ஊர்ப்புதினம்

9 மாத குழந்தையின் தாய் கொலை செய்யப்பட்ட விவகாரம் – கொலையாளி கணவனா?

2 days 21 hours ago
Kili-Murder-4-1-720x418.jpg 9 மாத குழந்தையின் தாய் கொலை செய்யப்பட்ட விவகாரம் – கொலையாளி கணவனா?

கிளிநொச்சி கந்தபுரம் பகுதியில் இளம் குடும்பப் பெண் கொலை செய்யப்பட்ட சம்பவத்துடன் தொடர்புடைய சந்தேகநபர்கள் இருவர் அக்கராயன் பொலிஸாரால் கைது செய்யப்பட்டுள்ளனர்.

குறித்த பகுதியில் நேற்று வீட்டில் தனித்திருந்த 9 மாத பச்சிளம் குழந்தையின் தாய் கொலை செய்யப்பட்ட சம்பவம் தொடர்பாக அக்கராயன் பொலிஸ் நிலைய குற்றத் தடுப்பு பிரிவின் பொறுப்பதிகாரி கருணாமூர்த்தி வினோத் தலைமையிலான பொலிஸ் குழு தீவிர விசாரணைகளில் ஈடுபட்டனர்.

அந்த விசாரணையின் அடிப்படையில் உயிரிழந்த பெண்ணின் கணவர் மற்றும் அவரது சகோதரியின் கணவர் ஆகியோரே இந்த சம்பவம் தொடர்பாக சந்தேகத்தின்பேரில் கைது செய்யப்பட்டுள்ளனர்.

கணவர் வவுனியாவில் மற்றுமொரு பெண்ணுடன் தொடர்பில் இருந்துள்ள அதேவேளை, குடும்பத்தில் சீதனம் தொடர்பாக பிரச்சினையும் காணப்பட்டுள்ளது.

இந்த நிலையில் மனைவியை கொலை செய்யுமாறும் 10 இலட்சம் பணம் தருவதாகவும் உயிரிழந்த பெண்ணின் கணவர் தனது மனைவியின் சகோதரியின் கணவரிடம் கூறியதையடுத்து, சம்பவம் திட்டமிட்டு மேற்கொள்ளப்பட்டுள்ளதாக பொலிஸாரின் ஆரம்பக் கட்ட விசாரணைகளில் தெரியவந்துள்ளது.

பணத்திற்காக குறித்த நபர் அந்த இளம் குடும்பப் பெண்ணை கொலை செய்துள்ளதாக பொலிஸாரின் விசாரணைகளில் தெரியவந்துள்ளது.

சமபவம் தொடர்பாக விசாரணைகளை மேற்கொண்டுள்ள பொலிஸார் சந்தேகநபர்களை கிளிநொச்சி நீதிமன்றில் முற்படுத்தவுள்ளனர்.

அதேவேளை, உயிரிழந்த பெண்ணின் சடலம் பிரேத பரிசோதனையின் பின்னர் உறவினர்களிடம் கையளிக்கப்படவுள்ளது.

http://athavannews.com/9-மாத-குழந்தையின்-தாய்-கொல/

கோட்டாவுக்கு ஆதரவு வழங்கும் ஆளுநர்களை பதவி நீக்கவும் – ஜனாதிபதிக்கு மஹிந்த கடிதம்

2 days 21 hours ago
Gota-and-Maithiri.jpg கோட்டாவுக்கு ஆதரவு வழங்கும் ஆளுநர்களை பதவி நீக்கவும் – ஜனாதிபதிக்கு மஹிந்த கடிதம்

ஸ்ரீலங்கா பொதுஜன பெரமுனவின் ஜனாதிபதி வேட்பாளர் கோட்டாபய ராஜபக்ஷவின் தேர்தல் பிரசார நடவடிக்கைகளுக்கு ஒத்துழைப்பு வழங்கி செயற்படும் நான்கு ஆளுநர்களை தற்காலிகமாக இடைநிறுத்துமாறு ஜனாதிபதியிடம் கோரிக்கை  விடுக்கப்பட்டுள்ளது.

இந்த விடயம் தொடர்பாக தேர்தல்கள் ஆணைக்குழுவின்  தலைவர் மஹிந்த தேசப்பிரிய ஜனாதிபதி மைத்திரிபால சிறிசேனவிற்கு கடிதம் மூலம் கோரிக்கை விடுத்துள்ளார்.

கோட்டாபயவின் தேர்தல் பிரச்சாரத்தில் நான்கு ஆளுநர்கள் பகிரங்கமாக செயற்படுவதாக, தேர்தல்கள் திணைக்கள அதிகாரிகளால் மஹிந்த தேசப்பிரியவின் கவனத்திற்கு கொண்டுசெல்லப்பட்டது. இதையடுத்தே, ஜனாதிபதியிடம் இந்த விடயம் குறித்து கடிதம் மூலம் கோரிக்கை விடுக்கப்பட்டுள்ளது.

இதேவேளை, குறிப்பிட்ட நான்கு ஆளுநர்களுக்கும் தேர்தல் ஆணைக்குழு தகவல் அளித்துள்ளமையும் குறிப்பிடத்தக்கது.

http://athavannews.com/கோட்டாவுக்கு-ஆதரவு-வழங்-2/

அதிகாரப் பகிர்வு வேண்டுமென்றால், வாக்குகளை சரியாக பயன்படுத்த வேண்டும் -கூட்டமைப்பு

2 days 21 hours ago
 

 

அதிகாரப் பகிர்வு வேண்டுமென்றால்,  வாக்குகளை சரியாக பயன்படுத்த வேண்டும் -கூட்டமைப்பு

ஒருமித்த நாட்டுக்குள், நாடு பிரிக்கப்படாமல் அதியுச்ச அதிகாரப் பங்கீடு வழங்கப்பட வேண்டும் என்றால் வாக்குகளை சரியாக பயன்படுத்த வேண்டுமென தமிழ் தேசியக் கூட்டமைப்பு வலியுறுத்தியுள்ளது.

புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாசவை ஆதரித்து தமிழ் தேசியக் கூட்டமைப்பினால் கிழக்கில் முன்னெடுக்கப்பட்ட முதலாவது பிரசாரக்கூட்டம் நேற்று (திங்கட்கிழமை) மாலை மட்டக்களப்பில் நடைபெற்றது.

இந்த கூட்டத்தில் கலந்துகொண்டு உரையாற்றும்போதே தமிழ் தேசியக் கூட்டமைப்பின் தலைவர் இரா.சம்பந்தன் இவ்வாறு தெரிவித்தார்.

இங்கு தொடர்ந்து உரையாற்றிய அவர், “ அதியுச்ச அதிகாரப் பங்கீட்டுடன் நான் அரசியற் தீர்வினைத் தருவேன் என்று கோட்டாபயவின் விஞ்ஞாபனத்தில் கூறியிருக்கின்றாரா? அரசியற் தீர்வு சம்பந்தமாக எதையும் சொல்லியிருக்கின்றாரா? இல்லை, அவ்வாறான ஒருவருக்கு நாங்கள் எவ்வாறு வாக்களிக்க முடியும்.

ஒருமித்த நாட்டுக்குள், நாடு பிரிக்கப்படாமல், நாட்டுக்கு எவ்வித பாதிப்பும் ஏற்படாமல் அதியுச்ச அதிகாரப் பங்கீடு வழங்கப்பட வேண்டும்.

அதனை நாங்கள் பெறுவதாக இருந்தால், அதனை நாங்கள் முன்னெடுப்பதாக இருந்தால். எமது நியாயமான நிலைப்பாட்டை உணர்ந்திருக்கும் சர்வதேச சமூகம் எங்களுடன் இருக்கின்றபோது இவற்றை நிறைவேற்றுவதாக இருந்தால் கோட்டாபய ராஜபக்ஷ ஜனாதிபதியாக வருவது அதற்கு உதவாது, அதற்குப் பாரிய பாதகத்தை ஏற்படுத்தும். எனவே இதனை அனைவரும் உணர்ந்து தமது வாக்குகளை பயன்படுத்தவேண்டும்” என மேலும் தெரிவித்தார்.

http://athavannews.com/அதிகாரப்-பகிர்வு-வேண்டும/

முஸ்லிம்களை காட்டிகொடுக்கும் சமூக துரோகி ஹகீம்

3 days ago

 

முஸ்லிம்களை காட்டிகொடுக்கும் சமூக துரோகி ஹகீம்

 

இஸ்லாமிய பயங்கரவாதத்தை ஒழிப்பதற்கு சர்வதேச நிபுணர்களை கொண்டுவர வேண்டும்- ரஊப் ஹகீமின் பாராளுமன்ற அறிக்கை

இரட்டை குடியுரிமையை கைவிட்ட ஆவணங்களை கோட்டா சமர்ப்பிக்கவில்லை: தேர்தல்கள் ஆணையாளரே போட்டுடைத்தார்!

3 days 2 hours ago

ஜனாதிபதி வேட்பாளர் கோட்டாபய ராஜபக்ஷவின் அமெரிக்க குடியுரிமையை கைவிடுவது தொடர்பான ஆவணங்களை தேர்தல் ஆணைக்குழு தலைவர் பெறவில்லை என்று சுயாதீன ஜனாதிபதி வேட்பாளர் மில்ரோய் பெர்னாண்டோ நேற்று (11) தெரிவித்தார்.

“கோட்டாபயராஜபக்ஷ அமெரிக்க குடியுரிமையை கைவிடுவது தொடர்பான சான்றளிக்கப்பட்ட நகல்களுக்காக நான் தேர்தல் ஆணைக்குழுவிடம் எழுத்துப்பூர்வமாக கோரிக்கை விடுத்தேன். ஆனால், ஆவணங்களை அவரிடம் இருந்து பெறவில்லையென ஆணைக்குழுவின் தலைவர் என்னிடம் தெரிவித்தார் என பெர்னாண்டோ செய்தியாளர்களிடம் கூறினார்.

அமெரிக்க குடியுரிமையை கைவிடுவது தொடர்பான அனைத்து ஆவணங்களும் கோட்டாபயவினால் தேர்தல் ஆணைக்குழுவில் சமர்ப்பிக்கப்பட்டுள்ளது என, அவரது சட்டத்தரணி பகிரங்க செய்தியாளர் சந்திப்பு நடத்திய மறுநாள், தேர்தல்கள் ஆணையாளரே கைவிரித்துள்ளார்.

இதனால், அன்றைய தினம் அலி சப்ரி கூறியவை பொய்யானவை என்றார் பெர்னாண்டோ.

“ஜனாதிபதி வேட்பாளர் ராஜபக்ச அமெரிக்க குடியுரிமையை கைவிடுவது தொடர்பாக எந்தவொரு ஆவணமும் தேர்தல் ஆணையத்திற்கு வழங்கப்படவில்லை” என்று பெர்னாண்டோ மீண்டும் வலியுறுத்தினார்.

ஜனாதிபதி வேட்பாளர் கோட்டாபய ராஜபக்ஷ இன்னும் ஒரு அமெரிக்க குடிமகன் என்றும், ஒரு அமெரிக்க குடிமகனை இலங்கையின் ஜனாதிபதியாக மாற்றலாமா அல்லது வரவிருக்கும் தேர்தலில் இல்லையா என்பதை மக்கள் தீர்மானிக்க வேண்டும் என்றும் பெர்னாண்டோ கூறினார்.

http://www.pagetamil.com/86682/

“நாங்கள் கோதபாயவிற்கு அஞ்சுகிறோம்” – சண்டே ஒப்சேர்வர் தலையங்கம்

3 days 4 hours ago
“நாங்கள் கோதபாயவிற்கு அஞ்சுகிறோம்” – சண்டே ஒப்சேர்வர் தலையங்கம்

ஜனாதிபதி தேர்தலுக்கு இன்னும் ஒரு வாரமே இருக்கின்ற நிலையில் நாட்டின் நாடித்துடிப்பை வெளிப்படுத்தும் தென்னிலங்கை ஆங்கில ஊடகங்கள் தங்கள் ‘பிரசாரத்தை’ அமைதியாகவே செய்து வருகின்றன. பெரும்பாலானவை பொதுஜன பெரமுன வேட்பாளரான கோதபாயவுக்கு எதிரான போக்கைக் கடைப்பிடித்தாலும் பகிரங்கமாக அவரை விமர்சிக்க அஞ்சுகின்றன. இச் சூழலில் இந்று வெளியான ‘சண்டே ஒப்சேர்வர்’ மிகவும் உருக்கமான தலையங்கமொன்றை எழுதியிருக்கிறது. அதைத் தமிழிலாக்கி மீளப் பிரசுரிப்பது தேவையென்று கருதுகிறோம்.

download.png
We fear Gotabaya

கோதபாய சஜித்தின் பகிரங்க விவாத அழைப்பை நிராகரித்து விட்டார். தனக்கு வேலை தான் முக்கியமே தவிரப் பேச்சல்ல என்பது அவரது காரணம். அவருக்குப் பேசத் தெரியாது. கடினமான கேள்விகளால் அவர் இலகுவாகக் கொதித்தெழுபவர். அண்ணன் மஹிந்த மாதிரி அவர் இனிக்கப் பேசுபவர் அல்ல. இவ்வளவு காலமும் கட்டியெழுப்பிய அவரது பிம்பத்தின் நிஜம் தெரிந்துவிடக்கூடாது; தேர்தல் முடியும் மட்டும் அவர் வாயைத் திறக்காமல் இருப்பதே நல்லது என அவரது மேய்ப்பர்கள் கருதியிருக்கலாம்.

