All Activity

மத்திய கிழக்கு போரில் கனடாவின் இராணுவ பங்கேற்பை முற்றிலும் மறுக்க முடியாது – பிரதமர் மார்க் கார்னி Published By: Digital Desk 3 05 Mar, 2026 | 11:36 AM மத்திய கிழக்கில் தீவிரமடைந்து வரும் போரில் கனேடிய இராணுவத்தின் பங்களிப்பை முற்றாக நிராகரிக்க முடியாது என கனடா பிரதமர் மார்க் கார்னி தெரிவித்துள்ளார். ஈரான் மீதான அமெரிக்க - இஸ்ரேலிய தாக்குதலில் அந்நாட்டின் அதியுயர் தலைவர் அயதுல்லா அலி கமேனி கொல்லப்பட்டதைத் தொடர்ந்து ஏற்பட்டுள்ள போர் பதற்றங்களுக்கு மத்தியில், அவுஸ்திரேலியாவுக்கு விஜயம் மேற்கொண்டுள்ள அவர், கன்பெராவில் அந்நாட்டுப் பிரதமர் அந்தோனி அல்பானீஸ் உடன் இணைந்து நடத்திய ஊடகவியலாளர் சந்திப்பிலேயே இதனைத் தெரிவித்தார். கடந்த வாரம் ஈரான் மீதான அமெரிக்கத் தாக்குதலுக்கு தனது ஆதரவை வெளியிட்டிருந்த பிரதமர் கார்னி, தற்போது அவுஸ்திரேலியாவில் தனது கருத்தில் மென்மையான போக்கைக் கடைப்பிடித்துள்ளார். "எந்தவொரு சூழ்நிலையிலும் போரில் பங்கேற்பதை நாம் திட்டவட்டமாக நிராகரிக்க முடியாது. இது ஒரு கருதுகோள் சார்ந்த கேள்வி என்றாலும், தேவைப்படும்போது நாம் எமது நட்பு நாடுகளுடன் உறுதியாக நிற்போம்" என அவர் குறிப்பிட்டார். ஈரான் மீதான தற்போதைய அமெரிக்க - இஸ்ரேலிய தாக்குதல்கள் 'சர்வதேச சட்டங்களுக்கு முரணானது' எனத் தெரிவித்த அவர், இது சர்வதேச ஒழுங்குமுறை தோல்வியடைந்துள்ளதையே காட்டுவதாகவும் வருத்தம் தெரிவித்தார். மார்க் கார்னியின் இந்த ஆசிய-பசிபிக் விஜயம் (இந்தியா, அவுஸ்திரேலியா, ஜப்பான்) அமெரிக்காவைச் சார்ந்திருப்பதைக் குறைக்கும் ஒரு முயற்சியாகப் பார்க்கப்படுகிறது. அவுஸ்திரேலிய பாராளுமன்றத்தில் உரையாற்றிய அவர், அவுஸ்திரேலியா மற்றும் கனடா போன்ற 'நடுத்தர சக்திகள்' ஒன்றிணைந்து புதிய உலக விதிகளை எழுதவேண்டும் என அழைப்பு விடுத்தார். அரிய வகை கனிம வளங்கள் மற்றும் செயற்கை நுண்ணறிவு ஆகிய துறைகளில் அவுஸ்திரேலியாவுடன் மூலோபாய புரிந்துணர்வு ஒப்பந்தங்களில் அவர் கையெழுத்திட்டுள்ளார். அமெரிக்க ஜனாதிபதி டொனால்ட் ட்ரம்ப், கனடாவை இணைத்துக்கொள்வது குறித்த அச்சுறுத்தல்களை விடுத்து வரும் நிலையில், மார்க் கார்னியின் இந்த வெளிநாட்டுப் பயணம் சர்வதேச அரசியலில் மிகுந்த முக்கியத்துவம் பெற்றுள்ளது. மத்திய கிழக்கு போரில் கனடாவின் இராணுவ பங்கேற்பை முற்றிலும் மறுக்க முடியாது – பிரதமர் மார்க் கார்னி

தென் ஆபிரிக்காவை சிதறடித்து ஃபின் அலன் குவித்த சாதனைமிகு சதத்தின் உதவியுடன் உலகக் கிண்ண இறுதிக்குள் நுழைந்தது நியூஸிலாந்து Published By: Vishnu 05 Mar, 2026 | 11:32 AM (நெவில் அன்தனி) கொல்கத்தா ஈடன் கார்ட்ன்ஸ் விளையாட்டரங்கில் புதன்கிழமை (04) நடைபெற்ற ஐசிசி ஆடவர் ரி20 உலகக் கிண்ண அரை இறுதிப் போட்டியில் ஃபின் அலன் குவித்த அற்புதமான சாதனைமிகு ஆட்டம் இழக்காத சதத்தின் உதவியுடன் 9 விக்கெட்களால் அமோக வெற்றியீட்டிய நியூஸிலாந்து இறுதிப் போட்டியில் விளையாட தகுதிபெற்றது. ரி20 உலகக் கிண்ண வரலாற்றில் நியூஸிலாந்து இறுதிப் போட்டியில் விளையாட தகுதிபெற்றது இது இரண்டாவது தடவையாகும். இதற்கு முன்னர் 2021 இறுதிப் போட்டியில் நியூஸிலாந்து விளையாடி இருந்தது. அப் போட்டியில் அவுஸ்திரேலியா வெற்றிபெற்று சம்பியனாகியது. இந்த உலகக் கிண்ணத்தில் அரை இறுதிவரை தோல்வி அடையாமல் இருந்த 2024 உப சம்பியன் தென் ஆபிரிக்கா முதல் தடவையாக தொல்வி அடைந்து ஏமாற்றத்துடனும் கவலையுடனும் வெளியேறியது. 170 ஓட்டங்களை நோக்கி பதிலுக்கு துடுப்பெடுத்தாடிய நியூஸிலாந்து எதிரணியின் பந்துவீச்சாளர்களை நாலாபுறமும் சிதறடித்து 12.5 ஓவரக்ளில் ஒரு விக்கெட்டை மாத்திரம் இழந்து 173 ஓட்டங்களைப் பெற்று வெற்றியீட்டி இறதிப் போட்டிக்குள் நுழைந்தது. தென் ஆபிரிக்கா பந்தவீச்சாளர்கள் மீது கொஞ்சமேனும் இறக்கம் காட்டாத ஃபின் அலன் 33 பந்துகளில் 10 பவுண்டறி கள், 8 சிக்ஸ்களை விளாசி ஆட்டம் இழக்காமல் 100 ஓட்டங்களைக் குவித்தார். இது ரி20 உலகக் கிண்ணத்தில் அதிவேக சதமாக பதிவாகியுள்ளது. 19 பந்துகளில் 50 ஓட்டங்களை எட்டிய அவர், இந்த வருட உலகக் கிண்ணத்தில் பெறப்பட்ட அதிவேக அரைச் சதத்தை சமப்படுத்தினார். அவருக்கு இரண்டாவது 50 ஓட்டங்களைப் பூர்த்தி செய்ய 14 பந்துகளே தெவைப்பட்டது. தனது ஆரம்ப ஜோடி டிம் சீஃபேர்ட்டுடன் 55 பந்துகளில் 117 ஓட்டங்களைப் பகிர்ந்து சிறந்த ஆரம்பத்தை இட்டுக்கொடுத்த ஃபின் அலன் மொத்த எண்ணிக்கையில் அரைவாசிக்கும் மேற்பட்ட ஓட்டங்களைக் குவித்தார். டிம் சீஃபேர்ட் 33 பந்துகளை எதிர்கொண்டு 7 பவுண்டறிகள், 2 சிக்ஸ்களுடன் 58 ஓட்டங்களைப் பெற்றார். ரச்சின் ரவிந்த்ரா 12 ஓட்டங்களுடன் ஆட்டம் இழக்காதிருந்தார். முன்னதாக இப் போட்டியில் முதலில் துடுப்பெடுத்தாட அழைக்கப்பட்ட தென் ஆபிரிக்கா தடுமாற்றத்துக்கு மத்தியில் 20 ஓவர்களில் 8 விக்கெட்களை இழந்து 169 ஓட்டங்களைப் பெற்றது. நியூஸிலாந்து பந்துவீச்சாளர்களை எதிர்கொள்வதில் சிரமப்பட்ட தென் ஆபிரிக்கா துடுப்பாட்ட வீரர்களால் சுதந்திரமாக ஓட்டங்களைப் பெற முடியவில்லை. இரண்டாவது ஓவரில் மொத்த எண்ணிக்கை 12 ஓட்டங்களாக இருந்தபோது குவின்டன் டி கொக் (10), ரெயான் ரிக்ல்டன் (0) ஆகிய இருவரும் கோல் மெக்கொன்ச்சியின் அடுத்தடுத்த பந்துகளில் ஆட்டம் இழந்தனர். இந் நிலையில் அணித் தலைவர் ஏய்டன் மார்க்ராம், டிவோல்ட் ப்ரெவிஸ் ஆகிய இருவரும் நிதானத்துடன் துடுப்பெடுத்தாடி அணியை வீழ்ச்சியிலிருந்து மீட்க கடுமையாக முயற்சித்தனர். ஆனால், ஏய்டன் மார்க்ராம் 18 ஓட்டங்களைப் பெற்று ஆட்டம் இழந்தார். தொடர்ந்து மொத்த எண்ணிக்கை 77 ஓட்டங்களாக இருந்தபோது டேவிட் மில்லர் (6), டிவோல்ட் ப்ரெவிஸ் (34) ஆகிய இருவரும் மூன்று பந்துகள் இடைவெளியில் ஆட்டம் இழந்தனர். இதன் காரணமாக இரண்டாவது தடவையாக தென் ஆபிரிக்கா நெருக்கடியில் வீழ்ந்தது. இதனை அடுத்து ட்ரைஸ்டன் ஸ்டப்ஸ் (29), மார்க்கோ ஜென்சன் ஆகிய இருவரும் முதலில் நிதானத்துடனும் பின்னர் அதிரடியாகவும் துடுப்பெடுத்தாடி 6ஆவது விக்கெட்டில் 73 ஓட்டங்களைப் பகிர்ந்து அணியை ஓரளவு கௌரவமான நிலையில் இட்டனர். மிகவும் நெருக்கடியான சூழ்நிலையில் மிகத் திறமையாகத் துடுப்பெடுத்தாடிய மார்க்கோ ஜென்சன் 30 பந்துகளை எதிர்கொண்டு 2 பவுண்டறிகள், 5 சிக்ஸ்கள் உட்பட 55 ஓட்டங்களுடன் ஆட்டம் இழக்காதிருந்தார். பந்துவீச்சில் கோல் மெக்கொன்ச்சி ஒரு ஓவர் மாத்திரம் வீசி 9 ஓட்டங்களுக்கு 2 விக்கெட்களைக் கைப்பற்றினார். அவரை விட ரச்சின் ரவிந்த்ரா 29 ஓட்டங்களுக்கு 2 விக்கெட்களையும் மெட் ஹென்றி 34 ஓட்டங்களுக்கு 2 விக்கெட்களையும் கைப்பற்றினர். 170 ஓட்டங்களை வெற்றி இலக்காகக் கொண்டு நியூஸிலாந்து துடுப்பெடுத்தாடுகிறது. ஆட்டநாயகன்: ஃபின் அலன் தென் ஆபிரிக்காவை சிதறடித்து ஃபின் அலன் குவித்த சாதனைமிகு சதத்தின் உதவியுடன் உலகக் கிண்ண இறுதிக்குள் நுழைந்தது நியூஸிலாந்து

