிலையில் தமிழ் தேசியக்கூட்டமைப்பின் தற்போதைய இணக்க அரசியல் நகர்வு தீர்வை பெறுவதற்கு எந்த வகையில் உதவும்? பதில்:-தமிழ்த் தேசிய இனம் பெரும்பான்மைத்துவ சிங்கள பௌத்த தேசிய இனத்தினால் ஒடுக்கப்படுகிறது. இலங்கை வாழ் மக்கள் அனைவரும் இலங்கையர்களாக வாழவேண்டுமானால் முதலில் இலங்கை ஒரு பல்லின மக்கள் வாழ்கின்ற நாடு என்பதையும் அனைத்து தேசிய இனங்களும் சுயநிர்ணய உரிமையுடன் வாழ்வதற்கு ரித்துடையவர்கள் என்பதையும் ஏற்றுக்கொள்வது அவசியம். இதனை சிங்கள பௌத்த பேரினவாதம் மறுதலித்ததன் விளைவாகவே இந்நாடு இன்றளவும் பின்தங்கிய நிலையில் இருப்பதற்குக் காரணமாகும். யாரும் யாருடைய உரிமைகளையும் நிரந்தரமாகப் பறித்து வைத்திருக்க முடியாது. எமது போராட்டம் வெற்றிபெற்றே தீரும். நாம் மத அடிப்படையில் உரிமை கோரவில்லை. நாம் அடிப்படைவாதிகளுமல்ல. ஒடுக்கப்பட்ட தமிழ்த் தேசிய இனம் தனது உரிமைகளை அதுவும் பிரித்தானியர்களிடம் இழந்துபோன தமது இறைமையை மீட்டெடுக்கவே போராடுகிறது. எமது போராட்டம் நியாயமானது என்பதை சகலருக்கும் தெரியப்படுத்தி அனைவரையும் ஏற்க வைப்பதிலேயே எமது வெற்றி தங்கியுள்ளது. கேள்வி:-இலங்கை அரசியலில் ஆட்சி மாற்றம்மொன்று ஏற்படும் வாய்ப்புள்ளதா? அப்பேது யார் ஆட்சி அமைத்தால் தமிழர்களுக்கு சிற்பபானதாக இருக்கும்? பதில்:-நல்லாட்சி அரசாங்கத்தின் ஊடாக இலங்கை அரசியலில் எத்தகைய சக்திகள் ஆட்சிக்கு வந்தாலும் அவர்கள் இதய சுத்தியுடன் தமிழ்த் தேசிய இனத்தின் உரிமைகளை மதிக்க மாட்டார்கள் என்பது தெளிவாகியுள்ளது. எனவே எமது உரிமைகளை நாம் பல்வேறு வழிகளிலும் போராடியே பெறவேண்டியவர்களாக உள்ளோம். கேள்வி:- ரணில் மீதான நம்பிக்கையில்லா பிரேரணையின் போது ஒப்பந்தமொன்றை எழுதி அவரிடமிருந்து கடித்தினை பெற்று ஆதரவளித்திருந்தீர்கள் அந்த ஒப்பந்தம் அல்லது உங்கள் கோரிக்கையை அவர் நிறைவேற்றினாரா? பதில்:-எனது வாக்கு தீர்மானிக்கும் சக்தியாக இருக்கவில்லை. எனினும் நாம் எழுத்து மூலம் கோரிக்கை விடுத்தமையினாலேயே தமிழ்த் தேசியக் கூட்டமைப்பின் தலைமைக்கும் அவ்வாறானதொரு உடன்படிக்கைக்குச் செல்ல வேண்டிய நிர்ப்பந்தம் ஏற்பட்டிருந்தது. எப்பொழுதும் போலவே எமது கோரிக்கை கோரிக்கை அளவிலேயே உள்ளது. கேள்வி:- தமிழர் பிரதேசத்தில் தற்போதும் இடம்பெறும் பௌத்தமயமாக்கலுக்கு பாராளுமன்ற உறுப்பினராக நீங்கள் என்ன செய்வதாக திட்டமிட்டுள்ளீர்கள்? பதில்:-பாராளுமன்றத்தில் நாம் பலமுறை இத்தகைய நடவடிக்கைகளைக் கண்டித்திருக்கிறோம் கடந்த ஒன்றரை