Posted on : 2008-07-10

வெள்ளைவான் கடத்தல் கொடூரம்: தேசத்தின் மாற்ற முடியாத தலைவிதி!

கொழும்பில் தாராளமாக நடைபெறும் வெள்ளைவான் கடத்தல்களைத் தடுக்கத் துப்பில்லாத இந்த அரசு, விடுதலைப் புலிகளைத் துடைத்தழிக்கப் போவதாக மார்தட்டுவது அபத்தத்திலும் அபத்தம் என்று இப்பத்தியில் ஏற்கனவே சுட்டிக்காட்டியிருந்தோம்.

ஆளும் தரப்பின் ஆசீர்வாதத்துடன் முன்னெடுக்கப்படும் இந்த அராஜகத்துக்கு அடிப்படை மனித உரிமை மீறலுக்கு முடிவு எப்போது என்று எண்ணிப் பொதுமக்கள், குறிப்பாகத் தமிழர்கள், பெரும் விசனப்படுகின்றார்கள்.

இத்தகைய மனித உரிமை மீறல்களுக்கு இடம்கொடுக்கக் கூடாது, அதனை அடியோடு தடுத்து நிறுத்த வேண்டும் என்ற பற்றுறுதி திடசங்கற்பம் கருத்து நிலைப்பாடு அரசியல் தீர்க்கம் அரசுத் தலைமைக்கு வராதவரை இத்தகைய கொடூரங்கள் தொடரவே செய்யும் என்றும் சுட்டிக்காட்டியிருந்தோம்.

அரச கட்டுப்பாட்டுப் பிரதேசத்தில் இடம்பெறும் இத்தகைய பல்வேறு கொடூரங்களுக்கும், அராஜகங்களுக்கும், அட்டகாசங்களுக்கும் யார் காரணம், யார் பின்னணி, யார் சூத்திரதாரி என்பவையெல்லாம் பொதுமக்களுக்குத் தெரியாதவை அல்ல.

அதனால்தான் "திருடனாகப் பார்த்துத் திருந்தினால் ஒழிய திருட்டைத் தடுக்க முடியாது' என்பது போல "வெள்ளை வான் கடத்தல் சூத்திரதாரிகளும் தாங்களாகத் திருந்தினால்தான் இவ்விடயம் நேர்சீராகும்' என்று குறிப்பிட்டிருந்தோம்.

இவ்வாறான, மோசமான மனித உரிமை மீறல்கள் இடம்பெறாமல் தடுக்க வேண்டிய அதிகாரத் தரப்புகளே, "பயங்கரவாதத்தை ஒழிக்கும் நடவடிக்கை' என்ற பெயரில் இத்தகைய கொடூரங்களுக்கு அனுமதி தந்து, ஒத்தாசை வழங்கி, ஆசீர்வாதம் அளித்து வருகையில் இவற்றைத் தடுத்து நிறுத்திவிட முடியப் போவதில்லை என்பது தெட்டத் தெளிவு.

இப்போது இந்த வெள்ளைவான் கொடூரத்தின் சூத்திரதாரிகள் யார் என்பதைப் பிரதான எதிர்க்கட்சியான ஐ.தே.க. நாடாளுமன்றத்தில் பச்சையாகவே போட்டுடைத்து அம்பலப்படுத்தியிருக்கின்றத

தனது நாட்டின் சொந்த ஜனங்களைக் குறித்து அக்கறைப்படாத எந்த அரசும் ஆட்சி செய்ய தகுதியற்றது. அது எந்த கட்சி சார்ந்ததாயிருந்தாலும் சரி. ஐ.தே.க. வெள்ளைவான் கடத்தல்களை பற்றி பேசுகிறது.இந்த வெள்ளைவான் கொடூரத்தின் சூத்திரதாரிகள் யார் என்பதைப் பிரதான எதிர்க்கட்சியான ஐ.தே.க. நாடாளுமன்றத்தில் பச்சையாகவே போட்டுடைத்து அம்பலப்படுத்தியிருக்கின்றத