இந்திய மீனவர்கள் உதவி செய்தும் கரை திரும்பாத காங்கேசன்துறை மீனவர்கள் Mar 5, 2026 - 06:18 AM யாழ்ப்பாணம், காங்கேசன்துறை - ஊரணிப் பகுதியிலிருந்து கடலுக்கு மீன்பிடிக்கச் சென்று காணாமல் போன இரண்டு மீனவர்களை, இந்திய மீனவர்கள் பாதுகாப்பாக இலங்கை கடல் எல்லைக்குள் விட்டுச் சென்ற காணொளி வெளியாகியுள்ள போதிலும், இலங்கை கடற்படையினரால் அவர்கள் இதுவரை மீட்கப்படவில்லை என்ற அதிர்ச்சித் தகவல் வெளியாகியுள்ளது. கடந்த வெள்ளிக்கிழமை ஊரணிப் பகுதியிலிருந்து சிறிய படகில் மீன்பிடிக்கச் சென்ற இரண்டு மீனவர்கள், இயந்திரக் கோளாறு அல்லது சீரற்ற காலநிலை காரணமாக திசைமாறி நடுக்கடலில் தத்தளித்துள்ளனர். பல நாட்களாக நடுக்கடலில் தவித்த இந்த மீனவர்களை, அப்பகுதியில் மீன்பிடித்துக் கொண்டிருந்த இந்திய மீனவர்கள் அவதானித்துள்ளனர். உடனடியாகச் செயற்பட்ட இந்திய மீனவர்கள், நடுக்கடலில் தவித்த ஈழத்து மீனவர்களுக்குத் தேவையான உணவு மற்றும் குடிநீர் போன்ற அத்தியாவசியப் பொருட்களை வழங்கி மனிதாபிமானத்துடன் உதவியுள்ளனர். அத்துடன், அவர்களின் படகினைப் பாதுகாப்பாக இழுத்து வந்து இலங்கை கடல் எல்லைப் பகுதிக்குள் விட்டுச் சென்றுள்ளனர். இந்த முழுமையான நிகழ்வையும் இந்திய மீனவர்கள் காணொளியாகப் பதிவு செய்து உறவினர்களுக்கும் ஊடகங்களுக்கும் அனுப்பியுள்ளனர். இந்திய மீனவர்களால் உணவு வழங்கி எல்லைக்குள் விடப்பட்ட காணொளி ஆதாரங்கள் வெளியாகியுள்ள நிலையிலும், சம்பவம் நடைபெற்று ஆறு நாட்கள் கடந்தும் இலங்கை கடற்படையினரால் குறித்த இரண்டு மீனவர்களையும் இதுவரை கண்டுபிடிக்க முடியவில்லை என்பது அப்பகுதி மக்கள் மத்தியில் பெரும் விசனத்தை ஏற்படுத்தியுள்ளது. கடற்படையினரின் தேடுதல் நடவடிக்கைகள் திருப்தியளிக்கவில்லை எனவும், கிடைக்கப்பெற்றுள்ள காணொளி ஆதாரத்தின் அடிப்படையிலாவது கடற்படையினர் தமது தேடுதல் வேட்டையைத் தீவிரப்படுத்தி, காணாமல் போன மீனவர்களை விரைவாக மீட்டுத் தர வேண்டும் எனவும் மீனவர்களின் குடும்பத்தினர் மற்றும் சக மீனவர்கள் கண்ணீருடன் கோரிக்கை விடுத்துள்ளனர். -யாழ். நிருபர் பிரதீபன்- இந்திய மீனவர்கள் உதவி செய்தும் கரை திரும்பாத காங்கேசன்துறை மீனவர்கள்

அமெரிக்கா - ஈரான் இரகசியப் பேச்சுவார்த்தை: நெதன்யாகு சந்தேகம் இஸ்ரேல் மற்றும் ஈரானுக்கு இடையிலான மோதல் நிலைமைக்கு மத்தியில், அமெரிக்காவும் ஈரானும் இரகசியப் பேச்சுவார்த்தைகளில் ஈடுபட்டுள்ளதாக இஸ்ரேலியப் பிரதமர் பெஞ்சமின் நெதன்யாகு சந்தேகம் வெளியிட்டுள்ளதாகச் சர்வதேச ஊடகங்கள் தெரிவிக்கின்றன. தமக்குத் தெரியாமல் அமெரிக்க ஜனாதிபதி டொனால்ட் ட்ரம்பின் அரசாங்கம் ஈரானுடன் போர்நிறுத்தம் குறித்துப் பேச்சுவார்த்தை நடத்தி வருவதாக இஸ்ரேலியப் பிரதமருக்குப் புலனாய்வுத் தகவல்கள் கிடைத்துள்ளதாகக் குறிப்பிடப்படுகிறது. எனினும், இது தொடர்பில் கருத்துத் தெரிவித்துள்ள வெள்ளை மாளிகை, ஈரானுடன் அவ்வாறான எந்தவொரு இரகசியப் பேச்சுவார்த்தையையும் தாம் முன்னெடுக்கவில்லை எனத் தெரிவித்துள்ளது. இஸ்ரேல் எதிர்பார்க்கும் இராணுவ இலக்குகளை அடைவதற்கு முன்னதாகவே போர் முடிவுக்கு வந்துவிடுமோ என நெதன்யாகு அச்சம் கொண்டுள்ளதாகவும் தெரிவிக்கப்படுகிறது. ஈரானியப் புலனாய்வுப் பிரிவினர் அமெரிக்காவின் சி.ஐ.ஏ (CIA) அமைப்பைத் தொடர்புகொண்டு, போரை நிறுத்துவது குறித்துப் பேச்சுவார்த்தை நடத்த விருப்பம் தெரிவித்துள்ளதாக 'நியூயோர்க் டைம்ஸ்' பத்திரிகை செய்தி வெளியிட்டுள்ளது. https://adaderanatamil.lk/news/cmmd1mxla0004356picrn04zb

