அணு மின் நிலையத்திற்கு எதிரான அணைத்து வழக்குகளும் தள்ளுபடி..! நீதிமன்ற நீதிபதிகளுக்கு அந்த வே.நாராயணசாமி எவ்வளவோ மேல்..?! ஈழதேசம் செய்தி..!

அணு மின் நிலையத்திற்கு எதிரான அணைத்து வழக்குகளும் தள்ளுபடி..! நீதிமன்ற நீதிபதிகளுக்கு அந்த வே.நாராயணசாமி எவ்வளவோ மேல்..?! ஈழதேசம் செய்தி..!

கொஞ்ச நாட்களுக்கு முன் அமைச்சர் வே.நாராயணசாமி விமான நிலையத்தில் கொடுத்த பேட்டிக்கு மெட்ராஸ் உயர்நீதி மன்றம் வருத்தப்பட்டு, மனம் கலங்கி, தங்களது வேதனையை வெளியிட்டது. அதாவது எப்படியும் நாங்கள் உங்கள் அரசுக்கு துணையாகவே தீர்ப்பை வழங்குவோம், அதற்குள் ஏன் இந்த அவசரம்..? என்று நீதிபதிகள் பொய் கோபத்தை வெளியிட்டார்கள். உடனேயே சில கல்விமான்களும் அறிஞர் பெருமக்களும் ஆகா..? பார்த்தீர்களா..நீதிமன்றத்தை..! அவ்வளவு சீக்கிரமாக எல்லாம் மக்களுக்கு எதிராக செய்து விட முடியாது என்றார்கள். ஆனால் நமக்கு முன்பே தெரியும். மெட்ராஸ் நீதிபதிகள் என்ன ..? டில்லி உச்ச நீதிமன்ற நீதிபதிகள் நினைத்தால் கூட கூடங்குள அணுமின் நிலையத்தை மூடிவிட முடியாது என்று.

முன்னாள் குடியரசு தலைவர் அப்துல் கலாம் கூடங்குளம் பகுதியில் பல்வேறு வளர்ச்சி திட்டப்பணிகளை செய்ய வேண்டும் என்று பரிந்துரை செய்துள்ளார். அதன்படி மீனவர்களின் வாழ்வாதாரத்தை உயர்த்தக் கூடிய திட்டங்கள், நிதியுதவி ஆகியவற்றை செய்ய வேண்டும். 1 - வது மற்றும் 2 - வது பிரிவு அணு உலைகளை இயக்க அனுமதி வழங்கப்படுகிறது என்று தீர்ப்பு கூறியிருக்கிறார்கள். மக்கள் நலனையும், பின் தொடர்ந்து வரும் சந்ததியினர் வாழ்க்கை பாதுகாப்பு பற்றி சிறிதும் கவலைப்படாத நீதிபதிகள்.

தமிழகத்தில் மாதம் தோறும் பணத்தை கொட்டி கொடுக்கும் டாஸ்மாக் கடைகளின் லட்சணத்தை பார்த்தால் தெரிந்து கொள்ளலாம் அரசு நடைமுறைகளையும், அதன் பணிகளையும். மூக்கை பிடித்துக்கொண்டு போக வேண்டியுள்ளது டாஸ்மாக் கடைக்கு. பிச்சைக்காரர்கள் வாந்தி எடுத்து வைத்தது போல கடைகளை நடத்திக் கொண்டு, அணுமின் நிலைய விபத்து ஏற்பட்டால் முழு பாதுகாப்பும் வழங்கப்படும் அந்த பகுதி மக்களுக்கு என்று சொல்வது, மக்களை மாங்காய் மடையர்கள் என்று எண்ணுவதின் அடிப்படை அன்றி வேறு என்னவாக இருக்க முடியும்..? தமிழகத்தில் அல்ல இந்தியாவில் உள்ள எந்த தர்ம ஆஸ்பத்திரிக்கும் போய் பாருங்கள், அரசு மக்களுக்கு சேவை புரியும் லட்சணம் தெரியும்.

இன்று நீதிபதிகள் வழங்கிய தீர்ப்பில் நிலுவையில் உள்ள 8 மனுக்களையும் தள்ளுபடி செய்து, இவ்வாறு வழங்கினார்கள் தீர்ப்புகளை. கூடங்குள அணு உலையில் இருந்து வெளியேறும் நீரின் வெப்ப அளவு குறைக்கப்படும் என்ற தமிழ்நாடு மாசு கட்டுப்பாடு வாரியத்தின் திருத்தி அமைக்கப்பட்ட அறிக்கை சென்னை உயர்நீதிமன்றத்தில் நேற்று முன்தினம் தாக்கல் செய்யப்பட்டது. ஒன்றாவது மற்றும் இரண்டாவது அணு உலைகளை திறந்து கொள்ளலாம். மேலும் 300 பக்கங்களை கொண்ட தீர்ப்பாக எழுதி உள்ளார்கள் நீதிபதிகள்.

இந்த தீர்ப்பை எதிர்த்து திரு.உதயகுமார் அவர்கள் மேல் முறையீடு செய்யப் போகிறேன் என்று சொல்லி இருக்கிறார். அங்கேயும் ஒன்றும் நடக்காது என்றாலும் அவர்கள் எப்படி தீர்ப்பு கூறுகிறார்கள் என்று பார்ப்போம். எந்த மாதிரியான வார்த்தைகளை போட்டு விளையாட்டை ஆடுகிறார்கள் என்று பார்ப்போம்.

ஒரு பதிவர் இவ்வாறு கூறியுள்ளார் நீதிபதிகளின் தீர்ப்புக்கு. " இன்று வரையிலும் ஒரு மாணவனுக்கு மருத்துவ, பொறியியல் அல்லது வணிகவியல் கல்லூரிகளில் இடம் கிடைக்காவிட்டால் அவன் ஏதோ ஒரு பட்டப்படிப்பு படித்து அந்த துறையிலும் மேல்படிப்பு படிக்கும் அளவு மதிப்பெண்கள் பெறாவிட்டால், சட்டப்படிப்பு படிக்கிறான். பிறகு பல வருடங்கள் வாய்தா, குற்றவாளிகளுக்கு உதவி என பல வருடம் பணம் சம்பாதிக்கிறான். அதன் பிறகு இவரைப்போலவே முன்பு பணிபுரிந்த சிலரின் சிபாரிசில் நீதிபதி ஆகி விடுகிறான். இது தான் இன்றைய நீதித்துறையின் நிலைமை " என்று.

மற்றும் ஒரு பதிவர் இவ்வாறு கூறுகிறார். " இந்தியாவில் நீதிமன்றங்கள் அனைத்தும் பெரும்பாலும் அநீதி மன்றங்களாகவே இருக்கின்றன என்பதற்கு கூடங்குளம் குறித்த வழக்கின் மீது இன்றைய தீர்ப்பு ஒரு உதாரணம். எனக்கு நீதி மன்றங்களின் மீது நம்பிக்கை இல்லை. நீதிபதிகள் மற்றும் நீதிமன்றம் சிற்றூர்களில் இருந்த, செயல்படுகின்ற மரத்தடி பஞ்சாயத்து எவ்வளவு மேன்மையானது " என்று.

- மாயாண்டிக்கருப்பு -