ஊர்ப்புதினம்

உயிர்த்த ஞாயிறு தாக்குதல்கள் குறித்த உண்மைகளை மறைக்க முயற்சி

3 days 1 hour ago

உயிர்த்த ஞாயிறு தாக்குதல்கள் தொடர்பான உண்மைகளை மறைப்பதற்கான முயற்சிகள் இடம்பெறுகின்றன என கர்தினால் மல்கம் ரஞ்சித் குற்றம்சாட்டியுள்ளார்.

பரிசுத்த பாப்பரசரைசந்திப்பதற்கு முன்னர் ரோமில் செய்தியாளர்களை சந்தித்தவேளை அவர் இதனை தெரிவித்துள்ளார்.

உயிர்த்த ஞாயிறு தாக்குதல்கள் குறித்த தனது உணர்வுகளை கண்ணீருடன் அவர் செய்தியாளர்களிடம் பகிர்ந்துகொண்டுள்ளார்.

உயிர்த்த ஞாயிறு தாக்குதலில் கணவர் ஒருவர் தனது மனைவியையும் மூன்று பிள்ளைகளையும் இழந்துள்ளார், நான் அவரை சந்திக்கசென்றவேளை தான் வேலையிலிருந்து வீடு திரும்பியவுடன் பிள்ளைகள் ஓடிவருவதை அவர் நினைவுகூர்ந்தார் இன்று அந்த வீடு வெறுமையாக உள்ளது என மல்கம் ரஞ்சித் தெரிவித்துள்ளார்.

இலங்கையில் தாக்குதல்கள் இடம்பெறவுள்ளன என ஏப்பிரல் நான்காம் திகதி இந்திய புலனாய்வுபிரிவினர் எச்சரித்துள்ளனர் அதற்கு பின்னர் 3 தடவைகள் அவர்கள் இவ்வாறான எச்சரிக்கையை விடுத்துள்ளனர் என அவர் தெரிவித்துள்ளார்.

உயிர்த்தஞாயிறு தினத்தன்று காலை 6.45 மணிக்கும் இந்தியாவிலிருந்து குண்டுவெடிப்பு இடம்பெறலாம் என்ற தொலைபேசி எச்சரிக்கை இலங்கைக்கு தெரிவிக்கப்பட்டது எனவும் கர்தினால் மல்கம் ரஞ்சித் குற்றம்சாட்டியுள்ளார்.

ஆனால் இதனை எவரும் தீவிரமாக எடுக்கவில்லை, என தெரிவித்துள்ள அவர் இந்த தாக்குதலை தடுத்திருக்கலாம், எனக்கு முன்கூட்டியே தகவல் கிடைத்திருந்தால் அனைத்து தேவாலயங்களையும் மூடிவிடுமாறும் மக்களை வீடுகளிற்கு செல்லுமாறும் கேட்டிருப்பேன் எனவும் குறிப்பிட்டுள்ளார்.

ஒவ்வொருவரும் ஏனையவர்கள் மீது குற்றச்சாட்டுகளை சுமத்த முயல்கின்றனர் உண்மையை மறைப்பதற்கான முயற்சிகளும் இடம்பெறுகின்றன என கர்தினால் மல்கம் ரஞ்சி;த் தெரிவித்துள்ளார்.

இந்த விடயத்தில் ஜனாதிபதி கூட குற்றவாளியா என்ற சந்தேகம் காணப்படுகின்றது இதன் காரணமாக அவர்கள் அதனை மறுக்கின்றனர்எனவும் தெரிவித்துள்ள அரசாங்க தரப்பும் பாதுகாப்பு தரப்பும் இந்த விடயம் குறித்து உண்மையான ஆர்வத்தை கொண்டிருக்கவில்லை எனவும் தெரிவித்துள்ளார்.

https://www.virakesari.lk/article/58743

கல்முனை மக்கள் எதிர்ப்பு; சுற்றிவளைப்பு:அமைச்சரவை பாதுகாப்பு பிரிவால் மீட்கப்பட்ட மனோ, சுமந்திரன், தயாகமகே!

3 days 5 hours ago

கல்முனை வடக்கு தமிழ் பிரதேச செயலகத்தை தரமுயர்த்த கோரி நடந்துவரும் போராட்ட இடத்திற்கு சென்ற அமைச்சர்கள் மனோ கணேசன், தயா ககமகே, எம்.ஏ.சுமந்திரன், உள்ளிட்ட பிரமுகர்களிற்கு பொதுமக்கள் கடும் எதிர்ப்பை வெளியிட்டனர். அங்கு ஏற்பட்ட முரண்பாடு தள்ளுமுள்ளுவரை சென்றது. கூட்டமைப்பின் பேச்சாளர் எம்.ஏ.சுமந்திரன் மீது தாக்குதல் முயற்சியும் மேற்கொள்ளப்பட்டது.

கல்முனை தமிழ் பிரதேசசெயலகத்தை தரமுயர்த்த வலியுறுத்தி போராட்டத்தில் ஈடுபடும் மக்களை சந்திப்பதற்கு இன்று மாலை மேற்படி பிரமுகர்கள் சென்றனர். கல்முனையை மூன்று மாதத்தில் தரமுயர்த்தும் உள்நாட்டலுவல்கள் அமைச்சின் அறிவிப்பை பிரமுகர்கள் வெளியிட்டனர். மூன்று மாத கால அவகாசத்தை ஏற்றுக்கொள்ள மாட்டோம் என பொதுமக்களும், போராட்டக்காரர்களும் கருத்து தெரிவித்தனர்.

மூன்று மாத அவகாசமென்பது தம்மை ஏமாற்றும் நடவடிக்கையென பொதுமக்கள் கொந்தளித்தனர்.இதேவேளை இதற்கு முன்னதாக, அமைச்சர் தயா கமகே இந்த பிரதேசத்திற்கு வந்து, தமிழர்களிற்கு எதிராக போராட்டம் நடத்தும் முஸ்லிம்களை சந்தித்து கலந்துரையாடல் நடத்தியிருந்தார். இது கல்முனை தமிழ்மக்களை கொதிப்படைய வைத்திருந்தது.

நியாயமான கோரிக்கையுடன் போராட்டம் நடத்தும் தம்மை வந்து சந்திக்காமல் எதற்கு, நியாயமற்ற கோரிக்கையை முன்வைத்து போராட்டம் நடத்துபவர்களை சந்திக்கிறீர்கள் என பொதுமக்கள் எதிர்ப்பு தெரிவித்தனர்.

இதையடுத்து பிரமுகர்கள் வெளியேறி முற்பட்டபோது, பொதுமக்கள் பிரமுகர்களை சுற்றிவளைத்தனர். பொதுமக்களின் எதிர்ப்பு வலுவடைந்து தள்ளுமுள்ளுவரை சென்றது. பிரமுகர்களை பொதுமக்கள் சுற்றிவளைத்ததால், அவர்கள் அங்கிருந்து வெளியேற முடியாத நிலைமையேற்ப்பட்டது.

எம்.ஏ.சுமந்திரன் மீது அங்கிருந்தவர்கள் தாக்க முற்பட்டனர். அவரது உதவியாளர்கள் அவரை சூழ்ந்து பாதுகாப்பளித்தனர். சுமந்திரன் மீதான தாக்குதல்கள் அவரது உதவியாளர்கள் தாங்கிக்கொண்டனர்.

பிரமுகர்கள் மீது கையில் கிடைத்தவற்றை குழுவினர் எறிந்தனர். செருப்புக்களும் வீசப்பட்டன.

அந்த பகுதியே பெரும் அல்லோலகல்லோப்பட்டது. இறுதியில் அமைச்சரவை பாதுகாப்பு பிரிவினர் தலையிட்டு, பிரமுகர்களை பாதுகாப்பாக மக்களிடமிருந்து மீட்டெடுத்தனர்.

பிரமுகர்கள் வெளியேறும்போதும் மீண்டும் பொதுமக்கள் சுற்றிவளைக்கப்பட்டு, எல்லைமீறி நடக்க முற்பட்டனர். எனினும், பிரமுகர்களின் பாதுகாப்பு பிரிவினர் அவர்களை பாதுகாப்பாக வெளியேற்றினர்.

http://www.pagetamil.com/61088/?fbclid=IwAR3W8usdoywAIArQHOQlEZmFGMC2xQOHCi9OlvdGJl9HdpDvWdk6k0-qQ10

யாழ்ப்பாணத்தில் உணவுத் திருவிழா!!

3 days 6 hours ago

மகாத்மா காந்தியின் 150 ஆவது பிறந்த தினத்தை முன்னிட்டும், உலக யோகா தினத்தை முன்னிட்டும்பாரம்பரிய இயற்கை முறையிலான உணவுத் திருவிழா யாழ்ப்பாணத்தில் உள்ள தனியார் விடுதியில் இன்று நடைபெற்றது.

IMG_0338.jpg?zoom=0.9024999886751175&resIMG_0342.jpg?zoom=0.9024999886751175&resIMG_0343.jpg?zoom=0.9024999886751175&resIMG_0344.jpg?zoom=0.9024999886751175&resIMG_0345.jpg?zoom=0.9024999886751175&res

சேதனப்பசளைகள் எதுவும் இடப்படாது இயற்கை முறையில் உற்பத்தி செய்யப்பட்ட மரக்கறிகளைக் கொண்டு தயாரிக்கப்பட்ட உணவுகள் அங்கு வைக்கப்பட்டன.