சுரேஷ் சலேயின் கைதின் பின்னணி எம்.எஸ்.எம். ஐயூப் ஏழு ஆண்டுகளுக்கு முன்னர் இடம்பெற்ற உயிர்த்த ஞாயிறு தின பயங்கரவாத தாக்குதல் தொடர்பாக அரச உளவுச் சேவையின் முன்னாள் பணிப்பாளர் சுரேஷ் சலே கைது செய்யப்பட்டமை நாட்டில் பெரும் சர்ச்சையை கிளப்பிவிட்டுள்ளது. பிரதான ஊடகங்களிலும் சமூக ஊடகங்களிலும் பெருமளவில் அது தொடர்பாக கருத்துக்கள் பறிமாறப்பட்டுள்ள போதிலும் அவை எதுவும் நடுநிலையாக தெரிவிக்கப்பட்ட கருத்துக்களாக தெரியவில்லை. எல்லோரும் தத்தமது அரசியல் கண்ணோட்த்திலேயே பிரச்சினையை அணுகியுள்ளனர். உயிர்த்த ஞாயிறு தினத் தாக்குதல் பற்றிய விசாரணைகள் இறுதியில் சட்ட நடவடிக்கையாகவே தீர்க்கப்பட வேண்டியுள்ளது. ஆனால் அதன் பின்னால் அரசியலும் இருப்பதாக தெரிவதால் பலர் அதனை அரசியல் கண்கொண்டு பார்ப்பதை குறைகூறவும் முடியாது. ஆனால் அதற்காக நடப்பவை எல்லாவற்றையும் அரசியல் கண்கொண்டு நியாயப்படுத்தவோ எதிர்க்கவோ முடியாது. முன்னாள் ஜனாதிபதி கோட்டாபயவின் ஆதரவாளர்களே இந்தக் கைதை கடுமையாக எதிர்க்கின்றனர். அதில் நியாயம் இருக்கிறது. ஏனெனில் சலே கோட்டாபயவின் நெருங்கிய நன்பராவார். அதேவேளை இந்த கைது கோட்டாவுக்கும் ஆபத்தானதாகுமென பலர் கருதுகின்றனர். புலிகளுக்கு எதிரான போரின் போது உளவுத்துறை அதிகாரியாக சலே பெரும் பணியாற்றியுள்ளார் என்றும் புலிகளின் பேச்சாளராக இருந்த தமிழ்செல்வனை விமானப் படையினர் சலேயின் வழிகாட்டலிலேயே கொன்றனர் என்றும் பிரபாகரனுக்குப் பின்னர் புலிகள் அமைப்பின் தலைமையை ஏற்ற கே.பி. என்றழைக்கப்படும் குமரன் பத்மநாதனை 2009 ஆம் ஆண்டு ஓகஸ்;ட் மாதம் மலேசியாவில் வைத்து கைது செய்து இலங்கைக்கு அழைத்து வரும் திட்டத்தையும் சலேயே வகுத்தார் என்றும் எனவே அவரை கைது செய்தமை அநீதியாகும் என்றும் கோட்டாபயவின் சட்டத்தரணியும் அவரது அரசாங்கத்தின் அமைச்சருமான அலி சப்ரி கூறியிருந்தார். புலம் பெயர் தமிழர்களின் (தமிழ் டயஸ்போராவின்) தூண்டுதலிலேயே அரசாங்கம் சலேயை கைது செய்துள்ளதாக விமல் வீரவன்ச மற்றும் உதய கம்மன்பில போன்ற முன்னாள் ராஜபக்ஷ அதரவாளர்கள் குற்றஞ்சாட்டுகின்றனர். உயிர்த்த ஞாயிறு தினத் தாக்குதலுக்காக கடந்த காலத்தில் ராஜபக்ஷக்களை குற்றஞ்சாட்டிய ஐக்கிய மக்கள் சக்தியின் தலைவர்களும் இந்த கைதை குறை கூறி வந்தாலும் அவர்கள் அதற்காக வேறு வாதங்களையே முன்வைக்கின்றனர். நிலக்கரி இறக்குமதியில் ஊழல் இடம்பெற்றுள்ளதாக அரசாங்கத்துக்கு எதிராக எழும் குற்றச்சாட்டுக்களில் இருந்து மக்களின் கவனத்தை திசை திருப்பவே இந்த கைது நாடகம் இடம்பெற்றுள்ளதாக ஐமச தலைவர்கள் கூறுகின்றனர். உயிர்த்த ஞாயிறு தினத் தாக்குதல் 2019 ஆம் ஆண்டு ஏபரல் 21 ஆம் திகதியே இடம்பெற்றது. அதன் பின்னர் ஒவ்வொரு ஏப்ரல் 21 அம் திகதியும் தாக்குதலின் சூத்திரதாரியை அம்பலப்படுத்துமாறு கத்தோலிக்க திருச் சபையும் கர்தினால் மல்கம் ரஞ்சித் அவர்களும் பதவிக்கு வரும் ஒவ்வொரு அரசாங்கத்தையும் வற்புறுத்தி வருகின்றனர். எனவே இவ்வருடம் ஏப்ரல் மாதம் நெருங்கி வரும் நிலையில் தேசிய மக்கள் சக்தி அரசாங்கம் இந்த கைதின் மூலம் கிறிஸ்தவ மக்களை ஏமாற்ற முயல்கிறது என்பது அவர்களின் மற்றொரு வாதமாகும். ராஜபக்ஷ அதரவாளர்களும் இந்த வாதங்களை முன்வைக்கின்றனர். கடந்த வருடமும் ஏப்ரல் 21 ஆம் திகதிக்கு முன்னர் தாக்குலின் சூத்திரதாரியை அம்பலப்படுத்தவதாக அதற்கு அண்மித்த ஒரு நாளில் ஜனாதிபதி அநுர குமார திஸாநாயக்க கூறியதாகவும் அவர்கள் கூறுகின்றனர். உண்மையிலேNயு ஜனாதிபதி எங்கும் எப்போதும் சூத்திரதாரியை அம்பலப்படுத்தவுதாக கூறியதில்லை. ஆனால் ஏபரல் 21ஆம் திகதிக்கு முன்னர் தாக்குதலோடு சம்பந்தப்பட்ட சில முக்கிய புதிய தகவல்;களை அம்பலப்படுத்த முடியும் என நம்புவதாக அவர் கடந்த வருடம் மார்ச் 30 ஆம் திகதி மாத்தறை தெய்யந்தரவில் நடைபெற்ற கூட்டமொன்றில் கூறினார். அதைத் தான் எதிர்க் கட்சியினர் திரிபுபடுத்தி கூறுகின்றனர். இந்த வாதங்களில் சில ஒன்றோடு ஒன்று மோதுவதாகவம் தெரிகிறது. புலம் பெயர் தமிழர்களின் தூண்டதலைப் பற்றியும் நிலக்கரி ஊழலை மூடி மறைப்பதைப் பற்றியும் ஒரே நபர் கூறும் போது அது பொருத்தமற்றதாகவே தெரிகிறது. அதேவேளை புலம்பெயர் தமிழர்களின் தூண்டுதலிலா அரசாங்கம் கிறிஸ்தவ மக்களை ஏமாற்றப் போகிறதா என்ற கேள்வியும் எழுகிறது. போரின் இறுதி கட்டத்தில் இராணுவத்துக்கு தலைமை தாங்கிய முன்னாள் இராணுவத் தளபதி பீல்ட் மார்ஷல் சரத் பொன்சேகா எதிர்க்கட்சிகளின் இந்த வாதங்களை மறுத்துள்ளார். தமிழ்செல்வன் கொல்லப்பட்ட காலத்திலோ அல்லது கே.பி கைது செய்யப்பட்ட காலத்திலோ சலே இராணுவ புலனாய்வுத் துறையின் பொறுப்பாளரராக இருக்கவில்லை என்றும் எனவே இந்த சம்பவங்களை பாவித்து சலேயை ஊதிப் பெருக்க முடியாது என்றும் அவர் கூறியுள்ளார். அதேவேளை கே.பியை கைது செய்தமை பெரிய விடயமாக காட்;ட முயலும் ஸ்ரீ லங்கா பொதுஜன முன்னணியின் தலைவர்கள் இலங்கைக்கு கொண்டவரப்பட்ட கேபிக்கு எதிராக தாம் சட்ட நடவடிக்கை எடுக்கவில்லை என்பதை குறிப்பிடுவதில்லை. அவருக்கு எதிராக நடவடிக்கை எடுக்க போதிய சாட்சியங்கள் இல்லை என 2012 ஆம் ஆண்டு ஒக்டோபர் மாதம் 17 ஆம் திகதி அப்போதிருந்த தேசிய பாதுகாப்பு தொடர்டபான ஊடக மையத்தின் பணிப்பாளர் லக்ஷ்மன ஹ_லுகல்ல கூறினார். கேபிக்கு எதிராக சட்ட நடவடிக்கை எடுக்குமாறு 2015 ஆம் ஆண்டு அதாவது மைத்திரி-ரனில் அரசாங்கத்தின் காலத்தில் தற்போதைய வெளிநாட்டமைச்சர் விஜித்த ஹேரத் மேன்முறையீட்டு நீதிமன்றத்தில் ரிட் மனுவொன்றை தாக்கல் செய்தார். ஆனால் அவ்வாறு சட்ட நடவடிக்கை எடுக்க போதிய சாட்சியங்கள் இல்லை என்று சட்ட மா அதிபர் தெரிவித்ததை அடுத்து 2017 அம் ஆண்டு அவ்வழக்கு தள்ளுபடி செய்யப்பட்டது. கேபியைப் பற்றிக் குறிப்பிட்டு சலேவுக்கு பெரும்பான்மை மக்களின் மத்தியில் பெருமை தேடிக்கொடுக்க முற்படும் பொதுஜன முன்னணி கேபியை எவ்வாறு நடத்தியது என்பது இதன் மூலம் தெரிகிறது. அது எவ்வாறாயினும் உயிர்த்த ஞாயிறு தினத் தாக்குதல் விடயத்தில் கிறிஸ்தவ மக்களுக்கு நியாயம் வழங்குவதாக வாக்குறுதியளித்துவிட்டு பதவிக்கு வந்த தேசிய மக்கள் சக்தியின் அரசாங்கம் அந்தவிடயத்தில் புதிதாக ஏதாவது செய்ய வேண்டிய கட்டாத்துக்கு தள்ளப்பட்டுள்ளது. எனவே தான் மேலே குறிப்பிடப்பட்டதைப் போல் ஏப்ரல் 21 ஆம் திகதிக்கு முன்னர் தாக்குதலோடு சம்பந்தப்பட்ட சில முக்கிய தகவல்;களை அம்பலப்படுத்த முடியும் என ஜனாதிபதி அனுர குமார கடந்த வருடம் கூறியிருந்தார். பின்னர் கிழக்கு பல்கலைகழகத்தின் முன்னாள் உபவேந்தர் பேராசிரியர் எஸ். ரவீந்திரநாத் 2006 ஆம் ஆண்டு காணாமற்போனமை தொடர்பாக கிழக்கு மாகாண முன்னாள் முதலமைச்சர் பிள்ளையான் எனப்படும் சிவநேசத்துறை சந்திரகாந்தனை இரகசிய பொலிசார் கடந்த வருடம் ஏப்ரல் 9 ஆம் திகதி கைது செய்தனர். நேரடியாக உயிர்த்த ஞாயிறு தினத் தாக்குதலோடு சம்பந்தப்படாக விடயம் ஒன்றுக்காக அவர் கைது செய்யப்பட்ட போதிலும்; அத்தாக்குதலைப் பற்றி முன்னரே அவர் அறிந்திருந்துள்ளதாக விசாரணைகளில் தெரிய வந்துள்ளதென பொது மக்கள் பாதுகாப்பு அமைச்சர் ஆனந்த விஜேபால கடந்த வருடம் ஜூலை 9 ஆம் திகதி நாடாளுமன்றத்தில் கூறினார். ஒக்டொபர் மாதம் தொலைக்காட்சி கலந்துரையாடல் ஒன்றில் கலந்துகொண்ட அமைச்சர் விஜேபால பிளளையானுக்கும் உயிர்த்த ஞாயிறு தினத் தாக்குதலுக்கும் தொடர்பு இருப்பதாக கூறினார். அமைச்சர் விஜேபாலவுக்கு முன்னர் 2023 ஆம் ஆண்டு செப்டம்பர் மாதம் பிள்ளையானின் முன்னாள் இணைப்புச் செயலாளர் ஹன்சீர் ஆசாத் மௌலானா இது போன்றதோர் தொடர்பைப் பற்றி பிரிட்டனின் சனல் 4 தொலைக்காட்சியில் ஒளிபரப்பான நிகழ்ச்சியொன்றில் கூறியிருந்தார். ஜோசப் பரரஜசிங்கம் கொலை தொடர்பாக பிள்ளையான் சிறையில் தடுத்து வைக்கப்பட்டதாகவும் உயிர்த்த ஞாயிறு தினத் தாக்குதலை நடத்திய தேசிய தௌஹீத் ஜமாஅத் அமைப்பின் தலைவர் சஹ்ரான் ஹாஷிமின் சகோதரர் சைனியும் 2017 ஆம் ஆண்டு வன்முறை சம்பவவம் ஒன்று தொடர்பாக அதே சிறையில் அடைக்கப்டடதாகவும் அப்போது பிள்ளையானுக்கும் சைனிக்கும் இடையில் தொடர்பு ஏற்பட்டதாகவும் மௌலானா அந்நிகழ்ச்சியல் கூறினார். இந்தத் தொடர்பை அடுத்து பிள்ளையானின் ஆலோசனைப் படி தாம் சலேக்கும் சஹ்ரானுக்கும் இடையில் சந்திப்பொன்றை 2018 ஆம் ஆண்டு பெப்ரவரி மாதம் புத்தளம் கரடிப்பூவலில் ஏற்பாடு செய்ததாகவும் அச்சந்திப்பை முடித்துக்கொண்ட சலே கோட்டாபய ராஜபக்ஷ ஜனாதிபதியாவதற்கு நாட்டில் பதற்ற நிலைமை உருவாக வேண்டும் என்று தம்மிடம் கூறியதாகவும் அவர் அந்நகழ்ச்சியல் மேலும் கூறினார். மௌலானாவின் கூற்றுக்களைப் பற்றி விசாரிக்க 2023 ஆம் ஆண்டு ரனில் விக்ரமசிங்க நியமித்த இமாம் குழு அக்கூற்றுக்களை நிராகரித்தது. இந்தப் பின்னணியில் தான் அநுர குமார 2024 ஆம் ஆண்டு ஜனாதிபதியானார். அவர் உடனடியாக அரம்பித்த விசாரணைகளின் படி அதே ஆண்டு பிள்ளையான் விசாரிக்கப்பட்டடார். பின்னர் கடந்த வருடம் கைது செய்யப்பட்டார். அவர் பேராசிரயர் ரவீந்திரனாத் விவகாரத்துக்காக கைது செய்யப்பட்ட போதும் தெற்கில் சில அரசியல்வாதிகள் அப்போது பதற்றமடைந்தனர். ரனில் அவரோடு பேச அனுமதி கேட்;டார். கம்மன்பில தாமாகவே முன்வந்து அவரது சட்டத்தரணியானார். இவற்றையெல்லாம் பார்க்கும் மௌலானா கூறியதைப் போல் ஏதும் நடந்து இருக்கலாமோ என்ற சந்தேகமும் எழுகிறது. நீதிமன்றம் முடிவெடுக்கட்டும். https://www.tamilmirror.lk/சிறப்பு-கட்டுரைகள்/சுரேஷ்-சலேயின்-கைதின்-பின்னணி/91-373396