அப்படியிருந்தும் அவரது உண்மையான முகம் அப்பப்போ வெளிவந்து விடுகிறது.

பொலநறுவவில் நடைபெற்ற கூட்டமொன்றில் அவர் பேசிக்கொண்டிருக்கும்போது ஐ.தே.கட்சியிலிருந்து பொதுஜன பெரமுனவுக்குத் தாவிய வசந்தா சேனநாயக்காவைச் ‘சுடச் சுட’ மேடையேற்ற முயன்றபோது ஊடகக் கமராக்கள் முகத்துக்குள் இருப்பதையும் உதாசீனம் செய்துவிட்டு “அவனைத் தூக்கிலிடுவேன்’ எனக் கத்தியவர் கோதபாய.

கேகாலையில் நடைபெறவிருந்த கூட்டமொன்றிற்கு மக்களை அழைத்துச் சென்ற ஒரு பஸ் வண்டியில் புத்தி பாதிக்கப்பட்ட (Down syndrome) ஒரு இளம் பெண் ஐந்து தடவைகள் வன்புணர்வு செய்யப்பட்டாள். அப்பெண்ணை மருத்துவ பரிசோதனைக்கு அனுப்பவோ அல்லது அவளிடமிருந்து வாக்குமூலத்தைப் பெறவோ அச்சம் காரணமாகக் காவற்துறை முனையவில்லை. முறைப்பாடு செய்யக்கூடாது என அவளது குடும்பத்துக்கு அழுத்தம் வேறு கொடுக்கப்படுகிறது. இச் சம்பவத்தைப் பற்றி அறிந்த மூன்று கேகாலை காவற்துறை அதிகாரிகள் தற்காலிக பதவி நீக்கம் செய்யப்பட்டுள்ளார்கள்.

ராஜபக்சவின் கூட்டமொன்றில் கலந்துகொள்ள மறுத்தமைக்காக மாத்தளை மாவட்டத்தில் புத்த பிக்கு ஒருவர் பொதுஜன பெரமுன பிரதேச சபைத் தலைவரால் கொலை அச்சுறுத்தல் விடுக்கப்பட்டுள்ளார்.

கண்டி மாவட்டத்திலுள்ள முஸ்லிம்களின் 25% வாக்குகள் ராஜபக்சவுக்கே போடப்பட வேண்டுமென நாவலப்பிட்டி பொதுஜன பெரமுன நாட்டாமை மஹிந்தானந்த அளுத்கமகே முஸ்லிம் சமூகத்துக்கு விடும் எச்சரிக்கை காணொளியாக வலம் வருகிறது. “உங்களுக்காக நாங்கள் போராட வேண்டுமானால் எங்களுக்கு முஸ்லிம்களின் 25% வாக்குகள் வேண்டும்” என அவர் முஸ்லிம் சமூகத் தலைவர்களுக்கு எச்சரிப்பதாக அதில் காட்டப்படுகிறது.

வடக்கில், முல்லைத்தீவு மாவட்டத்தில் திடீர் வீதித் தடைகள் மூலமும், இராணுவ மறிப்புகள் மூலமும், வாகாளர்களை எச்சரிப்பது சமீபகால சம்பவங்கள்.

வெள்ளை வான் காலத்து சூழ்நிலை மீளவும் ஒப்புவிக்கப்படுவது தெரிகிறது. கோதபாய வெற்றி பெற்றால் நாடு முழுவதும், சகல இனங்களும், ஒரு புதிய இருளான காலத்துக்குள் தள்ளப்படுவார்கள் என்பதற்கு மேற்கூறிய சில உதாரணங்களே போதும்.

மஹிந்த ராஜபக்ச ஆட்சியில் மூன்று விடயங்கள் உறுதிப்படுத்தப்படும். குடும்ப நிர்வாகம், ஊழல், மிருகத்தனம்.

உலகம் ஜனநாயகத்தை நோக்கி நகரும் வேளையில் கணிசமான எண்ணிக்கையான மக்கள் காடைத் தனத்தால் ஆளப்படுவேண்டுமென்று விரும்பும் நாடு இதுவாகத்தான் இருக்க வேண்டும். பெருந்தெருக்களுக்காகவும், துறைமுகங்களுக்காகவும், விமான நிலையங்களுக்காகவும், தாமரைக் கோபுரங்களுக்காகவும் சிறுபான்மையினரின் உரிமைகளை அடகுவைக்க விரும்பும் மக்கள் இந்நாட்டில் மட்டும்தான் வாழமுடியும். நேற்றய வெள்ளை வான் பயங்கரவாதத்தின் சூத்திரதாரிகள் தான் இன்றய நாளின் அறிவுசார் கோட்பாட்டாளர்கள்.

இது தேர்தலுக்கு முன்பான கடைசிப் பதிப்பு. வருகிற ஞாயிறு இந் நாட்டின் 7வது நிறைவேற்று ஜனாதிபதி தெரிசெய்யப்பட்டிருப்பார். நவம்பர் 16 ம் திகதி எம் வாசகர்கள் சரியான வகையில் உங்கள் வாக்குகளைப் பதிவுசெய்துகொள்ளுங்கள் எனக் கேட்டுக்கொள்கிறோம். ஆசியாவின் மூத்த ஜனநாயகத்தை ஒளிரச் செய்யுங்கள். உண்மையைச் சொல்ல முயற்சிக்கும் இப் பத்திரிகையின் ஊடகவியலாளர்களினதும், நாடெங்கிலுமுள்ள இதர ஊடகவியலாளர்களினதும் உயிர்கள் அச்சுறுத்தப்படாது இருப்பதற்காகவாவது சிந்தித்து வாக்களியுங்கள்.

நவம்பர் 16 தேர்தலில் 35 வேட்பாளர்கள் நிற்கின்றார்கள். ஆனால் இந்த ஜனாதிபதி தேர்தல் இரண்டு பேர்களுக்கிடையேயான தேர்வு பற்றியது மட்டுமே.

அவர்களில் ஒருவர் எங்களுக்குத் தீராத அச்சத்தைத் தருபவர்.

https://marumoli.com/நாங்கள்-கோதபாயவிற்கு-அஞ/

மக்கள் அச்சப்பட்ட வெள்ளை வேன் குறித்து பதறவைக்கும் தகவல்கள்

3 days 4 hours ago

 

வெளிவரும் ராஜபக்ச கொடூரங்கள் | ஒப்புக்கொள்ளும் வெள்ளை வான் சாரதி!
கடத்தப்பட்டுக் கொல்லப்பட்டவர்களின் உடல்கள் முதலைகளுக்கு இரையாக வீசப்படும் Minister Rajitha Senaratne with the ‘White Van’ drivers at the press conference yesterday.Picture by Kelum Liyanage. வெள்ளை வான் சாரதி மற்றும் கடத்தப்பட்டுத் தப்பியவருடன் அமைச்சர் ராஜித சேனாரத்ன – பட்ம்: கெலும் லியனகே / டெய்லி மெயில்

ஞாயிற்றுக்கிழமை சுகாதார அமைச்சர் டாக்டர் ராஜித சேனாரத்னவின் கட்சி அலுவலகத்தில் அவசரமாகக் கூட்டப்பட்ட ஊடக மாநாட்டில் ராஜபக்ச காலத்தில் கடத்தலுக்குப் பாவித்ததாகக் கருதப்படும் வெள்ளை வான் சாரதி ஒருவரும் கடத்தல் முயற்சியிலிருந்து தப்பியோடிய ஒருவரும் பல திடுக்கிடும் தகவல்களை ஊடகங்களுக்கு வழங்கினர்.

கடத்தப்பட்டவர்கள் நாட்டின் பல இடங்களிலும் இருந்த சித்திரவதைக் கூடங்களுக்கு கொண்டு செல்லப்பட்டு அங்கு பலவகையான துன்புறுத்தல்களுக்கும், சித்திரவதைகளுக்கும் ஆளாக்கப்பட்டுக் கொல்லப்பட்ட பின்னர் அவர்கள் உடல்கள் மொனராகலவிலுள்ள முதலைகள் வாழும் குளம் ஒன்றினுள் வீசப்படும்

அந்தோனி பெர்ணாண்டோ

ராஜபக்ச காலத்தில் நடைபெற்ற பல ஆட்கடத்தல்கள், கொலைகள் என்பனவற்றைச் செய்தவர் எனக் கருதப்படும் வெள்ளை வான் சாரதியென, அந்தோனி பெர்ணாண்டோ என்பவரையும், வெள்ளை வானில் கடத்தப்பட்டுப் பின்னர் விடுதலை செய்யப்பட்டவர் என, அத்துள மதநாயக்கா என்பவரையும் அமைச்சர் இம் மாநாட்டில் அறிமுகப்படுத்தினார்.

ராஜபக்ச காலத்தில் நடைபெற்ற அத்தனை கடத்தல்களும், கொலைகளும் முன்னாள் பாதுகாப்பு அமைச்சர் கோதபாய ராஜபக்சவின் நேரடி உத்தரவின் பேரிலேயே நடைபெற்றதாக பெர்ணாண்டோ தெரிவித்தார்.

கடத்தப்பட்டவர்கள் நாட்டின் பல இடங்களிலும் இருந்த சித்திரவதைக் கூடங்களுக்கு கொண்டு செல்லப்பட்டு அங்கு பலவகையான துன்புறுத்தல்களுக்கும், சித்திரவதைகளுக்கும் ஆளாக்கப்பட்ட பின்னர் கொல்லப்படுவர் என்றும் பெர்ணாண்டோ தெரிவித்தார். மொனராகலவிலுள்ள இப்படியொரு சித்திரவதை கூடத்திற்கு அருகிலிருந்த, முதலைகள் வாழும் குளம் ஒன்றினுள் கொல்லப்பட்டவர்களின் உடல்கள் வீசப்படும் என அவர் மேலும் தெரிவித்தார். இக் குளத்தின் சரியான இடத்தைத் தன்னால் தற்போது அடையாளம் காட்ட இயலவில்லை எனவும் கூறினார்.

இராணுவத்தின் ஒரு பிரிகேடியரும், ஒரு மேஜரும் இக் குற்றங்களோடு தொடர்புபட்டிருக்கிறார்கள் என அறியப்படுகிறது.

மதநாயக்கா ஊடகங்களுக்குக் கூறுகையில், யாழ்ப்பாணத்திலிருந்து வந்த பஸ் ஒன்றில் கொழும்புக்குக் கொண்டுவரப்பட்ட தங்கம், பணம் போன்றவற்றைக் களவெடுத்ததற்காகத், தான் அக்டோபர் 2013 இல் ராகம பகுதியில் வைத்துக் கடத்தப்பட்டதாகவும், “பிரபாகரனுக்குச் சொந்தமான அத் தங்கமும், 8 மில்லியன் யூரோக்களும் கோதபாய ராஜபக்சவுக்காகக் கொழும்புக்குக் கொண்டுவரப்பட்டன” எனத் தனக்குக் கூறப்பட்டதாகவும் தெரிவித்தார்.

தாங்கள் கூறிய இவ்விடயங்களுக்கான ஆதாரங்களைச் சமர்ப்பிக்க முடியுமென இவ்விருவரும் கூறினார்கள்.

