அர­சி­யல் கைதி ஆனந்தசுதா­க­ர­னின் விடு­த­லைக்­காக இன்று ஈழமே அழு­கி­றது. அனைத் துத் தமிழ் மக்­கள் பிர­தி­நி­தி­க­ளும், வடக்கு முத­ல­மைச்­ச­ரும்,சமூக அக்­கறை கொண்­டோ­ரும், மனித உரிமை செயற்­பாட்­டா­ளர்­க­ளும் என எல்­லோ­ரும் அவ­ருக்­கான விடு­த­லையை வலி­யு­றுத்தி பல்­வேறு வகை­யான போராட்­டங்­களை முன்­னெ­டுத்து வரு­கி­றார்­கள்.

ஆனந்­த­சு­தாகர­னின் மனை­வி­யின் மறைவின்போது, அவ­ருக்கு நீதித்­து­றை­யால் வழங்­கப்­பட்ட வெறும் அந்த 3 மணித்­தி­யா­லங்­கள் மட்டுமே அவ­ரது அன்பு மனை­வி­யின் இறுதிக் கிரி­யை­க­ளில் கலந்­து ­கொள்­ளவும், தான் சிறைப்­பி­டிக்­கப்­ப­ டும்­போது மனை­வி­யின் வயிற்­றி­லி­ருந்த இளைய குழந்­தை­யை­யும் மூத்த மக­னை­யும் தரி­சிக்­க­வும், அய­ல­வர்­க­ளு­டன் துக்­கம் பகி­ர­வும், அவ­ருக்கு அவகாசமாக வழங்­கப்­பட்­டி­ருந்­தது.

அந்த இறு­திக்­கி­ரி­யை­க­ளில் அவர் பங்­கெ­டுத்­து­விட்டு சிறைச்­சாலை வாக­னத்­தில் ஏறி­ய­போது அவ­ரு­டன் அவ­ரது மக­ளும் சிறைச்­சாலை வண்­டி­யில் ஏறிய காட்­சியே இன்று பல மனித மனங்­களின் உணர்வு களைத் தட்­டி­ விட்­டி­ருக்­கின்­றது.

ஒரு­வேளை அந்தப் பச்­சி­ளம் பாலகி அவ்­வாறு சிறைச்­சாலை வண்­டி­யில் ஏறாது விட்­டி­ருந்­தாலோ ,அல்­லது அவள் ஏறும்­போது அந்­தக்­காட்சி ஒளிப்படக் க­ரு­விக்­குள் அகப்­பட்­டி­ருக்­காது விட்­டாலோ அது இந்த அள­வுக்கு முக்­கி­யத்­து­வம் பெறாத ஒரு சாதாரண செய்­தி­யாக எம்­மைக் கடந்­தி­ருக்­குமோ என்ற சந்­தே­க­மும் எழத்­தான் செய்­கி­றது.

ஆனந்­த­சு­தா­க­ரன் என்ற பெய­ருக்கு எதிர்­ம­றை­யாக அவ­ரது வாழ்­வி­யல், துன்­பி­யல் வர­லா­றாக மாற்­றப்­பட்­டி­ருக்­கி­றது.இந்த ஆனந்­த­சு­தா­க­ரனது மனைவி இறந்­த­தும், அவர் பிணை­யில் சில­ம­ணி­நே­ரம் வெளி­யில் வந்­த­தும், பிள்­ளை­கள் கண்டு கதறி அழு­த­தும்,பிள்ளை சிறைச்­சாலை வண்­டிக்­குள் ஏறி­ய­தும் உண்­மை­யில் எதேச்சையாக வாழ்­வி­ய­லில் நடந்த சம்­ப­வங்­களே.

அந்தச் சம்­ப­வங்­கள் இன்று அவ­ரது விடி­வுக்­கான நீதி­தே­வ­தை ­யின் கண்­ணில் கட்­டி­யி­ருக்­கும் துண்டைச் சற்றுக் கீழி­றக்­கிப் பார்க்க வைத்­துள்­ளது.

இதே­போன்று ஆயி­ரம் ஆனந்­த­சு­தா­க­ரன்­கள் தத்­த­மது மனைவி,மக்­களை,உற­வி­னரை,இன்­பத்தை, சுதந்­தி­ரத்தை இழந்து அர­சி­யல் கைதி­யெ­னும் ஒற்றை நாமத்­துக்­குள் உள்­ள­டக்­கப்­பட்டு தாங்­கொ­ணாத் துன்­பங்­களை உட­லா­லும் உள்­ளத்­தா­லும் அனு­ப­வித்து வரு­கி­றார்­கள்.