இது நாங்களே எங்களுக்கு ஏற்படுத்தி உள்ள முட்டாள்தனமான தட்டுப்பாடு. செற்றில 10-15 பேருக்கு மேல கூடவிடாமல் பொலிஸ் கலைத்தாலே பதட்டம் பரபரப்பு குறைந்துவிடும்.

மற்றுமொரு ஈரானிய கப்பலால் சலசலப்பு இலங்கையை நோக்கி மற்றுமொரு ஈரானிய கப்பல் ஒன்று வருகை தந்துக்கொண்டிருப்பதாக எதிர்கட்சி தலைவர் சஜித் பிரேமதாச தெரிவித்தார். நாடாளுமன்றில் இன்று 05 விசேட கூற்று ஒன்றை விடுத்து உரையாற்றுகையிலேயே இதனை தெரிவித்தார். முன்னதாக ஈரானிய போர்க்கப்பல் இலங்கையை அண்மித்த கடற்பரப்பில் தாக்கப்பட்டதாக அமெரிக்கா உறுதிப்படுத்துகின்ற நிலையில், அவ்வாறொன்று இடம்பெறவில்லை என எமது நாட்டின் பாதுகாப்பு அமைச்சு அறிவிக்கின்றது. ஆகையினால் குறித்த விடயம் தொடர்பில் அரசாங்கம் உத்தியோகபூர்வ அறிக்கை ஒன்றை வெளியிட வேண்டும். இதேவேளை மற்றுமொரு ஈரானிய கப்பல் இலங்கை கடல்பரப்பிற்குள் பிரவேசித்துள்ளதாக தகவல்கள் கிடைக்கப்பெற்றுள்ளது. இது தொடர்பில் அரசாங்கம் அவதானம் செலுத்த வேண்டும் என எதிர்கட்சி தலைவர் சஜித் பிரேமதாச கேட்டுக்கொண்டுள்ளார். https://www.tamilmirror.lk/செய்திகள்/மற்றுமொரு-ஈரானிய-கப்பலால்-சலசலப்பு/175-373430