வருடமாக திரு. சம்பந்தனால் எனக்கு பாராளுமன்றத்தில் பேசுவதற்கான வாய்ப்பும் மறுக்கப்பட்டிருந்தது. இத்தகைய சூழலில் ஒரு நாடாளுமன்ற உறுப்பினராக நான் சம்பந்தப்பட்ட பகுதிகளுக்கு நேரில் சென்று களத்தில் போராட்டத்தில் ஈடுபட்ட மக்களுடன் பங்கெடுத்திருந்தேன். ஊடகங்களின் வாயிலாகவும் அத்தகைய பிரச்சினைகளை வெளிக்கொணர்ந்திருந்தேன். தமிழ்ச் சமூகம் அனைத்து ஒன்றிணைந்து இவற்றுக்கெதிராக ஜனநாயகவழியில் போராடுவதும் சட்டநடவடிக்கையில் இறங்குவதும்தான் எமக்குள்ள தெரிவுகள். அதற்கான முயற்சியில் இறங்கியுள்ளோம். கேள்வி:- கஜேந்திரகுமார் பென்னம்பலம் விக்னேஸ்வரன் கூட்டு சாத்தியமானால் ஈபிஆர்எல்எப் இன் நிலை? பதில்:-நாம் தமிழ் தேசிய இனப்பிரச்சினை தீர்வதற்கு அனைத்து தமிழ்த் தலைமைகளும் ஓரணியில் திரள வேண்டும் என்பதையே விரும்புகிறோம். இதற்காகவே நாம் ஆயுதப் போராட்ட காலத்தில் ஈழத் தேசிய விடுதலை முன்னணியின் ஸ்தாபக உறுப்பினரானோம். அதனைப் போன்றே ஆயுதப் போராட்டத்தையும் ஜனநாயக அரசியலையும் இணையாக முன்னெடுத்துச் செல்ல வேண்டும் என்ற அடிப்படையில் தமி;ழ்த் தேசியக் கூட்டமைப்பின் ஸ்தாபக அங்கத்தவராகச் செயலாற்றினோம். கூட்டமைப்பின் பெயரால் தமிழரசுக் கட்சி தன்னை வளர்த்துக்கொள்ளும் நடவடிக்கையை மேற்கொண்டதுடன் மக்களின் ஆணைக்கு எதிராகவும் செயற்படுவதால் அதிலிருந்து விலகி புதிய அணியை உருவாக்கும் முயற்சியில் ஈடுபட்டுள்ளோம். எமது செயற்பாடுகள் அனைத்தும் மக்கள் நலன்சார்ந்து மேற்கொள்ளப்படுகின்றனவே அன்றி எமது கட்சி நலனை முன்னிலைப் படுத்தியதாக அமையவில்லை என்பதை எமது மக்கள் நன்கறிவார்கள். தனித்தனி கட்சிகளாகப் பிரிந்து நிற்போமாக இருந்தால் அது பேரினவாத சக்திகளுக்கே சாதகமாக அமையும் என்பதை அனைவரும் புரிந்துகொள்ள வேண்டும் என்பதே எமது விருப்பம். தமிழ்த் தேசிய இனத்தின் விடுதலைக்காகப் பாடுபடுவதாகக் கூறிக்கொள்ளும் ஒவ்வொருவரும் தானும் ஒடுக்கப்பட்டவர்களில் ஒருவர் என்ற மனோநிலை உருவாகாதவரை இதயசுத்தியுடனான செயற்பாட்டை மேற்கொள்வது கடினம். இங்கு கட்சித் தலைவர்கள் தன்னைத் தவிர தேசியத்தின் மீது அக்கறை கொண்டவர்கள் யாரும் இல்லை என்று நினைத்துச் செயற்படுவதும் நானும் ஒரு கட்சியின் தலைவன் ஒரு கூட்டுக்குள் சென்றால் எனது அடையாளம் சிதைந்துவிடுமோ என்று எண்ணுவதுமே பிரச்சினையாக உள்ளது. இந்த விடயத்தைப் பார்க்கும்போது பல தலைவர்களிடம் ஒடுக்கப்பட்ட மக்களில் தானும் ஒருவர் என்ற எண்ணம் இன்னமும் ஏற்படவில்லையோ என்று