இந்த ஆனந்­த­சு­தா­க­ர­னைப்­போல எத்­த­னையோ தமிழ்த்­தாய்மார் ஈன்­றெ­டுத்த தமிழ்ப் பிள்­ளை­கள் சிறை­க­ளிலே வாடு­கி­றார்­கள்.

அவர்­க­ளின் மனை­வி­மார்,பெற்­றோர்,பிள்­ளை­கள் வெளியே வாடு­கி­றார்­கள்.இன்று எமது கண்­முன்னே தெரி­வது ஒரே ஒரு ஆனந்தசுதா­க­ரன் மட்­டும்­தான்.

அனைத்து ஆனந்­த­சு­தா­க­ரன்­க­ளது வாழ்­வி­லும் இனி­யா­வது ஒளி­யேற்ற தமி­ழர்­க­ளா­கிய நாம் என்ன செய்­யப்­போ­கி­றோம்?

தமிழ் மக்­க­ளது பிர­தி­நி­தி­க­ளா­கிய எமது தலைவர்கள் என்ன செய்­யப்­போ­கி­றார்கள்?
தனியே சிறு ஆர்ப்­பாட்­டங்­கள் அல்­லது ஊர்­வ­லங்­கள் அல்­லது மனுக்­க­ளு­டன் உறங்­கப்­போ­கி­றோமா?

அல்­லது ஆனந்­த­சு­தா­க­ரன் போன்ற அர­சி­யல் கைதி­க­ளின் வாழ்­வில் உறக்­க­மே­யில்­லாத நிலையை உணர்த்தி அவர்­கள் வாழ்வை விடி­யச்­செய்­யப்­போ­கி­றோமா?

முடி­யும்; முயற்­சித்­தால் எம்­மால் நிச்­ச­யம் முடி­யும்

எமது மக்­கள் பிர­தி­நி­தி­க­ளால் இது முடி­யும். மக்­க­ளால் முடி­யும். ஒரு­போ­துமே நகர்த்­தவே முடி­யாது என்ற மகிந்த ஆட்­சியை, நெம்­பு­கோ­லாய் நின்று நகர்த்தி, நல்­லாட்சி என்று வேட­மிட்ட இந்த மைத்­தி­ரியை முடி­சூட்டி ஆட்­சிப்­பீ­ட­மேற்றி அழ­கு­பார்த்­த­வர்­கள் தமி­ழர்­க­ளா­கிய நாம்.

எமது பலம் அதுதான். என்­ன­தான் சிங்­க­ள­தே­சம் பெளத்­தம்,சிங்­க­ளம் முன்­னு­ரிமை என்­றா­லும் தனித்து அவர்­க­ளால் ஆட்சி அமைத்­து­வி­ட­வும் முடி­யாது; அமைந்­து­விடப் போவ­து­மில்லை.

தனிக்­காட்டு ராஜாவை தலை­கீ­ழாய் மாற்­றி­வைத்த மக்­கள் பலம் இப்­போது எங்கே? அதை ஊக்­கு­வித்த மக்­கள் பிர­தி­நி­தி­கள் எங்கே?

அனை­வ­ரும் சேர்ந்து நெம்­பி­னால் அர­சி­யல்­கை­தி­க­ளின் விடி­வுக்­கான அந்­தத் தடைக்­கல் மெல்ல நக­ரும். அனைத்து அர­சி­யல்­கை­தி­க­ளின் வாழ்க்­கை­யி­லும் விடிவு ஏற்­ப­டும்.

சகல தமிழ் நாடா­ளு­மன்ற உறுப்­பி­னர்­க­ளும்,மாகா­ண­சபை,பிர­தேச­சபை உறுப்­பி­னர்­கள்,அர­சி­யல் கட்­சி­கள் ,மக்­கள் அமைப்­புக்­கள்,சமூக அமைப்­புக்­கள்,தொழிற் சங்­கங்­கள்,சட்­டத்­த­ர­ணி­கள் சங்­கங்­கள் என அனைத்துத் துறை­யி­ன­ ரும் மனம் வைத்து ஒரு புள்­ளி­யில் குவிந்து செயற்பட்­டால், அவர்­க­ளின் விடி­வென்­பது நிச்­ச­யம் மலர்ந்தே ஆகும்.