அமிச்சர் சேனாரத்ன பேசுகையில், விடுதலைப் புலிகளிடமிருந்து கைப்பற்றப்பட்ட 7000 மெட்றிக் தொன் தங்கத்துக்கு என்ன நடந்தது எனத் தெரியாது எனவும் இது பற்றிய விசாரணைகள் உடனே ஆரம்பிக்கப்படுமெனவும், அதுவே இளைய தலைமுறையின் எதிர்பார்ப்பு எனவும் தெரிவித்தார்.

 

https://marumoli.com/வெளிவரும்-ராஜபக்ச-கொடூரங/?fbclid=IwAR2UEV6BwrpOFu5R8OvxZ0FW2M-4iKpuPmU4gwRpHRDpXD7v8u-mKTRhbjk

வெளிவரும் ராஜபக்ச கொடூரங்கள் | ஒப்புக்கொள்ளும் வெள்ளை வான் சாரதி!

3 days 4 hours ago

 

வெளிவரும் ராஜபக்ச கொடூரங்கள் | ஒப்புக்கொள்ளும் வெள்ளை வான் சாரதி!
கடத்தப்பட்டுக் கொல்லப்பட்டவர்களின் உடல்கள் முதலைகளுக்கு இரையாக வீசப்படும் Minister Rajitha Senaratne with the ‘White Van’ drivers at the press conference yesterday.Picture by Kelum Liyanage. வெள்ளை வான் சாரதி மற்றும் கடத்தப்பட்டுத் தப்பியவருடன் அமைச்சர் ராஜித சேனாரத்ன – பட்ம்: கெலும் லியனகே / டெய்லி மெயில்

ஞாயிற்றுக்கிழமை சுகாதார அமைச்சர் டாக்டர் ராஜித சேனாரத்னவின் கட்சி அலுவலகத்தில் அவசரமாகக் கூட்டப்பட்ட ஊடக மாநாட்டில் ராஜபக்ச காலத்தில் கடத்தலுக்குப் பாவித்ததாகக் கருதப்படும் வெள்ளை வான் சாரதி ஒருவரும் கடத்தல் முயற்சியிலிருந்து தப்பியோடிய ஒருவரும் பல திடுக்கிடும் தகவல்களை ஊடகங்களுக்கு வழங்கினர்.

கடத்தப்பட்டவர்கள் நாட்டின் பல இடங்களிலும் இருந்த சித்திரவதைக் கூடங்களுக்கு கொண்டு செல்லப்பட்டு அங்கு பலவகையான துன்புறுத்தல்களுக்கும், சித்திரவதைகளுக்கும் ஆளாக்கப்பட்டுக் கொல்லப்பட்ட பின்னர் அவர்கள் உடல்கள் மொனராகலவிலுள்ள முதலைகள் வாழும் குளம் ஒன்றினுள் வீசப்படும்

அந்தோனி பெர்ணாண்டோ

ராஜபக்ச காலத்தில் நடைபெற்ற பல ஆட்கடத்தல்கள், கொலைகள் என்பனவற்றைச் செய்தவர் எனக் கருதப்படும் வெள்ளை வான் சாரதியென, அந்தோனி பெர்ணாண்டோ என்பவரையும், வெள்ளை வானில் கடத்தப்பட்டுப் பின்னர் விடுதலை செய்யப்பட்டவர் என, அத்துள மதநாயக்கா என்பவரையும் அமைச்சர் இம் மாநாட்டில் அறிமுகப்படுத்தினார்.

ராஜபக்ச காலத்தில் நடைபெற்ற அத்தனை கடத்தல்களும், கொலைகளும் முன்னாள் பாதுகாப்பு அமைச்சர் கோதபாய ராஜபக்சவின் நேரடி உத்தரவின் பேரிலேயே நடைபெற்றதாக பெர்ணாண்டோ தெரிவித்தார்.

கடத்தப்பட்டவர்கள் நாட்டின் பல இடங்களிலும் இருந்த சித்திரவதைக் கூடங்களுக்கு கொண்டு செல்லப்பட்டு அங்கு பலவகையான துன்புறுத்தல்களுக்கும், சித்திரவதைகளுக்கும் ஆளாக்கப்பட்ட பின்னர் கொல்லப்படுவர் என்றும் பெர்ணாண்டோ தெரிவித்தார். மொனராகலவிலுள்ள இப்படியொரு சித்திரவதை கூடத்திற்கு அருகிலிருந்த, முதலைகள் வாழும் குளம் ஒன்றினுள் கொல்லப்பட்டவர்களின் உடல்கள் வீசப்படும் என அவர் மேலும் தெரிவித்தார். இக் குளத்தின் சரியான இடத்தைத் தன்னால் தற்போது அடையாளம் காட்ட இயலவில்லை எனவும் கூறினார்.

இராணுவத்தின் ஒரு பிரிகேடியரும், ஒரு மேஜரும் இக் குற்றங்களோடு தொடர்புபட்டிருக்கிறார்கள் என அறியப்படுகிறது.

மதநாயக்கா ஊடகங்களுக்குக் கூறுகையில், யாழ்ப்பாணத்திலிருந்து வந்த பஸ் ஒன்றில் கொழும்புக்குக் கொண்டுவரப்பட்ட தங்கம், பணம் போன்றவற்றைக் களவெடுத்ததற்காகத், தான் அக்டோபர் 2013 இல் ராகம பகுதியில் வைத்துக் கடத்தப்பட்டதாகவும், “பிரபாகரனுக்குச் சொந்தமான அத் தங்கமும், 8 மில்லியன் யூரோக்களும் கோதபாய ராஜபக்சவுக்காகக் கொழும்புக்குக் கொண்டுவரப்பட்டன” எனத் தனக்குக் கூறப்பட்டதாகவும் தெரிவித்தார்.

தாங்கள் கூறிய இவ்விடயங்களுக்கான ஆதாரங்களைச் சமர்ப்பிக்க முடியுமென இவ்விருவரும் கூறினார்கள்.

அமிச்சர் சேனாரத்ன பேசுகையில், விடுதலைப் புலிகளிடமிருந்து கைப்பற்றப்பட்ட 7000 மெட்றிக் தொன் தங்கத்துக்கு என்ன நடந்தது எனத் தெரியாது எனவும் இது பற்றிய விசாரணைகள் உடனே ஆரம்பிக்கப்படுமெனவும், அதுவே இளைய தலைமுறையின் எதிர்பார்ப்பு எனவும் தெரிவித்தார்.

 

https://marumoli.com/வெளிவரும்-ராஜபக்ச-கொடூரங/?fbclid=IwAR2UEV6BwrpOFu5R8OvxZ0FW2M-4iKpuPmU4gwRpHRDpXD7v8u-mKTRhbjk

அத்துரலியே ரத்தன தேரரின் முனைப்பிலேயே ஜனாதிபதி மன்னிப்பு

3 days 6 hours ago

ஜனாதிபதியின் ஊடகப் பிரிவு அறிக்கை

கொலை குற்றம் தொடர்பில் ஆயுட் தண்டனை விதிக்கப்பட்டு, ஜனாதிபதி பொது மன்னிப்பில் விடுவிக்கப்பட்ட ஜூட் ஷ்ரமந்த ஜயமஹா எனும் இளைஞரை விடுவிப்பதற்காக அத்துரலியே ரத்தன தேரர் முன்னின்று செயற்பட்டதாகவும், இது தொடர்பில் வழங்கப்பட்ட விளக்கங்களுக்கு அமைவாகவே அவரை ஜனாதிபதி விடுவித்ததாகவும் ஜனாதிபதி ஊடகப் பிரிவு தெரிவித்துள்ளது.

இது தொடர்பில் ஊடக அறிக்கையொன்றை வெளியிட்டுள்ள ஜனாதிபதி ஊடகப் பிரிவு இவ்வாறு தெரிவித்துள்ளது.

அதில் மேலும் தெரிவிக்கப்பட்டுள்ளதாவது,

ராஜகிரிய, ரோயல் பார்க் கொலை சம்பவத்தின் குற்றவாளியாக தண்டனை விதிக்கப்பட்டு ஆயுட்தண்டனை அனுபவித்துவரும் 34 வயதுடைய டொன் ஷ்ரமந்த ஜூட் அந்தணி ஜயமக என்பவருக்கு மனிதாபிமான அடிப்படையில் ஜனாதிபதி பொது மன்னிப்பு வழங்குமாறு மதத் தலைவர்கள், உயர் நீதிமன்ற நீதிபதிகள், சட்டத்தரணிகள், சிவில் சமூக செயற்பாட்டாளர்கள், இளைஞர் அணிகள் உள்ளிட்ட பல்வேறு தரப்பினர் ஜனாதிபதி கௌரவ மைத்ரிபால சிறிசேன அவர்களுக்கு எழுத்து மூலமான கோரிக்கைகளையும், பரிந்துரைகளையும் முன்வைத்துள்ளனர்.

இவ் இளைஞருக்கு ஜனாதிபதி பொது மன்னிப்பு வழங்குவதற்காக தலைமை ஏற்று செயற்பட்ட பாராளுமன்ற உறுப்பினர் அத்துரலியே ரத்தன தேரர் இவ் இளைஞரின் பெற்றோர்களையும், உறவினர்களையும் ஜனாதிபதி அவர்களுடன் சந்திப்பதற்கான ஏற்பாடுகளையும் மேற்கொண்டு இவ்விடயம் தொடர்பிலான விரிவான விளக்கமும் மேற்கொள்ளப்பட்டது.

ரத்தன தேரரால் இவ்விடயம் தொடர்பில் ஜனாதிபதி அவர்களுக்கு எழுத்துமூல கடிதம் ஒன்று சமர்ப்பிக்கப்பட்டுள்ளதுடன், அதில் குறித்த சம்பவம் காதலர்களுக்கிடையே ஏற்பட்ட பிரச்சினை என்றும், ஷ்ரமந்த ஜூட் அந்தணி என்பவர் சிறைச்சாலையில் நன்னடத்தையுடன் செயற்பட்டதாகவும் சிறைச்சாலையில் இருந்தவாறே வெளிவாரி பட்டப்படிப்பை வெற்றிகரமாக நிறைவு செய்து தற்போது கலாநிதி பட்டப்படிப்புக்கு தேவையான கற்கைகளில் ஈடுபட்டுள்ளதாகவும் ஆளுமை திறன், அறிவுடன்கூடிய இவ் இளைஞருக்கு மேற்படி விடயங்களை கருத்திற்கொண்டு ஜனாதிபதி பொது மன்னிப்பு வழங்குவது நியாயமானதும் மனிதாபிமான ரீதியிலான விடயம் என்றும் வலியுறுத்தப்பட்டுள்ளது.

அதேபோன்று புத்த பகவானின் போதனைகளுக்கமைய கருணையும் இரக்கத்துடனும் இவ்விடயம் தொடர்பில் கவனம் செலுத்துமாறும் அத்துரலியே ரத்தன தேரர் ஜனாதிபதி அவர்களுக்கு வலியுறுத்தியுள்ளார்.

சங்கைக்குரிய பத்தேகம சமித்த தேரரும் இவ் இளைஞருக்கு ஜனாதிபதி பொது மன்னிப்பு வழங்குவது குறித்து வலியுறுத்தியுள்ளதுடன், இவ் இளைஞர் சிறந்த பிரஜையாகவும் கல்விமானாகவும் எதிர்காலத்தில் செயற்படுவதற்கான சாத்தியங்கள் இருப்பதை தன்னால் யூகிக்க முடியுமென்றும் அதன் காரணத்தினால் இரக்க மனதுடன், ஷ்ரமந்த ஜூட் அந்தணிக்கு ஜனாதிபதி பொது மன்னிப்பு வழங்குவது தொடர்பில் பரிசீலித்து பார்க்குமாறும் வலியுறுத்தியுள்ளார்.

கலாநிதி சங்கைக்குரிய கெரதேவல புண்ணியரத்தன நாயக்க தேரர் எழுத்து மூலமான கோரிக்கையினூடாக சிறைச்சாலையில் தண்டனை அனுபவித்து வரும் இளைஞர், குறிப்பிட்ட குற்றத்தை தவிர்த்து வேறு குற்றங்கள் புரியாததாலும், கல்விகற்று, புனர்வாழ்வு பெற்று, சிறந்த பிரஜையாகுவதற்கான கனவு காணும் கல்வி கற்ற இளம் சிறைக் கைதிகள் தொடர்பில் கௌரவ ஜனாதிபதி அவர்கள் கருணை உள்ளத்துடன் கவனம் செலுத்த வேண்டுமென்றும் வலியுறுத்தியுள்ளார். மேலும் சங்கைக்குரிய பலங்கொட புத்தகோஷ தேரரும் இவ்வாறான படித்த இளம் சிறைக் கைதிகளுக்கு மன்னிப்பு வழங்குவது முக்கியமான விடயம் என ஜனாதிபதி அவர்களுக்கு எழுத்து மூலமாக வலியுறுத்தியுள்ளார்.

