பரசிட்டமோல்(paracetamol) எனப்படும் மாத்திரை எங்கும் எப்போதும் எவராலும் வாங்கிக் கொள்ளக் கூடிய மாத்திரை. மிகவும் குறைந்த பின்விளைவோடு காய்ச்சலைக் குறைக்கும் மற்றும் வலியினைக் குறைக்கும் வல்லமை இந்த மாத்திரைக்கு இருக்கிறது. உண்மையில் இந்த மாத்திரை மனிதனுக்குக் கிடைத்த ஒரு வரப்பிரசாதம் கூட.

இந்த மாத்திரையை தன் வாழ்நாளில் ஒருமுறையேனும் உட்கொள்ளாத நபர்கள் எவருமே இருக்க சந்தர்ப்பம் இல்லை. இதற்குக் காரணமே இந்த மாத்திரையால் ஏற்படுகிற பின்விளைவுகள் குறைவு என்பதே.

இந்த பரசிட்டமோல் சில நாடுகளில் acetaminophen என்று அழைக்கப்படும். paracetamol அல்லது acetaminophen என்பது இந்த மாத்திரையின் விஞ்ஞானப் பெயராகும். வெவ்வேறு நிறுவனங்களால் இந்த மாத்திரை தயாரிக்கப்படும்போது அந்தத் தயாரிப்புக்கு அந்த கம்பனி ஒரு குறிப்பிட்ட பெயரை வைத்துக்கொள்ளும்.

குறிப்பாக இலங்கையை எடுத்துக் கொண்டால் பரசிடமோல் என்றால் விளங்கிக் கொள்பவர்கள் குறைவானவர்களே. ஆனால் பனடோல்(panadol) என்றால் என்னவென்று தெரியாத எவரும் இலங்கையில் இருக்க முடியாது.

உண்மையில் பனடோல் என்பது இந்த பரசிட்டமோல் என்ற மாத்திரையே. அதை தயாரிக்கும் ஒரு குறிப்பிட்ட கம்பனி அந்தத் தயாரிப்புக்கு வைத்துக் கொண்ட brand name பனடோல் என்பதாகும். அதேபோல இன்னுமொரு கம்பனி வைத்துக் கொண்ட பெயர் பரசிட்டோல் என்பதாகும்.

அதாவது பரசிட்டோல் அல்லது பனடோல் என்பது வேறுவேறல்ல. இரண்டுமே கொண்டிருப்பது பரசிட்டமோல் என்ற பதார்த்தத்தைதான். ஆனால் வேறுவேறு கம்பனிகளால் தயாரிக்கப்படும்போது அவை வேறு பெயரை வைத்துக் கொள்கின்றன. அவற்றின் விலைகளும் வேறுபடுகின்றன .

பரிந்துரைக்கப்பட்ட அளவுகளிலே பாவிக்கப்பட்டால் இந்த மாத்திரையால் ஏற்படுகின்ற பக்க விளைவுகள் சொற்பமே. இருந்தாலும் அளவுக்கு அதிகமாக பாவிக்கப்படும்போது இதுவும் விஷமாகலாம்.

குறிப்பாக தற்கொலை செய்ய எண்ணி இந்த மாத்திரைய அளவுக்கு அதிகமாக ஒருவர் எடுத்துக் கொண்டால் முதல் நாளில் அவருக்கு எதுவும் நடைபெறாது. ஆனால் தொடர்ந்து வரும் நாட்களில் அவரின் ஈரல் பழுதடைந்து முற்று முழுதாக செயலிழக்கலாம். எனவே ஒருவர் தற்கொலை முயற்சியாக இந்த மாத்திரையை அதிகம் எடுத்துக் கொண்டால் அவரை உடனடியாக வைத்தியசாலைக்கு எடுத்துச்சென்று ஈரல் பாதிப்படையாமல் தடுக்க மருந்துகள் கொடுக்கப்பட வேண்டும்.

