மன்மோகன் சிங்குக்கு இந்தியப் படைகளே பாதுகாப்பு; ஏனைய தலைவர்களுக்கு இலங்கைப் படைகள் வழங்கும்

அடுத்தமாதம் இரண்டாம் திகதி நடைபெறவுள்ள "சார்க்' மாநாட்டில் பங்குபற்றவரும் தலைவர்களுக்கு எமது படைகளே பாதுகாப்பு வழங்கும். இந்தியப் பிரதமர் மன்மோகன் சிங்குக்கு மட்டும் இந்தியப் படையினரே பாதுகாப்பு வழங்குவர் அவருக்கு பாதுகாப்பு வழங்க அவர்களின் ஹெலிகள் பறக்க எமது வான்பரப்பில் அனுமதி வழங்கப்பட்டுள்ளது.

இராணுவப் பேச்சாளர் பிரிகேடியர் உதய நாணயக்கார இத்தகவல்களை வெளியிட்டுள்ளார்.

கொழும்பு ஆங்கில வாரஇதழ் ஒன்றுக்கு அவர் இத்தகவலைத் தெரிவித்துள்ளார்.

அவர் மேலும் தெரிவித்துள்ளதாவது:

"சார்க்' மாநாட்டில் பங்கு பற்றவரும் தலைவர்களுக்கு தேவையான பாதுகாப் புக்களை இராணுவ, பொலிஸ், கடற்படை, விமானப்படை ஆகியவற்றின் எமது படை யினர் வழங்குவர். அவர்களுக்கு தேவை யான சகல பாதுகாப்பு மற்றம் அது சார்ந்த உதவிகளை எமது படையினரே பூர்த்தி செய்வர்.

இந்தியப் பிரதமர் மன்மோகன்சிங்கிற் கான பாதுகாப்பு ஏற்பாடுகளை அவர்களது பாதுகாப்புப் படையினரே வழங்குவர். அவருக்கான பாதுகாப்பு மற்றும் அது சார்ந்த தேவைகள் யாவற்றையும் அவர் களே பொறுப்பேற்று மேற்கொள்வர். அதில் எமது அரசாங்கம் தலையிடாது.

மன்மோகன்சிங்குக்கு பாதுகாப்பு வழங்க தமது ஹெலிகள் இலங்கை வான் பரப்பில் பறக்க இந்தியா அனுமதி கோரி யிருந்தது. அதற்கான அனுமதி வழங்கப் பட்டுள்ளது என்றார் இராணுவப் பேச்சாளர்.

இதேவேளை

இந்தியப் பிரதமர் மன்மோகன்சிங்கின் விஜயம் இறுதிவரை உறுதிசெய்யப்படாத நிலையிலேயே இருக்கும் என்றும்

அவர் வருகை தரும்பட்சத்தில், அவ ரது விஜயம் "சார்க்' மாநாட்டு நிகழ்ச்சி யுடன் மட்டுப்படுத்தப்படும் என்றும்

அவரது நடமாட்டங்கள் தொடர்பாக இரகசியம் பேணப்படும் என்றும் விடயமறிந்த வட்டாரங்கள் தெரிவித்தன.

இலங்கையில் "சார்க்' மாநாடு மூன்றா வது தடவையாக இப்போது நடைபெறு கின்றது.

கடந்த இருமாநாடுகளும் 1991, 1998 ஆம் ஆண்டுகளில் நடைபெற்றன.

தற்போதைய யுத்தச் சூழலில் மூன்றா வது மாநாடு நடைபெறுவது போலவே முன்னைய மாநாடுகளும் யுத்த சூழலிலேயே இங்கு நடத்தப்பட்டன என்று சுட்டிக்காட்டப்படுகிறது. (அ1)