தமிழீழத்தின் அன்பார்ந்த நண்பர்களுக்கும் நலன்விரும்பிகளுக்கும்,

 

இதோ, சோதனையான ஒரு காலகட்டத்தில் “போரினாற் காயமுற்றோர், விதவைகள், அனாதைகளுக்கான் புதிய சந்தர்ப்பங்கள்” அமைப்பின் சார்பில் தங்கள் உதவியை ஒரு முறை மீண்டும் ஒரு தடவை இங்கு நாடி நிற்பது சுபா சுந்தரலிங்கம்.

 

கடு மழையாலும், திடீர் வெள்ளத்தாலும்  மட்டக்களப்பு- அம்பாறை மாவட்டங்களில் இடம்பெற்றுள்ள பேரழிவு பற்றிச் சிறிதளவேனும் தாங்கள் அறிந்திருப்பீர்களென்பதில் எமக்கு ஐயமேதுமில்லை. அங்குள்ள மக்கள் படும் அவதிகளோ வார்த்தைகளுக்கப்பாற்பட்டவை. உணவுப்பொருட்களின் பற்றாக்குறையும் அவற்றை வாங்குவதற்கான பணவுதவி யேதுமற்றிருப்பதும் அம்மக்களை ஒட்டு மொத்தமாகப் பட்டினியில் வாட்டும் நிலையையே அங்கு உருவாகியுள்ளது. வெள்ளம் தணிந்த பகுதிகளிலுள்ள மக்கள் உணவு தேடி நகரை நோக்கிப்படையெடுக்க ஆரம்பித்துள்ளதாக ஒரு செய்தி தெரிவிக்கின்றது. தயை கூர்ந்து http://www.battinews.com/2012/12/batticaloa-flood.html. ஐப் பார்வையிடுக.

 

நாம் மட்டுநகரில் உள்ள பிரித்தானிய அமைப்பான ஒக்ஸ்பாம் அறக்கொடை நிறுவனத்துடன் தொடர்புகொண்டபோதில் அங்குள்ள மக்கள் பட்டினியால் பெரும் அவதியுறுவதும், ஐ.நா அமைப்புக்களின் உதவி கோரப்பட்டுள்ளமையும் எனினும் இவ்வுதவிகள் உடனடிப் பசிக்குதவா என்பதும் நிச்சயப்படுத்தப்பட்டுள்ளன.. இவ்வஞ்சலோடு நாம் இணைத்துள்ளதும், மட்டு நகர் பா.உ. திரு சீ.யோகெஸ்வரனால் எமக்கு எனுப்பி வைக்கப்பட்டதுமான அஞ்சல் ஒன்று எமக்கிருக்கும் பாரிய பணியின் அளவினைத் தங்களுக்குத் தெள்ளெனத் தெரியத்தரும்..

நாம் தங்கள் முன் வைக்கும் வேண்டுகோள் இவ்வளவு தான்: தாயகத்து உடன் பிறப்புக்களின் துயர் துடைக்க நாமனைவரும் ஒருங்கிணைவோம். உங்களால் முடிந்த உதவியைச் செய்யுங்கள். மேலதிக விவரங்களுக்கு http://nowwow-us.org/Contibution%20Methods-1.pdf ஐப்பார்வையிடுக.

 

இந்த நிதியத்தின் முழு நோக்கமும் பசி தீர்ப்பு என்பதனால் இதனை அதிக காலம் திறந்து வைத்திருக்கும் எண்ணம் எமக்கு இல்லை. எனவே தாங்கள் தீர்மனித்தபடிக்கான தங்கள் உதவி உடனடியாக எம்மை வந்தடைவது மிக மிக அவசியம்

தங்கள் உதவிக்கு மீண்டுமொருதடவை நன்றி கூறி விடை பெறுவது,

 

சுபா சுந்தரலிங்கம்.

nowwow-us.org

அம்மா, வேறு வழியால் உதவி செய்து கொண்டிருக்கிறோம் .

உங்கள் பணிக்கு நன்றி.