அதேபோல நோய்கள் ஏற்படும்போதும் இது அளவுக்கதிகமாக எடுக்கப்படுமானால் அதுவும் இந்தப் பாதிப்பை ஏற்படுத்தலாம். குறிப்பாக சிறுபிள்ளைகளுக்கு அவர்களின் நிறைகளுக்கு ஏற்பவே இந்த மாத்திரை கொடுக்கப்பட வேண்டும். பெரியவர்கள் உட்கொள்ளும் அளவில் சிறுவர்களுக்கு கொடுக்கப்பட்டால் அவர்களுக்கும் ஈரல் பாதிப்பு ஏற்படலாம்.

ஆகவே ஒவ்வொருவரும் தாங்கள் எத்தனை மாத்திரை பாவிக்க வேண்டும், தங்கள் பிள்ளைகள் எத்தனை பாவிக்க வேண்டும் என்பதை அறிந்திருப்பது முக்கியமாகும்.

மாத்திரைகளின் அளவுகள் வயதை வைத்தல்ல உடலின் நிறையை வைத்தே தீர்மானிக்கப்படுகின்றது.

எவ்வாறு பரசிட்டமோலின் அளவு தீர்மானிக்கப் படுகின்றது?

ஒரு கிலோ உடல் நிறைக்கு தேவையான பரசிட்டமோலின் அளவு 15mg

அதாவது உங்கள் உடல் நிறை 65kg என்றால் உங்களுக்குத் தேவையான பரசிட்டமோலின் அளவு 975mg அதாவது உங்கள் நிறையை 15 ஆல் பெருக்கிக் கொள்ளுங்கள்.

பரசிட்டமோல் மாத்திரைகள் 500mg என்ற அளவிலேயே கிடைக்கும் ஆகவே நீங்கள் அண்ணளவாக இரண்டு மாத்திரைகளை எடுத்துக் கொள்ளலாம்.

உங்கள் நிறை 45kg என்றால் உங்களுக்குத் தேவையான அளவு 675mg. நீங்கள் ஒன்றரை மாத்திரைகளை (750mg) அல்லது ஒரு மாத்திரையை உட்கொண்டால் போதுமானது. மிகவும் சரியான(accurate) அளவிலே எடுக்க வேண்டியதில்லை.

உங்கள் நிறை 35kg என்றால் தேவையான அளவு 425mg. அதாவது அண்ணளவாக ஒரு மாத்திரை (500mg) எடுத்துக் கொண்டால் போதுமானது.

நான் மேலே சொன்னது ஒரு நேரத்தில் எடுத்துக் கொள்ளவேண்டிய அளவாகும். இந்த அளவை ஒரு நாளைக்கு நான்குமுறை நீங்கள் எடுக்கலாம்.

சிறுவர்களுக்கோ பரசிட்டமோல் பாணி மருந்தாகவே கொடுக்கப்படுகிறது.

சிறுவர்களுக்கு தேவையான பரசிட்டமோல் பாணி மருந்தின் அளவைக் கணிப்பது எப்படி?

முந்திய இடுகைகளில் குறிப்பிட்டதுபோல பரசிட்டமோலின் அளவு உடல் நிறையை வைத்தே தீர்மானிக்கப்படுகின்றது. அதாவது உங்கள் குழந்தையின் நிறை 10kg என்றால் உங்கள் குழந்தைக்குத் தேவையான அளவு 150mg என்பதாகும்.உடல் நிறையை 15 யால் பெருக்கிக் கொள்ளுங்கள்.

பாணி மருந்தை எப்படிக் கணிப்பது?

5ml பாணி மருந்தில் இருக்கும் பரசிட்டமோளின் அளவு 125mg ஆகும். அதாவது 10kg உள்ள குழந்தைக்கு 5ml பாணி மருந்து ஒரு வேளைக்கு கொடுக்கப்பட்டால் போதுமாகும். இந்த அளவு ஒரு நாளைக்கு நான்கு முறை கொடுக்கப்படலாம்.

அதேபோல் உங்கள் குழந்தையின் நிறை 17kg என்றால் தேவை

http://www.ilankathir.com/?p=5536