யாழில் மீண்டும் செயலிழந்தது கையடக்க தொலைபேசி சேவை!

கடந்த செப்ரம்பர் மாதம் யாழ்ப்பாணத்தில் மோதல் சூழ்நிலைகாரமாக எந்தவித முன்னறிவித்தலும் இல்லாது வெறும் இராணுவ நலனுக்காக யாழ்ப்பாணத்தில் கையடக்கத்தொலைபேசி வலையமைப்பினை வழங்கிவந்த டயலொக் நிறுவனம் தனது சேவையினை நேற்று வியாழக்கிழமை தொடக்கம் இடைநிறுத்திக்கொண்டது.

இது தொடர்பாக தமது யாழ்ப்பாண வாடிக்கையாளர்களுக்கு எந்தவொரு செய்தியினையோ, மன்னிப்பினையோ கோரியிராத மேற்படி நிறுவனம் அதற்கும் ஒருபடி மேல்போய் சேவை நிறுத்தப்பட்டபின்னரும், இணைப்பினை யாழ்ப்பாணத்திற்கு கொண்டிருந்தவர்களுக்கு தொடர்ந்தும் தொலைபேசிக்கட்டணங்களை அனுப்பியும் வந்துள்ளது.

இருந்தபோதிலும், கடந்த கிறிஸ்மஸ் தினத்திலிருந்து திடீர் என்று அங்கு தனது சேவையினை ஓரளவு வழங்கியும் இருந்தது என்பது குறிப்பிடத்தக்கது.

http://www.pathivu.com/index.php?subaction...amp;ucat=1&

இப்ப மீண்டும் இயங்குகின்றது எல்லாரும் உடனே உங்கட உறவினரைக் கூப்பிட்டுக் கதையுங்கோ ஏனென்றால் இந்த சேவையில் நம்பிக்கை இல்லை எப்ப செயலிழக்கும் என்று சொல்ல முடியாது.

Edited December 29, 200619 yr by YARLVINO

தொலைத் தொடர்பு வலையமைப்பில் ஏற்பட்ட கோளாறு காரணமாக தான் இயங்கவில்லையாம். இப்ப சீர்செய்து விட்டார்கள் இனி ஓரளவு சீராக இயங்கும் போல தெரிகிறது.

Edited December 30, 200619 yr by YARLVINO

சனி 30-12-2006 10:53 மணி தமிழீழம் [சிறீதரன்]

கைத் தொலைபேசிச் சேவை மீண்டும் நேற்று இயங்க ஆரம்பம்

குடாநாட்டில் நேற்றுமுன்தினம் மாலை செயலிழந்த "டயலொக்' கைத்தொலைபேசிச் சேவை நேற்று மாலை மீண்டும் இயங்க ஆரம்பித்தது.

கடந்த ஓகஸ்ட் மாதம் 11ஆம் திகதி ஏற்பட்ட அசாதாரண சூழ்நிலை காரணமாகத் துண்டிக்கப்பட்ட கையடக்கத் தொலைபேசிச் சேவை கடந்த 25ஆம் திகதி நண்பகலுக்குப் பின்னர் ஓரளவு சீரடைந்தது.

இதனையடுத்து கைத்தொலைபேசிகள் மூலம் அழைப்புகளை மேற்கொள்வதிலும் அவற்றுக்கான பணம் மீள்நிரப்பும் அட்டை கொள்வனவு செய்வதிலும் கைத்தொலைபேசிப் பாவனையாளர்கள் மும்முரமாக ஈடுபட்டனர். சில மாதங்களாக மூடப்பட்டிருந்த கைத்தொலைபேசி பழுது பார்க்கும் நிலையங்களும் தற்போது மீண்டும் திறக்கப்பட்டன.

ஆயினும்இ நேற்றுமுன்தினம் மாலை 4.30 மணிக்குப் பின்னர் கைத்தொலைபேசி சேவை மீண்டும் செயலிழந்தது. "டயலொக்' நிறுவனத்தின் தொலைத் தொடர்பு வலையமைப்பில் ஏற்பட்ட கோளாறு காரணமாகவே சேவை நிறுத்தப்பட்டதாக அந்த நிறுவனத்தின் வாடிக்கையாளர் சேவையுடன் தொடர்புகொண்ட போது தெரிவிக்கப்பட்டது. கோளாறு சீர்செய்யப்பட்டதன் பின் நேற்று மாலை சேவை வழமைக்குத் திரும்பியது

[உதயன்]