யாழுக்கு நாளையும் 3 இலட்சம் பெட்ரோல் விநியோகிக்க நடவடிக்கை adminMarch 4, 2026 யாழ்ப்பாணத்திற்கு நாளைய தினம் வியாழக்கிழமையும் சுமார் 3 இலட்சம் லீட்டர் பெட்ரோல் எடுத்து வரப்படவுள்ளது. யாழ்ப்பாணத்தில் கடந்த 5 நாட்களுக்கு மேலாக பெட்ரோலை பெற்றுக்கொள்வதற்காக எரிபொருள் நிரப்பு நிலையங்கள் முன்பாக நீண்ட வரிசைகளில் மக்கள் காத்திருக்கும் நிலையில், இன்றைய தினம் புதன்கிழமையும் சுமார் 3 இலட்சம் லீட்டர் பெட்ரோல் கொலன்னாவலையில் இருந்து எடுத்து வரப்பட்ட போதிலும் , இன்றைய தினமும் நீண்ட வரிசை காணப்பட்டது. இந்நிலையில் நாளைய தினம் வியாழக்கிழமையும் 2 இலட்சத்து, 90 ஆயிரத்து 400 லிட்டர் பெட்ரோல் எடுத்து வரப்பட்டு, யாழ்ப்பாணத்தில் உள்ள பெற்றோலியக் கூட்டுத்தாபனத்தின் 36 எரிபொருள் நிரப்பு நிலையம் ஊடாக விநியோகிக்கப்படவுள்ளதாக மாவட்ட செயலர் அறிவித்துள்ளாா் Global Tamil Newsயாழுக்கு நாளையும் 3 இலட்சம் பெட்ரோல் விநியோகிக்க நடவடிக்க...யாழ்ப்பாணத்திற்கு நாளைய தினம் வியாழக்கிழமையும் சுமார் 3 இலட்சம் லீட்டர் பெட்ரோல் எடுத்து வரப்படவுள்ளது. யாழ்ப்பாணத்தில் கடந்த 5…

சைப்ரஸிலுள்ள இராணுவ விமானப்படை தளத்தைத் தாக்கிய ட்ரோன் ஈரான் இலிருந்து ஏவப்படவில்லை – பிரித்தானியா தெரிவிப்பு Published By: Digital Desk 3 05 Mar, 2026 | 10:09 AM சைப்ரஸிலுள்ள பிரித்தானியாவின் ஆக்ரோட்டிரி விமானப்படை தளம் மீது கடந்த ஞாயிற்றுக்கிழமை இரவு நடத்தப்பட்ட ட்ரோன் தாக்குதலுக்கு ஈரான் நேரடிப் பொறுப்பல்ல என பிரித்தானிய பாதுகாப்பு அமைச்சு தெரிவித்துள்ளது. எனினும், இந்த தாக்குதலுக்கு பயன்படுத்தப்பட்ட ட்ரோன்கள் ஈரானிய தயாரிப்பான 'ஷாஹெட்' ரக வடிவமைப்பை ஒத்திருப்பதாக சுட்டிக்காட்டப்பட்டுள்ளது. இந்தத் தாக்குதலைத் தொடர்ந்து, மத்திய தரைக்கடல் பிராந்தியத்தில் தனது பாதுகாப்பு இருப்பை பலப்படுத்த பிரித்தானியா தீர்மானித்துள்ளது. நவீன ஏவுகணைகளுடன் கூடிய ரோயல் கடற்படையின் 'வைல்ட்கேட்' உலங்குவானூர்திகள் இன்னும் சில தினங்களில் சைப்ரஸிற்கு அனுப்பப்படவுள்ளன. செவ்வாயன்று இரவு 'போயிங் சி-17ஏ குளோப்மாஸ்டர் III' ரக பாரிய இராணுவ விமானம் சைப்ரஸை வந்தடைந்தது. இது பிரித்தானிய படைகளின் வலுவூட்டல் நடவடிக்கையின் புதிய கட்டமாகப் பார்க்கப்படுகிறது. வான் பாதுகாப்புத் திறன் கொண்ட எச்.எம்.எஸ். ட்ராகன் போர்க்கப்பலும் இப்பிராந்தியத்திற்கு விரைந்துள்ளமை குறிப்பிடத்தக்கது. பெப்ரவரி 28 ஆம் திகதி ஈரான் மீது அமெரிக்கா மற்றும் இஸ்ரேல் நடத்திய தாக்குதல்களுக்குப் பதிலடியாக, மத்திய கிழக்கு மற்றும் மத்திய தரைக்கடல் பகுதிகளில் உள்ள இலக்குகள் மீது ஈரான் மற்றும் அதன் ஆதரவுப் படைகள் ஏவுகணைத் தாக்குதல்களை முன்னெடுத்து வருகின்றன. இந்த மோதல் சூழலில், சைப்ரஸிலுள்ள பிரித்தானிய தளங்கள் அமெரிக்கப் படைகளால் தாக்குதலுக்குப் பயன்படுத்தப்படவில்லை என பிரதமர் கீர் ஸ்டார்மர் தெளிவுபடுத்தியுள்ளார். எனினும், ஈரானிய ஆதரவுப் படைகளின் அச்சுறுத்தல் காரணமாக ஆக்ரோட்டிரி தளம் தற்போது அதியுயர் பாதுகாப்பு எச்சரிக்கையில் வைக்கப்பட்டுள்ளது. சைப்ரஸிலுள்ள இராணுவ விமானப்படை தளத்தைத் தாக்கிய ட்ரோன் ஈரான் இலிருந்து ஏவப்படவில்லை – பிரித்தானியா தெரிவிப்பு

சர வெடிதான் என்று சொல்கிறீர்கள்.

ஈரானின் கடற்படை கப்பல் மூழ்கியபோது அதிலிருந்த சிலரை காப்பாற்றிய ஶ்ரீ லங்காவையும் நன்றியுணர்வுடன் இந்த பட்டியலில் சேர்த்துக்கொள்ளும்படி ஈரானின் புதிய ஆட்சியாளர்களைக் கேட்டுக் கொள்கின்றோம்.

ஐரோப்பாவில் வாழும் உங்களுக்கு நன்றாக தெரியும், இங்கு மத வெறி, மத அடிப்படைவாதம் இல்லை என்பது. அப்படி இருந்தால் அது ஆசிய/ ஆசிய நாடுகளில் இருந்து குடிபெயர்ந்து வாழும் மக்களிடையே தான் அது வீரியத்துடன் இருக்கிறது என்பது. உங்களுக்கு தெரியும், ஆசிய நாடுகளுடன் ஒப்பிடும் போது ஐரோப்பாவில் இனவெறி மிக குறைவான அளவில் உள்ளதென்பது. உங்களுக்கு தெரியும், இலங்கை தமிழர்களுக்கு இருக்கும் இனவெறியை விடவே ஐரோப்பியர்களுக்குள் இனவெறி மிக குறைவு என்பது . உங்களுக்கு தெரியும் வரட்டு கெளரவம், வெற்று பழமைவாதம் ஆசிய ஆபிரிக்க நாடுகளுடன் ஒப்பிடும் போது இங்கு குறைவு என்பது. உங்களுக்கு அது நன்றாக தெரிந்ததால் தான் அப்படியான பிற்போக்குத்தனம் உள்ள நாட்டில் இருந்து இவ்வாறான தாராளமயமான நாடுகளில் குடியேறி அவர்களின் நாட்டு முன்னேற்றத்தால் பலன் பெற்று மகிழ்சசியாக வாழ்கின்றீர்கள். இவ்வாறாக, அனைத்தும் உங்கள் அறிவுக்கு தெரிந்த நீங்கள் அதை ஒப்புக்கொள்ளமாட்டீர்கள். காரணம் அதே வரட்டு கௌரவம், போலி பெருமை பேசுவதற்காக என்பதும் என்னை விட உங்களுக்கு நன்றாக தெரியும். இப்படி அனைத்தும் தெரிந்த உங்களுக்கு எனது அறிவுரை தேவையில்லை என்பது எனக்கு தெரியும்.

