புதிய அரசமைப்பால் பௌத்த மதத்துக்கு ஆபத்தா?

எதிர்க்­கட்சி என்­றால் தின­மும் அர­சுக்கு எதி­ராக ஏதா­வது ஒன்­றைச் செய்­து­கொண்டே இருக்க வேண் டும், எதை­யா­வது பேசிக்­கொண்டே இருக்க வேண்­டும், அரசு கொண்டு வரும் சகல வேலைத் திட்­டங் களை­யும் எதிர்க்க வேண்­டும், அவற்­றில் இருக்­கும் குறை­களை மாத்­தி­ரம் தேடிப் பிடித்து விமர்சிக்க வேண்­டும்.

இது­தான் எதிர்க் கட்­சிக்­கான எழு­தப்­ப­டாத விதி.அவ்­வாறு இருந்­தால்­தான் எதிர்க்­கட்சி என்று ஒன்று இருப்­பதை மக்­கள் உணர்­வர். ஆட்­சி­யைக் கைப்­பற்­று­வ­தற்­கும் அந்த எதிர்ப்பு நட­வ­டிக்­கை­தான் உத­வும்.

மகிந்­த­வின் ஆட்சி கவிழ்க்­கப்­பட்­டதும் இவ்­வா­று­தான். மகிந்­த­வுக்கு எதி­ரா­கப் பேசிப் பேசித்­தான் அவரை வீட்­டுக்கு அனுப்பி வைத்­தார்­கள்.அவ­ரது ஒவ்­வொரு வேலைத் திட்­ட­மும் விமர்ச்­சிக்­கப்­பட்­டது; ஊழல் மோச­டி­கள் வெளி­யில் கொண்டு வரப்­பட்­டன.அதே­வே­லை­யைத்­தான் மகிந்த அணி­யும் இப்­போது கூட்டாட்சி அர­சுக்கு எதி­ரா­கச் செய்­கின்­றது.
ஆட்சி மாற்­றம் ஏற்­பட்டு அடுத்த மாதமே மத்­திய வங்கி பிணை முறி மோசடி என்­றொரு துருப்­புச் சீட்டு மகிந்த அணிக்­குக் கிடைத்­தது.அதை வைத்­துக்­கொண்டு அர­சுக்கு எதி­ரான போராட்­டத்­தைத் தொடக்கி வைத்­த­னர்.அவர்­கள் இன்­று­வரை அந்­தப் போராட்­டத்தை வெற்­றி­க­ர­மாக முன் கொண்டு செல்­வ­தற்கு ஏது­வாக பல விட­யங்­கள் நடந்­துள்­ளன.அவை அனைத்­தை­யும் ஒவ்­வொன்­றா­கப் பயன்­ப­டுத்தி வரு­கின்­ற­னர்.

மத்­திய வங்கி மோச­டி­யைத் தொடர்ந்து அம்­பாந்­தோட்டை துறை­ மு­கத்தை சீனா­வுக்கு வழங்­கு­தல், திரு­கோ­ண­மலை எண்­ணெய்க் குதங்­களை இந்­தி­யா­வுக்கு வழங்­கு­தல்,அரச நிறு­வ­னங்­களை தனி­யார் மயப்­ப­டுத்­து­தல் மற்­றும் வெளி­நா­டு­க­ளுக்கு விற்­றல், சைட்­டம் மருத்­து­வக் கல்­லூரி விவ­கா­ரம், அமைச்­சர்­க­ளுக்­கான வாகன இறக்­கு­மதி,போர்க்­குற்­றச்­சாட்டு,தேர்­தல் ஒத்­திப்­போ­டல் மற்­றும் புதிய அர­ச­மைப்பு என இந்த அர­சு­டன் தொடர்­பு­டைய அனைத்து விட­யங்­க­ளை ­யும் மகிந்த அணி பயன்­ப­டுத்தி அர­சி­யல் செய்து வரு­கின்­றது.

அவற்­றுள் இப்­போது முக்­கி­ய­ மா­னது, புதிய அர­ச­மைப்­புக்­கான எதிர்ப்பு நட­வ­டிக்­கை­யா­கும்.இந்த அர­ச­மைப்புத் தொடர்­பில் எவ்­வா­றெல்­லாம் கதை­க­ளைக் கட்­டி­விட முடி­யுமோ அவ்­வா­றெல்­லாம் கதை­க­ளைக் கட்டி தெற்­கில் பரப்­புரை செய்து வரு­கின்­ற­னர்.தங்­க­ளின் முழு­மை­யான கற்­பனா சக்­தி­யைப் பயன்­ப­டுத்தி தீவிர பரப்­பு­ரை­களை மேற்­கொண்டு வரு­கின்­ற­னர்.

அடிப்­படை ஆதா­ரங்­கள் எவை­யு­மின்றி- இந்­தப் பொய்ப் பரப்­பு­ரை­கள் தெற்­கில் கொடி கட்­டிப் பறக்­கின்­றன.பௌத்த மதத்­தின் முக்­கிய பீடங்­கள் கூட குழம்­பிப் போகும் அள­வுக்கு இந்­தப் பரப்­பு­ரை­கள் அமைந்­துள்­ளன.