யாழ்ப்பாணத்திலுள்ள இந்தியத் துணைத் தூதரகத்தின் ஏற்பாட்டில் நிகழ்வு நடைபெற்றது.

https://newuthayan.com/story/16/யாழ்ப்பாணத்தில்-உணவுத்-த.html

தெரிவுக்குழு அழைத்தால் தெரிந்த அனைத்தையும் கூறுவேன் - முஜுபூர் ரஹ்மான்

3 days 6 hours ago

(நா.தினுஷா) 

தற்கொலை குண்டுத்தாக்குதலுக்கும் எனக்கும் தொடர்பு இருப்பதாக ஒருசிலர் குற்றஞ்சுமத்துகிறார்கள்.ஆனால் பொலிஸ் விசாரணை குழுவில் இன்னும் என் மீது எந்த முறைப்பாடுகளும் முன்வைக்கப்பட வில்லை. 

mujibur.jpg

அதேபோன்று பாராளுமன்ற தெரிவுக்குழுவின் விசாரணைகளுக்கென எனக்கு இன்னும் அழைப்ப விடுக்கப்பட வில்லை.அழைப்பு வந்தால் எனக்கு  தெரிந்த சாட்சிகளை நிச்சயமாக வழங்குவேன் என்று ஐக்கிய தேசிய கட்சியின் பாராளுமன்ற உறுப்பினர் முஜுபூர் ரஹ்மான் தெரிவித்தார். 

அலரிமாளிகையில் இன்று இடம்பெற்ற ஊடகவியலாளர் சந்திப்பில் கேள்விகளுக்கு பதிலளிக்கும் போது இவ்வாற குறிப்பிட்ட அவர் தொடர்ந்து ஊடகவியலாளர்களின் கேள்விகளுக்கு பதிலளிக்கையில் ;

கேள்வி : கடந்த ஐக்கிய தேசிய கட்சியின்  ஜனாதிபதி வேட்பாளர் தொடர்பில்  பல்வேறு கருத்துக்கள் முன்வைக்கப்பட்டு வருகிறது. ஜனாதிபதி வேட்பாளரை தெரிவு செய்வதில் கட்சிக்குள் முரண்பாடுகள்  உள்ளதா ? 

பதில் : ஐக்கிய தேசிய கட்சியின் வேட்பாளர் தொடர்பில்  ஒவ்வொருவரும்  ஒவ்வொரு நிலைபாட்டில் உள்ளனர்.  அது அவர்களின்  தனிப்பட்ட கருத்துக்கள். அதில் எந்த பிரச்சினையும் கிடையாது. வேட்பாளர் யார் என்பது குறித்து  கலந்துரையாடி இறுதி தீர்மானம் எடுக்கப்படும். 

கேள்வி : முஸ்லிம் பிரதிநிதிகள் தமது அமைச்சுக்களை கூட்டாக ராஜினாமா செய்திரந்த நிலையில் மீண்டும் கபீர் ஹாஷிம் மற்றும் ஹலீம் ஆகியவர்கள் அமைச்சுக்களை பொறுப்பேற்றுள்ளனர்.  முஸ்லிம் பிரதிநிதிகளிடையே கருத்து முரண்பாடுகள்  எதுவும் ஏற்பட்டுள்ளதா?

பதில் : முஸ்லிம் பிரதிநதிகளிடம் எந்த கருத்து முரண்பாடும் கிடையாது.  அனைத்து தரப்பினருதும் வேண்டுகோளின் பேரிலேயே இருவரும் அமைச்சு பொறுப்புக்களை மீண்டும் ஏற்றுக்கொண்டனர்.  அமைச்சுக்களை பொறுப்பேற்பதற்கு முன்னர் சகல முஸலிம் பிரதிநதிகளுடனும்  கட்சி தலைவருடனும் கலந்துரையாடியதன் பின்னரே இருவரும் இந்த தீர்மானத்தை எடுத்தனர்.  

கேள்வி : மக்கள் விடுதலை முன்னணி அரசாங்கத்துக்கு எதிராக முன்வைத்துள்ள நம்பிக்கையில்லா பிரேரணை தொடர்பில் அரசாங்கத்தின் நிலைபாடு என்ன? 

பதில் : நம்பிக்கையில்லா பிரேரணையை நிச்சயமாக எதிர்க்கொள்வோம்.  பிரேரணையின் முடிவும் எங்களுக்கு சாதமாகவே இருக்கும்.  அதற்கான பலமும் எம்மிடம் உள்ளது. 

கேள்வி : தாக்குதல் சம்பவங்களுக்கும் உங்களுக்கம் தொடர்புள்ளதாக எதிரணியனர் குற்றஞ்சுமத்துகின்றனர். இது தொடர்பில் நீங்கள் என்ன நிலைப்பாட்டில் உள்ளீர்கள் ? 

பதில் : தற்கொலை குண்டுத்தாக்குதல்கள் தொடர்பான விசாரணைண நடவடிக்கைகள் பல்வேறு கோணங்களில் முன்னெடுக்கப்பட்டு வருகின்றன. இது தொடர்பில் விசாரணை செய்யவென்று  பொலிஸ் விசாரணை குழுவும் நியமிக்கப்பட்டுள்ளது.  

இவ்வாறானவொரு நிலைமையில் என்மீதும் ஒருசிலர் குற்றஞ்சுமத்துகின்றனர். ஆனால் இதுவரையில் பொலிஸ் விசாரணை குழுவில் என்மீது எந்த முறைப்பாடுகளும் முன்வைக்கப்பட வில்லை. 

ஒருபுறம் பாராளுமன்ற தெரிவுக்குழுவின் விசாரணை நடவடிக்கைகளும் இடம்பெற்று வருகின்றது.  பல்வேறு உண்மை தகவ்லகளும் இதனூடாக வெளியாகி வருகின்றன. தெரிவுக்குழுவின் விசாரணைக்கு என்னை இன்னும் அழைப்பு விடுக்கப்பட வில்லை.  அழைப்பு வந்தால் விசாரணைகளின் போது என்க்கு தெரிந்த விடயங்களை குறிப்பிடுவேன் என்றார்.  

https://www.virakesari.lk/article/58775

“முஸ்லிம்கள் , தமிழர்கள் இணைந்து செயலாற்ற வேண்டிய காலகட்டத்தில் உள்ளோம்”

3 days 6 hours ago

அரசியல் ரீதியாக பார்க்க வேண்டிய விடயம் தமிழ், முஸ்லிம் மக்களிடையே ஒரு மத ரீதியான வேறுபாடுகள் எந்நச் சந்தர்ப்பத்திலும் நுழைந்து இதைக் குழப்புவதற்கு இடம்கொடுக்கக்கூடாது கிழக்காக இருந்தாலும் சரி, வடக்காக இருந்தாலும் சரி முஸ்லிம் மக்களும் தமிழ் மக்களும் இணைந்து தான் எந்தவித அரசியல் ரீதியான விடயங்களையும் அணுக வேண்டிய காலகட்டத்திலேயே நாங்கள் இருக்கின்றோம்  என முன்னாள் வன்னி மாவட்ட பாராளுமன்ற உறுப்பினர் எஸ். வினோதரலிங்கம் தெரிவித்துள்ளார்.. 

பெரும்பான்மை பௌத்த தேரர்களுக்காகவோ அல்லது பெருபான்மை பௌத்த தேசியவாதத்திற் காகவோ நாங்கள் எங்களுடைய ஒற்றுமை விடயங்களில் நாங்கள் மிகவும் கவனமாக நடந்து கொள்ளவேண்டிய ஒரு கடமைப்பாடு இருக்கின்றதாக இன்று காலை வவுனியா கந்தசாமி ஆலயத்தில் இடம்பெற்ற கிழக்குப் போராட்டத்திற்கு ஆதரவாக தேங்காய் உடைத்து வழிபாடுகள் இடம்பெற்ற நிகழ்வில் கலந்துகொண்டு உரையாற்றிய முன்னாள் வன்னி மாவட்ட பாராளுமன்ற உறுப்பினர் எஸ். வினோதரலிங்கம் தெரிவித்துள்ளார்.

கல்முனை வடக்கு பிரதேச செயலகத்தை தரமுயர்த்தக்கோரி கல்முனை பிரதேச மக்களால் தொடர்ச்சியாக நடத்தப்பட்டு வருகின்ற போராட்டத்தினுடைய ஒரு அங்கமாக சாகும் வரையான ஒரு உணவு தவிர்ப்புப் போராட்டம் அங்கு இடம்பெற்றுக்கொண்டிருக்கின்றது.

அந்தப் போராட்டத்திற்கு ஆதரவு தெரிவித்து வவுனியா மக்கள் சார்பாக பொது அமைப்புக்களின் பிரதிநிதிகளாகிய நாங்கள் அனைவரும் ஒன்றிணைந்து இன்று இப்போராட்டத்தினை  நடத்தி இருக்கின்றோம்.