தென் மாகாண கத்தோலிக்க ஆயர் ரேமன்ட் விக்கிரமசிங்க, ஆயுட்தண்டனை விதிக்கப்பட்டிருக்கும் இளம் புனர்வாழ்வுக்குட்பட்டுள்ள கற்ற சிறைக் கைதிகளுக்கு மன்னிப்பு வழங்கப்படுவது சம்பந்தமாக அவர் தனது ஆசீர்வாதம் உள்ளதாக ஜனாதிபதி அவர்களுக்கு எழுத்து மூலம் தெரிவித்திருக்கின்றார்.

முன்னாள் உயர் நிதிமன்ற நீதியரசர் ரோஹினி மாரசிங்க ஜனாதிபதி அவர்களுக்கு இந்த வழக்கு சம்பந்தமாக விரிவாக விடயங்களை உள்ளடக்கிய கடிதமொன்றை அனுப்பி வைத்துள்ளார். இந்த ஷ்ரமந்த ஜூட் அந்தணி என்பவர் தற்போது சுமார் 15 வருடங்கள் சிறையில் இருப்பதாகவும், அவர் சிறைச்சாலையில் இருக்கின்றபோது இலண்டன் பல்கலைக்கழகத்தில் பொருளியல் மற்றும் நிதி சம்பந்தமாக வெளிவாரி பட்டப்படிப்பை நிறைவு செய்து கலாநிதி பட்டப்படிப்புக்காக இலங்கை திறந்த பல்கலைக்கழகத்தில் பட்டப்பின் படிப்பு கற்கை ஒன்றை தொடர்ந்து வருவதாகவும், அவரது கல்வி சம்பந்தமாக கருத்திற்கொண்டு அவர் சிறையில் கழித்திருக்கும் தண்டனை காலத்தையும் கருத்திற்கொண்டு அவருக்கு மன்னிப்பு வழங்குவது நியாயமானது எனத் தெரிவித்திருக்கிறார்.

மேலும் சட்டத்தரணி மகேஷ் மடவெல, சட்டத்தரணி நாலனி மனதுங்க, சட்டத்தரணி நில்ரூக் இகலகத்ரிகே, சட்டத்தரணி குமுது நாணயக்கார ஆகியோரும் காலி வெலிவத்த விஜயானந்த விகாரையின் விஜயானந்த சமூக சேவை அபிவிருத்தி மன்றம், உனவட்டுன ரூமஸ்ஸல நவ ஜீவன அமதியாப ஹண்ட ஆகிய சிவில் அமைப்புகளும் ஷ்ரமந்த ஜூட்டின் பெற்றோரும் மனிதாபிமான அடிப்படையில் அவரது நன்நடத்தையால் சுதந்திர பிரஜையாக எதிர்காலத்தில் சமூகத்திற்கும் நாட்டுக்கும் செய்யக்கூடிய நற்பணிகளையும் கருத்திற்கொண்டு அவருக்கு மன்னிப்பு வழங்குமாறு ஜனாதிபதி அவர்களிடம் கேட்டுக்கொண்டனர்.

அதேபோன்று அமைச்சரவை அங்கீகாரத்தின் கீழ் தாபிக்கப்பட்டுள்ள ஓய்வுபெற்ற நீதியரசர்களைக் கொண்ட மூவர் அடங்கிய விசேட குழுவொன்றினால் சிறைச்சாலையில் ஷ்ரமந்த ஜூட் அந்தணியின் நன்நடத்தை காரணமாக அவருக்கு வழங்கப்பட்டுள்ள மரணதண்டனையை ஆயுட் தண்டனையாக மாற்றுவதற்கு நடவடிக்கை எடுக்கப்பட்டிருந்ததுடன், இது சம்பந்தமாக நீதி அமைச்சின் மூலம் பல்வேறு துறைகளைச் சேர்ந்த உயரதிகாரிகளைக் கொண்ட விசேட குழுவொன்றின் மூலம் முன்வைக்கப்பட்ட பரிந்துரைகளும் கருத்துக்களும் ஜனாதிபதி அவர்களினால் கருத்திற்கொள்ளப்பட்டுள்ளது.

இந்த அனைத்து விடயங்களையும் கருத்திற்கொண்டு ஷ்ரமந்த ஜூட் அந்தணியின் நடவடிக்கைகள் தொடர்பில் சிறைச்சாலை திணைக்களத்திடமிருந்தும் அறிக்கையைப் பெற்று ஏனைய சம்பந்தப்பட்ட அரச நிறுவனங்களின் மூலமும் சமர்ப்பிக்கப்பட்ட பரிந்துரைகள் மற்றும் கருத்துக்களையும் ஜனாதிபதி அவர்கள் கருத்திற் கொண்டு செயற்பட்டிருந்தார்.

இந்த குற்றம் இடம்பெற்ற 2005ஆம் ஆண்டு ஷ்ரமந்த ஜூட் அந்தணி என்பவர் 19 வயது இளைஞராக இருந்ததும் இந்த நிகழ்வு கொலை ஒன்றை மேற்கொள்ளும் எண்ணத்தில் இடம்பெற்ற ஒன்று அல்ல என்பதும், திடீர் கோபத்தின் அடியாக இடம்பெற்ற ஒன்று என்ற விடயத்தையும் குறித்த இளைஞர் சிறைச்சாலையில் இருந்த சுமார் 15 வருட காலப் பகுதியில் நற்செயல்களில் ஈடுபட்டு தனது உயர் கல்வி நடவடிக்கைகளையும் நிறைவு செய்து கலாநிதி பட்டப் படிப்பு வரை கல்வி பெற்றுக்கொள்வதற்கு பட்டப்பின் படிப்பு கல்வி நடவடிக்கைகளிலும் ஈடுபட்டிருந்ததும் அவர் கல்வி மற்றும் அனுபவங்களில் முதிர்ச்சியையும் பெற்று புனர்வாழ்வளிக்கப்பட்டிருப்பதும் கருத்திற்கொள்ளப்பட்டுள்ளது. குறித்த குற்றம் தவிர்ந்த வேறு எவ்விதமான குற்றங்களிலும் இதற்கு முன்னர் ஈடுபடாத ஒருவர் என்றும் தெரிவிக்கப்பட்டிருக்கிறது. மேலும் 34 வயது இளைஞரான அவருக்கு சிறந்த கற்ற ஒரு இளைஞராக நாட்டுக்கு சேவை செய்யக்கூடிய இயலுமையையும் உலகில் வேறு நாடுகளிலும் இவ்விதமாக சிறைக் கைதிகள் சம்பந்தமாக மனிதாபிமான அடிப்படையில் தீர்மானங்கள் மேற்கொள்ளப்படுவதனையும் கருத்திற்கொண்டு ஆயுட் தண்டனை விதிக்கப்பட்டிருந்த ஷ்ரமந்த ஜூட் என்பவருக்கு ஜனாதிபதி பொது மன்னிப்பை வழங்குவதற்கு ஜனாதிபதி அவர்கள் தீர்மானித்தார்.

https://www.thinakaran.lk/2019/11/11/உள்நாடு/43704/அத்துரலியே-ரத்தன-தேரரின்-முனைப்பிலேயே-ஜனாதிபதி-மன்னிப்பு

3 hours ago, ampanai said:

ஜனாதிபதி மைத்திரிபால சிறிசேன தேச, சமூக மற்றும் நாகரீக துரோகியாக அடையாளப்படுத்தப்பட்டுள்ளார் என அரசியல் கைதிகளை விடுதலை செய்வதற்கான தேசிய இயக்கம் தெரிவிக்கின்றது.

இவோன் ஜோன்சனின் கொலையுடன் தொடர்புடைய குற்றவாளிக்கு பொதுமன்னிப்பு வழங்கப்பட்டமை தொடர்பில், அரசியல் கைதிகளை விடுதலை செய்வதற்கான தேசிய இயக்கத்தின் ஏற்பாட்டாளர் அருட்தந்தை சக்திவேல் கருத்து வெளியிடும் போதே இதனைக் குறிப்பிட்டார்.

தமிழர்களுக்கு எதிராக செயற்பட்ட பௌத்த பிக்குவான கலகொடஅத்தே ஞானசார தேரருக்கு நீதிமன்றம் கடூழிய சிறைத் தண்டனை விதிக்கப்பட்டிருந்த பின்னணியில், அவரை பொதுமன்னிப்பின் கீழ் விடுதலை செய்ய ஜனாதிபதி மைத்திரிபால சிறிசேன கடந்த காலங்களில் நடவடிக்கை எடுத்திருந்ததையும் அவர் சுட்டிக்காட்டினார்.

அதேபோன்று சமூக விரோதமாகவும், நாகரீகமற்ற முறையில் நடந்துக் கொண்டு, யுவதியொருவரை கொலை செய்த குற்றவாளிக்கு இன்று பொதுமன்னிப்பு வழங்கியுள்ளமையானது பாரதூரமான விடயம் என அவர் கூறுகின்றார்.

மஹிந்த ராஜபக்ச ஜனாதிபதியாக இருந்த போது, அவருடன் இரவு வேளையில் அப்பம் சாப்பிட்டு, அடுத்த நாள் எதிர் தரப்பில் அமர்ந்ததை போன்று, 2015ஆம் ஆண்டு தமிழர்களுடன் அமர்ந்து பொங்கல் உட்கொண்ட மைத்திரிபால சிறிசேன தமிழர்களுக்கு எதிராக திரும்பியிருந்ததாகவும் அருட்தந்தை சக்திவேல் கூறுகின்றார்.

 

இங்குருவத்தே சுமங்கல தேரரின் ஆர்ப்பாட்டத்தை கலைக்க முயற்சி

3 days 10 hours ago

(செ.தேன்மொழி)

ஸ்ரீலங்கா பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷவின் அமெரிக்கா பிரஜாவுரிமை நீக்கப்பட்டுள்ளதா என்பது தொடர்பில் மூன்று நாட்களுக்குள் நாட்டுக்கு தெரியப்படுத்துமாறு குறிப்பிட்டு கலாநிதி இங்குருவத்தே சுமங்கல தேரரால் நேற்று ஞாயிற்றுக்கிழமை முன்னெடுக்கப்பட்ட உண்ணாவிரத போராட்டத்தை கோத்தாபயவின் ஆதரவாளர்கள் கலைக்க முற்பட்டதாக குறிப்பிட்டு அவர்களின் செயற்பாட்டிற்கு எதிர்ப்பு தெரிவித்து அனைத்து இன மக்களையும் பிரதிநிதித்துவம் படுத்தும் வகையில் சிலர் ஆர்ப்பாட்டத்தில் ஈடுப்பட்டிருந்தனர். 

IMG_2711.jpg

சுதந்திர சதுக்கத்தின் முன்பாக இன்று இடம்பெற்ற இந்த ஆர்பாட்டத்தில் சுமார் 100 பேர் வரை இணைந்துக் கொண்டுள்ளனர். 

இதன்போது இவர்கள் கோத்தாபயவின் பிரஜாவுரிமை தொடர்பில் நாட்டுக்கு அறிவிக்குமாறும், இந்விடயம் தொடர்பில் மக்கள் விழிப்புடன் இருப்பதாகவும் என்று எழுதப்பட்ட பதாதைகளை கைகளில் ஏந்திருந்தனர். இதன்போது ஆர்பாட்டத்தில் ஈடுப்பட்டிருந்த நபர்களுள் ஒருவரான நாமல் விஜயமுனி சொய்ஸா என்பவர் கருத்து தெரிவித்தார்.

இன்று(நேற்று) நாங்கள் எந்த வேட்பாளருக்கும் ஆதரவளிப்தற்காகவும் , கோத்தாபயவிடம் எமக்கிருக்கும் தனிபட்ட முரண்பாட்டின் காரணமாகவும் இங்கு வரவில்லை. ஜனாதிபதி வேட்பாளருக்கான முதல் தமைதான் அவர் இந்நாட்டு பிரஜையாக இருக்க வேண்டும் என்பது. இதனை அவர் உறுதிபடுத்தாமல் தேர்தலில் போட்டியிடுவதானது ஏனைய வேட்பாளர்கள் 34 பேரை மட்டுமல்ல நாட்டு மக்கள் அனைவரையும் பாதிக்கும் செயலாகும்.