எண்ணத்தோன்றுகின்றது. கேள்வி:-சுரேஸ் பிரேமச்சந்திரனுக்கு தேசியப்பட்டியல் வழங்கியிருந்தால் கூட்டமைப்பு பிரிந்திருக்காது என்று பொதுவாக கூறப்படும் கருத்தை எப்படி நோக்குகின்றீர்கள்? பதில்:-2012ஆம் ஆண்டு ஜெனிவா மனித உரிமைகள் மாநாட்டில் கூட்டமைப்பு கலந்துகொள்ளும் என்று முடிவெடுத்துவிட்டு பின்னர் கலந்துகொள்ளாது என்று சுமந்திரன் அறிவித்தார். அது சுமந்திரனின் தனிப்பட்ட கருத்து என்று அன்றே சுரேஷ; பிறேமச்சந்திரன் தெரிவித்திருந்தார். அன்று அவர் நாடாளுமன்ற உறுப்பினராகத்தான் இருந்தார். ஆகவே மக்கள் நலனை முன்னிலைப்படுத்தித்தான் எமது முடிவுகள் அமைகின்றனவே தவிர, பதவிகளை நம்பி அல்ல. நாம் ஆயுதப் போராட்டத்தில் ஈடுபட்டிருந்த வேளையில் இவ்வளவுநாள் உயிருடன் இருப்போம் என்றோ நாடாளுமன்ற உறுப்பினர்களாக வருவோம் என்றோ நினைத்திருக்கவில்லை. ஒடுக்கப்பட்டவர்களில் நானும் ஒருவன் என்ற அடிப்படையில் எமது தேசிய இனம் விடுதலை பெறவேண்டும் என்பதற்காகவே செயற்பட்டோம். இன்றும் அதே உணர்வுடன்தான் செயற்படுகிறோம். கேள்வி:- அடுத்த பாராளுமன்ற தேர்தல்? ஓய்வு பெறுவீர்களா? பதில்:-அதனை எமது மக்கள் தீர்மானிப்பார்கள். கேள்வி:- ஜனாதிபதி தேர்தல் வர இருக்கும் நிலையில் கோத்தபாயவும் சஜித்தும் போட்டியிட்டால் உங்கள் கட்சியின் நிலைப்பாடு எவ்வாறு அமையும்? பதில்:-தேர்தல் வரட்டும் வேட்பாளர்கள் இறுதியாகட்டும். அப்போது எமது மக்களின் நலன் சார்ந்து முடிவெடுப்போம். கேள்வி:- தமிழ் கட்சிகளின் ஒற்றுமை எப்போது சாத்தியம்? பதில்:-ஒடுக்கப்பட்டவர்களில் நானும் ஒருவன் என்று ஒவ்வொரு தலைவரும் உணரும்போது. இந்நாட்டின் சகல இன. மதத்தவர்களும் சம உரிமையுடன் வாழவேண்டும் என்று விரும்புகின்றபோது அதனை ஒவ்வொருவரிடமும் எடுத்துச் சென்று ஆதரவு திரட்ட வேண்டும் என்று உண்மையாக சிந்திக்கின்றபோது ஒற்றுமை ஏற்படும். கேள்வி:- வவுனியா நகரசபையினால் நடைபாதை வியாபாரத்தை அகற்றவிடுவதில்லை என்பதுமுதல் நகரசபையின் பல செயற்பாடுகளில் சிவசக்தி ஆனந்தன் தலையீடுகளை செய்கின்றார் என்ற குற்றச்சாட்டை எவ்வாறு நோக்குகின்றீர்கள்? பதில்:-நகரசபைக்கும் எனக்கும் எந்தவொரு தொடர்பும் கிடையாது. அதனை நிர்வகிக்க நகரசபை தவிசாளரும் உறுப்பினர்களும் இருக்கின்றனர். அதற்கென ஒரு நிர்வாகமும் இருக்கிறது. நகரசபை செயற்பாடுகளில் இவ்வளவு பேரையும் மீறி நான் செல்வாக்கு செலுத்துகிறேன் என்று சொல்வது நகைப்புக்குரியது. நேர்காணல் ஓமந்தை நிருபர் https://www.virakesari.lk/article/59011