35வருடங்களுக்கு மேலாக கல்முனை உப பிரதேச செயலகமாக இருக்கின்ற கல்முனை வடக்கு உப பிரதேச செயலகத்தை நிரந்தரமாக ஒரு பிரதேச செயலகமாக தரமுயர்த்தக்கோருகின்ற நியாயமான அந்த மக்களுடைய போராட்டத்தை நாங்கள் உண்மையிலே ஆதரிக்கின்றோம். நிச்சயமாக ஆதரிக்கவேண்டிய விடயம் அதைவிட இது ஒரு அரசியல் சார்ந்த விடயமாக இருக்கிறபடியால் நாங்கள் அரசியல் ரீதியாகவும் இதை அணுகவேண்டும் என்பதற்காக தமிழ்த்தேசிய கூட்டமைப் பினர் நேற்றைய தினம் தலைமை அமைச்சர் ரணில் விக்கிரமசிங்கவை சந்தித்து இது தொடர்பாக விரிவான பேச்சுவார்ததை நடத்தப்பட்டது. 

ஆனால்,  அங்கே முஸ்லிம் காங்கிரஸ் தலைவர் அதற்கு இணங்கியிருப்பதாக தெரிவிக்கப் படுகின்றது. ஆனால் முஸ்லிம் காங்கிரஸ் தரப்பிலோ தலைவரோ அல்லது பிரதிநிதிகளோ நேரடியாக இது சம்பந்தமாக எவ்விதமான கருத்தையும் கூறவில்லை ஒரு மூடிய அறைக்குள்ளே தான் இந்தப் பேச்சுவார்த்தை நடத்தப்பட்டதாக நாங்கள் அறிகின்றோம்.

7788.jpg

 

ஆனால் பகிரங்கமாக முஸ்லிம் தரப்பினர் இதை நாங்கள் ஏற்றுக்கொள்கின்றோம். இந்தப்பிரதேச செயலகத்தை தரமுயர்த்துக்கின்ற விடயத்தில் முஸ்லிம் காட்சிகள் அல்லது முஸ்லிம் பிரதிநிதிகள் நாங்கள் அதனை ஏற்றுக்கொண்டிருக்கின்றோம். நிபந்தனையில் அடிப்படையிலாவது ஏற்றுக்கொண்டிருகின்றோம் என்ற ஒரு கருத்தை இதுவரையில் தெரிவிக்கவில்லை.

ஆனால்,  ஊடகங்களில் தான் இக்கருத்தினை அவர்கள் இணங்கியிருப்பதாக ஒரு கருத்தினைத் தெரிவிக்கப்பட்டிருக்கின்றது. தொடர்புபட்ட அமைச்சர் கூட அது சில நிபந்தனைகளோடு அந்த எல்லை நிர்ணயம் மற்றும் ஏனைய விடயங்கள் சம்பந்தமாக பரிசீலனை செய்யப்படும். ஆராயப்படவேண்டும் என்ற ஒரு கருத்தைக்கூயிருக்கின்றாரே தவிர இதற்கு நிரந்தரமான ஒரு முடிவாக ஒரு இணக்கம் தெரிவித்தாக எச் செய்திகளும் இல்லை.

இக்கோரிக்கைக்கு அந்த மக்களும் சரி நாங்கள் சரி தொடர்ந்து போராடிக்கொண்டிருக்கவேண்டிய கடமைப்பாடு இருக்கின்றது. நிரந்தரமாக பிரதேச செயலகமாக தரமுயர்த்தப்படும் வரைக்கும் நாங்கள் போராடவேண்டிய கடமைக்குள் தள்ளப்பட்டிருக்கின்றோம். என்று மேலும் தெரிவித்துள்ளார்.

https://www.virakesari.lk/article/58757

ஜனாதிபதிக்கெதிராக இரண்டு அடிப்படை உரிமை மனுக்கள் தாக்கல்

3 days 6 hours ago
 

Supreme-Court.jpg?zoom=0.902499988675117
ஜனாதிபதி மைத்திரிபால சிறிசேனவுக்கு எதிராக உயர்நீதிமன்றில் இரண்டு அடிப்படை உரிமை மனுக்கள் தாக்கல் செய்யப்பட்டுள்ளன. நீதிமன்றத்தை அவமதித்த குற்றச்சாட்டில் குற்றவாளியாக இனங்காணப்பட்டு, ஆறுவருடங்கள் சிறைத்தண்டனை விதிக்கப்பட்டிருந்த பொதுபல சேனாவின் பொதுச்செயலாளர் கலகொட அத்தே ஞானசாரருக்கு பொதுமன்னிப்பு வழங்கியமைக்கு எதிராகவே   இந்த மனுக்கள் தாக்கல் செய்யப்பட்டுள்ளன.

கலாநிதி பாக்கியசோதி சரவணமுத்து மற்றும் மாற்றுக்கொள்கைக்கான நிறுவனத்தினால் நேற்றையதினம் குறித்த இரு மனுக்களும் தாக்கல் செய்யப்பட்டுள்ளன. மேலும் மனுக்களில் ஜனாதிபதியின் சார்ப்பாக, சட்டமா அதிபரின் பெயர் குறிப்பிடப்பட்டுள்ளது.

http://globaltamilnews.net/2019/124906/

மட்டக்களப்பு பல்கலைக்கழகத்தை அரசாங்கம் சுவீகரித்துக் கொள்வதற்கு பரிந்துரை

3 days 6 hours ago
 
June 21, 2019

Batticaloa-Campus5.jpg?zoom=0.9024999886
மட்டக்களப்பு பல்கலைக்கழகத்தை அவசரகால சட்டத்தின் கீழ் அரசாங்கம் சுவீகரித்துக் கொள்வதற்கு கல்வித் துறை சார்ந்த மேற்பார்வைக் குழு இன்று ஏகமனதாக பரிந்துரை செய்துள்ளது. கல்வித் துறை சார்ந்த மேற்பார்வைக் குழுவினால் இன்று பாராளுமன்றத்தில் சமர்பிக்கப்பட்ட பரிந்துரைகள் அடங்கிய அறிக்கையிலேயே மட்டக்களப்பு பல்கலைக்கழகம் சம்பந்தமான பரிந்துரையும் முன்வைக்கப்பட்டுள்ளது.

http://globaltamilnews.net/2019/124908/

கல்வித்துறையை சீரமைக்கவே செயலாளரை மாற்றினேன் - சுரேன் ராகவன்

3 days 6 hours ago
June 21, 2019
 

IMG_9101.jpg?zoom=0.9024999886751175&res

வடமாகாணத்தின் கல்வித்துறையை சீர்திருத்துவதற்காக கல்விக்கு தன்னை அர்ப்பணித்து அதனை சீர்திருத்தி தரக்கூடிய ஒரு போராளியை நான் நேற்று கல்வித்துறையின் செயலாளராக நியமித்துள்ளேன் என்று வடக்கு மாகாண ஆளுநர் கலாநிதி சுரேன் ராகவன்  தெரிவித்தார்.

 
 
யாழ்ப்பாணம் வேம்படி மகளிர் உயர்தரப் பாடசாலையில் யாழ் இந்தியத்துணைத் தூதரகம் வடமாகாண கல்வி அமைச்சுடன் இணைந்து இன்று (21) ஏற்பாடு செய்த உலக யோகா தின நிகழ்வில் கலந்துகொண்டு   ஆளுநர்   மேற்கண்டவாறு குறிப்பிட்டார். மேலும் இந்த நிகழ்வில் ஆளுநர்  உரையாற்றுகையில்,
 
வடமாகாணத்தின் கல்வித்துறையை சீர்திருத்துவதற்காக கல்விக்கு தன்னை அர்ப்பணித்து அதனை சீர்திருத்தி தரக்கூடிய ஒரு போராளியை நான் நேற்று கல்வித்துறையின் செயலாளராக நியமித்துள்ளேன் . கடந்த எட்டுவருடமாக ஆளுநரின் செயலாளராக பாரிய பொறுப்புக்களோடு கடமையாற்றியவர். இனி எங்கள் தேசத்தின் அடிப்படையாக இருக்கவேண்டிய கல்வி, நம் தேசத்தின் மைந்தனை எதிர்வரும் ஜுலை மாதம் முதலாம் திகதி முதல் கல்வித்துறையை சீர்செய்வதற்காக கல்வி அமைச்சின் செயலாளராக நியமித்துள்ளேன் என்று தெரிவித்தார்.
 
நாங்கள் ஒரு சமுதாயத்தை அடிப்படையாக பார்க்கும் போது மூன்று விடயங்களை குறித்து அந்த சமுதாயத்தின் உண்மையான தன்மையை உணரலாம். ஒன்று அந்த சமுதாயம் பொது இடங்களை பாவிக்கும் விதம் . இலங்கையில் மூன்று மடங்கு அதிகமாக வீதிவிபத்திற்கு முகம்கொடுக்கும் ஒரு மாகாணமாக வடமாகாணம்  உள்ளது. அதற்கு காரணம் ஒழுங்கின்மை. நேரத்தை பாராமரிக்க தெரியாது நடத்தல் ஆகும். இரண்டாவதாக, ஒரு ஜனசமூகம் தன்னுடைய சமூகத்தில் இருக்கும் அழுக்குகளை எப்படி பராமரிக்கின்றது என்பது முக்கிய காரணம் அந்த சமூகத்தின் ஆன்மாவை பற்றி அறிவதற்கு. வடமாகாணத்தை பொறுத்தவரையில் எங்கள் அழுக்குகளை நாங்கள் பராமரிக்கும் விதம் எங்கள் நாகரீகத்திற்கு முரணானது அல்ல. ஆகையினாலே நகரபிதாவுக்கு நாம் ஒத்துழைக்கவேண்டும். இது எங்கள் நாகரீகத்தின் பிரச்சனை. மூன்றாவதாக, ஒரு சமுதாயத்தின் அடிப்படையை காண்பதற்கு அந்த சமுதாயத்தின் ஆன்மீகத்துறை முக்கியமானதாகும். எனவே இந்த யோகா தினம் எங்கள் சமுதாயத்திற்கும் உங்களுக்கும் எனக்கும் இந்த மூன்று விடயங்களிலும் ஒரு சரியான திசையில் பாதையை அமைப்பதற்கு சரியாக இருக்கட்டும் என்று ஆளுநர்  மேலும் சுட்டிக்காட்டினார்.
 