நுண்கடன் பொறியில் சிக்கி 200 பெண்கள் தற்கொலை: லக்ஷமன் நிபுணராச்சி வேதனை! 04 Mar, 2026 | 03:56 PM (எம்.ஆர்.எம்.வசீம்,இராஜதுரை ஹஷான்) நுண்கடன் திட்டங்களை முறையாக கையாள்வதற்கு கடந்த கால அரசாங்கங்கள் முறையான நடவடிக்கைகளை மேற்கொண்டிருந்தால் நுண்கடன் திட்டங்களால் நெருக்கடிக்குள்ளாகி 200 இற்கும் அதிகமான பெண்கள் தற்கொலை செய்துக் கொண்டிருக்கமாட்டார்கள்.நாட்டு மக்களை நெருக்கடிக்குள்ளாக்கும் வகையில் அரசாங்கம் சட்டமியற்றாது என தேசிய மக்கள் சக்தியின் கொழும்பு மாவட்ட பாராளுமன்ற உறுப்பினர் லக்ஷமன் நிபுணராச்சி தெரிவித்தார். பாராளுமன்றத்தில் புதன்கிழமை நடைபெற்ற நுண்நிதி மற்றும் கடன் ஒழுங்குப்படுத்தும் அதிகாரசபை சட்டமூலம் மீதான விவாதத்தில் உரையாற்றுகையில் மேற்கண்டவாறு குறிப்பிட்டார். அங்கு அவர் மேலும் உரையாற்றியதாவது, அரசாங்கம் கலக்கமடையவில்லை. எதிர்க்கட்சிகள் இன்று கலக்கமடைந்து மக்களை குழப்பமடையச் செய்கின்றன.போலியான விடயங்களை குறிப்பிட்டு மக்களை திசைத்திருப்ப முயற்சிக்கிறார்கள். நாட்டு மக்களை நெருக்கடிக்குள்ளாக்கும் வகையில் அல்லது மக்களுக்கு எதிரான வகையில் சட்டமியற்ற வேண்டிய தேவை எமக்கு கிடையாது. ஏனெனில் இது மக்களுக்கான அரசாங்கம். மக்களுக்கு எதிராக கடந்த காலங்களில் கொண்டு வரப்பட்ட சட்டங்கள் தற்போது கட்டம் கட்டமாக திருத்தம் செய்யப்படுகின்றன. மக்களுக்கு இணக்கமான வகையில் புதிய சட்டங்கள் இயற்றப்படுகின்றன.இதன் ஒரு அங்கமாகவே நுண்நிதி மற்றும் கடன் ஒழுங்குப்படுத்தல் அதிகாரசபை சட்டமூலம் கொண்டு வரப்பட்டுள்ளது. வறுமை நிலையில் உள்ள நடுத்தர மக்களை இலக்காகக் கொண்டே இந்த நுண்கடன் திட்டங்கள் உருவாக்கப்பட்டன. காலப்போக்கில் இந்தத் திட்டத்தால் நடுத்தர மக்கள் மிக மோசமாக பாதிக்கப்பட்டார்கள். நுண்கடன் திட்டம் குறித்து கடந்தகால அரசாங்கங்கள் உரிய நடவடிக்கைகளை மேற்கொண்டிருந்தால் இத்திட்டத்தால் பாதிக்கப்பட்டு 200 இற்கும் அதிகமான பெண்கள் தற்கொலை செய்துக் கொண்டிருக்கமாட்டார்கள். நுண்கடன் திட்டங்களை முறையாக கண்காணிக்கும் வகையில் தான் கடன் ஒழுங்குப்படுத்தல் அதிகாரசபை ஸ்தாபிக்க தீர்மானிக்கப்பட்டுள்ளது. அனைத்தையும் எதிர்க்கும் மனநிலையில் இருந்து எதிர்க்கட்சியினர் விடுபட வேண்டும். மக்களுக்கு எதிராக நாங்கள் ஒருபோதும் செயற்பட போவதில்லை என்றார். நுண்கடன் பொறியில் சிக்கி 200 பெண்கள் தற்கொலை: லக்ஷமன் நிபுணராச்சி வேதனை!

காணாமல் போன ஊரணி மீனவர்கள்! Mar 4, 2026 - 03:21 PM யாழ்ப்பாணம், வலி வடக்கு ஊரணி பகுதியில் இருந்து கடலுக்குச் சென்ற இரண்டு மீனவர்கள் தொடர்பில் இதுவரை எந்த தகவலும் கிடைக்கவில்லை என பாதிக்கப்பட்ட குடும்பத்தினர் குற்றச்சாட்டுகின்றனர். அவர்கள் மேலும் தெரிவிக்கையில், கடந்த வெள்ளிக்கிழமை ஊரணி அன்னை வேளாங்கண்ணி கடற்தொழில் சங்கத்துக்கு உட்பட்ட மீனவர்கள் இருவர் கடலுக்கு மீன்பிடிப்பதற்காக சென்றுள்ளனர். மறுநாள் வீடு திரும்பாத காரணத்தினால் எமது மீனவர்கள் குறித்த இரு மீனவர்களையும் தேடி கடலுக்குள் சென்ற நிலையில் அவர்களை கண்டுபிடிக்க முடியவில்லை. இவ்வாறான நிலையில் காங்கேசன் துறை பொலிஸ் நிலையத்துக்கும், கடற்கரையினருக்கும் மீனவர்கள் காணாமல் போனமை தொடர்பில் தகவல் தெரிவித்தோம் ஆனால் ஆறு நாட்களாகியும் இதுவரை எமக்கு எந்த பதிலும் கிடைக்கவில்லை. கடந்த திங்கட்கிழமை கச்சதீவுக்கு அருகாமையில் இந்திய எல்லைக்கு அருகில் குறித்த இரு மீனவர்களையும் கண்டதாகவும் அவர்களுக்கு உணவும் நீரும் வழங்கியதாக இந்தியா மீனவர்கள் எமது மீனவர்களுக்கு தெரிவித்திருக்கிறார்கள் என தெரிவித்தனர். -யாழ். நிருபர் பிரதீபன்- காணாமல் போன ஊரணி மீனவர்கள்!

அமெரிக்காவுடன் ஒருபோதும் பேச்சுவார்த்தை இல்லை - ஈரான் உறுதி Published By: Vishnu 05 Mar, 2026 | 05:35 AM ஈரான் அரசு அமெரிக்காவுடன் எந்தவொரு பேச்சுவார்த்தையும் மேற்கொள்ளாது என, மறைந்த தலைமை மதகுரு ஆயதுல்லா அலி கொமெய்னியின் ஆலோசகர் முகமது மொக்பெர் தெரிவித்துள்ளார். மத்திய கிழக்கு பிராந்தியத்தில் அமெரிக்க இராணுவத் தளங்கள் மற்றும் இஸ்ரேல் நாட்டின் முக்கிய நகரங்களை இலக்காகக் கொண்டு ஈரான் தாக்குதல்கள் தொடர்ந்து நடைபெற்று வரும் நிலையில், பல நாடுகள் இருதரப்பும் பேச்சுவார்த்தை மூலம் தீர்வு காண வேண்டும் என வலியுறுத்தி வருகின்றன. இத்தகைய அழைப்புகளுக்கு பதிலளித்த முகமது மொக்பெர், அமெரிக்கர்களை நாங்கள் நம்பவில்லை. அவர்களுடன் பேச்சுவார்த்தை நடத்த வேண்டிய எந்த அடிப்படையும் இல்லை. எங்களுக்கு இந்த போரை நாங்கள் விரும்பும் வரையில் தொடர முடியும் என அவர் மேலும் கூறியுள்ளார். இதனால் மத்திய கிழக்கில் பதற்றமான சூழல் மேலும் தீவிரமடைந்துள்ளமை குறிப்பிடத்தக்கது. அமெரிக்காவுடன் ஒருபோதும் பேச்சுவார்த்தை இல்லை - ஈரான் உறுதி

குவைத்தில் உயிரிழந்த 5வது மற்றும் 6வது அமெரிக்க வீரர்களின் விபரங்கள் வெளியீடு! Mar 5, 2026 - 09:19 AM யுத்தத்தின் ஆரம்ப நாட்களில் குவைத்தில் ஈரான் நடத்திய ட்ரோன் தாக்குதலில் உயிரிழந்த ஐந்தாவது மற்றும் ஆறாவது அமெரிக்க வீரர்களின் அடையாளத்தை பென்டகன் உறுதிப்படுத்தியுள்ளது. இதன்படி, ஐந்தாவது வீரராக அயோவாவின் வோகியைச் சேர்ந்த மேஜர் ஜெப்ரி ஓ'பிரையன் (Major Jeffrey O'Brien) அடையாளம் காணப்பட்டுள்ளார். இவர் 2012 ஆம் ஆண்டு சிக்னல் கோர்ப்ஸ் அதிகாரியாக இராணுவத்தில் இணைந்துள்ளார். இவர் 2019 ஆம் ஆண்டு குவைத்தில் பணியில் அமர்த்தப்பட்டதாக பென்டகன் மேலும் தெரிவித்துள்ளது. இதேவேளை, குவைத் தாக்குதலில் உயிரிழந்த ஆறாவது வீரர் கலிபோர்னியாவின் சாக்ரமெண்டோவைச் சேர்ந்த பிரதம வாரண்ட் அதிகாரியான 54 வயதுடைய ரொபர்ட் எம். மர்சான் (Robert M. Marzan) எனத் தெரிவிக்கப்படுகிறது. கடந்த ஞாயிற்றுக்கிழமை (01) குவைத்தின் 'போர்ட் ஷுஐபா' பகுதியில் அமைந்துள்ள கட்டளை மையத்தின் மீது நடத்தப்பட்ட ட்ரோன் தாக்குதலில் இந்த ஆறு வீரர்களும் உயிரிழந்திருந்தனர். குவைத்தில் உயிரிழந்த 5வது மற்றும் 6வது அமெரிக்க வீரர்களின் விபரங்கள் வெளியீடு!