 

https://www.virakesari.lk/article/68747

இரண்டு நிபந்தனைகளையும் ஏற்றால் தேர்தலில் இருந்து விலகத் தயார் ;.சிவாஜிலிங்கம்

3 days 10 hours ago

இனப் பிரச்சினைக்கான நிரந்தரத் தீர்வு காணப்படும் வரை வடக்கு கிழக்கு இணைக்கப்படவேண்டும் மற்றும் ஒற்றையாட்சி பெளத்தத்திற்கு முதலிடம் என்பனவற்றை நிபந்தனைகளாக வைக்கமாட்டோம் திறந்த மனதுடன் மதத் தலைவர்கள் முன்னிலையில் ஜனாதிபதி வேட்பாளர் சஜித் வாக்குறுதி அளித்தால் நான் ஜனாதிபதித் தேர்தலில் இருந்து விலகுவேன் என எம்.கே.சிவாஜிலிங்கம் தெரிவித்தார்.

DSC_0005.JPG

தமிழ்த் தேசியக் கூட்டமைப்பின் தலைவர் இரா சம்பந்தன் தன்னை ஜனாதிபதித் தேர்தலில் இருந்து விலகுமாறு கோரியது தொடர்பாக கேட்டபோதே அவர்இதனைத் தெரிவித்தார்.

இது தொடர்பில் அவர் மேலும் தெரிவிக்கையில்

இலங்கைத் தீவிற்கு சுதந்திரம் கிடைத்தில் இருந்து 71 ஆண்டுகள் கடந்த நிலையில் சிங்களத் தலைவர் தமிழ்த்தலைவர்களை ஏமாற்றியே வந்துள்ளார்கள். இதில் தமிழ்த்தலைவர்களை ஏமாற்றிய கடைசி சிங்கத் தலைவர்களாக இன்றைய ஜனாதிபதி மைதிரிபால சிறிசேனவும் பிரதமர் ரணில் விக்கிரம சிங்கவுடன் இந்தப் பட்டியல் முடிவடையவேண்டும் என்பது தான் எங்களின் எதிர்பார்ப்பு 

இதனைப்போன்று சிங்களத் தலைவர்களினால் ஏமாற்றப்பட்ட தமிழ்த் தலைவர் வரிசையில் கடைசி இடத்தை இரா.சம்பந்தன் பெறுவதையும் நாங்கள் விரும்பவில்லை. எனவே தான் சம்பந்தன் ஐயாவின் கோரிக்கையை ஏற்று இரு நிபந்தனைகளை விதிக்க விரும்புகிறேன்.

குறிப்பாக ஜனாதிபதி வேட்பாளர் சஜித் பிரேமதஸ எனது இரு கோரிக்கைகளையும் ஏற்றுக்கொள்வாரானால் அந்தக் கோரிக்கைகளை திருகோணமலை மறைமாவட்ட ஆயரிடமும் தென்கையிலை ஆதீனத்திடமும் யாழ்ப்பாணம் சிம்மியா மிஷன் சுவாமிகளிடமும் கூட்டமைப்புத் தலைவர் சம்மந்தனிடமும் அவர்கள் திருப்திப்படும் விதத்தில் வாக்குறுதிகளை அவர் வழங்குவாராயிருந்தால் அந்த இரண்டு நிபந்தனைகளையும் நான் கூறவிரும்புகின்றேன் 

அதில் ஒன்று இன்றைய அரசியல் அமைப்பில் 19 திருத்தங்கள் அடங்கிய இன்றைய அரசிலமைப்பை நான் முழுமையாக கொண்டு நடத்துவேன் அதாவது 13 ஆவது திருத்தத்தில் காணி பொலிஸ் அதிகாரங்கள் உட்பட முழுமையாக .அதனை ஏற்றுக்கொண்டு நடைமுறைப்படுத்துவேன் என்பதை கூறவேண்டும் 

அத்துடன் இந்திய இலங்கை ஒப்பந்ததின் கீழ் வடக்கு கிழக்கு மாகாணங்கள் தற்காலிகமாக இணைக்கப்பட்டன அன்று இணைக்கப்பட்ட மாகாணங்கள் உயர் நீதிமன்றத் தீர்ப்பின் மூலம் பிரிக்கப்பட்டது. அந்த உயர் நீதி மன்றத் தீர்ப்பில் கூறப்பட்டுள்ளதாவது பாராளுமன்றத்தில் சாதாரண பெரும்பான்மை மூலம் மீண்டும் இணைத்துக்கொள்ளமுடியும் இன்று இருக்கக்கூடிய அரசிலமைப்பு சட்டத்தில் அருகருகாமையில் இருக்கக்கூடிய இரண்டு அல்லது மூன்று மாகாணங்கள் சாதாரண பெரும்பான்மை மூலம் இணைக்கப்படமுடியும். எனவே முன்பு இருந்த நிலைமைக்கு மீண்டும் வடக்கு கிழக்கு இணைப்பை இனப்பிரச்சினைக்கான நிரந்தரத் தீர்வு காணப்படும் வரை இணைக்கப்படவேண்டும் 

மற்றையது புதிய அரசியல் அமைப்பை உருவாக்குவதற்கான ஒரு அரசியல் நிர்ணய சபை அமைக்கப்பட்டு பேச்சுவர்த்தைகள் ஆரம்பிக்கப்படும் போது ஒற்றையாட்சி பௌத்தத்திற்கு முதலிடம் போன்ற நிபந்தனைகளை அரச தரப்பில் வைக்கமாட்டோம் என்ற நிபந்தனைகளுடன் திறந்த மனதுடன் வரவேண்டும் என்பதனை உறுதிப்படுத்துவார்களானால் மேற்குறித்த இரண்டு வாக்குறுதிகளையும் திருப்திப்படுத்தும் வகையில் உறுதிப்படுத்துவார்களானால் 14 ஆம் திகதிக்கு முன்னர் வழங்குவார்களானால் நான் ஜனாதிபதித் தேர்தலில் இருந்து விலகுவேன் என்பதனை ஊடகங்கள் ஊடாக பகிரங்கமாக அறிவிப்பேன் என்றார்.

 

https://www.virakesari.lk/article/68748

சஜித்தின் வெற்றியை புலனாய்வு அமைப்புக்கள் உறுதி செய்துள்ளது

3 days 11 hours ago

ஜனாதிபதி தேர்தலில் சஜித் பிரேமதாசவே வெற்றிபெறுவார் என்பதை புலனாய்வு அமைப்புகளின் அறிக்கைகளும், சிவில் அமைப்புகளின் கருத்துக் கணிப்புகளும் உறுதிப்படுத்தியுள்ளதாக கண்டி மாவட்ட நாடாளுமன்ற உறுப்பினர் வேலுகுமார் தெரிவித்துள்ளார்.

திகனயில் இடம்பெற்ற தேர்தல் பிரசாரக் கூட்டத்தில் கலந்துகொண்டு உரையாற்றிய போதே அவர் இவ்வாறு தெரிவித்துள்ளார். மேலும்,

இனவாதத்தையும், மதவாதத்தையும் கையிலெடுத்தால் ஜனாதிபதி தேர்தலில் இலகுவில் வெற்றிபெற்று விடலாம் என்பதே ராஜபக்ஷக்களின் பிரசார வியூகமாக இருந்தது. இதற்காகவே விமல்வீரவன்ச, உதய கம்மன்பில உட்பட மேலும் பலர் அரசியல் மேடைகளில் இனவாதத்தை கக்கினர். மதவாதத்தை தூண்டினர். ஆனால் பெரும்பாலான சிங்கள மக்கள் இவற்றை நிராகரித்தனர்.

இந்நிலையில் தமிழ் தேசியக் கூட்டமைப்பு, சஜித்துக்கு ஆதரவளிக்கும் முடிவை எடுத்தால் அதனை வைத்து சிங்கள, பௌத்த வாக்குகளை வேட்டையாடி விடலாம் எனவும் திட்டம் போட்டனர். எனினும், களநிலைவரத்தை சிறப்பாக ஆராய்ந்து, தந்திரோபாய விட்டுக் கொடுப்புடன் நிபந்தனையற்ற ஆதரவை சஜித் பிரேமதாசவுக்கு வழங்குவதற்கு தமிழ்த தேசியக் கூட்டமைப்பு முன்வந்தனர்.

இதேவேளை, சஜித் பிரேமதாசவின் வெற்றி உறுதியென புலனாய்வு அமைப்புகள் அறிக்கை சமர்ப்பித்துள்ளன. அரச சார்பற்ற அமைப்புகளால் நடத்தப்பட்ட கருத்து கணிப்புகளிலும் இது உறுதியாகியுள்ளது.

சில மாவட்டங்களில் மஹிந்தவுக்கு ஆதரவு இருந்தாலும், அதற்கு சமாந்தரமாக சஜித் அலையும் வீசுகின்றது. ஆனால், சஜித்துக்கு சாதகமாக உள்ள மாவட்டங்களில், சஜித் 100 வீதம் என்றால் மஹிந்த 35 வீதம் என்ற நிலையே இருக்கின்றது. அதாவது 65 சதவீத மேலதிக வாக்குகளால் மாவட்டங்களை சஜித் கைப்பற்றும் சூழ்நிலை உருவாகியுள்ளது.

அந்த வெற்றியை வரலாற்று வெற்றியாக மாற்றியமைப்பதே எமது இலக்காகும். அதற்காகவே தீவிரமாக செயற்பட்டுவருகின்றோம். சஜித்தால் மட்டுமே நாட்டில் நீடித்து நிலைக்ககூடிய நிலையான சமாதானத்தையும், நிலைபேண்தகு அபிவிருத்தியையும் ஏற்படுத்த முடியும் – என்றார்.

https://newuthayan.com/சஜித்தின்-வெற்றியை-புலனா/

அமெரிக்க பிரஜாவுரிமையைக் கைவிட்டிருப்பதற்கான முறையான ஆதாரங்களை கோத்தாபய சமர்ப்பிக்கவில்லை : ஜனாதிபதி சட்டத்தரணிகள் குழு

3 days 11 hours ago

(நா.தனுஜா)

கோத்தபாய ராஜபக்ஷ அமெரிக்காவின் பிரஜாவுரிமையை நீக்கிக் கொண்டிருக்கிறார் என்பதை நம்புவதற்குக் கடினமாக உள்ளது.

EI-U7fIUwAA7NKG.jpg

அமெரிக்க பிரஜாவுரிமையைக் கைவிட்டிருப்பதற்கான முறையான ஆதாரங்கள் எதுவும் தற்போதுவரை கோத்தாபய ராஜபக்ஷவினால் சமர்ப்பிக்கப்படவில்லை.

அமெரிக்க குடியுரிமையைக் கைவிட்டோரின் பெயர்கள் அடங்கிய மூன்றாவது பட்டியலிலும் கோத்தாபயவின் பெயர் உள்ளடங்கியிருக்காத நிலையில், அமெரிக்கப் பிரஜாவுரிமையை தான் கைவிட்டிருப்பதை உறுதிப்படுத்தி அறிவித்தலொன்றை விடுக்குமாறு அமெரிக்கத் தூதரகத்திடம் கோத்தாபய ராஜபக்ஷ கோராதது ஏன் என்று ஜனாதிபதி சட்டத்தரணிகள் குழுவொன்று கேள்வி எழுப்பியுள்ளது.

ஸ்ரீலங்கா பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷவின் அமெரிக்க பிரஜாவுரிமை தொடர்பில் பல்வேறு சர்ச்சைக்குரிய கருத்துக்கள் எழுந்திருக்கும் நிலையில் ஜனாதிபதி சட்டத்தரணிகளான உபுல் ஜயசூரிய, பர்ஹான் காசீம், திஸத் விஜயகுணரத்ன, எம்.சி.ஜயலால் ஆகியோரால் இன்று கொழும்பிலுள்ள ஹில்டன் ஹோட்டலில் ஏற்பாடு செய்யப்பட்டிருந்த ஊடகவியலாளர் சந்திப்பிலேயே இவ்வாறு கூறப்பட்டது.