இரண்டு வரு­டங்­க­ளுக்கு முன்­னர் 2015ஆம் ஆண்டு நவம்­பர் மாதம் 26ஆம் தேதி­யன்று செந்­தூ­ரன் என்ற யாழ்.கொக்­கு­வில் இந்­து­வின் உயர்­தர மாண­வன் கோண்­டா­வில் புகை­யி­ர­தக் கட­வை­யில் புகை­யி­ர­தத்­துக்கு குறுக்கே பாய்ந்து தற்­கொலை புரிந்­ததேன்?

அர­சி­யல் கைதி­க­ளின் விடிவை மைத்­தி­ரிக்கு வலி­யு­றுத்தி கடி­தம் எழுதி­ வைத்து விட்­டுத் தனது உயிரை மாய்த்­துக்­கொண்­டான் அவன். இன்­னும் அவர்­க­ளுக்­கான விடிவு எட்­டப்­ப­ட­வில்­லையே!!

கடந்த மூன்று தசாப்­த­கா­ல­மாக நாட்­டில் இடம்­பெற்ற போர்ச்­சூ­ழ­லால் எம்­ம­வர்­க­ளில் பல இளை­ஞர்­கள் அர­சி­யல் கைதி­க­ளாக வேண்­டிய நிர்ப்­பந்­தம் ஏற்­பட்டு ­விட்­டது.

எனி­னும் போர் முடி­வ­டைந்து ஒன்­பது ஆண்­டு­கள் கடந்­து­விட்ட இப்­போ­தும், பல போரா­ளி­கள் புனர்­வாழ்­வுக்குப் பின்­னர் விடு­விக்­கப்­பட்ட பின்­ன­ரும், பல முக்­கிய தள­ப­தி­கள் சுதந்­தி­ர­மாக இருக்­கும் போதும், காலச் சூழ்­நி­லை­க­ளால் அர­சி­யல்­கை­தி­களாக்­கப்­பட்­ட­வர்­க­ளின் ­­­­வி­ட­யத்தில் மட்­டும் ஏன் நீதி­ தேவ­தை­யின் கண்­கள் இறு­கக் கட்­டப்­பட்­டுள்­ளன.

அர­சி­யல் கைதி­க­ளான தமது பிள்­ளை­க­ளின் விடு­விப்பை எதிர்­பார்த்­துக் காத்­தி­ருக்­கும்  பெற்­றோர், உற­வு­கள்

நல்­லாட்சி என்ற நாமத்­து­டன் ஆட்­சி­பீ­ட­மேற முயன்­ற­வர்­க­ளுக்கு, அர­சி­யல் கைதி­க­ளான தமது பிள்­ளை­கள் விடு­விக்­கப்­ப­ட­ லாம் என்ற ஒரே எதிர்­பார்ப்­பின் அடிப்­ப­டை­யில்­இந்த அர­சி­யல் கைதி­க­ளின் பெற்­றோர்­கள்,அண்­ணன்­மார், தம்­பி­மார்,மனை­வி­மார்,உற்­றார் ,உற­வி­னர்­கள் என அத்­த­னை­பே­ரும் வாக்­க­ளித்­ததை மைத்­திரி மறந்­து­விட்­டாரா?

எனக்­காக வாக்­க­ளித்த தமிழ் மக்­களை மறக்க, நான் நன்­றி­கெட்­ட­வன் அல்ல, என்று யாழ்ப்­பா­ணத்­தில் வைத்­துப் பெ­ரும் எடுப்­பில் தாம் கூறிய கூற்­றுக்கு அமைய அவர் செயற்­ப­ட­வில்­லையே?

மக்­கள் உங்­க­ளுக்கு ஏன் வாக்­க­ளித்­தார்­கள்?

*தங்­கள் காணி­கள் விடு­விக்­கப்­பட வேண்­டும்?

*தங்­கள் பிள்­ளை­கள் விடு­விக்­கப்­பட வேண்­டும்.

*காணா­மல் ஆக்­கப்­பட்ட தமது சொந்­தங்­க­ளுக்கு நேர்ந்­த­கதி என்ன என்­ப­து­கு­றித்­துத் தெளி­வாக்­கப்­பட வேண்­டும்.