இதனை தொடர்ந்து, யாழ். இந்து மகளிர் கல்லூரி, விசாலாட்சி சிவகுருநாதர் மண்டபத்தில் சர்வதேச யோகா தினத்தை முன்னிட்டு ஏற்பாடு செய்யப்பட்ட மீளும் ஆளுமை அங்குரார்ப்பண நிகழ்வில்  ஆளுநர்  கலந்துகொண்டு குறிப்பிடுகையில்,
 
வடமாகாணத்தின் ஓர் ஆசிரியர் தன் பாடசாலை சிறுமியை பாலியல் துஷ்பிரயோகம் செய்துள்ளார் என்ற கசப்பான செய்தி வெளிவந்துள்ளது. ஆசிரியர் என்னும் புனிதமான தொழிலில் சில அரக்கர்களும் இருக்கின்றார்கள். ஆனால் இது வெளிவந்த விடயம் போன்று வெளிவராத விடயங்கள் இருக்கலாம். இதற்கு நாம் இடம்கொடுக்கமாட்டோம். மாணவர்களே, உங்கள் மத்தியில் ஏதேனும் குற்றச்சாட்டுக்கள் பிரச்சனைகள் , முறைகேடுகள் இருப்பின் நேரடியாக வந்து பயமின்றி ஆளுநர் அலுவலகத்தில் சொல்லுங்கள். நாங்கள் முடிந்தவரை நடவடிக்கை எடுப்போம். அவர்களுக்கு தண்டனை பெற்றுக்கொடுப்போம். அசுரர்களை நாம் வெல்லவேண்டும் . உங்களை பாதுகாப்பதும் உங்கள் எதிர்காலத்தை பாதுகாப்பதும் நம் கையில் உள்ளது என்று ஆளுநர் சுட்டிக்காட்டினார்.

“காணாமல் போனோர் அலுவலகத்தின் திட்டங்களை நடைமுறைப்படுத்தும் செயற்பாட்டை ICRC கைவிடவேண்டும்”

3 days 6 hours ago

இலங்கை அரசாங்கத்தின் காணாமல் போனோரின் அலுவலகத்தையோ அவ்  அலுவலகத்தின் செயற்பாடுகளையோ காணாமல் ஆக்கப்பட்டோரின்  உறவுக்காளான நாம் ஏற்றுக்கொள்ளாத நிலையில் அந்த அலுவலகத்தின் செயற்பாடுகளை எம்மத்தியில் சூட்சுமமாக திணிக்கும் முயற்சியில் சர்வதேச செஞ்சிலுவை சங்கம் செயற்பட்டுவருவதாக முல்லைத்தீவு மாவட்ட வலிந்து காணாமல் ஆக்கப்பட்டோரின் சங்க தலைவி மரியாசுரேஸ் ஈஸ்வரி தெரிவித்துள்ளார் .

001.png

முல்லைத்தீவு மாவட்டத்தில் வலிந்து காணாமல் ஆக்கப்பட்ட உறவினர்கள்   இன்றுடன்  837 ஆவது நாளாக போராட்டத்தினை மேற்கொண்டு வருகின்றார்கள். இந்நிலையில் இன்றையதினம் (20) நடைபெற்ற ஊடக சந்திப்பில் முல்லைத்தீவு மாவட்ட வலிந்து காணாமல் ஆக்கப்பட்டவர்களின் சங்க தலைவி  மேற்கண்டவாறு தெரிவித்துள்ளார். 

அவர் மேலும் அந்த ஊடக சந்திப்பில் தெரிவித்ததாவது,

எமது உறவுகளுக்காக நீதிகோரி போராடும் காணாமல் ஆக்கப்பட்டவர்களின் உறவுகளான எம்மால் ஏற்றுக்கொள்ளாத  இலங்கை அரசாங்கத்தின் காணாமல் போனோர் அலுவலகத்திற்கு துணைபோகும் செயற்பாடுகளில் சர்வதேச செஞ்சிலுவை சங்கம் ஈடுபட்டுள்ள அதேவேளை,

IMG_7855.jpg

காணாமல் ஆக்கப்பட்டவர்களின் உறவுகளான எமக்கு ஆதரவாக இருக்கவேண்டிய சர்வதேச செஞ்சிலுவைச்சங்கம் தற்போது அரசின் காணாமல் போனவர்களுக்கான அலுவலகத்தின் கொள்கைகளை காணாமல் ஆக்கப்பட்டவர்களின் உறவுகள் மத்தியில் நடைமுறைப்படுத்துவதற்கு முயற்சிகளை மேற்கொண்டு வருகின்றது. 

இரகசியமான முறையில் காணாமல் ஆக்கப்பட்ட உறவினர்களின் உறவுகள் சிலரை முல்லைத்தீவு மாவட்டத்தில் அழைத்து சந்திப்பினை நடத்தி வருகின்றனர். 

இந்த செயற்பாட்டால் கடந்த இரண்டு வருடங்களுக்கு  மேலாக எமது உறவுகளுக்காக நீதிகோரி வீதியில் போராடும் நாம் விரக்தி அடைந்துள்ளோம் . யுத்தம் முடிந்து 10 வருடங்களாக காணாமல் ஆக்கப்பட்ட எமது பிள்ளைகள் குறித்து எம்மத்தியில் வராத சர்வதேச செஞ்சிலுவை சங்கம் இன்று அரசின் காணாமல் போனோரின் அலுவலகத்தின் செயற்பாடுகளை நடைமுறைப்படுத்த எம்மத்தியில் வந்து காணாமல் போன உறவினர்களின் உறவுகளை பிரித்து தனது செயற்பாடுகளை முன்னெடுத்து வருவதை முல்லைத்தீவு மாவட்ட வலிந்து காணாமல் அக்கப்பட்டவர்களின் உறவுகளான நாம் ஏற்றுக்கொள்ளவில்லை என்பதையும் தெரிவித்துள்ளார்.

https://www.virakesari.lk/article/58705

 

 

யாழ்.மாநகர சபை எல்லைக்கு உட்பட்ட பொது வீதி அபகரிப்பு – நாளை போராட்டம்….

3 days 11 hours ago
யாழ்.மாநகர சபை எல்லைக்கு உட்பட்ட பொது வீதி அபகரிப்பு – நாளை போராட்டம்….
June 21, 2019

jaffna-municipal-council.jpg?resize=648%யாழ்.மாநகர சபை எல்லைக்கு உட்பட்ட பொது வீதியினை தனியார் ஒருவர் அபகரித்ததற்கு எதிர்ப்பு தெரிவித்தும் , அவ்வீதியினை பொதுமக்களின் பாவனைக்காக விடுமாறும் கோரியும் நாளைய தினம் சனிக்கிழமை கவன ஈர்ப்பு போராட்டம் ஒன்று முன்னெடுக்கப்படவுள்ளது.

யாழ்.நகரின் மத்தியில் அமைந்துள்ள கடை தொகுதிகளின் மத்தியில் குறித்த வீதி காணப்படுகின்றது. அதனை வீதிக்கு அருகில் உள்ள கடை உரிமையாளர் அபகரித்து அதனை தனது கடையுடன் இணைத்துள்ளமையால் அவ்வீதி ஊடாக போக்குவரத்து செய்ய முடியாத நிலைமை காணப்படுகின்றது.

எனவே குறித்த வீதியினை பொது போக்குவரத்திற்கு திறந்து விட வேண்டும் என கோரி தமிழ் தேசிய மக்கள் முன்னணியின் ஏற்பாட்டில் நாளை சனிக்கிழமை காலை 10 மணிக்கு குறித்த போராட்டம் முன்னெடுக்கப்படவுள்ளது.  #யாழ்மாநகரசபைஎல்லை #கவனஈர்ப்புபோராட்டம்

 

http://globaltamilnews.net/2019/124863/

ஐ.தே.க.வின் ஜனாதிபதி வேட்பாளரின் பெயரை வெளியிட்டார் தலதா அதுகோரல

3 days 12 hours ago
ஐ.தே.க.வின் ஜனாதிபதி வேட்பாளரின் பெயரை வெளியிட்டார் தலதா அதுகோரல
thalatha-720x450.jpg

நாட்டின் அடுத்த ஜனாதிபதியாக அமைச்சர் சஜித் பிரேமதாஸவே நியமிக்கப்படுவாரென நீதியமைச்சர் தலதா அதுகோரல தெரிவித்துள்ளார்.

கடுறோதகம பகுதியில் நடைபெற்ற நிகழ்வொன்றில் கலந்துகொண்டு கருத்து தெரிவிக்கும்போதே தலதா அதுகோரல இதனை குறிப்பிட்டுள்ளார். அவர் மேலும் கூறியுள்ளதாவது,

“குடும்ப ஆட்சிக்கு முற்றுப்புள்ளி வைக்கப்பட்டு கடந்த 2015 ஆம் ஆண்டு ஜனவரி மாதம் 8 ஆம் திகதி நல்லாட்சி உருவாக்கப்பட்டது.