அங்கு மேலும் குறிப்பிடப்பட்டதாவது:

ஜனாதிபதித் தேர்தலில் களமிறங்கியிருக்கும் கோத்தபய ராஜபக்ஷ்வின் அமெரிக்கக் குடியுரிமை தொடர்பில் தற்போது ஏற்பட்டுள்ள சட்டரீதியான பிரச்சினைகள் மற்றும் சர்ச்சைகள் தொடர்பில் நேற்று  சட்டத்தரணிகள் குழுவொன்றினால் ஊடகவியலாளர் சந்திப்பொன்றில் சில கருத்துக்கள் வெளியிடப்பட்டன. 

ஏனெனில் கோத்தாபய ராஜபக்ஷவிற்கு சார்பில் வெளியிடப்பட்ட அக்கருத்துக்களை சட்டத்தரணிகள் என்ற ரீதியில் ஏற்றுக்கொள்ள முடியாமல் இருப்பதால் இதுகுறித்து தெளிவுபடுத்த வேண்டுமென்று கருதுகின்றோம்.

இவ்விடயம் தொடர்பில் ஏற்கனவே மேன்முறையீட்டு நீதிமன்றத்தில் வழக்குத்தாக்கல் செய்யப்பட்டது. 

அதற்கு எதிராக பிரதிவாதிகளால் ஏதேனும் கருத்துக்கள் முன்வைக்கப்படுகின்றதா என்று ஆராய்ந்த பின்னரே அவ்வழக்கை விசாரணைக்கு எடுத்துக்கொள்வதா? இல்லையா? என்ற தீர்மானம் மேற்கொள்ளப்படும். அந்தவகையில் கோத்தாபய ராஜபக்ஷவின் சட்டத்தரணிகளால் குறித்த வழக்கிற்கு எதிராக சில காரணிகள் முன்வைக்கப்பட்டன. 

இத்தகைய வழக்கொன்றைத் தாக்கல் செய்வதற்கு மனுதாரர்கள் சட்டரீதியான உரித்துடையவர்களா, மனுதாரர்கள் காலந்தாழ்த்தி இவ்வழக்கைத் தாக்கல் செய்துள்ளனர், தாக்கல் செய்யப்பட்டுள்ள மனுவில் அவசியமான தரப்பினர் தொடர்புபடுத்தப்படவில்லை, இன்னமும் விசாரணைகள் இடம்பெற்றுவரும் விவகாரமொன்று தொடர்பில் நீதிமன்றில் விசாரணைகளை மேற்கொள்ள முடியுமா ஆகிய எதிர்ப்புக்களே கோத்தாபயவின் சட்டத்தரணிகளால் முன்வைக்கப்பட்டிருந்தன.

முன்னாள் பாதுகாப்புச் செயலாளர் கோதபாய ராஜபக்ஷ அமெரிக்க கடவுச்சீட்டைப் பயன்படுத்தி சுற்றுலாப்பயண வீசாவில் இலங்கைக்கு வருகைதந்து அரசியல் செயற்பாடுகளில் ஈடுபட்டமை, இரட்டைப் பிரஜாவுரிமையை முறையாகப் பெற்றுக்கொள்ளாமை, வெளிநாட்டுப் பிரஜாவுரிமையை முறையாக நீக்கிக்கொள்ளாமல் இந்நாட்டுப் பிரஜாவுரிமையைப் பெற்றுக்கொண்டமை ஆகிய காரணிகளை உள்ளடக்கி நீதவான் நீதிமன்றத்தில் 2019 செப்டெம்பர் மாதம் வழக்கொன்று தாக்கல் செய்யப்பட்டிருந்தது.

அவ்வழக்கின் விசாரணைகள் முடிவடையாத நிலையில், மேன்முறையீட்டு நீதிமன்றத்தினால் இதுகுறித்து விசாரணை மேற்கொண்டு தீர்ப்பு வழங்கமுடியாது என்றே நீதிபதிகள் தமது அறிக்கையில் சுட்டிக்காட்டினர்.

அதேவேளை அவ்வறிக்கையில் 34 ஆம் பக்கத்தில் முக்கியமான விடயமொன்று குறிப்பிடப்பட்டுள்ளது. அதாவது மேன்முறையீட்டு நீதிமன்றத்தினால் வழங்கப்படும் தீர்ப்பானது, ஏற்கனவே நீதவான் நீதிமன்றத்தில் தாக்கல் செய்யப்பட்டுள்ள வழக்கு தொடர்பில் விசாரணை செய்வதற்கும் அடுத்தகட்ட நடவடிக்கைகளை மேற்கொள்வதற்கும் எவ்வகையில் இடையூறாக அமையாது என்று அதில் கூறப்பட்டள்ளது.

இந்நிலையில் இம்முறை ஜனாதிபதித் தேர்தலுக்கான வேட்புமனுக்கள் தாக்கல் செய்யப்பட்ட வேளையில், மக்களின் வாக்குரிமையின் ஜனநாயகத்தன்மையை உறுதிசெய்வதற்காக சுயாதீன தேர்தல்கள் ஆணைக்குழுவின் ஆணையாளர்கள் விசேட தீர்மானமொன்றை மேற்கொண்டிருந்தார்கள். 

அதாவது தமது வேட்புமனுவுடன் 'நான் வேறு எந்த வெளிநாட்டினதும் குடியுரிமையைக் கொண்டிருக்கவில்லை' என்ற உறுதிப்பத்திரத்தையும் அனைத்து வேட்பாளர்களும் கையளிக்க வேண்டுமென்பதே அதுவாகும்.

வேறு ஏதேனும் நாட்டின் குடியுரிமையைக் கொண்டிருந்தவர்கள் இருப்பார்களாயின், அவர்கள் அதனை நீக்கிக்கொண்டமைக்கான ஆதாரங்கள் அனைத்தையும் சமர்ப்பிப்பதற்கான வாய்ப்பை வழங்கும் விதமாகவுமே அத்தகையதொரு தீர்மானம் மேற்கொள்ளப்பட்டிருந்தது.

எனினும் தேர்தல்கள் ஆணையாளரிடமிருந்து நாம் பெற்றுக்கொண்ட தகவல்களின் பிரகாரம், கோத்தாபய ராஜபக்ஷ அவரது வேட்புமனுவுடன், வேறு நாட்டின் பிரஜாவுரிமையைக் கொண்டிருக்கவில்லை என்ற உறுதிப்பத்திரத்தை சமர்ப்பித்திருக்கிறார். 

ஆனால் நேற்று அமெரிக்கப் பிரஜாவுரிமையைக் நீக்கிக் கொண்டிருப்பதாக ஊடகங்களிடம் காண்பித்த ஆவணங்கள் எதனையும் தேர்தல்கள் ஆணைக்குழுவில் சமர்ப்பித்திருக்கவில்லை. இந்த ஆவணங்களை வேட்புமனுத்தாக்கலின் போதே கையளிப்பதற்கான சந்தர்ப்பம் கோத்தாபயவிற்கு இருந்தது. எனினும் இருவாரங்களுக்கு முன்னர் குறித்த ஆவணங்களை தேர்தல்கள் ஆணைக்குழுவிடம் காண்பித்ததாக கோத்தாபய தரப்பு சட்டத்தரணிகள் நேற்று கூறினார்கள்.

எனின் அதனைச் செய்வதற்கு வேட்புமனுத்தாக்கலின் பின்னர் இவ்வாறு நாட்கள் காலந்தாழ்த்தியது ஏன்? அவற்றின் பிரதிகளை ஏன் சமர்ப்பிக்கவில்லை? என்ற கேள்விகள் எழுகின்றன என ஜனாதிபதி சட்டதரணிகள் குழு தெரிவித்துள்ளமை குறிப்பிபடத்தக்கது.

https://www.virakesari.lk/article/68742

12 ஆயிரம் போராளிகளை விடுவித்த நன்றிக்காக மொட்டை ஆதரிக்கின்றோம் ;புனர்வாழ்வளிக்கப்பட்ட விடுதலை புலிகள் கட்சி தலைவர்

3 days 11 hours ago

12 ஆயிரம் போராளிகளை விடுவித்த நன்றிக்காக மொட்டை ஆதரிக்கின்றோம் என புனர்வாழ்வளிக்கப்பட்ட விடுதலை புலிகள் கட்சி தலைவர் க.இன்பராசா தெரிவித்தார். 

vlcsnap-1914-08-09-17h28m02s438.png

கிளிநொச்சியில் இடம்பெற்ற ஊடகவியலாளர்  சந்திப்பின்போதே அவர்  இவ்வாறு தெரிவித்தார். 

குறித்த ஊடகவியலாளர் சந்திப்பு இன்று பகல் கிளிநொச்சியில் அமைந்துள்ள தனியார் விடுதி ஒன்றில் இடம்பெற்றது. 

கடந்த ஆட்சியில் 12 போராளிகள் புனர்வாள்வளிக்கப்பட்டு விடுவிக்கப்பட்டனர். இந்த நல்லாட்சி அரசாங்கத்தில் எதையும் அவர்கள் செய்யவில்லை. சாதாரணமாக அரசியல் கைதியான ஆனந்தசுதாகரனை விடுதலை செய்வதாக கூறப்பட்ட போதிலும் அவரைகூட இவர்களால் விடுதலை செய்ய முடியவில்லை. அரசியல் கைதிகள் தொடர்ந்தும் சிறைகளிலேயே வாழ்கின்றனர். 

இந்த நிலையில் மொட்டுக்கு வாக்களியுங்கள் என அவர் தெரிவித்தார். மொட்டுக்கு வாக்களியுங்கள். ஒன்றில் முழுமையாக எம்மை அழிக்கட்டும் அல்லது சிறையில் உள்ள 132ற்கு மேற்பட்ட அரசியல் கைதிகளை விடுதலை செய்யட்டும் எனவும் அவர் தெரிவித்தார். 

தமிழ் தேசிய கூட்டமைப்பு தொடர்பில் விமர்சனங்களை முன் வைத்த அவர், எந்த வாக்குறுதியின் அடிப்படையில் தமிழ் தேசிய கூட்டமைப்பு அன்னத்திற்கு தமது ஆதரவினை வழங்கியது எனவும் வினாவெழுப்பினார். 

எம்மைப் பொறுத்தவரையில் இரு அரசியல் தலைவைர்களும் தராசு போன்றவர்கள். யார் வந்தாலும் எமக்கு ஒன்றும் கிடைக்கப்போவதில்லை எனவும் அவர் இதன்போது தெரிவித்தார்.

https://www.virakesari.lk/article/68745

பிரபாகரனின் தங்கம், வெளிநாட்டுப் பணம் குறித்து கடத்தலில் தப்பித்ததாகக் கூறப்படும் நபர் தெரிவித்துள்ள தகவல்!

3 days 12 hours ago

Published on 2019-11-11 10:24:10

 
 

(செ.தேன்­மொழி)

உள்­நாட்டு யுத்தம் முடி­வுற்­றதன் பின்னர் முன்­னைய ஆட்­சி­யா­ளர்கள் பிர­பா­க­ர­னுக்கு சொந்­த­மான பல சொத்­துக்­களை கொள்­ளை­யிட்­ட­தாக, வெள்ளை வேனில் கடத்திக் கொலை செய்ய முயற்­சிக்­கப்பட்­ட­தாக கூறப்­படும் முச்­சக்­கர வண்டி சார­தி­யான அத்­துல சஞ்­சீவ மத­நா­யக்க என்­பவர் தெரி­வித்தார்.
 

kindnap.jpg

கிரு­ளப்­ப­னையில் அமைந்­துள்ள ஜன­நா­யக தேசிய அமைப்பு காரி­யா­ல­யத்தில் நேற்று ஞாயிற்­றுக்­கி­ழமை சுகா­தார அமை ச்சர் ராஜித சேனா­ரத்­னவின் தலை­மையில் விசேட ஊட­க­வி­ய­லாளர் சந்­திப்­பொன்று இடம்­பெற்­றது. அந்த செய­்தி­யாளர் மாநாட் டில் கலந்­து­கொண்ட அத்­துல சஞ்­சீவ மத­நா­யக்க இந்த தக­வல்­களை வெளிப்­ப­டுத்­தினார்.