2 கோடி மற்றும் 50 இலட்சம் ரூபா இலஞ்சம்: இருவர் கைது Mar 5, 2026 - 08:38 AM இரண்டு கோடி ரூபாவுக்கும் அதிகப் பணத்தை இலஞ்சமாகப் பெற்ற குற்றச்சாட்டில் சுகாதார அமைச்சின் ஓய்வுபெற்ற பிரதம எழுத்தர் ஒருவரை இலஞ்ச ஊழல் ஒழிப்பு ஆணைக்குழு கைது செய்துள்ளது. சுகாதார அமைச்சின் சிற்றுண்டிச்சாலையில் வைத்து இலஞ்ச ஊழல் ஒழிப்பு ஆணைக்குழுவின் அதிகாரிகளால் சந்தேகநபர் கைது செய்யப்பட்டுள்ளார். 2018 ஆம் ஆண்டில் தனியார் நிறுவனமொன்றிடமிருந்து சுகாதார அமைச்சுக்குக் கட்டடமொன்றை வாடகை அடிப்படையில் பெற்றுக்கொண்டதன் பின்னர், அதற்கான வாடகைப் பணத்தைக் காசோலைகள் மூலம் செலுத்துவதில் எவ்வித தாமதமும் இன்றிச் செயற்படுவதற்காகவே சந்தேகநபர் இவ்வாறு இலஞ்சம் கோரியுள்ளதாகத் தெரிவிக்கப்படுகிறது. கைது செய்யப்பட்ட சந்தேகநபர் கொழும்பு பிரதம நீதவான் நீதிமன்றத்தில் ஆஜர்படுத்தப்பட்டதன் பின்னர் எதிர்வரும் 17 ஆம் திகதி வரை விளக்கமறியலில் வைக்கப்பட்டுள்ளார். இதேவேளை, 50 இலட்சம் ரூபா பணத்தை இலஞ்சமாகப் பெற்ற குற்றச்சாட்டில் கொழும்பு 12 பிரதேசத்தைச் சேர்ந்த வர்த்தகர் ஒருவரும் இலஞ்ச ஊழல் ஒழிப்பு ஆணைக்குழுவால் கைது செய்யப்பட்டுள்ளார். சட்டவிரோதச் சொத்துக்கள் விசாரணைப் பிரிவினரால் கைது செய்யப்பட்டு விளக்கமறியலில் வைக்கப்பட்டுள்ள சந்தேகநபர் ஒருவருக்குப் பிணை பெற்றுக்கொள்வதற்குத் தேவையான உதவியை வழங்குவதற்கும், அவரது குடும்ப உறவினர்கள் கைது செய்யப்படுவதைத் தடுப்பதற்கான உதவியை வழங்குவதற்கும் குறித்த வர்த்தகர் இவ்வாறு இலஞ்சப் பணத்தைப் பெற்றுள்ளதாகத் தெரிவிக்கப்படுகிறது. கைது செய்யப்பட்ட இந்தச் சந்தேகநபரும் கொழும்பு பிரதம நீதவான் நீதிமன்றத்தில் ஆஜர்படுத்தப்பட்டதன் பின்னர் எதிர்வரும் 13 ஆம் திகதி வரை விளக்கமறியலில் வைக்கப்பட்டுள்ளார். 2 கோடி மற்றும் 50 இலட்சம் ரூபா இலஞ்சம்: இருவர் கைது

சைப்பிரஸ் மீதான ட்ரோன் தாக்குதல்: ஈரானில் இருந்து ஏவப்படவில்லை Mar 5, 2026 - 07:15 AM சைப்பிரஸின் தெற்குப் பகுதியில் அமைந்துள்ள பிரித்தானிய இராணுவத் தளம் மீது தாக்குதல் நடத்திய ஆளில்லா விமானம், ஈரானில் இருந்து ஏவப்படவில்லை என அந்நாட்டு பாதுகாப்பு அமைச்சு தெரிவித்துள்ளது. பிரித்தானிய பாதுகாப்பு அமைச்சின் அறிக்கையை மேற்கோள் காட்டி,, சர்வதேச ஊடகங்கள் இந்தத் தகவலை வெளியிட்டுள்ளன. இருப்பினும், குறித்த ட்ரோன் யாரால் ஏவப்பட்டது என்பது குறித்த தகவல்களை பிரித்தானிய பாதுகாப்பு அமைச்சு இதுவரை வெளியிடவில்லை. கடந்த 2ஆம் திகதி, "ஷாஹெட்" வகையைச் சேர்ந்த ஆளில்லா விமானம் ஒன்று, அக்ரோட்டிரி பகுதியில் அமைந்துள்ள பிரித்தானிய இராணுவத் தளத்தின் மீது மோதி விபத்துக்குள்ளானது. இந்தச் சம்பவத்தினால் சொத்துக்களுக்குச் சிறிய அளவிலான சேதங்கள் ஏற்பட்டுள்ளதாக சைப்பிரஸ் ஜனாதிபதி நிகோஸ் கிறிஸ்டோடோலிடிஸ் தனது 'X' தளத்தில் பதிவிட்டுள்ளார். மேலும், இந்தப் போர்ச் சூழலில் சைப்பிரஸ் எந்தவொரு இராணுவ நடவடிக்கையிலும் பங்காளியாக இருக்க விரும்பவில்லை என்றும் அவர் கூறியுள்ளார். இந்தத் தாக்குதலைத் தொடர்ந்து பிரித்தானிய பாதுகாப்பு அமைச்சு வெளியிட்டுள்ள அறிக்கையில், அக்ரோட்டிரி தளத்தில் தங்கியுள்ள இராணுவத்தினரைப் பாதுகாப்பாக அங்கிருந்து வெளியேற்றுவதற்கான நடவடிக்கைகள் எடுக்கப்பட்டு வருவதாகக் குறிப்பிட்டுள்ளது. அத்துடன், வான்வழி அச்சுறுத்தல்களிலிருந்து படைத்தளத்தைப் பாதுகாப்பதற்காக ரோயல் கடற்படையின் வைல்ட்கேட் ஹெலிகாப்டர் வரும் நாட்களில் சைப்பிரஸிற்கு வருகை தரும் எனவும் சர்வதேச செய்திகள் தெரிவிக்கின்றன. சைப்பிரஸ் மீதான ட்ரோன் தாக்குதல்: ஈரானில் இருந்து ஏவப்படவில்லை

ஹோர்மஸ் நீரிணை: சீன எண்ணெய் கப்பல்களுக்கு மட்டும் ஈரான் அனுமதி Published By: Vishnu 05 Mar, 2026 | 05:23 AM அமெரிக்கா மற்றும் இஸ்ரேல் மேற்கொண்டு வரும் தாக்குதல்களின் பின்னணியில், ஹோர்மஸ் நீரிணையை மூடியுள்ள ஈரான், சீனாவைச் சேர்ந்த எண்ணெய் கப்பல்களுக்கு மட்டும் அனுமதி வழங்கியுள்ளதாக அறிவித்துள்ளது. போர்நிலையில் ஈரானுக்கு ஆதரவு தெரிவித்ததற்கும், பொருளாதாரத் தடைகளை ஏற்க மறுத்ததற்கும் நன்றி தெரிவிக்கும் வகையில் இந்த அனுமதி வழங்கப்பட்டதாக ஈரான் தெரிவித்துள்ளது. உலகளவில் கடத்தப்படும் மசகு எண்ணெயின் சுமார் 20% இந்த நீரிணை வழியாகச் செல்கின்ற நிலையில், இந்த மார்க்கத் தடைகள் சர்வதேச சந்தையில் எண்ணெய் விலை அதிகரிக்கக்கூடும் என பொருளாதார நிபுணர்கள் எச்சரிக்கை விடுத்துள்ளமை குறிப்பிடத்தக்கது. ஹோர்மஸ் நீரிணை: சீன எண்ணெய் கப்பல்களுக்கு மட்டும் ஈரான் அனுமதி