மேலும், இதற்கு முன்னைய ஆட்சியில் தனியார் நிலங்களில் அத்துமீறிய குடியேற்றங்கள் ஏற்படுத்தப்பட்டதுடன் பொதுமக்களின் காணிகளும் அபகரிக்கப்பட்டது. இவ்விடயங்களை அனைத்து மக்களும் நன்கு அறிவார்கள்.

இதேவேளை எதிர்வரும் ஜனாதிபதி தேர்தலில் ஐக்கிய தேசியக் கட்சியின் வேட்பாளராக அமைச்சர் சஜித் பிரேமதாஸவே நிறுத்தப்படுவார். இதில் மாற்றுக்கருத்துக்கு இடமில்லை” என  தலதா அதுகோரல தெரிவித்துள்ளமை குறிப்பிடத்தக்கது.

பிரதமர் ரணில், சபாநாயகர் உள்ளிட்ட ஐக்கிய தேசிய கட்சியின் முக்கிய அமைச்சர்கள் சஜித் பிரேமதாஸவின் பெயரை முன்மொழிந்துள்ளமை குறிப்பிடத்தக்கது.

ஐ.எஸ் பயங்கரவாதிகளினால் மீண்டும் இலங்கைக்கு அச்சுறுத்தல்: இந்தியா

3 days 14 hours ago
ISIS-1-720x450.jpg ஐ.எஸ் பயங்கரவாதிகளினால் மீண்டும் இலங்கைக்கு அச்சுறுத்தல்: இந்தியா

இலங்கை மற்றும் இந்தியாவில் பயங்கரவாதத் தாக்குதலை ஐ.எஸ்.அமைப்பு நடத்துவதற்கு அதிக வாய்ப்புள்ளதாக இந்திய உளவுப்பிரிவான றோ எச்சரிக்கை விடுத்துள்ளது.

பயங்கரவாத தாக்குதல் குறித்து மூன்று எச்சரிக்கை கடிதங்களை இந்திய உயர்மட்ட பாதுகாப்பு தரப்புகளுக்கு றோ அனுப்பி வைத்திருப்பதாக அந்நாட்டு தகவல்கள் தெரிவிக்கின்றன.

மேலும் றோ அனுப்பியுள்ள கடிதத்தில் கூறப்பட்டுள்ளதாவது, “ஈராக் மற்றும் சிரியா ஆகிய நாடுகளை மையப்படுத்தி இஸ்லாமிய தேசத்தை பிரகடனப்படுத்தி செயற்பட்டுவந்த ஐ.எஸ் அமைப்பின் கட்டுப்பாட்டில் இருந்த நிலப்பிரதேசங்கள் தற்போது அவர்களிடம் இல்லை. ஆகையால், இந்து சமுத்திர நாடுகளை நோக்கி நகர்ந்துள்ளன.

கேளராவிலில் சுமார் 100 பேர்வரை ஐ.எஸ் தீவிரவாதிகளுடன் குறுகிய காலப்பகுதிக்குள் இணைந்துள்ளதுடன், 30க்கும் அதிகமானோர் வெவ்வேறு அமைப்புக்களுடன் கேரளா பகுதியில் தொடர்பு வைத்துள்ளனர்” என றோ அக்கடிதத்தில் கூறியுள்ளதாக இந்திய ஊடகத் தகவல்கள் தெரிவிக்கின்றன.

குறித்த கடிதத்தை கேரளா, தமிழ்நாடு மற்றும் ஆந்திர மாநிலங்களின் பொலிஸ் உயர்மட்ட அதிகாரிகளுக்கே றோ உளவுத்துறை அனுப்பிவைத்துள்ளதாக கூறப்படுகின்றது.

இதனால் இந்தியாவின் கடல் எல்லைப் பகுதிகள் மற்றும் ஏனைய முக்கிய பகுதிகளில் பாதுகாப்பு பலப்படுத்தப்பட்டுள்ளதாகவும் இந்திய ஊடக தகவல்கள் தெரிவிக்கின்றன.

இதேவேளை பயங்கரவாதம் குறித்து இலங்கைக்கும் றோ அமைப்பு எந்ததொரு எச்சரிக்கையும் விடுக்கவில்லையென இலங்கை தேசிய புலனாய்வுப் பிரிவின் அதிகாரி ஒருவர் குறிப்பிட்டுள்ளார்.

மேலும் தொடர் குண்டுத் தாக்குதலை தொடர்ந்து நாடளாவிய ரீதியில் பாதுகாப்பு பலப்படுத்தப்பட்டுள்ளது.

ஆனாலும் பயங்கரவாத தாக்குதலுக்கு பின்னர் பாதுகாப்பு பிரிவினரால் மேற்கொள்ளப்பட்டுவந்த சுற்றிவளைப்புக்கள், சோதனைகள், கைதுகள் உள்ளிட்ட பாதுகாப்பு கெடுபிடிகள் தற்போது தளர்த்தப்பட்டுள்ளமை குறிப்பிடத்தக்கது.

http://athavannews.com/ஐ-எஸ்-பயங்கரவாதிகளினால்/

தற்கொலைத்தாரிகள் ஐ.எஸ் உறுப்பினர்கள்: உறுதிப்படுத்தியது ரஷ்யா

3 days 14 hours ago
Russia-720x450.jpg தற்கொலைத்தாரிகள் ஐ.எஸ் உறுப்பினர்கள்: உறுதிப்படுத்தியது ரஷ்யா

இலங்கையில் தொடர் குண்டுத் தாக்குதல் நடத்துவதற்கு திட்டமிட்டவர்கள் சிரியா- ஈராக் ஆகிய நாடுகளில் முன்னர் தீவிரமாக செயற்பாட்டில் ஈடுபட்ட ஐ.எஸ் உறுப்பினர்கள் என ரஸ்ய பாதுகாப்பு சபையின் பிரதி செயலாளர் யூரிகொகோவ் தெரிவித்துள்ளார்.

ரஸ்யாவின் உவா நகரில் நடைபெற்ற பாதுகாப்பு விவகாரங்கள் தொடர்பான சர்வதேச கூட்டத்தில் கலந்துகொண்டு கருத்து தெரிவிக்கும்போது யூரிகொகோவ் இதனை குறிப்பிட்டுள்ளார். அவர் மேலும் கூறியுள்ளதாவது,

“சிரியா- ஈராக்கில் ஐ.எஸ் அமைப்பிற்கான நடவடிக்கைகளில் ஈடுபட்டுவிட்டு, இலங்கை திரும்பிய உள்ளுர் தீவிரவாத குழுவொன்றே குண்டுவெடிப்புகளை திட்டமிட்டது

மேலும் குறித்த அமைப்பு, வெளிநாடுகளிலுள்ள ஐ.எஸ் கட்டமைப்புகளை அடிப்படையாக கொண்டே தொடர் குண்டுத் தாக்குதலையும் நடத்தியுள்ளது.

இதேவேளை சிரியா- ஈராக்கிற்கு வருகை தருமாறு ஏனைய நாடுகளிலுள்ள ஐ.எஸ் பயங்கரவாதிகளை அவ்வமைப்பு அழைத்தது. ஆனால் தற்போது அவர் அவர் தங்கியிருக்கும் நாடுகளில் தாக்குதலை நடத்துமாறு வலியுறுத்தப்பட்டுள்ளது.

குறித்த செயற்பாடுகளினால் ஐரோப்பிய நாடுகளுக்கும் பாதிப்பு ஏற்படுவதற்கு வாய்ப்புள்ளது” என யூரிகொகோவ் தெரிவித்துள்ளார்.

http://athavannews.com/தற்கொலைத்தாரிகள்-ஐ-எஸ்-உ/

அவசரகாலச் சட்டத்தை நீடிப்பது இதுவே கடைசி முறை

3 days 14 hours ago
அவசரகாலச் சட்டத்தை நீடிப்பது இதுவே கடைசி முறை

 

1534313833-Will-consider-if-JO-wishes-to-separate-Amaraweera-B

அவசரகாலச் சட்டத்தை நீடிப்பது இதுவே கடைசி முறையென்று ஐக்கிய மக்கள் சுதந்திரக் கூட்டமைப்பின் பொதுச் செயலாளர் மஹிந்த அமரவீர தெரிவித்துள்ளார்.

கட்சியின் தலைமையகத்தில் இன்று இடம்பெற்ற ஊடகவியலாளர் சந்திப்பில் கலந்துக்கொண்டப் போதே, அவர் மேற்கண்டவாறு தெரிவித்துள்ளார்.

நாடு மீண்டும் சுமூகமான நிலைக்கு வந்திருப்பதாக பாதுகாப்பு தரப்பினர் அறிவித்துள்ளதாகத் தெரிவித்த பாராளுமன்ற உறுப்பினர் மஹிந்த அமரவீர, சில தூதரகங்கள், பாடசாலைகள் விடுத்த கோரிக்கைக்கமையவே அவசரகாலச் சட்டம் நீடிக்கப்பட்டுள்ளதாகவும் தெரிவித்தார்.

http://www.dailyceylon.com/184896/

கூட்டமைப்பினரை வெளுத்து விளாசிய அனந்தி சசிதரன் !!