இவர் மேலும்  குறிப்­பி­டு­கையில்,

விடு­தலைப் புலி­களின் தலை­வ­ரான பிர­பா­க­ரனின் பெருந்­தொ­கை­யான சொத்­துக்­களை முன்­னைய ஆட்­சி­யா­ளர்கள் கொள்­ளை­யிட்­டனர். முன்­னைய ஆட்­சியின் பாது­காப்பு அதி­கா­ரியின் ஆலோ­ச­னையின் பெய­ரிலே இந்த கொள்ளைத் திட்­டங்கள் செயற்­ப­டுத்­தப்­பட்­டன.

இவ்­வாறு பிர­பா­க­ர­னுக்கு சொந்­த­மான 80 இலட்சம் பெறு­ம­தி­யான யூரோக்­களும், 200 கிராம் தங்க கூறுகள் இரண்டும் நகை விற்­பனை நிலை­ய­மொன்றில் விற்­பனை செய்­வ­தற்­காக யாழில் இருந்து நப­ரொ­ரு­வரால் எடுத்­து­வ­ரப்­பட்­டன. இந்த விட­யத்தை அறிந்த அந்த விற்­பனை நிலை­யத்தின்  ஊழியர் ஒருவர்  எனக்குத் தெரி­வித்தார். இதனைக் கொள்­ளை­யிட்டால் எமக்கு பெருந்­தொ­கை­யான பணத்தை பெற்­றுக்­கொள்ள முடியும் என்றார். பின்னர் நான் அந்த பணத்­தையும், தங்­கத்­தையும் கொண்டு வந்த நப­ரி­ட­மி­ருந்து அவற்றை கொள்­ளை­யிட்டேன்.

இந்த விடயம் தொடர்பில் தெரி­ய­வந்­ததை அடுத்தே முன்­னைய அரசின் பாது­காப்பு அதி­காரி  என்னை கடத்­து­மாறு அறி­வு­றுத்­தி­யுள்ளார்.பின்னர் சிலர் என்னை கடத்திச் சென்று மறைத்து வைத்­தி­ருந்­தனர். அப்­போது அவர்கள் எனது புகைப்­ப­டத்தை காண்­பித்து 'நீதானே இது' என்று கேட்­டார்கள். பின்னர் தொலை­பே­சியில் ஒரு­வரை தொடர்புகொண்டு 'சேர் நீங்கள் கூறிய நபரை கடத்தி விட்டோம்' என்று தெரி­வித்­தார்கள்.

இதன்­போது அவர்கள் எனக்கு தேநீரும், தண்­ணீரும் பருகக் கொடுத்­தார்கள். நான் அவர்­க­ளிடம் இறு­தி­யாக ஒரு தடவை என் மனை­வி­யிடம் பேச அனு­மதி தாருங்கள் என்று கேட்டேன். அதற்கு அவர்கள் அனு­மதி வழங்­கினர். நான் என் மனை­வியை தொடர்பு கொண்டு 'நான் மீண்டும் வரு­வேனா என்று சொல்ல முடி­யாது அதனால் நீ பிள்­ளை­க­ளுடன் கவ­ன­மாய் இரு' என்று கூறி­விட்டு அழைப்பைத் துண்­டித்து விட் டேன்.

மறுநாள் காலை மீண்டும் எனது முகத்தை மூடி வேறொரு இடத்­திற்கு அழைத்து வந்­தார்கள், பத்­த­ர­முல்லை பகு­திக்கே இவ்­வாறு என்னை அழைத்து வந்­தனர். அங்­குள்ள பெரிய மாளிகை ஒன்றில் நான் 17 நாட்கள் தடுத்து வைக்­கப்­பட்டேன். பிறகு ஒருவர் வந்து நாங்கள் யார் என்று தெரி­யுமா? ஏன் உன்னை கடத்தி வைத்­துள்ளோம் என்று தெரி­யுமா என்று கேட்­டார்கள். குறித்த பாது­காப்பு அதி­காரி ஒருவர்  தானே என்னை கடத்தச் சொன்னார் என்று நான் கேட்டேன். ஆம் ஏன் கடத்த சொன்னார் என்று தெரி­யுமா? என்று அவர்கள் கேட்­டார்கள்.  பின் னர் நான் யாழில் இருந்து கொண்டு வரப்­பட்ட பணத்­தையும் நகை­யையும் கொள்­ளை­யிட்­ட­தி­னால்­தானே என்னைக் கடத்­தி­யுள்­ளீர்கள் என்று கேட்டேன். ஆம் அதற்­காக தான் கடத்­தி­யுள்ளோம். நாங்கள் யார் தெரி­யுமா? நாங்கள் பயங்­க­ர­வாத விசா­ர­ணைப்­பி­ரி­வினர். பயங்­கர வாத தடுப்பு சட்­டத்தின் கீழே நீ கைது செய்­யப்­பட்­டுள்ளாய் என்று கூறி­னார்கள்.

பின்னர் அவர்­க­ளுக்கு என்னை நீதி மன்­றத்தில் ஆஜர்­ப­டுத்­துங்கள் என்று தெரி­வித்தேன்.  ஆனால் அவர்கள் என்னை அந்த மாளி­கையில் 17 நாட்கள் தடுத்து வைத்­தனர். இதன்­போது எனது மனைவி இந்த கொள்ளைச் சம்­ப­வத்­துடன் தொடர்­பு­டைய மற்­றை­ய­வர்­களும் சட்­ட­த­ர­ணியின் மூலம் மன்றில் ஆஜ­ரா­கி­யதை அடுத்து பயங்­க­ர­வாத விசா­ரணைப் பிரி­வினர் என்னை கொலை செய்­யாமல் தெமட்­ட­கொட குற்­றத்­த­டுப்பு பிரி­வி­ன­ரிடம் என்னை ஒப்­ப­டைத்­தனர்.

பின்னர் நான் சிறை­வைக்­கப்­பட்டு கடந்த மார்ச் மாதம் 29 ஆம் திக­தியே சரீர பிணையில் விடு­விக்­கப்­பட்டேன். இந்த விவ­காரம் தொடர்பில் எனக்கு தக­வலை வழங்­கி­யவர் நான் கடத்­தப்­பட்டேன் என்று தெரிந்­த­வுடன் இந்­தி­யா­வுக்கு தப்பிச் சென்று விட்டார். கொள்ளைச் சம்­பவம் தொடர்பில் எனக்கு எதி­ராக வழக்கு விசா­ர­ணைகள் இடம்­பெற்று வரு­கின்ற போதிலும். இந்த சொத்­துகள் தொடர்பில் தக­வல்கள் வழங்­கப்­பட வேண்டும் என்­ப­தினால் நான் துப்­பாக்கி மற்றும் கைக்­குண்­டு­க­ளுடன் கைதுசெய்யப்பட்டதாக ஆவணங்கள் மாற்றியமைக்கப்பட்டு அதில் முன்னாள் ஜனாதிபதி கையொப்பமிட்டுள்ளார். இவ் வாறு துப்பாக்கிகள் மற்றும் கைக்குண்டுகளை வைத்திருந்தவர்கள் யாராவது வெறும் சரீர பிணையில் விடுவிக்கப்பட்டுள்ளார்களா? இவர்கள் அந்த பணத்தை கொள்ளையிட்டு விட்டு அதனை மறைப்பதற்காகவே இவ் வாறான சூழ்ச்சியை செய்துள்ளனர்.

https://www.virakesari.lk/article/68676

இந்தியாவா? சீனாவா? - தேர்லுக்குப் பின் இலங்கை எந்தப் பக்கம்?

3 days 15 hours ago
இந்தியாவா? சீனாவா? - தேர்லுக்குப் பின் இலங்கை எந்தப் பக்கம்?

கடந்த தேர்தலில் மஹிந்த ராஜபக்ஷ தோல்வியின் பின்னணியில் இந்தியா முக்கிய பங்காற்றியதாக அவரது ஆதரவாளர்கள் குற்றம்சாட்டினர். ஆனால் தேர்தலில் ஐக்கிய தேசியக் கட்சி வெற்றி பெற்ற பிறகு இலங்கையில் சீன முதலீடுகள் ஏதும் பாதிக்கப்படவில்லை.

இந்தப் பின்னணியில் இப்போது நடக்கும் ஜனாதிபதி தேர்தல் இலங்கையின் சீனா மற்றும் இந்தியாவுடனான உறவுகளை எப்படிப் பாதிக்கும்? இலங்கையில் இருந்து இது குறித்து ஆராய்கிறார் பிபிசி தமிழ் செய்தியாளர் முரளிதரன் காசிவிஸ்வநாதன்.

காணொளிப் பதிவு தொகுப்பு: ஜெரின் சாமுவேல்

https://www.bbc.com/tamil/sri-lanka-50369034

யாழ். முஸ்லிம்கள் ஜனாதிபதித் தேர்தலில் பெரும்பான்மை தமிழ் மக்களால் விரும்பப்படும் வேட்பாளருக்கே ஆதரவு

3 days 17 hours ago
யாழ். முஸ்லிம்கள் ஜனாதிபதித் தேர்தலில் பெரும்பான்மை தமிழ் மக்களால் விரும்பப்படும் வேட்பாளருக்கே ஆதரவு

கடந்த ஐந்தாம் திகதி யாழ்.முஹம்மதியா ஜூம்மா பள்ளிவாசலில் யாழ்.அனைத்துப் பள்ளிவாசல் சம்மேளனத்தின் தலைவர் எஸ்.ஏ.சி.முபீன் தலைமையில் நடைபெற்ற சம்மேளனத்தின் நிர்வாகிசபை கூட்டத்தில் இனங்களுக்கிடையிலான சமாதான சமத்துவ புரிந்துணர்வுடன் கூடிய ஐக்கியமான செயற்பாடுகளில் சம்மேளனம் செயற்படவேண்டும் என்று கூட்டத்தில் கலந்துகொண்ட சம்மேளனத்தின் நிர்வாகிகளினால் கருத்து வலியுறுத்தப்பட்டது.

மேற்படி கருத்திற்கு இனங்க ஜனாதிபதித் தேர்தலில் பெரும்பான்மை தமிழ் மக்ளினால் விரும்பப்படும் வேட்பாளருக்கே தமிழ்பேசும் யாழ்.முஸ்லிமக்களாகிய நாம் ஆதரவு அளித்து ஒத்துழைப்பு வழங்கவேண்டும் என் று ஏக மனதாகத் தீர்மானிக்கப்பட்டுள்ளமை குறிப்பிடத்தக்கது.இந்நிலையில் ஜனாதிபதித் தேர்தலில் பெரும்பான்மை தமிழ் மக்களால் விரும்பப்படும் வேட்பாளருக்கே தமிழ் பேசும் யாழ். முஸ்லிம் மக்களாகியநாமும் ஆதரவு அளித்து ஒத்துழைப்பு வழங்குவோம் என யாழ்.அனைத்து பள்ளிவாசல் சம்மேளனம் அறிவித்துள்ளது.

 

http://www.samakalam.com/செய்திகள்/யாழ்-முஸ்லிம்கள்-ஜனாதிப/

சாவகச்சேரியில் ரவிராஜ் ஞாபகார்த்த விருதுகள் வழங்கப்பட்டன

3 days 17 hours ago
சாவகச்சேரியில் ரவிராஜ் ஞாபகார்த்த விருதுகள் வழங்கப்பட்டன
சாவகச்சேரியில் ரவிராஜ் ஞாபகார்த்த விருதுகள் வழங்கப்பட்டன

படுகொலை செய்யப்பட்ட நாடாளுமன்ற உறுப்பினர் மாமனிதர் நடராஜா ரவிராஜ் அவர்களின் 13ம் ஆண்டு நினைவேந்தலை முன்னிட்டு – சாவகச்சேரியில் நேற்று இடம்பெற்ற ரவிராஜ் நினைவுப் பேருரையின் போது, மூன்று விருதுகள் வழங்கப்பட்டன.நீராவியடிப் பிள்ளையார் ஆலயம், கன்னியா வெந்நீருற்று பிள்ளையார் ஆலயம் உள்ளிட்ட ஆலயங்களை பாதுகாப்பதற்கான செயற்பாடுகளை மேற்கோண்டதற்காக, சிவசிறி விக்னராஜா ஐயர் பாலகுமார குருக்கள் அவர்களுக்கு “சைவத் தமிழ் மரபுரிமை காவலுக்கான விருது”, வழங்கப்பட்டது.