*தமி­ழ­ருக்­கான நீதி வேண்­டும்

என்ற தமிழ்­மக்­க­ளது அடிப்­ப­டைத் தத்­து­வங்­க­ளுக்­கா­க­வும், அடிப்­படை உரி­மை­க­ளுக்­கா­க­வுமே வாக்­க­ளித்­தார்­கள்.

அன்று நீங்­கள் நீதிதேவ­னாக, சுதந்­திரப் புறா­வாக உங்­களை அடை­யா­ளம் காட்டி , எங்­கள் மக்­க­ளின் வாக்­கெ­னும் அரி­சிப் பருக்­கை­களை புசித்­து­விட்டு இன்று விடி­வே­யில்­லாத அவர்­க­ளுக்­கான நீதியை எதற்­கா­கத் தாம­திக்­கி­றீர்­கள்.?

இன்று ஆனந்­த­சு­தா­க­ர­னின் மகள் அரச தலை­வ­ருக்­கும், அவ­ரது மக­ளுக்­கும் தனது தந்­தை­யின் விடி­வுக்­காய் கடி­தம் எழு­து­கி­றாள். சிங்­க­ளச் சிறு­மி­க­ளுக்­கும் தமிழ்ச் சிறு­மி­க­ளுக்­கும் மன­தும் இத­ய­மும் ஒன்­று­தான் என மைத்­திரி புரிந்­து­கொள்­வாரா? இல்­லையா? என்­பது குறித்து பொறுத்­தி­ருந்து தான் பார்க்க வேண்­டும்.

அர­சி­யல் கைதி­க­ளுக்கு பொது மன்­னிப்பு வழங்கி வர­லாற்­றில் இடம் பிடி­யுங்­கள்

நிறை­வேற்று அரச தலை­வர் ­முறை­மையை ஒழித்த உங்­க­ளால், இந்­நாட்­டில் சுபீட்­சத்தை ஏன் ஏற்­ப­டுத்த முடி­ய­வில்லை?

உங்­க­ளைக் கொலை செய்ய முயன்­ற­வ­ ரைப் பொது­மன்­னிப்­ப­ளித்து விடு­விக்­கும் போது ஏன் அர­சி­யல் கைதி­க­ளுக்கு பொது­மன்­னிப்பு வழங்க முடி­யா­துள்­ளது?

சிகி­ரியா பளிங்­குச்­சு­வரை சேதப்­ப­டுத்தி ஆயுள் தண்­டனை பெற இருந்த பெண்­ணுக்கு பொது­மன்­னிப்பு வழங்கிய நீங்கள், இந்த தமிழ் அர­சி­யல் கைதி­க­ளது மனங்­களை ஏன் மேன்மேலும் சேதப்­ப­டுத்­து­கி­றீர்­கள்?

நீங்­கள் செல்­லும் வழி­யில் கைய­சைத்த சிறு­மிக்­காய் வாக­னத்தை நிறுத்தி, அவள் வீடு சென்ற உங்­க­ளுக்கு, இந்த ஆனந்­த­சு­தா­க­ர­னின் மக­ளின் கத­றல் காதில் விழ­வில்­லையா?

அவ­ளது வீடு செல்­லும் பாதை தெரி­ய­வில்­லையா? இல்லை அவள் தமி­ழச்சி என்று நினைக்­கி­றீர்­களா?

இங்கு நீங்­கள் வாழை­யி­லை­யில் சாப்­பி­டு­வதை பெரு­மை­யா­கப் பேச நாங்­கள் விளை­ய­வில்லை ஐயா!

நீங்­கள் ஆனந்­த­சு­தா­க­ர­னைப் போன்­றோ­ரின் வாழ்­வில் ஒளி­யேற்றி பெரு­மை­கொள்­ளவே விரும்­பு­கி­றோம்.

நீங்­கள் அரச தலை­வ­ரா­வ­தற்கு முன்­ன­ரும், அரச தலை­வ­ரா­ன­தன் பின்­ன­ரும் நான் நிறை­வேற்று அதி­கா­ரத்தை ஒழிப்­பேன், ஒரு­மு­றை­தான் அரச தலைவராக இருப்­பேன் என்­றெல்­லாம் பேசி­னீர்­களே?