3 days 20 hours ago
ANANTHI-670x372.jpg

தமிழ்த் தேசியக் கூட்டமைப்பின் பாரளுமன்ற உறுப்பினர்கள் ஒவ்வொருவரும் ஒவ்வொரு நேரங்களிலும்; தாமாகவே ஒவ்வொன்றைக்; கூறி மக்களை ஏமாற்றும் வகையில் கண்கட்டி வித்தை நடாத்தி மக்களை ஏமாற்றி வருவதாக ஈழத்தமிழர் சுயாட்சிக் கழகத்தின் பொதுச் செயலாளரும் முன்னாள் வட மாகாண சபை அமைச்சருமான அனந்தி சசிதரன் குற்றஞ்சாட்டியுள்ளார்.

யாழ் சுழிபுரத்தில் உள்ள அவரது இல்லத்தில்  நடாத்திய ஊடக சந்திப்பின் போதே அவர் மேற்கண்டவாறு தெரிவித்தார். அச் சந்திப்பில் அவர் மேலும் தெரிவித்ததாவது..

நாட்டில் ஆளும்; கட்சியாக ஐக்கிய தேசியக் கட்சி இருக்கின்றது. அதே நேரம் பிரதமராக அக்கட்சியின் தலைவர் ரணில் விக்கிரமசிங்கவும் அமைச்சர்களாக அக்கட்சியின் உறுப்பினர்கள் பலரும் இருக்கின்றனர். ஆக இந்த அரசிற்கு முண்டு கொடுத்து காப்பாற்றி வருவதே தமிழ்த் தேசியக் கூட்டமைப்புத் தான். ஆகவே தமிழ் மக்கள் எதிர்நோக்கும் பிரச்சனைகள் தொடர்பில் ஆட்சியில் இருக்கும் பிரதமர் மற்றும் அமைச்சர்களுடன் கூட்டமைப்பினர் பேசாமல் ஊடகங்கள் முன்னிலையில் தற்போது பேசுகின்றனர். அவ்வாறாயின் எதுவுமே செய்யாத அரசிற்கு ஏன் ஆதரவை வழங்கி வருகின்றனர் என்ற கேள்வி எழுகின்றது.

ஏனெனில் மிக முக்கியமாக இனப்பிரச்சனைக்கான தீர்வை நோக்கிய இலக்கை அடைந்தே தீருவோம் என்று பாராளுமன்ற உறுப்பினர் சுமந்திரன் கூறுகின்றார். அதே நேரத்தில் இனப்பிரச்சனைக்கான தீர:வு வராது என்றும் அரசாங்கம் தொடர்ந்தும் ஏமாற்றி வருவதாகவும் பாராளுமன்ற உறுப்பினர் சிவமோகன் கூறுகின்றார். மேலும் படுக்கை அறைவரை ஆக்கிரமிப்பு வந்தள்ளதாக பாரர்ளுமன்ற உறுப்பினர் சாந்தி சிறீஸ்கந்தராசா தெரிவித்திருக்கின்றார்.

ஆக மொத்தத்தில் கூட்டமைப்பின் பாராளுமன்ற உறுப்பினர்கள் ஒவ்வொருவரும் மாறி மாறி தமது எண்ணங்களின்பிரகாரம் ஊடகங்களுக்கு கருத்தக்களை வெளியிட்டிருக்கின்றனர். உண்மையில் தமிழ் மக்களுடைய இனப்பிரச்சனையாக இருக்கட்டும், நில ஆக்கிரமிப்பாக இருக்கட்டும் இத்தகைய பிரச்சனைகள் எல்லாத்தையும் தீர்த்து வைப்போம் என்று கூறிய இதே பாராளுமன்ற உறுப்பினர்கள் இப்போது வெவ்வேறு கருத்துக்களைக் கூறத் தலைப்பட்டுள்ளனர்.

இந்த அரசாங்கத்தைக் கொண்டு வந்தது தாமே என்றும் அரசுடன் இதயங்களால் இணைந்துள்ளோம் என்றும் இந்த அரசிற்கு முண்டு கொடுத்து வருகின்றோம் என்றும் வெளிப்படையாக கூறிய வந்த கூட்டமைப்பினர் தமழ் மக்களின் அனைத்துப் பிரச்சனைகளுக்குமான தீர்விற்கு உரிய நடவடிக்கைகள் எதனையும் எடுக்காமல் வெறுமனே அரசைப் பாதுகாத்து வருகின்றதை செயற்பாட்டை தான் செய்து வருகின்றனர். 

இதே வேளை கல்முனை வடக்கு பிரதேச செயலகத்தை தரமுயர்த்தக் கோரி பாரிய போராட்டமொன்று முன்னெடுக்கப்பட்டு வருகின்றது. இந்தப் பிரதேச செயலகத்தை தரம் உயர்த்துவதற்கு நடவடிக்கை எடுக்க வேண்டிய அரசாங்கமும் சரி அதற்கான அழுத்தத்தைக் கொடுத்து பேசவேண்டிய கூட்டமைப்பும்; சரி இந்த விடயத்தில் அக்கறையற்ற போக்குடனேயே செயற்படுகின்றனர். உண்மையில் இந்தப் பிரச்சனை பாரதூரமான பிரச்சனை அல்ல. இதனைப் பேசித் தீர்த்திருக்க வேண்டும். ஆனால் அதனைச் செய்யாததாலேயே தற்போது அந்தப் பிரதேசத்தில் இனமுரண்பாடு ஏற்படுத்தப்படுகின்றது. ஆனால் இப்பொது அடுத்த அமைச்சரவைக் கூட்டத்தின் போது அமைச்சரைவைப்பத்திரம் ஊடாக இதனைச் செய்வதாக பிரதமர் ரணில் விக்கிரமசிங்க உறுதியளித்திருப்பதாக கூட்டமைப்பின் பாராளுமன்ற உறுப்பினர்கள் தெரிவித்துள்ளனர்.ஆனால் தமிழ் மக்கள் விடயத்தில் பலவற்றைச் செய்வதாக பல சந்தர்ப்பங்களிலும் பல்வெறு வாக்குறுதிகளை பிரதமர் ரணில் விக்கிரமசிங்க வழங்கியிரக்கின்ற போதும் உண்மையில் அவை எவையும் நிறைவேற்றப்படாத நிலையே இருக்கின்றது.

ஆகவே இனியும் பிரதமரை அல்லது அமைச்சர்களை வெறுமனே நம்பிக்கொண்டிருப்பதில் அர்த்தமில்லை.ஆகையினால் அவர்கள் வழங்கும் வாக்குறுதிகளை நிறைவேற்றுவதற்குரிய அழுத்துங்களைக் கொடுத்து அவற்றை நிறைவேற்றிக் கொள்வதற்கு நடவடிக்கைகளை கூட்டமைப்பினர் எடுப்பதுடன் தமிழ் மக்களது நலன்களுக்காக இதய சுத்தியுடன் செயற்பட வேண்டும் என்றும் கேட்டுக் கொண்டார்.இதே வேளை எதிர்க்கட்சித் தலைவராக தமிழ்த் தேசியக் கூட்டமைப்பின் தலைவர் இராச.சம்மந்தன் முன்னர் பதவி வகித்த போது அவருக்கு வழங்கிய வீடு மற்றும் வாகனத்தை இன்னமும் திருப்பிக் கொடுக்கவில்லை என்று தற்போதைய எதிர்க்கட்சித் தலைவர் தெரிவித்திருக்கின்றார்.

உண்மையில் கட்சித் தலைவர் மட்டுமல்லாது அவர்கள் அனைவருமே தமது சுயநலன்களை முதன்மைப்படுத்தியே செயற்பட்டு வருகின்றனர். அவர்களிடத்தே ஒரு போதும் பொது நலன் இருந்ததில்லை என்றார். மேலும் தேசிய தலைவர் இந்த மண்ணில் இருக்கும் வரை வளங்கள் பாதுகாக்கப்பட்டது. அதே போன்று தமிழீழத்தினதும், இலங்கையினதும் இறைமை பாதுகாக்கப்பட்டது ஆனால் இன்றைக்கு தமது நலன்களுக்காக வெளிநாட்டச் சக்திகள் இந்த மண்ணில் காலூன்றுகின்றனர் அதிலும் நீயா நானா என்ற போட்டியில் அவர்கள் உள்ளனர். உண்மையில் அவர்கள் தங்கள் தங்கள் தேவைகளுக்காக தங்கள் ஆதிக்கத்தை இங்கு கொண்டு வந்துள்ளனர் ஆனால் அந்த ஆதிக்கம் என்பது உண்மையில் எங்கள் மக்களுக்காக அல்ல என்றார்.  

https://thinaseithy.com/கூட்டமைப்பினரை-வெளுத்து/

அரபு எழுத்துக்களை அகற்றக் கோரினால், சட்ட நடவடிக்கை எடுப்போம்: காத்தான்குடி நகரசபை அதிரடித் தீர்மானம்

3 days 22 hours ago
அரபு மொழியை அகற்றுமாறு கோரி காத்தான்குடி நகர சபைக்கு உத்தியோக பூர்வமாக அறிவித்தல்கள் வருமானால் அதற்கெதிராக சட்ட நடவடிக்கைக்கு செல்வதென காத்தான்குடி நகர சபை அமர்வில் தீர்மானம் நிறைவேற்றப்பட்டுள்ளது.
 