முகநூலில் பலரையும் ஒருங்கிணைத்து அநீதிக்கு எதிரான போராட்டங்களை நடத்தியதற்காக, “சமூக ஊடகங்கள் மூலம் ஒருங்கிணைப்பு செயற்பாடு விருது” தசைத் திறன் குறைபாடு நோயினால் பாதிக்கப்பட்டவரான ஊடகவியலாளர் ஞானப்பிரகாசம் பிரகாஸ் அவர்களுக்கு வழங்கப்பட்டது.

நந்திக்கடல் பேசுகிறது நூலை வெளியிட்டமைக்காக “போருக்கு பின்னரான ஆவணப்படுத்தல் விருது”- ஊறுகாய் இணைய ஊடகத்தின் இயக்குனர் நந்தகுமார் சஞ்சை மற்றும் “நந்திக்கடல் பேசுகிறது” நூலின் தொகுப்பாளரான ஊடகவியலாளர் ஜெரா தம்பி ஆகியோருக்கு வழங்கப்பட்டது.அரசியல் சட்டம் மற்றும் சமாதானத்தைக் கட்டியெழுப்புதலுக்கான ரவிராஜ் நிறுவனத்தினால், சமூகத்துக்கான பங்களிப்பை அங்கீரித்து அமரர் ந.ரவிராஜ் ஞாபகார்த்த விருதாக மூன்று விருதுகள் வழங்கப்பட்டன.இந்த விருதுகளை தமிழ் தேசிய கூட்டமைப்பின் தலைவர் இரா.சம்பந்தனும், அதற்கான சான்றிதழ்களை இலங்கை தமிழரசு கட்சியின் தலைவர் மாவை சேனாதிராஜாவும் வழங்கினர்.(15)raviraj-viruthu-111119-seithy (1)raviraj-viruthu-111119-seithy (3)

 

http://www.samakalam.com/செய்திகள்/சாவகச்சேரியில்-நேற்று-மா/

பல்கலைக்கழக மாணவர்கள் முயற்சிகளும் கற்றுக் கொண்ட பாடங்களும்.

3 days 19 hours ago
பல்கலைக்கழக மாணவர்கள் முயற்சிகளும் கற்றுக் கொண்ட பாடங்களும்.

November 10, 2019

tmk1.png?zoom=3&resize=335%2C112

ஜனாதிபதி தேர்தல் 2019 தொடர்பில் தமிழர்களின் பலத்தை வெளிப்படுத்த வடக்கு கிழக்கு பல்கலைக்கழக மாணவர்கள் 06 (ஆறு) கட்சிகளை இணைத்து ஒரு பொது நிலைப்பாட்டை எடுக்க ஒரு பெரும் முயற்சி செய்தனர். இதில் 5 கட்சிகள் பிரதான ஜனாதிபதி வேட்பாளர்களிடம் 13 கோரிக்கைகளை முன்வைப்பதென ஒருமித்த முடிவை எடுத்திருந்தனர். இதன் அடிப்படையில் ஜனாதிபதி தேர்தல் தொடர்பான சகல விடயங்களிலும் 5 கட்சிகளும் ஒருமித்து இணைந்தே கலந்துரையாடல்களில் கலந்துகொள்வது என்றும் ஏகமனதாக முடிவு செய்யப்பட்டது.

இதன் பொருட்டு ஆரம்ப நடவடிக்கைகளாக (1) மேற்படி 13 கோரிக்கைகளை ஆங்கிலத்திற்கு மொழிபெயர்ப்பு செய்வது (2) அவ்வாறான சந்திப்புகளுக்கான நேர ஒதுக்கீடுகளை ஏற்பாடு செய்வது ஆகிய பணிகளை திரு.சுமந்திரன் அவர்கள் பொறுப்பேற்றுக் கொண்டார். தபால் மூல வாக்கெடுப்புக்கு மிகக்குறுகிய காலமே இருந்த காரணத்தால் மேற்படி பணிகள் இரண்டும் விரைவாக செய்யப்பட வேண்டியிருந்தது. எனினும் துரதிஷ;ட வசமாக குறித்த பணிகள் உரிய காலத்தில் நடைபெற எந்தவிதமான முயற்சிகளும் மேற்கொள்ளப்படவில்லை. காலம் கடத்துவதிலேயே சிலர் கண்ணாக இருந்தார்கள். ஒக்டோபர் 28ந் திகதி ஐந்து கட்சிகளும் கூடிய போது திரு.மாவை சேனாதிராசா அவர்கள் 30ந் திகதிக்கு ஒத்தி வைக்கக்கோரி 30ந் திகதிக்கு ஐந்து கட்சிக் கூட்டம் ஒத்திவைக்கப்பட்டது. ஒக்டோபர் 28ந் திகதி வரை 13 கோரிக்கைகளை ஆங்கில மொழிக்கு மாற்றக் கூட நடவடிக்கை ஏதும் எடுக்கப்பட்டிருக்கவில்லை.

காலம் செல்லச் செல்ல தமிழ் மக்கள் கூட்டணியின் அலுவலகத்திற்கும் செயலாளர் நாயகத்திற்கும் நாளாந்தம் பல தொலைபேசி அழைப்புக்கள் தேர்தலுக்கு வாக்களிப்பது சம்பந்தமாக வழிகாட்டுதல்கள் கேட்டு மக்களிடமிருந்து வந்த வண்ணம் இருந்தன. இப்படியான ஒரு இக்கட்டான சூழ்நிலையில் செயலாளர் நாயகம் அவர்கள் அன்றிருந்த நிலையையும் தபால்மூல வாக்களிப்பு தொடங்குவதற்கு ஒரு சில தினங்களே இருந்த நிலையையும் கருத்திற்கொண்டு உடனே 13 தமிழ் மூல கோரிக்கைகளை ஆங்கிலத்திற்குத் தாமே மொழிபெயர்த்து மூன்று முக்கிய ஜனாதிபதி வேட்பாளர்களுக்கு நேரடியாகவே தமது கட்சி சார்ந்த ஒருவரால் கையளித்து குறித்த 13 கோரிக்கைகளையும் பற்றி நேரடியாக வேட்பாளர்களுடன் பேச சந்திப்பை வேண்டியிருந்தார். இருவர் 13 கோரிக்கைகளையும் நிராகரித்து பத்திரிகையில் செய்தி அனுப்பினர்.

மூன்றாமவர் எதுவுமே பேசாதிருந்துவிட்டு பின்னர் 13 கோரிக்கைகளையும் நிராகரிப்பதாகப் பத்திரிகை மூலம் அறிவித்தார். இந்த நிலையில்த் தான் தமிழ் மக்கள் கூட்டணியின் நிலைப்பாடாக தமிழ் மக்கள் இத் தேர்தலை எவ்வாறு எதிர்கொள்ள வேண்டும் என்ற ஒரு முடிவை எமது செயலாளர் நாயகம் அறிவித்திருந்தார். இவ்வறிவித்தல் தபால் மூல வாக்களிப்பு நாளுக்கு இரண்டு நாட்களுக்கு முன்னரே அவசர அவசரமாக பத்திரிகைகளுக்கு அறிவிக்கப்பட்டது.

இக்கட்டான சூழ்நிலையில் மேற்கொள்ளப்பட்ட இந்த அறிவிப்பு சில வாத பிரதிவாதங்களை ஏற்படுத்தியதுடன் மாணவர்கள் முயற்சியிலும் ஒரு பின்னடைவை ஏற்படுத்தியதாக கருத்துக்கள் முன்வைக்கப்பட்டு வருகின்றன. இது மிகவும் துரதிஷ;டவசமானது. எமது கட்சி எல்லா சந்தர்ப்பத்திலும் மாணவர்கள் முயற்சி வெற்றி பெற வேண்டுமென்றே கடுமையாக உழைத்து வந்தது. இதற்கு ஆதாரமாக திரு.ரணில் விக்கிரமசிங்க அவர்கள் தன்னைத் தனியாகச் சந்திக்கும்படி இரு தடவைகள் அழைப்பு விடுத்த போதும் கூட எமது கட்சியின் செயலாளர் நாயகம் அதனை நிராகரித்ததுடன் 5 கட்சிகளையும் அழைத்து பேசுவதற்கான சந்தர்ப்பத்தை ஏற்படுத்தித் தரும்படி அவரிடம் கோரியிருந்தார். அத்துடன் பகிரங்கமாக வெளியிட்;ட அவரின் அறிக்கையிலும் எக்காரணம் கொண்டும் தனியாக சந்திக்கப்போவதில்லை எனவும் 5 கட்சிகளும் இணைந்தே சந்தித்து பேச்சு வார்த்தைகளை நடாத்துவோம் எனவும் எமது செயலாளர் நாயகம் அறிவித்திருந்தார்.

மேலும் 5 கட்சிகள் ஓர் இணக்கப்பாட்டிற்கு வந்த பின்னருங் கூட சில கட்சிகள் யாழ்ப்பாணத்தில் நடந்த சில அரச, அரசியல் கூட்டங்களில் பங்குபற்றியதும் ஐ.தே.க வேட்பாளரின் தேர்தல் பரப்புரைத் துண்டுப்பிரசுரங்களை ஏந்தியிருந்ததும் தனிப்பட்ட முறையில் சில சந்திப்புக்களை மேற்கொண்டிருந்ததும் அனைவரும் அறிந்ததே. இந்த பின்னணியில்த்தான் திரு.சுமந்திரன் அவர்கள் தானாகவே வலியவந்து பொறுப்பேற்றுக் கொண்ட விடயங்களை செய்யாதிருந்தமை பார்க்கப்பட வேண்டும்.

எது எப்படியிருப்பினும் தமிழ் மக்கள் கூட்டணியின் அறிக்கையைப் பல்கலைக்கழக மாணவர்களோடு பகிர முடியாமல் போனதற்குக் காரணம் நேரமின்மையே. அவ்வாறான இக்கட்டுக்குள் நாம் தள்ளப்பட்டோம் என்பதை சூழலை ஒட்டி யாவரும் உணர்ந்திருப்பார்கள் என்று நம்புகின்றோம்.

மேலும் வடக்கு கிழக்கு பல்கலைக்கழக மாணவர்களின் பக்கச்சார்பற்ற முயற்சி மிக நேர்த்தியாக முன்னெடுக்கப்பட்டதை தமிழ் மக்கள் கூட்டணி பாராட்டுகின்றது. அவர்கள் முயற்சி காலத்தின் தேவை கருதி எதிர்வரும் காலங்களிலும் தொடர்ந்து முன்னெடுக்கப்பட வேண்டும். அதற்கு எமது பூரண ஒத்துழைப்புக்கள் கிடைக்கும்.

ஊடகப் பிரிவு
தமிழ் மக்கள் கூட்டணி
யாழ்ப்பாணம்

 

http://globaltamilnews.net/2019/133007/

ஜனாதிபதி பாதுகாப்பு பிரிவில் நிறுத்தப்பட்டிருந்த வாகனங்கள் தீக்கிரை

3 days 21 hours ago
Fire.jpg ஜனாதிபதி பாதுகாப்பு பிரிவில் நிறுத்தப்பட்டிருந்த வாகனங்கள் தீக்கிரை

ஜனாதிபதி பாதுகாப்பு பிரிவில் நிறுத்தப்பட்டிருந்த வாகனங்கள் எரிந்து நாசமாகியுள்ளதாக பொலிஸ் ஊடகப் பிரிவு தெரிவித்துள்ளது.

கொழும்பில் ஜனாதிபதி பாதுகாப்பு பிரிவில் நிறுத்தப்பட்டிருந்த முச்சக்கர வண்டி மற்றும் 47 மோட்டார் சைக்கிள்களே இவ்வாறு தீ பரவியதில் எரிந்து நாசமாகியுள்ளனவென தெரிவிக்கப்பட்டுள்ளது.

மேலும் இந்த சம்பவம் நேற்று (ஞாயிற்றுக்கிழமை) இரவு இடம்பெற்றதாக பொலிஸ் ஊடகப் பிரிவு தெரிவித்துள்ளது.

சம்பவம் தொடர்பான மேலதிக தகவல்கள் எவையும் இதுவரையில் வெளிவராத நிலையில், பொலிஸார் மேலதிக விசாரணைகளை முன்னெடுத்து வருகின்றனர்.

http://athavannews.com/ஜனாதிபதி-பாதுகாப்பு-பிரி/

Checked
Fri, 11/15/2019 - 01:16
ஊர்ப் புதினம் Latest Topics
Subscribe to ஊர்ப்புதினம் feed
texte-feed
sqdgvsqfqsg vdgvdgvv qdsbrzbvzrbvzr