தமிழில் குரு திரைப்படம்

அபிஷேக் பச்சன் ஜோடியாக உலக அழகி ஐஸ்வர்யா ராய் நடிக்க, முக்கிய வேடத்தில் மாதவன் நடித்துள்ள குரு திரைப்படம், தமிழில் வெளியாக உள்ளது. 2007 பொங்கல் அன்று வெளியாக உள்ள இந்தப் படம், பெரும் எதிர்பார்ப்பை ஏற்படுத்தி உள்ளது. பிரபல தொழிலதிபர் அமரர் திருபாய் அம்பானியின் வாழ்க்கையை இந்தப் படம் மறைமுகமாகப் பிரதிபலிக்கிறது.

பகல் நிலவு, மவுன ராகம், நாயகன், அக்னி நட்சத்திரம், தளபதி, ரோஜா, பம்பாய் உள்ளிட்ட ஏராளமான வெற்றிப் படங்களை இயக்கியவரும் மெட்ராஸ் டாக்கீஸ் சார்பில் அலைபாயுதே, கன்னத்தில் முத்தமிட்டால், ஆய்த எழுத்து உள்ளிட்ட படங்களைத் தயாரித்து இயக்கியவருமான மணிரத்னம், புதிய படம் ஒன்றை இந்தியிலும் தமிழிலும் மிகுந்த பொருட்செலவில் பிரமாண்டமாகத் தயாரிக்கிறார்.

'குரு' எனப் பெயரிடப்பட்டிருக்கும் இப்படத்தில் கதாநாயகனாக அபிஷேக் பச்சன் நடிக்க, கதாநாயகியாக ஐஸ்வர்யா ராய் நடிக்கிறார். இவர்களுடன் மாதவன், மிதுன் சக்கரவர்த்தி, பிரதாப் போத்தன், லஷ்மி ரத்தன், வித்யா பாலன், மல்லிகா ஷராவத், பேபி ஆஷா, பேபி அனுஷ்கா, மாஸ்டர் சன்னி உள்ளிட்ட பலர் நடிக்கின்றனர்.

வெற்றிபெற வேண்டுமெனில் கனவு காணுங்கள் என்பார் நம் நாட்டின் மூத்த குடிமகன் அப்துல்கலாம். அதுபோல இப்படத்தின் நாயகன் குருவும் சிறு வயதிலிருந்தே வாழ்க்கையில் மிகவும் உயர்ந்த நிலையை அடையவேண்டும் கனவு காண்கிறான். அந்தக் கனவு நனவாக சமூகத்தில் தனி ஆளாக நின்று போராடி, எதிர்ப்புகளை முறியடித்து எப்படி முதன்மை நிலையினை அடைகிறான் என்ற கருத்தினை முற்றிலும் மாறுபட்ட கோணத்தில் புதிய, அழகிய வடிவத்தில் ஜனரஞ்சகமாக இயக்கியிருக்கிறார் மணிரத்னம்.

* கனவு காணாத எவரும் வாழ்நாள் முழுவதும் முன்னேறுவதில்லை.

* நான் எப்பவும் நடக்க விரும்புவதில்லை, ஓடிக்கொண்டே இருக்க விரும்புகிறேன்.

* சட்டம் எப்படி ஒரே நாளில் போடப்படுகிறதோ, அதுபோல் அவற்றை மாற்றவும் ஒரு நாளில் முடியும்.

* எப்போதெல்லாம் நாம் மற்றவர்களால் விமர்சிக்கப்படுகிறோமோ, அப்போதெல்லாம் நாம் நல்ல விஷயங்களைச் செய்துகொண்டு இருக்கிறோம்.

* நம் சிந்தனைகள் வேகமாகவும் பெரிதாகவும் தொலைநோக்கோடும் இருக்க வேண்டும்.

* சமூகத்தைப் பார்த்து நான் எப்பொழுதும் பயப்படுவதில்லை, ஏனென்றால் சமூகத்தின் ஒரு அங்கம்தான் நான்.

* அவன் எடுத்து வைக்கும் ஒவ்வொரு அடியிலும் பேசும் ஒவ்வொரு வார்த்தையின் போதும் சமூகத்தின் பார்வை அவன் மீது திரும்புகிறது.

இத்தகைய உயர்ந்த கருத்துகள் இந்தப் படத்தின் மூலம் வெளிப்பட உள்ளன.