அரசு கூறு­வ­து­போல் இன்­னும் பிறக்­காத குழந்­தைக்­குப் பெயர் வைக்­கும் வேலை­யைத்­தான் இந்த மகிந்த அணி செய்து வரு­கின்­றது.ஆனால், பிள்­ளை­யைக் கண்­ணில் காட்­டா­மல் பிள்ளை பிறந்­து­விட்­டது என்று மகிந்த அணி வாதி­டு­கின்­றது. ஆனால் பிள்ளை பிறந்­த­ தற்­கான ஆதா­ரம் எது­வும் அவர்­க­ளி­டம் இல்லை.

இந்த அர­ச­மைப்பை அவர்­கள் எதிர்ப்­ப­தற்கு இரண்டு விட­யங்­களை அவர்­கள் நியா­யப்­ப­ டுத்­து­கின்­ற­னர்.ஒன்று கூட்டாட்சி அடிப்­ப­டை­யி­லான அதி­கா­ரப் பகிர்வு; மற்­றை­யது, பௌத்த மதத்­துக்கு இருக்­கின்ற முதன்மை இடம் நீக்­கப்­ப­டல்.

கூட்­டாட்­சித் தீர்வு

உண்­மை­யில் புதிய அர­ச­மைப்பு கொண்­டு­வ­ரப்­ப­டு­மாக இருந்­தால், அதற்­கான முக்­கிய கார­ணம் வடக்கு- கிழக்­குக்கு அர­சி­யல் தீர்வை வழங்­கும் நோக்­கம்­தான். இந்­தத் தீர்வு கூட்­டாட்சி அடிப்­ப­டை­யி­லேயே இருக்க வேண்­டும் என்று தமிழ்த் தேசி­யக் கூட்­ட­மைப் பும், ஒற்றை ஆட்­சி­யின் அடிப்­ப­டை­யில்­தான் தீர்வு வழங்­கப்­ப­டும் என்று அர­சும் கூறி வரு­கின்­றன.
ஒற்­றை­யாட்­சி­தான் என்­பது அர­சின் உறு­தி­யான நிலைப்­பா­டா­ கும். ஒற்றை ஆட்சி என்ற தலைப் பின்­கீழ் கூட்­டாட்­சித் தீர்வே வழங்­கப்­ப­ட­வுள்­ளது என்று மகிந்த அணி கூறு­கின்­றது.

அது மாத்­தி­ர­மன்றி,போர்க்­குற்­றச்­சாட்டு,காணா­மல் போனோர் விவ­கா­ரம் மற்­றும் தமி­ழர் கைவ­சம் இருக்­கும் நிலப்­ப­ரப்பு போன்­ற­வற்றை சாத­க­மா­கக் கொண்டு வடக்­கு-­­கி­ழக்­கைத் தனி நாடாக உரு­வாக்­கு­வ­தற்­கான ஏற்­பா­டு­கள் செய்­யப்­ப­டு­கின்­றன என்­றும் காணி, பொலிஸ் அதி­கா­ரங்­கள் உள்­ளிட்ட சட்­ட­வாக்க மற்­றும் நிதி அதி­கா­ரங்­க­ளும் அதற்கு வழங்­கப்­ப­ட­வுள்­ள­தா­க­வும் மகிந்த அணி கூறு­கின்­றது.

மேற்­கு­றிப்­பிட்­ட­வற்­றுள் ஒன்­றைக்­கூட வழங்க இந்தச் சிங்­கள அரசு தயா­ரில்­லாத நிலை­யில்,ஒரு நாட்­டையே உரு­வாக்­கிக் கொடுக்­கப் போகின்­றது என்­ப­தும், மேல­தி­க­மாக இன்­னும் அதி­கா­ரங்­க­ளைக் கொடுக்­கப் போகின்­றது என்­ப­தும் குழந்­தை­கள்­கூட நம்­ப மறுக்கும் விட­யங்­க­ளா­கும்.

பௌத்த மதத்­துக்கு ஆபத்தா?

மகிந்த அணி­யி­ன­ரின் மற்­றொரு கற்­ப­னைக்­க­தை­தான் பௌத்த மதத்­துக்கு இருக்­கின்ற முதன்மை நிலை நீக்­கப்­ப­ட­வுள்­ளது என்ற கருத்து.தமது மதத்­தின்­மீது கைவைத்­தால் அந்த மதத்­தைச் சேர்ந்­த­வர்­கள் எவ­ரும் அத­னைத் தாங்­கிக்­கொள்­ள­மாட்­டார்­கள் என்ற யதார்த்­தத்­தைக் கையில் எடுத்து ,சிங்­கள பௌத்­தர்­களை அவர்­கள் உசுப்­பேத்தி வரு­கின்­ற­னர்.

