கருணாகுழு அலுவலகத்தில் கூட இருந்தவர்கள் தாக்குதல் - ஒருவர் பலி, இன்னொருவர் படுகாயம்

கருணாகுழு அலுவலகத்தில் கூட இருந்தவர்கள் தாக்குதல் - ஒருவர் பலி, இன்னொருவர் படுகாயம்

திகதி: 04.04.2009 // தமிழீழம் // [விடியல்]

மட்டக்களப்பு வடமுனையிலுள்ள துணை இராணுவக் குழு அலுவலகத்தில் நேற்றிரவு இடம் பெற்ற துப்பாக்கிச் சூட்டு சம்பவத்தில் ஒருவர் கொல்லப்பட்டுள்ளார். மற்றுமொருவர் காயமடைந்துள்ளார் என மட்டக்களப்பு செய்திகள் தெரிவிக்கின்றன.

ஏற்கனவே துணை இராணுவக் குழுவின் தலைவராக இருந்து செயற்பட்ட கருணாகுழுவின் அலுவலகங்கள் தற்போது விநாயகமூர்த்தி முரளீதரனின் கட்சி அலுவகமாக இயங்கி வரும் நிலையில் தாக்குதல்கள் மேற்கொள்ளப்பட்டுள்ளன.

இவ் அலுவலகத்தில் நேற்றிரவு 10.40 மணியளவில் இடம் பெற்ற துப்பாக்கிச் சூட்டில் கொல்லப்பட்டவர் 17 வயதான ரேகன் என அடையாளம் காணப்பட்டுள்ளதாகவும் காயமடைந்து வெலிக்கந்தை வைத்தியசாலையில் அனுமதிக்கப்பட்டுள்ளவர் அலுவலகப் பொறுப்பாளர் மொகிலன் எனவும் பொலிஸ் தகவல்கள் மூலம் தெரிய வருகின்றது.

இந்த சம்பவத்தின் பின்பு அங்கு தங்கியிருந்த சந்திரசேககரன் மற்றும் குகன் ஆகியோர் தலைமறைவாகியுள்ளதாகவும் இவர்களே துப்பாக்கிச் சூட்டு சம்பவத்துடன் தொடர்புடையவர்கள் எனவும் சிறிலங்காப் பொலிசார் தெரிவிக்கின்றனர்.

sankathi