இதுவரை எவரிடமிருந்தும் அரபு மொழியை அகற்றுமாறு கோரி காத்தான்குடி நகர சபைக்கு உத்தியோக பூர்வமாக அறிவித்தல்கள் வரவில்லை. அவ்வாறு வருமானால் அதற்கெதிராக காத்தான்குடி நகர சபை நீதிமன்றத்தை நாடி சட்ட நடவடிக்கைக்கு செல்லும் என காத்தான்குடி நகர சபையின் மாதார்ந்த அமர்வில் தீர்மானம் நிறைவேற்றப்பட்டது.
 
காத்தான்குடி நகர சபையின் 15வது மாதார்ந்த அமர்வு வியாழக்கிழமை இன்று காத்தான்குடி நகர சபையின் சபா மண்டபத்தில் நடைபெற்றது.
 
நகர சபையின் தவிசாளர் எஸ்.எச்.அஸ்பர் தலைமையில் நடைபெற்ற இந்த அமர்வில் காத்தான்குடி நகர சபையின் பிரதி தவிசாளர் எம்.ஐ.எம்.ஜெஸீம் உட்பட காத்தான்குடி நகர சபை உறுப்பினர்கள் கலந்து கொண்டனர்.
 
இதன் போது கடந்த மாதம் இடம் பெற்ற சபை அமர்வின் கூட்டறிக்கை வாசிக்கப்பட்டு சபை ஏற்றுக் கொண்டதுடன் கடந்த மாதக் கணக்கறிக்கையும் வாசிக்கப்பட்டு ஏற்றுக் கொள்ளப்பட்டது.
 
இந்த அமர்வின் போது பல்வேறு விடயங்கள் குறித்து கலந்துரையாடப்பட்டதுடன் கடந்த விஷேட அமர்வில் எடுக்கப்பட்ட தீர்மானமான காத்தான்குடி நகர சபை எல்லைக்குள் சில இடங்களில் எழுதப்பட்டுள்ள அரபு மொழியை அகற்றக் கோரும் உத்தியோக பூர்வமான அறிவித்தலுக்கெதிராக சட்ட நடவடிக்கை எடுப்பது என தீர்மானம் கலந்துரையாடப்பட்டு மீண்டும் அத் தீர்மானம் எடுக்கப்பட்டது.
 
இது வரை எவரிடமிருந்தும் அரபு மொழியை அகற்றுமாறு கோரி உத்தியோக பூர்வமாக அறிவித்தல்கள் வரவில்லை அவ்வாறு வருமானால் காத்தான்குடி நகர சபை நீதிமன்றத்தை நாடி சட்ட நடவடிக்கைக்கு செல்லும் என காத்தான்குடி நகர சபை தவிசாளர் எஸ்.எச்.அஸ்பர் தெரிவித்தார்.
 
அதே போன்று கடந்த ஏப்ரல் மாதம் 21ம் திகதிக்குப்பின்னர் நாட்டில் முஸ்லிம்கள் எதிர் கொள்ளும் பல் வேறு பிரச்சினைகள் தொடர்பிலும் சபையில் உரையாற்றிய தவிசாளர் அஸ்பர் குறிப்பிட்டார்.

அரபு எழுத்துக்களை அகற்றக் கோரினால், சட்ட நடவடிக்கை எடுப்போம்: காத்தான்குடி நகரசபை அதிரடித் தீர்மானம்

3 days 22 hours ago
அரபு மொழியை அகற்றுமாறு கோரி காத்தான்குடி நகர சபைக்கு உத்தியோக பூர்வமாக அறிவித்தல்கள் வருமானால் அதற்கெதிராக சட்ட நடவடிக்கைக்கு செல்வதென காத்தான்குடி நகர சபை அமர்வில் தீர்மானம் நிறைவேற்றப்பட்டுள்ளது.
 
இதுவரை எவரிடமிருந்தும் அரபு மொழியை அகற்றுமாறு கோரி காத்தான்குடி நகர சபைக்கு உத்தியோக பூர்வமாக அறிவித்தல்கள் வரவில்லை. அவ்வாறு வருமானால் அதற்கெதிராக காத்தான்குடி நகர சபை நீதிமன்றத்தை நாடி சட்ட நடவடிக்கைக்கு செல்லும் என காத்தான்குடி நகர சபையின் மாதார்ந்த அமர்வில் தீர்மானம் நிறைவேற்றப்பட்டது.
 
காத்தான்குடி நகர சபையின் 15வது மாதார்ந்த அமர்வு வியாழக்கிழமை இன்று காத்தான்குடி நகர சபையின் சபா மண்டபத்தில் நடைபெற்றது.
 
நகர சபையின் தவிசாளர் எஸ்.எச்.அஸ்பர் தலைமையில் நடைபெற்ற இந்த அமர்வில் காத்தான்குடி நகர சபையின் பிரதி தவிசாளர் எம்.ஐ.எம்.ஜெஸீம் உட்பட காத்தான்குடி நகர சபை உறுப்பினர்கள் கலந்து கொண்டனர்.
 
இதன் போது கடந்த மாதம் இடம் பெற்ற சபை அமர்வின் கூட்டறிக்கை வாசிக்கப்பட்டு சபை ஏற்றுக் கொண்டதுடன் கடந்த மாதக் கணக்கறிக்கையும் வாசிக்கப்பட்டு ஏற்றுக் கொள்ளப்பட்டது.
 
இந்த அமர்வின் போது பல்வேறு விடயங்கள் குறித்து கலந்துரையாடப்பட்டதுடன் கடந்த விஷேட அமர்வில் எடுக்கப்பட்ட தீர்மானமான காத்தான்குடி நகர சபை எல்லைக்குள் சில இடங்களில் எழுதப்பட்டுள்ள அரபு மொழியை அகற்றக் கோரும் உத்தியோக பூர்வமான அறிவித்தலுக்கெதிராக சட்ட நடவடிக்கை எடுப்பது என தீர்மானம் கலந்துரையாடப்பட்டு மீண்டும் அத் தீர்மானம் எடுக்கப்பட்டது.
 
இது வரை எவரிடமிருந்தும் அரபு மொழியை அகற்றுமாறு கோரி உத்தியோக பூர்வமாக அறிவித்தல்கள் வரவில்லை அவ்வாறு வருமானால் காத்தான்குடி நகர சபை நீதிமன்றத்தை நாடி சட்ட நடவடிக்கைக்கு செல்லும் என காத்தான்குடி நகர சபை தவிசாளர் எஸ்.எச்.அஸ்பர் தெரிவித்தார்.
 
அதே போன்று கடந்த ஏப்ரல் மாதம் 21ம் திகதிக்குப்பின்னர் நாட்டில் முஸ்லிம்கள் எதிர் கொள்ளும் பல் வேறு பிரச்சினைகள் தொடர்பிலும் சபையில் உரையாற்றிய தவிசாளர் அஸ்பர் குறிப்பிட்டார்.

மாணவியை பாலியல் துன்புறுத்தலுக்குள்ளாக்கிய ஆசிரியருக்கு விளக்கமறியல் நீடிப்பு

3 days 23 hours ago
மாணவியை பாலியல் துன்புறுத்தலுக்குள்ளாக்கிய ஆசிரியருக்கு விளக்கமறியல் நீடிப்பு

பருத்தித்துறை பொலிஸ் பிரிவுக்குட்பட்ட பெண்கள் பாடசாலை ஒன்றில் கல்வி பயிலும் 8 வயது மாணவியை பாலியல் துன்புறுத்தலுக்குள்ளாக்கிய குற்றச்சாட்டில் கைது செய்யப்பட்ட ஆசிரியரின் விளக்கமறியலை வரும் ஜூலை 2ஆம் திகதிவரை நீடித்து பருத்தித்துறை நீதிவான் நீதிமன்று உத்தரவிட்டது.

 

பருத்தித்துறை வியாபாரிமூலையைச் சேர்ந்த 46 வயதுடைய ஆசிரியர் ஒருவரே இவ்வாறு விளக்கமறியலில் வைக்கப்பட்டுள்ளார்.

பருத்தித்துறை பெண்கள் பாடசாலையில் தரம் 3 இல் கல்வி பயிலும் 8 வயது மாணவியை மலசல கூடத்துக்குள் வைத்து பாலியல் ரீதியான துன்புறுத்தலுக்கு ஆசிரியர் உள்படுத்தினார் என்று பொலிஸாரால் நீதிமன்றில் அறிக்கை தாக்கல் செய்யப்பட்டுள்ளது. குறித்த சம்பவம் கடந்த மே மாதம் 27ஆம் திகதி இடம்பெற்றுள்ளது.

எனினும் மாணவியின் பெற்றோருக்கு தெரியவந்ததையடுத்தே பொலிஸாருக்கு முறைப்பாடு வழங்கப்பட்டது. அதனடிப்படையில் மாணவியிடம் வாக்குமூலம் பெற்ற பொலிஸார், அவரை மந்திகை வைத்தியசாலையில் பரிசோதனைக்காகச் சேர்த்தனர்.

அத்துடன், மாணவியின் வாக்குமூலத்தின் அடிப்படையில் வியாபாரிமூலையைச் சேர்ந்த 46 வயதுடைய ஆசிரியர் கைது செய்யப்பட்டு பருத்தித்துறை நீதிவான் நீதிமன்றில் முற்படுத்தினர். அவர் நேற்று புதன்கிழமை வரை விளக்கமறியலில் வைக்கப்பட்டிருந்தார்.

