தெற்காசிய பல்கலைக்கழகத்தால் இலங்கை மாணவர்களுக்கு நன்மை

புதுடில்லியில் அமைக்கப்படவிருக்கும் தெற்காசிய பல்கலைக்கழகத்தில் முதுகலைமானி மட்டும் டிப்ளோமா பாடநெறிகளுக்கு இலங்கை மாணவர்களையும் இணைத்துக்கொள்வதற்கு நடவடிக்கை எடுக்கப்பட்டிருப்பதாக உயர்கல்வி அமைச்சர் பேராசிரியர் விஸ்வ வர்ணபால தெரிவித்தார்.

அபிவிருத்தியடைந்த நாடுகளிலுள்ள பல்கலைக்கழகங்களில் தமது

பிள்ளைகளைச் சேர்ப்பதற்காக பெற்றோர்கள் வருடாந்தம் 61 மில்லியன் அமெரிக்க டொலர்களை செலவுசெய்வதாக அமைச்சர் கூறினார்.

“இலங்கையைச் சேர்ந்த 600 மாணவர்கள் தமது கல்லூரியில் கல்விகற்பதாக சென்னையிலுள்ள மருத்துவக் கல்லூரியின் நிர்வாகம் தெரிவித்தது. இவர்களில் பெரும்பாலானவர்கள் நடுத்தர மற்றும் செல்வந்தக் குடும்பங்களைச் சேர்ந்த மாணவர்கள். இவர்களின் பெற்றோர் தமது வருமானத்தில் 60 வீதத்தைச் செலவுசெய்கின்றனர்” என்றார் அவர்.

இதனைக் கருத்தில்கொண்டு தெற்காசிய பல்கலைக்கழகத்தில் கூடுதல் எண்ணிக்கையிலான இலங்கை மாணவர்களக்கு வாய்ப்பு வழங்க இணக்கம் காணப்பட்டிருப்பதாக அமைச்சர் கூறினார்.

“இலங்கை மற்றும் இந்தியா மாத்திரமன்றி பிராந்தியத்திலுள்ள ஏனையநாடுகளும் தெற்காசியப் பல்கலைக்கழகத்தின் நன்மையடையும். ஏனைய பல்கலைக்கழகங்களுடன் ஒப்பிடும்போது செலவு மிகவும் குறைவாகவிருக்கும்” என்றார் விஸ்வ வர்ணபால.

விஞ்ஞானபீடம், கலைப்பீடம், முகாமைத்துவப்பீடம் மற்றும் மனிதநேய விவகாரங்கள் உள்ளிட்ட பீடங்கள் இந்தப் பல்லைகலைக்கழகத்தில் கற்பிப்பிக்கப்படவிருப்பதாக அமைச்சர் கூறினார்

http://www.tamilskynews.com/ http://www.tamilskynews.com/ http://www.tamilskynews.com/