இலங்கை தமிழர் அழிவிற்கு காரணமாக இருந்து கபட நாடகம் ஆடியதாக தி,மு.க., தலைவர் கருணாநிதிக்கு அ.தி.மு.க,. செயற்குழுவில் இன்று கடும் கண்டனம் தெரிவிக்கப்பட்டுள்ளது.

 

மேலும் காவிரி விவகாரத்தில் தமிழகத்தின் உரிமையை நிலை நாட்டிய தமிழக முதல்வர் ஜெ.,வுக்கு நன்றியும், பாராட்டும் தெரிவித்தும்,40 தொகுதிகளில் அ.தி.மு.க., வெற்றி பெற பாடுபடுவோம் என்பன உள்ளிட்ட பல தீர்மானங்கள் நிறைவேற்றப்பட்டன. கூட்டத்தில் பேசிய ஜெ., வரும் லோக்சபா தேர்தலில் காங்கிரஸ மற்றும் பா.ஜ.,வை நம்ப முடியாது என்றும் அதனால் தனித்து போட்டியிடப்போவதாகவும் ஜெ., கூறியுள்ளார்.
 

சென்னை வானகரத்தில் இன்று காலை கட்சியின் பொதுசெயலர் ஜெ., தலைமையில் அ.தி.மு.க., செயற்குழு , பொதுக்குழு கூடியது. இந்த கூட்டத்தில் அமைச்சர்கள் மற்றும் கட்சியின் மூத்த நிர்வாகிகள் பங்கேற்றனர்.

 

மின்மிகை மாநிலமாக்கிட நடவடிக்கை: @@கூட்டத்தில் மொத்தம் 25 தீர்மானங்கள் நிறைவேற்றப்பட்டன. இதில் தமிழகத்தில் விசாயிகள் ( நிவாரண உதவி ) நலன், தொழிலாளர் நலனுக்கென முதல்வர் எடுத்த நடவடிக்கைகளுக்கு பாராட்டு தெரிவிப்பதும், குறிப்பாக காவிரி நீர் விவகாரத்தில் தமிழகத்தின் உரிமையை நிலைநாட்டியமைக்கு நன்றியும், பாராட்டும் தெரிவிக்கப்பட்டன. அரசு மற்றும் அரசு சாரா நிறுவனங்களில் 2 லட்சம் பேருக்கு வேலை வாய்ப்பு ஏற்படுத்தியமைக்கு நன்றியும் , பாராட்டும் தெரிவிக்கப்பட்டன. அன்னிய முதலீட்டை ஏற்க மாட்டோம் என உறுதியாக இருந்தது, கல்வித்துறையில் புரட்சி, ஸ்ரீரங்கம், பழநியில் அன்னதான திட்டம், சத்துணவில் சிறந்த உணவு வகைகள் சேர்ப்பு , மின்மிகை மாநிலமாக்கிட எடுத்து வரும் நடவடிக்கைகள், எம்.ஜி.ஆர்.,நினைவிடம் புனரமைத்தல் ஆகியவற்றுக்கு முதல்வருக்கு பாராட்டு தெரிவித்து தீர்மானங்கள் நிறைவேற்றப்பட்டன.

 

மத்திய அரசை வலியுறுத்தும் தீர்மானம்: @@தேசிய வளர்ச்சி கூட்டத்தில் பேசிட குறைவாக நேரம் ஒதுக்கப்பட்டதற்கு மத்திய அரசுக்கு கண்டனம் , மருத்துவத்திற்கென நுழைவுத்தேர்வை ரத்து செய்ய வலியுறுத்துவது, தமிழகத்தில் உற்பத்தியாகும் 4 ஆயிரத்து 830 மெகாவாட் மின்சாரத்தை தமிழகத்திற்கே வழங்க வேண்டும் என வலியுறுத்தல், கேபிள் டி. வி., க்கு டிஜிட்டல் உரிமம் வழங்க வேண்டும் என்பது மத்திய அரசுக்கென தீர்மானங்கள் நிறைவேற்றப்பட்டன.

 

கருணாநிதி கபடநாடகம் :@@ இலங்கை தமிழர் விவகாரத்தில் கருணாநிதியை கண்டித்து தீர்மானம் நிறைவேற்றப்பட்டன. இலங்கை தமிழர் விவகாரத்தில் தமிழர்களின் அழிவுக்கு காரணமாக இருந்து கபட நாடகம் ஆடும் கருணாநிதிக்கு கண்டனம் தெரிவிக்கப்பட்டும் உள்ளிட்ட தீர்மானங்கள் நிறைவேற்றப்பட்டன.
 

