மரண படுக்கையில் கெஞ்சிய மகன்: கடைசி ஆசையை நிறைவேற்றிய பெற்றோர் (வீடியோ இணைப்பு)

மரண படுக்கையில் கெஞ்சிய மகன்: கடைசி ஆசையை நிறைவேற்றிய பெற்றோர் (வீடியோ இணைப்பு) [ வெள்ளிக்கிழமை, 10 ஏப்ரல் 2015, 08:27.10 மு.ப GMT ] மரண படுக்கையில் இருந்த மகனின் கடைசி விருப்பமாக மருத்துவமனையிலேயே திருமணம் செய்து கொண்ட பெற்றோர்களின் செயல் நெகிழ்ச்சியை ஏற்படுத்தியுள்ளது.

பிரித்தானியாவில் உள்ள Teignmouth நகரில் ஜெம்மா-கிரெய்க் எட்வாட்ஸ்(Jemma-Craig Edwards) என்ற தம்பதிகள் திருமணம் செய்து கொள்ளாமலே வாழ்ந்து வந்துள்ளனர்.

இவர்களுக்கு Corey Edwards(5) என்ற மகனும், Isabella(2) Caitlyn(6 month) என்ற இரண்டு மகள்களும் உள்ளனர்.

இவர்களில் கோரி கடந்த சில மாதங்களாக கடுமையான இதய நோயால் பாதிக்கப்பட்டு அங்குள்ள Bristol Royal Hospital for Children மருத்துவமனையில் அனுமதிக்கப்பட்டிருந்தான்.

சுமார் 8 இதய அறுவை சிகிச்சை செய்தும் கோரியால் உயிர் பிழைக்க முடியாது என மருத்துவர்கள் கூறிவிட்டனர்.

இதனை தொடர்ந்து, தன்னால் நீண்ட நாட்கள் உயிருடன் இருக்க முடியாது என அறிந்த கோரி, தனது பெற்றோர்களிடம் தனது கடைசி விருப்பத்தை தெரிவித்தான்.

இதுவரை திருமணமே செய்து கொள்ளாத தனது பெற்றோர்கள் தனக்கு முன்னால் திருமணம் செய்து கொள்ள வேண்டும் என அவன் கூறியிருந்தான்.

கோரியை உயிர் பிழைக்க வைக்க எவ்வளவோ முயற்சிகள் செய்து தோற்று போயிருந்த பெற்றோர்கள், மகனின் கடைசி விருப்பத்தை பூர்த்தி செய்ய முடிவு செய்தனர்.

எனவே அங்குள்ள தேவாலயத்தில் சிறப்பு அனுமதி பெற்று மருத்துவமனையில் மதகுருவை வரவழைத்தனர்.

இதன்பின் மரண படுக்கையில் படுத்திருந்த தனது மகனிற்கு முன்னால் மோதிரம் மாற்றி பெற்றோர்கள் திருமணம் செய்து கொண்டனர்.

பெற்றோர்களின் திருமணத்தை பார்த்த கோரி, அன்றிலிருந்து 5 வது நாளில் உயிரிழந்தான்.

தங்களது திருமணத்தை குறித்து பேசிய பெற்றோர்கள், இந்த திருமணத்தை எங்களால் கடைசி வரை மறக்க முடியாது என்றும், மகனின் பிரிவை இன்னும் தங்களால் ஏற்றுக்கொள்ள முடியவில்லை எனவும் வருத்தத்துடன் தெரிவித்துள்ளனர்.

                                                                                https://www.youtube.com/watch?v=UzCHRs_r7Yk

முகப்பு