உதவிவழங்கும் மாநாட்டிற்கு கீழ்நிலை அதிகாரிகளை அனுப்பியது ஐரோப்பிய ஒன்றியம்.

சிறீலங்கா அரசின் அமைதி முயற்சிகள் தொடர்பான நடவடிக்கைகள் மற்றும் மனிதஉரிமை மீறல்கள் என்பன தொடர்பாக விசனம் அடைந்துள்ள ஐரோப்பிய ஒன்றிய நாடுகள் திங்கட்கிழமை காலியில் ஆரம்பமான சிறீலங்காவிற்கு உதவிவழங்கும் நாடுகளின் மாநாட்டிற்கு தமது கீழ்நிலை அதிகாரிகளையே அனுப்பியுள்ளது. இதன் மூலம் அரசுக்கு தமது மகிழ்ச்சி அற்ற நிலையை வெளிக்காட்டியுள்ளதாக ராஜதந்திர வட்டாரங்கள் தெரிவித்துள்ளன.

அவை மேலும் தெரிவித்ததாவது:

கீழ்நிலை அதிகாரிகளை அனுப்பியதன் மூலம் ஐரோப்பிய ஒன்றியம் அரசின் அமைதி நடவடிக்கைகளிலும் நாட்டில் தோன்றியுள்ள மனித உரிமை மீறல்களிலும் மகிழ்ச்சி அற்ற நிலையில் உள்ளதை தெளிவாக எடுத்துக்காட்டியுள்ளது.

தமது இந்த நிலையை தெரிவிப்பதற்காக அரச தலைவர் மகிந்த பங்குபற்றிய மாநாட்டில் ஐரோப்பிய ஒன்றிய நாடுகளின் முக்கிய பிரதிநிதிகள் கலந்துகொள்ளவில்லை. அவர்கள் தமது பிரதி தலைவர்களை அல்லது பொருளியல் நிபுணர்களையே மாநாட்டிற்கு அனுப்பியிருந்தனர்.

எனினும் அமெரிக்கா தனது தூதுவர் றொபேட் பிளேக்கை அனுப்பியிருந்தது. ஆனால் அமெரிக்க தூதுவரும் இராணுவத்தீர்வை கைவிட்டு அரசு அரசியல் தீர்வின் மூலம் இனப்பிரச்சனையை தீர்க்க வேண்டும் என தெரிவித்திருந்தார் என்பது குறிப்பிடத்தக்கது.

-Puthinam-

கீழ்நிலையோ மேல் நிலையோ கொடுகிற காசு முடிவுதானெ.

ஆனா பூட்டிய ஏ9 பாதை பற்றி ஒரு மூச்சு விடல்ல தெரியாத மாரி இருந்துட்டு வந்திட்டாங்கள்.

அப்ப என்ன அரசாங்கம் செய்யிற காரியங்களுக்கு ஓம் என்டு ஒத்து ஊதுகினம் எண்டுதான் முடிவு.

காலியில நல்ல மசாஜ் கிளப்ப்பெல்லாம் இருக்குதாமே உண்மையே. அப்ப போனவை பாடு கொண்டாட்டம் தான்

முதல்நாள் கூட்டத்தில் சமாதான வழியில் பிரச்சனைக்கு தீர்வு காணவேண்டும் அல்லது காசுதரமாட்டோம் என்றவை இரண்டாம் நாள் கேட்டதொகையையே கொடுத்ததர்க்கு காரணம் முதல்நாள் கூட்டம் முடிந்தவுடன் பெரிய பாட்டியாம் உடும்பிறைச்சிபிரியனின் உபயத்தில், நல்ல காலம் உந்த கிழவன் தமிழர்பகுதியில் இல்லாதது. ஐயோ பாவம் சிங்கள சிறுவர்கள்.

.

இலங்கை நிலவரத்தில் ஐரோப்பிய ஒன்றியத்திற்கு திருப்தியில்லை.

- பண்டார வன்னியன் றுநனநௌனயலஇ 31 துயரெயசல 2007 16:07

இலங்கையின் சமாதான முயற்சிகள் மற்றும் மனித உரிமை நிலைமைகளில் திருப்தியில்லை என்பதை ஐரோப்பிய ஒன்றியம் வெளிக்காட்டியிருப்பதாக தூதரக வட்டாரங்கள் கூறுகின்றன. சமாதான முயற்சிகள் மற்றும் மனித உரிமைப் பிரச்சினைகளை இலங்கை அரசாங்கம் முன்னெடுத்துச் செல்லும் விதம் குறித்து அதிருப்தியடையவில்லையென்பது காலியில் நடைபெற்ற இலங்கைக்கு உதவி வழங்கும் நாடுகளின் கூட்டத்தில் ஐரோப்பிய ஒன்றியத்தின் சார்பில் உயர்பதவி வகிக்கும் பிரதிநிதிகள் கலந்துகொள்ளாதமை மூலம் புலனாவதாக தூதரக வட்டாரத் தகவல்கள் தெரிவிக்கின்றன.

திங்கட்கிழமை நடைபெற்ற ஆரம்ப நிகழ்வில் ஜனாதிபதி மஹிந்த ராஜபக்ஷவுடன் மேடையில் ஐரோப்பிய ஒன்றியத்தின் முக்கிய பிரதிநிதிகள் யாரும் இணைந்துகொள்ளவில்லை. ஐரோப்பிய ஒன்றியத்தின் அபிவிருத்தி முன்னணியின் பிரதித் தலைவரை அதில் இணைந்துகொண்டிருந்தார்.

எனினும், அமெரிக்கா சார்பில் கலந்துகொண்டிருந்த இலங்கைக்கான அமெரிக்கத் தூதுவர் ரொபேர்ட் பிளேக் இலங்கையின் இனப்பிரச்சினைக்கு இராணுவ ரீதியாகத் தீர்வு காணமுடியாதெனக் கூறியதுடன், சமாதான முயற்சிகளை உடனடியாக ஆரம்பிக்க வேண்டுமெனக் கூறியிருந்தார்.

அத்துடன், இலங்கையில் இடம்பெறும் வன்முறைகளை முடிவுக்குக் கொண்டுவருவதன் மூலம் நாட்டின் பொருளாதாரத்தை அபிவிருத்தி அடையச் செய்யலாமென உலக வங்கியின் தெற்காசியப் பிராந்தியத்துக்கான பிரதித் தலைவர் ப்ரவுல் பட்டேல் தெரிவித்தார

சங்கதி