"இலங்கையில் இருந்து தமிழர்கள் அகதிகளாக இந்தியாவுக்கு வருவதை நாங்கள் விரும்பவில்லை. சண்டையால் இடம்பெயரும் மக்களுக்கு உணவு மற்றும் தங்குமிட வசதிகளை அளிக்க வேண்டியது இலங்கை அரசின் பொறுப்பு" - என, வெளியறவு அமைச்சர் பிரணாப் முகர்ஜி கூறியுள்ளார். ராஜ்ஜசபாவில் இது தொடர்பாக அவர் பேசியதாவது:-

இலங்கையில் நடக்கும் சண்டையால், அங்குள்ள தமிழர்கள் அகதிகளாகத் தமிழகம் வருவதை நாங்கள் விரும்பவில்லை. இலங்கை நிலைவரத்தைக் கட்டுப்படுத்த முடியாது என்பதால், அகதிகள் இந்தியாவுக்கு வராமல் பார்த்துக்கொள்ளும்படி இலங்கை அரசைக் கேட்டுக் கொண்டுள்ளோம்.

புலிகளுக்கும், இராணுவத்திற்கும் இடையே நடக்கும் சண்டையால் இடம்பெயரும் மக்களுக்கு உணவும், தங்குமிட வசதியும் அளித்து அவர்களைப் பாதுகாக்க வேண்டியது இலங்கை அரசின் பொறுப்பு. இலங்கையில் நடக்கும் சண்டையால், அப்பாவித் தமிழர்களின் நலனும், உரிமையும் பாதிக்கப்படக் கூடாது எனத் தெரிவித்துள்ளோம். இலங்கை இனப்பிரச்சினைக்கு இராணுவ ரீதியாகத் தீர்வுகாண முடியாது. ஐக்கிய இலங்கையின் வரையறைக்கு உட்பட்டு அரசியல் ரீதியாக இதற்குத் தீர்வுகாணவேண்டும். அதே நேரத்தில், தமிழர்கள் உட்பட சிறுபான்மையினர் அனைவரின் சட்டபூர்வமான உரிமைகளும் பாதுகாக்கப்படவேண்டும்.

மேலும், இலங்கையின் கிழக்கு மாகாணத்தில் ஜனநாயக நடவடிக்கைகளைத் தொடரவேண்டும் என்றும் கேட்டுக் கொண்டுள்ளோம். சர்வதேச கடல் எல்லையை இந்திய மீனவர்கள் மதிக்கவேண்டும் என்பதைத் தெரிவித்துக் கொள்ளும் அதே நேரத்தில், இந்திய மீனவர்கள் மீது தாக்குதல் நடத்துவதையும் இலங்கைக் கடற்பை.ட தவிர்க்க வேண்டும் என்றும் கேட்டுக்கொண்டுள்ளோம்.

- இவ்வாறு பிரணாப் முகர்ஜி கூறினார்.

uthayan.com

சர்வதேச ஓப்பந்த முறைப்படி செய்து கொள்ளப்பட்ட வடகிழக்கு இணைந்த தமிழர் மாநிலத்தை பிரித்த சிங்களவனை தட்டி கேட்க வக்கில்லாத இந்திய வெளிநாட்டு அமைச்சர் .

கிழக்கின் சனநாயகம் தொடர வேண்டும் என்று பாராளுமன்றத்தில் சொல்கிறார். அதை தமிழக அமைச்சர்களும் கேட்டு கொண்டு இருக்கினம். தமிழகத்திற்கு பூச் சுத்த வட இந்திய அரசியல் வாதிகள் நல்லாக பழகி விட்டினம்.