ஐயா,
ஒரு­முறை நாட்­டின் அரச தலை­வ­ராக இருக்­கும்­போதே நீங்­கள் நீதியை நிலை­ நாட்­டுங்­கள். அனைத்து மக்­க­ளை­யும் நேசி­யுங்­கள்; எழு­பது வரு­டங்­க­ளுக்கு மேலாக இழு­ப­டும் இனப்­பி­ரச்­சி­னையை உமது ஒரு­முறை ஆட்­சி­யில் தீர்த்து வையும்; தீர்வை வழங்­கும்; நீதியை வழங்­கும்; அப்­போ­து­தான் உமது ஒரு­முறை ஆட்சி ஓரா­யி­ரம் ஆண்­டு­கள் வர­லாற்­றில் நிலைத்து நின்று பேசும்.

தமி­ழர் பிரச்­சி­னை­க­ளைத் தீர்த்து வைத்தால்  அரச தலை­வர்  உல­கப் புகழ் பெறு­வார்

இன்று விடு­த­லைப்­பு­லி­களை ஒழித்­த­மைக்­காக மகிந்­தவை இலங்கை சிங்­கள, முஸ்­லிம் மக்­கள் கொண்­டா­டு­வதை நீங்­கள் அறி­வீர்­கள். அது­போல தமி­ழர்­க­ளுக்கு விடிவை, தீர்வை , உங்­கள் ஆட்­சி­யில் முறைப்­படி வழங்­கி­னால், உல­கமே உம்­மைப் பாராட்­டும். இலங்கை வர­லாற்­றில் உமது பெயர் பல்­லா­யி­ரம் ஆண்­டு­கள் நிலைத்து நின்று பேசும்.

தமிழ் மக்­கள் உமக்­க­ளித்த வாக்­கு­களை இறை­வ­னுக்­க­ளித்த தட்­ச­ணை­யாக அல்­லவா எண்­ணு­வர்? நீர் அரச தலை­வ­ராக நாட்டின் தலை­வ­ராக நின்று முடி­வெ­டும். நீர் பின்­பற்­று­வது பெளத்­த­மாக இருக்­கட்­டும்; ஆனால் அதன் உண்­மைப் போத­னை­களை நீர் பின்­பற்றி நடை­மு­றைப்­ப­டுத்­தும்; நீர் புத்­த­னின் வாரிசு என நிரூ­பித்­துக் காட்டும்.

நீர் எடுக்­கும் சிறந்த முடி­வு­க­ளுக்கு பெளத்த மகா­சங்­கங்­கள் தடை­யாக அமைந்­தால், தய­வு­செய்து மகா­நா­யக்­கர்­க­ளை­அ­ரச தலை­வ­ராக்­கி­விட்டு நீர் வில­கிக்­கொள்­ளும்.

ஏனெ­னில் ஒரு நாட்­டின் தலை­வ­ரா­ன­வர் தமது நாட்­டின் குடி­மக்­க­ளுக்கு என்ன வேண்­டுமோ, தமது நாட்­டின் சுபீட்­சத்­துக்கு என்ன செய்ய வேண்­டுமோ , அவை குறித்து ஆழ அறிந்து முடிவை, உறு­தி­யான தீர்­மா­னமாக மேற்­கொள்ள வேண்­டும்.

ஒரு நேரத்­தில் ஒன்­று­தான் முக்­கி­யம் பெற வேண்­டும். ஒன்று; நாடா இல்­லை­யேல் சுடு­காடா?

மற்­றை­யது; அரச தலை­வர் ஆட்சி முறையா? மகா­ந­யக்­கர்­க­ளின் ஆட்­சியா? ஆக, இலங்கை வர­லாறு உமது பெயரை நின்று நிலைக்க வைக்க உமக்­கொரு வர­லாற்றுச் சந்­தர்ப்­பம் வழங்­கி­யுள்­ளது ஐயா! அதைச் சிறப்பான தாகப் பயன்­ப­டுத்­துங்­கள்.

அதற்கு முன்­னு­தா­ர­ண­மாக அர­சி­யல் கைதி­கள் அத்­தனை பேரை­யும் உமது பொது­மன்­னிப்­பின் அடிப்­ப­டை­யில் விடு­வித்து, நீங்­கள் இந்த நாட்டு மக்களது அதி­ப­தியே தவிர மகா­நா­யக்­கர்­க­ளின் அதி­ப­தி­யல்ல என எடுத்து இடித்­து­ரையுங்­கள். சூளு­ரை­கள் வரட்­டும்; நீங்­கள் தனித்து நில்­லுங்­கள்.