இந்த நிலையில் சந்தேகநபர் நேற்று பருத்தித்துறை நீதிவான் முன்னிலையில் முற்படுத்தப்பட்டார். எனினும் சந்தேகநபர் விசாரணைகளில் தலையீடு செய்யலாம் என்றும் பாதிக்கப்பட்ட மாணவிக்கு அவரால் அச்சுறுத்தல் உண்டும் எனவும் பொலிஸாரால் மன்றுரைக்கப்பட்டது.

அதனால் சந்தேகநபரின் விளக்கமறியலை எதிர்வரும் ஜூலை 2ஆம் திகதிவரை நீடித்து நீதிவான் உத்தரவிட்டார்.

இதேவேளை, மாணவி பாலியல் ரீதியான துன்புறுத்தல்களுக்கு உள்படுத்தப்பட்டுள்ளார் என்று சட்ட மருத்துவப் பரிசோதனையின் மூலம் உறுதிப்படுத்தப்பட்டதாக பொலிஸார் தெரிவித்தனர்.

 

https://www.virakesari.lk/article/58700

‘படுக்கை அறையில் எல்லைக்கல்’

4 days ago

யுத்த காலத்தில் கள்ளத்தனமாக ,கபடத்தனமாக வெளியிடப்படட வர்த்தமானிகள் மூலம் எங்கள் மக்களுக்குச் சொந்தமான 1,000 ஏக்கருக்கும் மேற்பட்ட காணிகள் கையகப்படுத்தப்பட்டுள்ளன எனக் குற்றஞ்சாட்டிய தமிழ்த் தேசியக் கூட்டமைப்பின் நாடாளுமன்ற உறுப்பினர் சாந்தி ஸ்ரீஸ்கந்தராஜா, வடக்கு, கிழக்கில் தலைவிரித்தாடும் காணிகள் கையகப்படுத்தலினால், தமிழ் மக்களின் படுக்கை அறைகளில்கூட எமது நிலம் என எல்லைக்கல்லை வைக்குமளவுக்கு நிலை உள்ளது என்றார்.

தூங்கும் நிலைக்குச் சென்றுள்ள அபிவிருத்திச் செயற்பாடுகளைத் துரிதப்படுத்த வேண்டும்.  கல்முனை வடக்கு தமிழ்ப் பிரதேச செயலகத்தை தரமுயர்த்துமாறு இனம்,மதம் கடந்து உண்ணாவிரத போராட்டம் நடக்கின்றது. இந்நிலையில், மக்களிடையே வக்கிரத்தன்மையையும் மோதல்களையும் ஏற்படுத்துகின்ற வகையில் செயல்படுவதை அரசியல்வாதிகள் நிறுத்திக்கொள்ளவேண்டும் என்றும் கேட்டுக்கொண்டார்.  

நாடாளுமன்றத்தில் நேற்று (19) இடம்பெற்ற இலங்கை காணி மீட்டல் மற்றும் அபிவிருத்தி கூட்டுத்தாபன திருத்த சட்ட மூல விவாதத்தில் கலந்துகொண்டு உரையாற்றும் போதே அவர் மேற்கண்டவாறு தெரிவித்தார்.  

காணி மீட்டல் என்பது யாரிடமிருந்து யார் காணியை மீட்பது என்ற கேள்வியை வடக்கு, கிழக்கு பகுதியை மையமாகக்கொண்டு கேட்க வேண்டியுள்ளது எனத் தெரிவித்த அவர், அங்கு மக்களுக்கு சொந்தமான காணிகள் பல்வேறு விதமான அதிகார சபைகளால், திணைக்களங்களால் கையகப்படுத்தப்பட்டுள்ளன. இந்தக் காணிகளை மீட்டல் தொடர்பான ஒரு விவாதத்தை இங்கு முன்வைக்கவேண்டியுள்ளது என்றார்.  

முல்லைத்தீவு மாவட்டத்தின் கேப்பாபுலவு காணி மீட்டல். இது சர்வதேச புகழ் பெற்ற ஒரு போராட்டமாக பரிணமித்துள்ளது. இரண்டு வருடங்களுக்கு மேலாக, அந்தக்காணிகளுக்கு உரிய ஆவணங்களை மக்கள் வைத்துக்கொண்டு இராணுவத்திடம் இருந்துதமது காணிகளை மீட்க போராடி வருகின்றனர். இந்தக்காணி மீட்டல் இதற்கு பொறுப்பானதாக அமைய வேண்டும். இது தொடர்பில் ஆக்கப்பூர்வ நடவடிக்கை எடுக்கப்பட வேண்டும் எனக் கேட்டுக்கொண்டார்.  

 “மகாவலி ‘எல்’ வலய அபிவிருத்தி என்ற போர்வையில் யுத்த காலத்தில் கள்ளத்தனமாக ,கபடத்தனமாக வெளியிடப்படட வர்த்தமானிகள் மூலம் எங்கள் மக்களுக்கு சொந்தமான 1000 ஏக்கருக்கு மேற்பட்ட காணிககள் கையகப்படுத்தப்பட்டுள்ளன. அந்தக் காணிகளை ,விளைநிலங்களை,மக்கள் பூர்வீகமாக வாழ்ந்த காணிகளை கையகப்படுத்தி மகாவலி அபிவிருத்தி திட்டத்தின் கீழ் சிங்கள மக்களுக்கு பகிர்ந்தளிக்கப்பட்டுள்ளன. இந்தக் காணிகளை மீட்டெடுக்க வேண்டிய போராட்டங்களை நடத்த வேண்டியுள்ளது” என்றார். 

 வடக்கில், குளங்கள் அபிவிருத்தி செய்யப்படுகின்றன. ஆனால் அந்தக் குளங்களுக்கு கீழ் நீர் பாசனம் செய்ய வேண்டிய காணிகள் வனவளத்திணைக்களத்தினால் கையகப்படுத்தப்பட்டுள்ளன. இவ்வாறான நிலையில் எமது மக்கள் எவ்வாறு விவசாயத்தில் முன்னேறுவது? என கேள்வியெழுப்பிய அவர், கால் நடை வளர்ப்பு என்பது இந்த யுத்தத்தின் பின்னர் அங்கு சிறந்த வருமானம் தரும் தொழிலாக இருந்தாலும் அந்தக்கால்நடைகளை சிறந்த முறையில் பராமரிப்பதற்கு மேச்சல் தரைகளை ஒதுக்குமாறு நாம் கேட்கின்றபோது அந்த மேச்சல் தரைகள் கூட கையகப்படுத்தப்பட்டுள்ளன. இத்தனையும் மீட்டெடுக்க வேண்டிய தேவை இருக்கின்றது. ஆக்கிரமிப்புகளிலிருந்து தமது காணிகளை மீட்டெடுக்க வேண்டிய நிலையிலேயே வடக்கு,கிழக்கு மக்கள் இன்றுள்ளனர் என்றார்.  

 முல்லைத்தீவில் அளம்பில் பகுதியில் பெண்ணொருவர், 10 பெண்களை வைத்து ஒரு தையல் கடையை நடத்தி வருகின்றார். அவர், நாலடி நிலத்தை தன்னுடைய தையல் தொழிலகத்தை கொஞ்சம் பெரிதாக அமைப்பதற்காக ஒரு கொட்டகையை அமைப்பதற்கு சட்டம் இடம்கொடுக்கவில்லை. ஆனால் 1000 ஏக்கர்களுக்கு மேல் எவ்வாறு இந்த மக்களுக்கு சொந்தமான காணிகள் கையகப்படுத்தப்பட்டது என்பது கேள்விக்குரிய விடயம் என்றார்.    “முல்லைத்தீவு செம்மலை நீராவிப்பிள்ளையார் கோவில் பிணக்கு. பல அமைச்சர்கள் வருகின்றீர்கள். பல ராஜதந்திரிகள் அங்கு வருகின்றீர்கள் இந்தக் கோவில் பரம்பரையாக தமிழ் மக்களாலேயே வழிபாடு மேற்கொள்ளப்பட்டு வரும் பிள்ளையார் கோவில். இந்தக்கோவிலில் அந்த மக்களை அபிவிருத்தி வேலைகளை செய்ய விடாது இந்தக்கோவிலின் அருகாமையில் ஒரு பௌத்த சிங்களக் குடும்பம் கூட இல்லாத நிலையில் அங்கு புத்தர் சிலை அமைக்கப்பட்டுள்ளது .இந்த புத்தர் சிலை அமைக்கப்படும்போதே நாங்கள் எத்தனையோ தடவைகள் ஜனாதிபதி,பிரதமர் மட்டங்களில் கூட இது ஒரு பொருத்தமற்ற வேலை, இது இன,மத முரண்பாட்டை தோற்றுவிக்குமென நாம் முறைப்பாடு செய்திருந்தோம். ாவற்றையும் மீறி அந்த புத்தர் சிலை அமைக்கப்பட்டது” என்றார்.

http://www.tamilmirror.lk/பிரசித்த-செய்தி/படுக்கை-அறையில்-எல்லைக்கல்/150-234401

Checked
Mon, 06/24/2019 - 17:20
ஊர்ப் புதினம் Latest Topics
Subscribe to ஊர்ப்புதினம் feed
texte-feed
sqdgvsqfqsg vdgvdgvv qdsbrzbvzrbvzr