இப்படத்தின் படப்பிடிப்பு சென்னையில் தொடங்கி தொடர்ந்து, முக்கிய மற்றும் பாடல் காட்சிகள் மும்பை, மைசூர், பாதாமி, மற்றும் சாலக்குடியில் படமாக்கப்பட்டது. பகல் நிலவு முதல் ஆய்த எழுத்து வரை இந்தியாவிலேயே முற்றிலும் மாறுபட்ட, யாரும் படமாக்கப்படாத இடங்களில் படம்பிடித்து தனி முத்திரை பதித்து வரும் மணிரத்னம் முதன்முறையாக துருக்கியில் உள்ள இஸ்தான்புல்லில் அபிஷேக்பச்சன் - மல்லிகா ஷொராவத் பங்கு பெற்ற பாடல் காட்சி படமாக்கப்பட்டது. ஜனவரி வெளியீட்டிற்காக இப்படத்தின் இறுதிக் கட்ட வேலைகள் நடைபெற்று வருகின்றன.

ஏ.ஆர்.ரஹ்மான் இசையமைக்க, பம்பாய் படத்திற்குப் பின் ராஜீவ்மேனன் இப்படத்திற்கு ஒளிப்பதிவு செய்கிறார். பாடல்கள்: வைரமுத்து.

கலை: சமீர்சந்தா.

எடிட்டிங்: ஸ்ரீகர்பிரசாத்.

நடனம்: சரோஜ் கான் - பிருந்தா.

சண்டைப் பயிற்சி: விக்ரம் தர்மா

ஆடியோகிராபி: எச்.ஸ்ரீதர்.

தயாரிப்பு : மணிரத்னம், ஜி.ஸ்ரீனிவாசன்.

எழுத்து, இயக்கம்: மணிரத்னம்.

மணிரத்தினம் மாங்குளத்தில் மலையை காட்டிய அற்புத கலைஞன் அவர்

இங்கிலாந்தை கலக்கும் 'குரு'

விமர்சனங்களை தாண்டி கோடிகளை குவித்து வருகிறது மணிரத்னத்தின் 'குரு.'

இந்தியாவின் எந்த சூப்பர்ஸ்டார்களின் படமும் வசூலிக்காத கலெக்ஷ்னை 'குரு' எட்டியிருப்பது 2007-ம் ஆண்டின் சாதனை! 'குரு' திரைப்படம் ஜனவரி 11-ம் தேதி இந்தி மற்றும் தமிழில் உலகமெங்கும் வெளியானது. மும்பையில் மட்டும் இப்படம் முதல்வாரத்தில் ஏறக்குறைய நான்கரை

கோடி வசூலித்தது. மும்பை மல்டிபிளிக்சில் பதினைந்து ஷேதக்கள் வரை காண்பிக்கப்பட்டன. அப்படியும் கூட்டம் குறையவில்லை. முதல்வார இறுதியில் இந்தி தமிழ் இரண்டையும் சேர்த்து இந்தியா முழுவதும் 'குரு' வசூல் செய்தது பதினாறு கோடிகள்! இந்திய திரைப்படங்களைப் பொறுத்தவரை இதுவொரு சாதனை!

இரண்டாவது வார இறுதியில் இந்தியில் மட்டும் (தமிழ் தவிர்த்து) 'குரு' வசூல்

செய்தது மொத்தம் இருப்பதியிரண்டு கோடிகள்! தமிழையும் சேர்த்தால் இது 29

கோடிகளை எட்டும்.இங்கிலாந்து மற்றும் அமெரிக்காவில் 'குரு' பட்டையை

கிளப்புகிறது. மற்ற எந்த இந்தி திரைப்படங்களுக்கும் இல்லாத வரவேற்பு

மணிரத்னத்தின் படத்துக்கு கிடைத்திருக்கிறது.

இந்த இரு நாடுகளிலும் சேர்த்து முதல் பத்து நாள்களில் 'குரு' வசூலித்தது பத்து

கோடிகள்! இனிவரும் நாள்களிலும் அதிக கலெக்ஷ்னை குவிக்கும் என்பதே

விமர்சகர்களின் கணிப்பு. எந்த இந்திய திரைப்படமும் வெளிநாட்டில் இப்படியொரு

ஓபனிங் கலெக்ஷ்னை கொடுத்ததில்லை. இன்னொரு தகவல் : 'குரு' வுக்கு

அடுத்தடுத்த இடங்களில் விஜய்யின் 'போக்கிரி' யும் அஜித்தின் 'ஆழ்வாரும்'

உள்ளன.

http://www.vanakkammalaysia.com

குரு நல்ல படம் என்பதில் மாற்றுக்கருத்துக்கே இடமில்லை, ஆனால் தமிழில் பொறுளாதார ரீதியில் வெற்றி பெற்றாலும் தமிழில் வெற்றி பெறவில்லை, படம் வந்து ஒரு வாரத்திற்க்குள் படம் மாற்றப்பட்டது அதுமட்டுமல்ல அது ஒரு டப்பிங் படமாகத்தான் பார்த்ததாக பத்திரிக்கை செய்திகள் கூறுகின்றன.

நான் இந்தப் படத்தை மிகவும் ரசித்து பார்த்தேன்.

நன்றி.