ஈரானிய கப்பலில் இருந்து 84 சடலங்கள் மீட்பு Published By: Digital Desk 3 05 Mar, 2026 | 09:27 AM இலங்கையை அண்மித்த கடற்பிராந்தியத்தில் விபத்துக்குள்ளான ஈரானியப் போர்க்கப்பல் மீது அமெரிக்க நீர்மூழ்கிக் கப்பல் தாக்குதல் நடத்தியிருப்பதை அமெரிக்கா உத்தியோகபூர்வமாக உறுதிப்படுத்தியுள்ளது. இச்சம்பவத்தில் உயிரிழந்த 84 பேரின் சடலங்களை இலங்கை கடற்படையினர் மீட்டுள்ளனர். அமெரிக்க பாதுகாப்பு தலைமையகமான பென்டகனில் நேற்று மாலை நடைபெற்ற விசேட செய்தியாளர் சந்திப்பில் உரையாற்றிய அமெரிக்க யுத்த விவகார செயலாளர் பீட் ஹெக்செத் ஈரானியக் கப்பலை அமெரிக்க நீர்மூழ்கிக் கப்பல் மூழ்கடித்ததை உறுதிப்படுத்தினார். "சர்வதேச கடல் பரப்பில் பாதுகாப்பாக இருப்பதாக நினைத்துக்கொண்டிருந்த ஈரானியப் போர்க்கப்பலை, அமெரிக்க நீர்மூழ்கிக் கப்பலிலிருந்து ஏவப்பட்ட டோர்பிடோ (Torpedo) ஏவுகணை மூலம் அழித்துள்ளோம்" என அவர் தெரிவித்துள்ளார். சுமார் 180 பணியாளர்களுடன் பயணித்த "ஐஆர்ஐஎஸ் டெனா" கப்பல் தாக்குதலுக்கு உள்ளான நிலையில், இதுவரை பின்வரும் விபரங்கள் உறுதிப்படுத்தப்பட்டுள்ளன. கடலில் மிதந்த 84 பேரின் சடலங்களை இலங்கை கடற்படையினர் மீட்டுள்ளனர். இவை மேலதிக பரிசோதனைகளுக்காக காலி, கராப்பிட்டிய போதனா வைத்தியசாலைக்கு கொண்டு செல்லப்பட்டுள்ளன. 32 பேர் கடற்படையினரால் உயிருடன் மீட்கப்பட்டுள்ளனர். கப்பலில் இருந்த ஏனைய சுமார் 64 பேரின் நிலை குறித்து இதுவரை தகவல்கள் இல்லை. அவர்களைத் தேடும் பணிகள் தொடர்கின்றன. 1979 ஆம் ஆண்டின் சர்வதேச கடல்சார் தேடல் மற்றும் மீட்பு மாநாட்டின் உடன்படிக்கையின்படி, இலங்கை கடல் எல்லைக்கு அருகில் இச்சம்பவம் நிகழ்ந்ததால், மனிதாபிமான அடிப்படையில் மீட்புப் பணிகளை முன்னெடுக்கும் சர்வதேச கடப்பாடு இலங்கைக்கு உண்டு. Beaches & Islands நேற்று புதன்கிழமை (04) அதிகாலை 5.08 மணியளவில் கிடைத்த அபாய சமிக்ஞையைத் தொடர்ந்து, கடற்படை ஊடகப் பேச்சாளர் கமாண்டர் புத்திக சம்பத் தலைமையிலான குழுவினர் விமானப்படையின் உதவியுடன் மீட்பு நடவடிக்கைகளை ஆரம்பித்தனர். இச்சம்பவம் பிராந்தியத்தில் ஒரு நேரடி யுத்தச் சூழலை உருவாக்கியுள்ள நிலையில், இது தொடர்பாக இலங்கை அரசாங்கம் மற்றும் சர்வதேச நாடுகளின் அடுத்தகட்ட நகர்வுகள் உன்னிப்பாகக் கவனிக்கப்பட்டு வருகின்றன. https://www.virakesari.lk/article/240189

இந்தியா இங்கிலாந்திற்கிடையே நடைபெறும் இரண்ட்டாவது அரையிறுதி போட்டி மும்பையில் நடைபெறுகிறது 200 ஓட்டங்களுக்கு மேல் எதிர்பார்க்கப்படும் ஆடுகளம், சிகப்பு மண் கொண்ட ஆடுகளம், 1-6 களில் அதிகமாக வேக பந்து வீச்சிற்கு சாதகமாகவும் கடினமான காலப்பகுதியாகவும் இருக்கும், விக்கெட்டுக்களை இழக்காமல் விளையாடும் அணி 7-20 ஓவர்களில் தனது 200 ஓட்ட இலக்கினை எடுக்க முற்படலாம். பெரிய ஓட்டங்கள் கொண்ட மைதானம் ஆகையால் முதலில் துடுப்பாடலை தெரிவு செய்ய அணிகள் விரும்ப கூடும், மும்பை மைதானங்கள் மைதான ஈரலிப்பு பொதுவாக ஏற்படுவதில்லை என கூறப்படுகிறது அதனால் பெரும்பாலும் முதல் துடுப்பாட்டத்தினை அணிகள் விரும்பலாம். சிகப்பு ஆடுகளம் என்பதால் சுழல் பந்து மற்றும் வேகப்பந்து வீச்சிற்கு சாதகமாக இருக்கும், ரேகானிற்கு பதிலாக ஓவர்டன் இங்கிலாந்து அணிக்காக விளையாடவுள்ளார் என கூறப்படுகிறது. இந்தியணி மேற்கிந்தியணிக்கெதிராக ஒரு நம்பிக்கையான வெற்றியுடன் களமிறங்குகிறது, அதே வேளை இந்திலாது அணி சிரமமான ஆடுகளத்தில் பல வெற்றிகளுடன் களமிறங்குகிறது, இலங்கைஆடுகளத்தின் கடுமையான சூழ்நிலையில் விளையாடிய நியுசிலாந்து அணி நேற்றைய போட்டியில் காட்டாறு போல எதிரணியினை துவைத்தெடுத்துள்ளார்கள் என்பது குறிப்பிடத்தக்கது. கடந்த சில போடிகளில் சோபை இழந்து காணப்படும் வெவண் இன்று இந்தியணியினை வெற்றிப்பாதைக்கு அழைத்து செல்வாரா அல்லது அனைத்து போட்டிகளிலும் சொதப்பும் பட்லர் இன்றைய போட்டியில் மிளிர்கிறாரா?

மேலும் ஒரு தகவல். ஈரான் தன்னிடம் உள்ள சூப்பர் சோனிக் மிசைல்களை இன்னும் பாவிக்கவில்லை. முதலில் தரமற்ற மிசைல், டிரோன்களை அனுப்பி அமெரிக்கா இஸ்ரேலின் எதிர் ஏவுகணைகளை விரயம் செய்கிறது. நமக்கு எதிர் ஏவுகணை தட்டுப்பாடு வரலாம் என அமெரிக்க அதிகாரிகள் காங்கிரஸ் உறுபினருக்கான ரகசிய விளக்கமளிப்பில் சொல்லி உள்ளனராம். எனபேதாம் ஏவும் தளங்களை விரைந்து அழிக்கிறோம் என்றார்களாம்.

இங்கே வெறும் பழகுவதற்காக மட்டும் கொடுக்கும் கார் லைன்சன்ஸ் எடுக்கும் போதே உறுப்புதானம் செய்ய விரும்புகிறீகளா என கேட்பார்கள். முன்பு விரும்ப்பம் என்றால் டிக் அடிக்க வேண்டும். இப்போ விருப்பம் இல்லாட்டில் டிக் அடிக்க வேண்டும். இப்படியான முறை மருத்துவ படிப்புக்கு உடலை கொடுக்கும் முறைக்கு இல்லை. ஆனால் அதற்கும் 18 வயதாயிருந்தால் போதும். இந்தியாவிலும் 60 வயதாகவேண்டும் என்ற நியதி இல்லை என்பதை செய்தியே சொல்கிறது.

நீங்கள் மஹாபாரத காலத்தில் சூர்ய அஸ்தமனத்தின் பின் போர் செய்ய கூடாது, பென் உருவில் வருபவர்ரை கொல்ல கூடாது என்று ஏதேனும் பண்டைய போர் விதிகளை பின் பற்றுகிறீர்களா? இதில் ஜெனிவா ஒப்பந்தம் உட்பட எந்த யுத்த விதியும் மீறப்படவில்லை. அமெரிக்கா, இஸ்ரேல் நாலு நாளைக்கு முன்பே ஈரானின் அத்தனை அரச சார்புடைய அமைபுகள் மீதும் தாக்குதலை ஆரம்பித்து விட்டார்கள். இது ஒரு போர் கப்பல், இந்தியாவில் இருந்து யுத்த முனை நோக்கி நகர்கிறது. இதை யுத்த முனைக்குள் நுழைந்த பின் தான் தாக்க வேண்டும் என எந்த அவசியமும் இல்லை. 2ம் உலக போரில் ஜேர்மனியின் யூபோர்ர்டுகள் பலவும், பிரித்தானியாவின் மேர்ச்ண்ட் நேவி மற்றும் நேவி கப்பல்களும் நடு அத்லாந்திக்கில் வைத்து இரு தரப்பாலும் மூழ்கடிக்கப்பட்டன. அது போலவே இதுவும். ஆனால் இந்தியாவை தேவையில்லாமல் டென்சன் ஆக்க கூடாது என்பதால் - அதன் territorial waters மட்டும் அல்ல exclusive economic zone ஐயும் தாண்டிய பின் இலங்கை EEA க்குள் வைத்து அடித்துள்ளார்கள். இது கூட முடிந்தளவு உயிரிழப்பை தவிர்க்க என்றே நினைக்கிறேன. இலங்கைக்கும் மாலைதீவுக்கும் இடையே அல்லது மாலைதீவுக்கும் Horn of Africa வுக்கும் இடையில் வைத்து போட்டிருப்பின் - காப்பாற்ற எவரும் இன்றி அத்தனை பேரும் செத்திருப்பார்கள்.