தமிழக அரசியல்..... "மீம்ஸ்" (பகிடிகள்)

7 hours 31 minutes ago
அபிநந்தனின் மீசையை... ‘தேசிய மீசை’யாக அறிவிக்க வேண்டும். எதிலும் ஒரு ஞாயம் வேண்டாமா(டா), யாகம் வளர்க்கறதுக்கு... எதுக்கு(டா) ஆயிரம் கோடி. மாமி சொல்... மிக்க மந்திரமில்லை. யாகத்தை கிண்டல் செய்தால், பிரம்மஹத்தி தோஷம் வரும்....

தமிழின்.. தொன்மை.

7 hours 31 minutes ago
இங்கிலாந்தின் பிரபல நாளிதழான Daily Mail´ல்.. உலகில் எது பழமையான மொழி? என கேட்கப் பட்ட கேள்விக்கு... தமிழ் என பதிலளிக்கப் பட்டுள்ளது.

கனடாவுக்கும் ஆவா ( வந்துவிட்டார்கள் ) !!!

7 hours 39 minutes ago
கனடாவுக்கும் ஆவா ( வந்துவிட்டார்கள் ) …. எங்கட ஆவா சூரன்கள் கனடாவுக்கும் குடி பெயர்ந்து விட்டார்கள் போல இருக்கே .. Link: http://newjaffna.com/2019/06/24/2835/ கனடா போயும் திருந்தாத தமிழ்க்காவாலிகள்!! சங்கிலி அறுத்து பிடிபட்டது எப்படி?? June 24, 2019June 24, 2019 Yalini 0 Comments தாஜியன் அலெக்சாண்டர் ஸ்மித், மட்சுஷன் கமலகுமரன், மொஹ்சென் யஹ்யா, லக்ஷ்சன் லக்ஷ்மிகாந்தன் திருட்டு குற்றச்சாட்டு, ஆபத்தான ஆயுதங்களை வைத்திருந்த குற்றச்சாட்டில் சிறுவர்கள் உட்பட 6 பேரை கனடாவின் டொராண்டோ பொலிசார் கைது செய்துள்ளனர். கைதானவர்களில் இரண்டு தமிழ் வாலிபர்களும் உள்ளடங்குகிறார்கள். குயின் ஸ்ட்ரீட் வெஸ்ட் மற்றும் ஒசிங்ன்டன் அவென்யூ பகுதியில் கடந்த திங்கட்கிழமை (17) இரவு 9 மணியளவில் ஆயுதங்களை காட்டி இவர்கள் திருட்டில் ஈடுபட்டிருந்தனர். 23 வயதான ஒரு பெண் தனது மடிக்கணினியை விற்க Kijiji விற்பனை இணையத்தளத்தில் விளம்பரத்தை செய்திருந்தார். அதனை வாங்குவதாக ஆணொருவர் தொடர்பு கொண்டுள்ளார். இருவரும் சந்தித்து விற்பனையை முடிக்க, சம்பவ இடத்தில் இரு தரப்பும் சந்திப்பதாக முடிவாகியது. குறிப்பிட்ட இடத்தில் மடிக்கணினியுடன் பெண் காத்திருந்தபோது, இரண்டு ஆண்கள் வந்து மடிக்கணினியை எடுத்துக்கொண்டு தப்பிச் சென்றனர். அவர்கள் தப்பி ஓடும்போது, ஆண் ஒருவரின் இடுப்பில் இருந்து ஒரு கைத்துப்பாக்கி விழுந்தது. பின்னர் அவர்கள் திருடப்பட்ட வெள்ளி நிற ஹொண்டா சிவிக் கார் ஒன்றில் தப்பியோடியுள்ளனர். மறுநாள் (18) திருடர்களின் ஒருவன் பெண்ணின் மடிக்கணினியை ஒன்லைனில் விற்க முயன்றுள்ளான். பெண் கொடுத்த முறைப்பாட்டின் அடிப்படையில் விற்பனை இணையங்களை கண்காணித்துக் கொண்டிருந்த பொலிசார், அந்த கணினியை வாங்குவதை போல தொடர்பு கொண்டு சந்திப்பை ஒழுங்கு செய்தனர். இதன்படி குறிப்பிட்ட ஒரு இடத்தில் இரு தரப்பும் சந்தித்தபோது, மடிக்கணினி இளைஞனை பொலிசார் மடக்கிப்பிடித்தனர். மடிக்கணினி, ஒரு பெரிய வேட்டை கத்தி, கிரெடிட் கார்ட் போன்ற கத்தி மற்றும் மினி க்ளோக் ஏயார் கைத்துப்பாக்கி ஆகியவற்றுடனே அவன் அங்கு வந்திருந்தான். அவனிடம் நடத்தப்பட்ட விசாரணையில், அவர்கள் குழுவாக செயற்பட்டது தெரிய வந்தது. அதையடுத்து, அந்த குழுவில் இயங்கியவர்கள் வரிசையாக கைது செய்யப்பட்டனர். மொத்தம் ஐஆறு பேர் கைதாகினர். இதில் இரு சிறுவர்கள் உள்ளடங்குகிறார். இருவர் தமிழ் இளைஞர்கள். அவர்களால் திருடப்பட்ட காரும் மீட்கப்பட்டது. டொராண்டோவைச் சேர்ந்த தாஜியன் அலெக்சாண்டர் ஸ்மித் (Tajean Alexander Smith), மட்சுஷன் கமலகுமரன் (Matchushan Kamalakumaran) மற்றும் மொஹ்சென் யஹ்யா (Mohsen Yahya), லக்ஷ்சன் லக்ஷ்மிகாந்தன் (Laxsen Laxmikanthan) ஆகியோரை பொலிசார் அடையாளம் கண்டு கைதுசெய்துள்ளனர். இவர்கள் அனைவரும் 18 வயதானவர்கள். சிறுவர்கள் பற்றிய விபரங்கள் வெளியிடப்படவில்லை. எனினும், 17 வயதான சிறுவன் ஒருவனே அதிக குற்றச்சாட்டுக்களை எதிர்கொள்வதாக ரொரன்ரோ பொலிஸ் அறிக்கையில் குறிப்பிடப்பட்டுள்ளது. சந்தேக நபர்கள் அனைவரும் ஜூலை 31ம் திகதி காலை 10 மணிக்கு 111ம் இலக்க அறையல் நீதிமன்றத்தில் முன்னிலைப்படுத்தப்படவுள்ளனர். ஆமாம் தலையங்கத்தில் சங்கிலி என்கிறார்கள் சங்கிலியைத் தேடி கண் பூத்துப் போச்சு, உங்களில் யாருக்கேன் தெரியுதோ