பௌத்த அரசு,- பௌத்த மக்­க­ளின் பெரும்­பான்மை வாக்­கு­க­ளால் உரு­வான அரசு தங்­க­ளின் மதத்­தையே அழிக்­கப் போகின்­றது என்று சொன்­னால் மன­நிலை பாதிக்­கப்­பட்­ட­வர்­கள்­தான் அதை நம்­பு­வர்.
பௌத்த மதத்­துக்கு இருக்­கின்ற முதன்மை இடம் நீக்­கப்­ப­டு­வ­தன் மூ­லம் அர­சி­யல்­ரீ­தி­யாக இந்த அர­சுக்கு ஏதா­வது நன்மை கிடைக்­கு­மாக இருந்­தால், ஓர­ள­வா­வது இந்­தப் பரப்­பு­ரையை நம்­ப­லாம். இத­னால் அர­சுக்கு எந்த இலா­ப­மும் இல்லை என்­ப­து­தான் நிதர்­ச­னம்.

பௌத்த மத­மும்
தமிழ்-­­முஸ்­லிம்
மக்­க­ளின் நிலைப்­பா­டும்

பௌத்த மதத்­தின்­மீது கை வைப்­ப­த­னால், தமிழ்-­­முஸ்­லிம் மக்­க­ளின் ஆத­ரவு அர­சுக்­குக் கிடைக்­குமா என்­றால் அப்­ப­டி­யா­ன­தொரு நிலை அறவே இல்லை.

பௌத்த மதத்­துக்­கான முதன்மை இடம் என்று சொல்­லும்­போது பல விட­யங்­களை இதற்கு உதா­ர­ண­மா­கக் குறிப்­பி­ட­லாம்.அவற்­றுள் நடை­மு­றை­யில் நாம் கண்டு வரு­கின்ற சில விட­யங்­களை மாத்­தி­ரம் எடுத்­துப் பார்ப்­போம்.
மாதாந்­தம் வரும் போயா தினம் பௌத்த மக்­க­ளுக்கு உரி­ய­தா­கும்.அது அரச விடு­மு­றையாக ஆக்­கப்­பட்­டுள்­ளது.இந்த அரச விடு­முறை பௌத்த மதத்­துக்கு வழங்­கப்­பட்­டுள்ள முதன்மை நிலை­யா­கும். இதற்கு எதி­ராக ஏனைய மதங்­கள் குரல் எழுப்­பு­கின்­ற­னவா என்­றால் இல்­லவே இல்லை என்­பதே அதற்­கான பதில்.
போயா தினத்­தில் இறைச்­சிக் கடை­கள் அனைத்­தும் மூடப்­ப­டும்.இத­னால் இந்த இறைச்­சிக் கடை­களை நடத்­தும் முஸ்­லிம்­கள் ஒரு­போ­தும் அசௌ­க­ரி­யம் அடைந்­த­தில்லை.

அதே­போல் வெசாக் மற்­றும் பொசன் தினங்­க­ளும், அந்­தத் தினங்­க­ளில் வழங்­கப்­பட்டு வரும் அரச விடு­மு­றை­க­ளும் பௌத்த மதத்­துக்­கான முதன்மை இடங்­க­ளாக இருக்­கின்­றன.இந்­தத் தினங்­க­ளில் இடம்­பெ­றும் கொண்­டாட்­டங்­க­ளால் ஏனைய மதங்­க­ளைப் பின்­பற்­று­வோர் பாதிக்­கப்­ப­டு­வ­தில்லை.

இத்­த­கைய பின்­பு­லத்­தில் எவ­ரு­டைய நன்­மைக்­காக இந்த அரசு பௌத்த மதத்­துக்கு எதி­ராக நட­வ­டிக்கை எடுக்­கப் போகின்­றது என்ற கேள்வி எழு­கின்­றது.அந்­தக் கேள்­வியை சிங்­கள மக்­கள் ஒவ்­வொ­ரு­வ­ரும் தம்­மைத்­தாமே கேட்­டுக் கொண்­டால், தங்­க­ளது அர­சி­யல் இருப்­புக்­கா­க-க் குறு­கிய அர­சி­யல் இலா­பத்­துக்­காக மகிந்த அணி­யி­னர் நடத்­தும் போலி நாட­கம்­தான் இந்­தப் போலிப் பரப்­புரை என்­பதை அவர்­கள் விளங்­கிக்­கொள்­வர். மகிந்த அணி­யி­ன­ரின் இவ்­வா­றான பரப்­பு­ரை­க­ளை­யெல்­லாம் முறி­ய­ டித்­து -­­பௌத்த மக்­க­ளுக்கு உண்மை நிலை­மை­யைத் தெளி­வு­ப­டுத்தி, இந்த நாட்­டுக்­கும் சிறு­பான்மை இன மக்­க­ளுக்­கும் நன்­மை­ ப­யக்­கக்­கூ­டிய புதிய அர­ச­மைப்பை இந்த அரசு கொண்டு உரு­வாகுமா? என்­ப­தைப் பொறுத்­தி­ருந்­து­தான் பார்க்க வேண்­டி­யுள்­ளது.