கிழக்கில் சிவில் நிர்வாகத்தை ஏற்படுத்துவது பெரும் சவால்

கிழக்கில் சிவில் நிர்வாகத்தை ஏற்படுத்துவது பெரும் சவால்

வீரகேசரி நாளேடு

பயங்கரவாதிகளிடமிருந்து மீட்கப்பட்ட கிழக்கு மாகாணத்தை அபிவிருத்தி செய்வதற்கான வேலைத்திட்டங்களை அரசாங்கம் மேற்கொண்டுள்ளது. அந்த திட்டங்களை முன்னெடுப்பதற்காக அரசாங்கம் 6.5 பில்லியன் ரூபாவை திறைசேரியூடாக ஒதுக்கியுள்ளது என்று தேசிய பாதுகாப்பு தொடர்பான அரசாங்கத்தின் பேச்சாளரும் அமைச்சருமான கெஹலிய ரம்புக்வெல தெரிவித்தார்.

கிழக்கு மாகாணம் முழுமையாக மீட்கப்பட்டுள்ள போதிலும் அங்கு சிவில் நிர்வாகத்தை ஏற்படுத்துவது அரசாங்கத்திற்கு பெரும் சவாலாகவேயுள்ளது. பயங்கரவாதிகளின் பிடியிலிருந்து கிழக்கு மாகாணம் மீட்கப்பட்டிருப்பதனால் கிழக்கிலுள்ள இதர ஆயுத குழுக்கள் சட்டத்தை பின்பற்ற வேண்டும் என்றும் அவர் சொன்னார்.

பாதுகாப்பு தொடர்பான ஊடக மத்திய நிலையத்தில் நேற்று நடைபெற்ற ஊடகவியாலளர் மாநாட்டில் கலந்து கொண்டு கருத்து தெரிவித்த போதே அவர் மேற்கண்டவாறு தெரிவித்தார்.

இங்கு அவர் தொடர்ந்து கருத்து தெரிவிக்கையில் மேலும் கூறியதாவது;

கிழக்கு மாகாணத்தில் சிவில் நிர்வாகத்தை ஏற்படுத்தி அபிவிருத்தி நடவடிக்கைகளை மேற்கொண்டு அரசியல், பொருளாதார சுதந்திரத்தை ஏற்படுத்தினால் மட்டுமே 1948 ஆம் ஆண்டு சிங்கள,தமிழ், முஸ்லிம் மக்கள் இணைந்து மேற்கொண்ட போராட்டத்தின் மூலமாக பெற்ற சுதந்திரத்தை அர்த்தப்படுத்த முடியும்.

பயங்கரகளின் செயற்பாடுகள் காரணமாக மக்களின் அடிப்படை உரிமைகள் மீறப்பட்டுள்ளது மட்டுமல்லாது கலாசாரமும் சீரழிக்கப்பட்டுள்ளது. கிழக்கு மாகாண மக்கள் பயங்கரவாதிகளிடம் இழந்த உரிமைகளை அரசாங்கம் மீளப்பெற்றுக்கொடுப்பதற்கான வேலைத்திட்டத்தையும் மேற்கொண்டு வருகின்றது.

படையினர் அரசியல் ரீதியான வெற்றியை பெற்றுக்கொடுத்துள்ளனர் படையினரின் நடவடிக்கைகளில் சந்தேகம் கொள்ளக்கூடாது. நாம் பொருளாதார ரீதியிலான வெற்றியை பெற்றுக்கொடுத்து கிழக்கு மாகாண மக்களுக்கு உண்மையான சுதந்திரத்தை பெற்றுக்கொடுப்போம்.

கிழக்கு மாகாணத்தை பயங்கரவாதிகளின் செயற்பாடுகளிலிருந்து படையினர் மீட்டெடுத்தாலும் அங்கு சிவில் நிர்வாகத்தை நிறுவுவது அரசாங்கத்திற்கு பெரும் சவாலாவே இருக்கின்றது. கிழக்கு மாகாணத்தில் சிவில் நிர்வாகத்ததை ஏற்படுத்த இடமளிக்க மாட்டோம் என்பதற்காகவே கிழக்கு மாகாண பிரதம் செயலாளரை புலிகள் அண்மையில் கொன்றனர்.

கிழக்கு மாகாணத்தில் சிவில் மற்றும் அரசியல் நிர்வாகத்தை எற்படுத்த கூடாது என்பதில் அக்கறையாக பிரபாகரனும் அவர் தலைமையிலான குழுவினரும் செயற்பட்டுக்கொண்டிருக்கின்