யாழ்ப்பாணம் ஆஸ்பத்திரி வீதி 

8 hours 6 minutes ago
இந்திய விடுதலையை பற்றி கதைக்கும் எந்த ஒரு இந்தியனும் உப்பு சத்தியாக்கிரகம் மற்றும் ஜாலியன் வாலாபாக் பற்றி குறிப்புகள் வரும் போது உது என்ன திரி என்று தியங்க மாட்டார்கள் என நினைக்கிறேன். அது போல யாழ் ஆஸ்பத்திரி / வீதி என்றால், காக்க வந்தவர்கள் என்று நம்பியிருந்தவர்கள் மிகவும் நிலை பிறழ்ந்து இழைத்த கொடூரம் மனதில் வருவது தவிர்க்க முடியாதது. இதனை விளங்கிக் கொள்ள பெரும் பட்டறிவும் தேவையில்லை ….

உங்களுக்கு தெரியுமா?

8 hours 9 minutes ago
நவரத்தின கற்களின், தரம் அறிவது எப்படி? முத்து :- நுரையற்ற பாலில் போட்டால் மிதக்கும். மரகதம் :- கையில் வைத்துக்கொண்டு குதிரை அருகே சென்றால் குதிரை தும்மும். பச்சைக்கல் :- குத்து விளக்கு ஒளியின் முன்பு சிவப்பு நிறமாக தோன்றும். வைரம் :- சுத்தமான வைரத்தை ஊசியால் குத்தினால் உடையாது. பவளம் :- உண்மையான பவள மையத்தில் ஊசியால் குத்தினால் மட்டுமே இறங்கும். கோமேதகம் :- பசுவின் நெய்யில் போட்டால் குங்குமப்பூ வாசனை வரும். புஷ்ப ராகம் _ சந்தனம் அரைக்கும் கல்லில் வைத்தால் தாமரை பூ வாசனை வரும். வைடூரியம் :- பச்சிலை சாற்றில் போட்டால் வெள்ளை நிறமாக மாறும். நீலக்கல் :- பச்சிலை சாற்றில் போட்டால் ஒருவித ஒலி வரும். அகத்தியரின் பாடல்களில் இருந்து தொகுக்கப் பட்டுள்ள இந்த விவரங்கள் மிக அரிதானவை, இனி வரும் நாட்களில் நீங்களும் இதை பயன்படுத்தி கற்களின் தரம் அறியலாம்.
Checked
Tue, 06/25/2019 - 11:33
கருத்துக்களம் - new topics
Subscribe to புதிய பதிவுகள் feed