கனடாவில் Theresa Spenceவின் 15 நாள் உண்ணாவிரதத்தை முடிவுக்கு கொண்டுவர அமைச்சர் John Duncan முயற்சி.

கடந்த 15 நாட்களாக கனடாவின் முக்கிய தலைவரான Attawapiskat Chief Theresa Spence பார்லிமெண்ட் ஹில் என்ற இடத்தில் உண்ணாவிரதம் இருந்து வருவது குறித்தும், அவரது உடல்நலம் குறித்தும் தனது கவலையை தெரிவித்துள்ளார் கனடாவின் பழங்குடியினர் விவகார அமைச்சர் John Duncan. கிறிஸ்துமஸ் தினமான நேற்று அவர் எழுதியுள்ள ஒரு கடிதத்தில், இந்த உண்ணாவிரதத்தை கூடிய சீக்கிரம் முடிவுக்கு கொண்டுவர தான் விரும்புவதாக தெரிவித்துள்ளார்.

 

ஒட்டாவோ நதியின் கரையிலுள்ள teepee என்ற தீவில் வாழ்ந்து கொண்டிருக்கும் Theresa Spence டிசம்பர் மாதம் 11 ஆம் தேதியில் இருந்து பல்வேறு கோரிக்கைகளை முன்வைத்து உண்ணாவிரதம் இருக்கின்றார். அவரது கோரிக்கை குறித்து பேச்சுவார்த்தை நடத்துவதற்காக பழங்குடியினர் விவகார மந்திரி முயற்சி செய்தும், பேச்சுவார்த்தைக்கு உடன்படாமல், தொடர்ந்து உண்ணாவிரதம் இருந்து வருகின்றார்.

 

அமைச்சரின் தொலைபேசி அழைப்பை கூட நிராகரித்து வருவதாக செய்திகள் தெரிவிக்கின்றன. கடந்த 15 நாட்களுக்கும் மேலும் அவர் உண்ணாவிரதம் இருந்து வருவதால், அவரது உடல்நிலை பாதிப்பு அடைந்துள்ளதாக அவரது மருத்துவர்கள் தெரிவித்துள்ளனர்.