அமெரிக்க நாயகி!

அமெரிக்க நாயகி!

அதிபர் தேர்தல் பரபரப்பு இப்போதே வந்துவிட்டது அமெரிக்காவில்.

குடியரசுக் கட்சியைச் சேர்ந்த இப்போதைய அதிபர் ஜார்ஜ் புஷ்ஷின் இமேஜ்&இராக் பிரச்னை, வெளியுறவுக் கொள்கை போன்றவற்றால் அதலபாதாளத்தில் சரிந்துள்ளது. இது, அமெரிக்க உள்ளாட்சித் தேர்தல் முடிவுகளில் வெட்டவெளிச்சமானது!

இந்நிலையில், அடுத்த வருடம் நவம்பர் மாதம் 4&ம் தேதி நடக்க இருக்கும் அமெரிக்க அதிபர் தேர்த லைக் குறி வைத்து, இப்போதே கன ஜோராக வேலை பார்க்கத் தொடங்கி விட்டது குடியரசுக் கட்சியின் எதிர்க் கட்சியான ஜனநாயகக் கட்சி!

அக்கட்சியின் சார்பில் அதிபர் பதவிக்கு ஹாட்டாக அடிபடும் பெயர் ஹிலாரி கிளிண்ட்டன்!

அமெரிக்க வரலாற்றில் அதிபர் பதவிக்காக ஒரு பெண்ணின் பெயர் பரிந்துரைக்கப்படுவது இதுதான் முதல் முறை. அந்த அளவுக்குக் கட்சியிலும், மக்களிடமும் ஹிலாரிக்குச் செல்வாக்கு! சமீபத்தில் நடந்து முடிந்த, செனட்டர் தேர்தலில் 67 சதவிகித வாக்குகள் பெற்றுத் தன்னை எதிர்த்துப் போட்டியிட்ட ஸ்பென்சரைத் தோற்கடித்தார், ஹிலாரி.

ஹிலாரி கடந்து வந்த கரடுமுரடான அரசியல் பாதையின் ஆரம்பம் அவரின் 16&வது வயதில் தொடங்குகிறது.

சிகாகோ மாகாணத்தின் இலினாய்ஸ் நகரைச் சேர்ந்தவர் ஹிலாரி. அப்பா ஜவுளித் துறை அதிகாரி, அம்மா குடும்பத் தலைவி, இரண்டு தம்பிகள் என்ற மிகச் சாதாரண குடும்பப் பின்னணி! பள்ளியில் டென்னிஸ், பாலே, பனிச்சறுக்கு, வாலிபால், நீச்சல், படிப்பிலும் படு சுட்டி என ஆல்ரவுண்டராகத் திகழ்ந்த ஹிலாரி, அதிபர் தேர்தலில் நின்ற குடியரசுக் கட்சியைச் சேர்ந்த ‘பேரி கோல்ட் வாட்ட’ருக்கு ஆதரவாகப் பிரசாரம் செய்யக் கிளம்பியதுதான் அரசியலில் அவரது முதல் பிள்ளையார் சுழி!

சட்டக் கல்வியை முடித்த கையோடு, யேல் பல்கலைக்கழகத்தில் முதுகலைக் கல்வியும் படித்தார் ஹிலாரி. அப்போதுதான் ஹிலாரிக்கும், கிளிண்ட்டனுக்கும் காதல் மலர்ந்தது. அதன் பின் ஆர்கன்சாஸ் பல்கலைக்கழகத்தில் பேராசியராகவும் பணிபுரிந்தார் ஹிலாரி.

கிளிண்ட்டன் ஹிலாரி திருமணம் நடந்தது 1975&ல். வேலை பார்த்துக்கொண்டே அரசியலிலும் ஈடுபட்ட கிளிண்ட்டன், திருமணமான மூன்றே வருடங்களில் ஆர்கன்சாஸ் மாகாண கவர்னரானார். அதன் பின்புலமாக முழு மூச்சாகச் செயல்பட்டவர் ஹிலாரிதான். அதன்பின் கிட்டத்தட்ட 12 வருடங்கள் ஆர்கன்சாஸ் மாகாணத்தின் முதல் பெண்மணி யாக இருந்தார் ஹிலாரி. இல்வாழ்க்கையில் செல்சியா என்ற மகளும் பிறந்தார்.

ஹிலாரி முதல் பெண்மணியாகத் திகழ்ந்த அந்த 12 வருடங்களில், அவரால் ஆர்கன்சாஸ் ஏகப்பட்ட விதங்களில் வளர்ச்சியடைந்தது. குறிப்பாகக் கல்வித் துறையில் பல சூப்பரான மாற்றங்களைக் கொண்டு வந்தார் ஹிலாரி. அதற்காக ‘ஆர்கன் சாஸின் தாய்’ என்ற விருதையும் 1984&ம் ஆண்டு பெற்றார்.

கவர்னர் பதவிக்காலம் முடிந்த பின்னும், கட்சியில் பொறுப்பேற்றுச் செயல்பட்டு வந்த கிளிண்ட்டன் படிப்படியாக ஜனநாயகக் கட்சியின் தவிர்க்க முடியாத சக்தியாக மாறினார். 1993&ம் ஆண்டு நடைபெற்ற அதிபர் தேர்தலில் அமோக வெற்றி பெற்றார்.

இடையில் மோனிகா லெவின்ஸ்கி விவகாரம் தலையெடுத்தது. உலகமே அதிருப்தியோடு கிளிண்ட்டனைப் பார்த்தவேளையிலும், உற்ற தோழியாக தன் கணவரை விட்டுக்கொடுக்காமல் இருந்தது ஹிலாரியின் மதிப்பைப் பல மடங்கு உயர்த்தியது!

நியூயார்க் நகர செனட்டராக இருந்தபோது கல்வி, உள்கட்டமைப்பு, தொழில் ஆகிய துறை களில் பல சீர்திருத்தங்களை மேற்கொண்டார் ஹிலாரி. இரட்டைக் கோபுரங்கள் தகர்க்கப் பட்டபோதும், காத்ரீனா புயல் தாக்கியபோதும் ஹிலாரி மேற்கொண்ட மின்னல் வேக நடவடிக் கைகள் மக்களுக்குப் பெரிய ஆறுதலாக இருந்தன.

அமெரிக்க ‘முதல் பெண்மணி’களிலேயே முதல் முதுகலைப் பட்டதாரி, திறமையான வழக்கறிஞர், அட்டகாசமான எழுத்தாளர், சமூக சேவகர், சிறந்த பெண்மணி எனப் பல முகங் களைக்கொண்ட ஹிலாரிக்கு அமெரிக்க அதிபர் என்ற முகமும் கச்சிதமாகப் பொருந்தும் என்பதில் சந்தேகம் இல்லை.

நன்றி - விகடன்