மக்கள் மைத்திரிக்கு வாக்களித்தது கூட்டமைப்பு கேட்டுக் கொண்டதற்காக அல்ல.

யாழ்ப்பாணக் குடாநாடு முழுவதையும் கைப்பற்றும் தாக்குதல் ஆரம்பமாகப் போகிறதெனவும், அதனால் இராணுவத்திடம் செல்லவேண்டாமெனவும் போராளிகள் அவர்களிடம் கூறுகிறார்கள். அத்துடன், வெளியைக் கடந்து கும்பலாக மக்கள் சென்றால், மறுபுறம் இருக்கும் இலங்கைப் படையினருக்கு அது தெரியவந்து, தமது படை நடவடிக்கையின் இரகசியத் தன்மை பாதிக்கப்படுமென அவர்கள் கூறுகிறார்கள்.

ஆனால் மக்கள் எதையும் கேட்கும் நிலையில் இல்லை. இந்த நிலையில் வேறு வழியின்றி, அந்த மக்கள் கோப்பாய்ப் பகுதியை நோக்கிச் செல்வதற்கு போராளிகள் அனுமதிக்கிறார்கள். கோப்பாய் பகுதியில் காவலரண்களில் இருக்கும் படையினருக்கு விடயம் தெரியவருகிறது. அத்துடன் விடுதலைப் புலிகளின் படை நடவடிக்கை குறித்த தகவல் இராணுவத்திற்குத் தெரியவருகிறது.

இதன் படிப்பினை என்ன?

மைத்திரி தோற்பதுதான் தமிழர்களுக்கு நல்லது, அதுதான் போர்க் குற்ற விசாரணைக்கு வழிவகுக்கும், மேற்கு நாடுகளின் ஆதரவு தமிழருக்கு கிடைப்பதற்கு வழிவகுக்கும், அதனால் தேர்தலைப் புறக்கணிக்கவேண்டும், அது, இது என்று அரசியல் ஆய்வாளர்கள் எதை வேண்டுமானாலும் சொல்லலாம். ஆனால், அவற்றை எல்லாம் மக்கள் கேட்க மாட்டார்கள். அவர்களிற்குத் தேவையாக இருப்பது நாளாந்தப் பிரச்சினைகளுக்கான தீர்வு. அதற்காக அவர்கள் வாக்களித்தார்கள்.

பால்ராஜ், அறுநூறு போராளிகளுடன் தரையிறங்கி, ஆணையிறவை யாழ்ப்பாணத்தில் இருந்து தனிமைப்படுத்தி, ஆணையிறவைக் கைப்பற்றி முழுத் தென்னிலங்கையையும் சாவு வீடு போன்று மாற்றி ஒரு மாதம் நிறைவடைவதற்கு முன்பு, உயிர் கொடுப்பதற்குத் துணிந்த விடுதலைப் புலிகளின் கோரிக்கையை ஏற்காத சாதாரண தமிழ் மக்கள், சொந்த நலனை முன்னிலைப்படுத்தி அரசியல் நடத்தும் அரசியல் வாதிகளின் கோரிக்கையை ஏற்கப்போவதில்லை.

மக்கள் மைத்திரிக்கு வாக்களித்தது கூட்டமைப்பு கேட்டுக் கொண்டதற்காக அல்ல: அது அவர்களது சொந்த முடிவு.