காவிரியை அடகுவைத்த கருணாநிதி:@@ இந்த கூட்டத்தில் பேசிய ஜெ., லோக்சபா தேர்தலில் அ.தி.மு.க., தனித்து போட்டியிடும் எனஅறிவித்துள்ளார். தொடர்ந்து அவர் பேசியதாவது: காங்கிரஸ் மற்றும் பா.ஜ.,வை நம்ப முடியாது. எனவே வரும் லோக்சபா தேர்தலில் அ.தி.மு.க., தனித்து போட்டியிடும். அரசின் 19 மாத சாதனைகள் மற்றும் மின்வெட்டு, காவிரி பிரச்னை குறித்து கழக நிர்வாகிகளும் தொண்டர்களும், மக்களிடம் புரியும்படி எடுத்துக்கூற வேண்டும் என்றார். மேலும் அவர், தமிழகத்தை மின்பற்றாக்குறை இல்லாத மாநிலமாக மாற்றுவோம். பார்லிமென்ட் தேர்தலில் அனைத்து தொகுதிகளிலும், ஈடு இணையற்ற வெற்றியை பெறுவோம். மத்தியில் அதிகாரத்தின் மூலம் நமது உரிமையை பெறுவோம். காவிரி நடுவர் மன்ற இறுதித்தீர்ப்பை அரசிதழில் வெளியிட கருணாநிதி சதி செய்கிகிறார். காவிரியை அடகுவைத்த கருணாநிதியின் வரலாற்றுப்பிழையை சரிசெய்வோம் இவ்வாறு அவர் பேசினார்.

 

http://tamil.yahoo.com/%E0%AE%B5%E0%AE%B0-%E0%AE%AE%E0%AF%8D-%E0%AE%B2-%E0%AE%95%E0%AF%8D%E0%AE%9A%E0%AE%AA-%E0%AE%B0%E0%AF%8D-%E0%AE%B2-%E0%AE%B2%E0%AF%8D-%E0%AE%A9-075500916.html

சோனியா காந்தி தலைமையில் தமிழ்த் தேசியம்!

 

கேரளா, கர்நாடக, ஆந்திரா உட்பட எல்லா மாநிலங்களில் அந்த மண்ணின் மைந்தர்களே ஆளுகிறார்கள். தமிழ்நாட்டை பெருந்தலைவர் காமராஜர் ஒருவரை தவிர, வேறு தமிழன் ஆளவில்லை.

 

ஈ.வெ.ராமசாமி போன்றவர்களாலும், திராவிட இயக்கத்தின் பேரிலும், வேற்று மொழிக்காரனே ஆண்டு இருக்கிறான். வந்தேறிகளை விரட்டி அடித்துவிட்டு இனிவரும் தேர்தல்களில் தமிழக முதலமைச்சராக ஒரு தமிழனை தேர்தெடுக்க வேண்டும்.

 

-சேனாதிபதி, சென்னை.

 

இதுவரை இருந்த முதல்வர்கள் தமிழர்களா இல்லையா என்கிற விவாதத்தை ஒதுக்கி வைத்துவிட்டு; நீங்கள் சொல்வதை ‘உண்மை’ என்று ஒத்துக் கொண்டே பேசுவோம்.

 

மக்கள் விரோத; இதே நாடாளுமன்ற, சட்டமன்ற அரசியல் அமைப்புக்குள் மற்ற மாநிலங்களைப்போல் மண்ணின் மைந்தர்களே முதல்வராக வருவதுதான் உங்கள் லட்சியம் என்றால்,

 

அதுக்கு எதுக்கு பெரியார் எதிர்ப்பு, திராவிடர் எதிர்ப்பு, தமிழ்த் தேசியம் என்கிற ‘பில்டப்’.

 

காங்கிரஸ் என்ற புரட்சிகர கட்சிக்கு ஓட்டு போடுங்க ஜென்டில்மேன்; அது ப. சிதம்பரம், குமரி அனந்தன் போன்ற பச்சைத் தமிழர்களை உங்களுக்கு பரிசாகத் தரும்.

 

நீங்கள் சொல்கிற அண்டை மாநிலங்களில், காங்கிரஸ், பி.ஜே.பி போன்ற தேசிய கட்சிகள்தான் மண்ணின் மைந்தர்களை முதல்வராக்கி இருக்கிறது.

 

நம்ம பாண்டிச்சேரியில் கூட பச்சைத் தமிழர்களை காங்கிரஸ்தான் முதல்வராக்கி வருகிறது.

 

தமிழகத்தில்கூட தமழ்த் தேசியம் பேசிய பெரியாரை எதிர்த்துவிட்டு, இந்திய தேசியத்திற்காகவே வாழ்ந்த, தீவிர தமிழ்த் தேசியவாதிகள் கொண்டாடுகிற தேசியத் தலைவர் கமாராஜரை முதல்வராக்கியது காங்கிரஸ்தான்.

 

இப்போதுகூட அந்தக் கட்சி மட்டும்தான் மீண்டும் காமராஜ் ஆட்சியை கொண்டுவருவதாக அறிவித்திருக்கிறது.

 

சோனியா காந்தி தலைமையில் தமிழ்த் தேசியத்தை அணிவகுத்து, ஒரு பச்சைத் தமிழரை முதல்வராக கொண்டு வாருங்கள். வாழ்த்துகள்.

 

அன்னை சோனியாவின் ஆசிர்வாதங்கள் உங்களின் தமிழ்த் தேசிய கனவிற்கு முழுமையாக கிடைக்கிட்டும்.

 

http://mathimaran.wordpress.com/2012/12/31/598/