சாணக்கியமா சரணாகதியா?

சாணக்கியமா சரணாகதியா?

 

“அர­சி­யலில் நிரந்­தர எதி­ரியும் இல்லை, நிரந்­தர நண்­பனும் இல்லை” என்று பொது­வாகக் கூறப்­ப­டு­வ­துண்டு.

2015இல் ஐ.தே.கவும், ஸ்ரீலங்கா சுதந்­திரக் கட்­சியும் இணைந்து கூட்டு ஆட்சி அமைத்த போது, தான், இதன் உள்­ளார்ந்த அர்த்தம் சரி­யா­னதே என்று உணர முடிந்­தது.

யாழ். மாவட்­டத்தில் உள்ள உள்­ளூ­ராட்சி சபை­களில் ஈ.பி.டி.பியுடன் இணைந்து தமிழ்த் தேசியக் கூட்­ட­மைப்பு ஆட்­சி­ய­மைப்­பதை பார்க்கும் போது, அந்தக் கருத்து முற்­றிலும் சரியே என்று மீண்டும் உறு­திப்­ப­டுத்திக் கொள்ள முடி­கி­றது.

வடக்கு, கிழக்கின் பெரும்­பா­லான உள்­ளூ­ராட்சி சபை­களில், எந்தக் கட்­சி­யாலும் அறுதிப் பெரும்­பான்மை பெற முடி­யாது போன சூழலில், இன்­னொரு கட்­சியின் அல்­லது ஒன்­றுக்கு மேற்­பட்ட கட்­சி­களின் உத­வி­யுடன் தான் ஆட்­சி­ய­மைக்க முடியும் என்ற நிலை ஏற்­பட்­டது.

புதிய உள்­ளூ­ராட்சித் தேர்தல் முறைமை தந்த குழப்­ப­மான முடிவு இது. பெரும்­பா­லான உள்­ளூ­ராட்சி சபை­களில் முன்னர் தனித்து ஆட்­சி­ய­மைத்த தமிழ்த் தேசியக் கூட்­ட­மைப்பு, இந்த முறை அத்­த­கைய வெற்­றியைப் பெற முடி­யாமல் போனது.

எனவே விழுந்தும் மீசையில் மண் ஒட்டிக் கொள்­ள­வில்லை என்­பதை காட்­டு­வ­தற்­காக- எப்­ப­டி­யா­வது, எல்லா சபை­களின் தலைமைப் பத­வி­யையும் கைப்­பற்றி விட வேண்டும் என்ற முடிவில் செயற்­பட்­டி­ருக்­கி­றது.

சபை­களின் நிர்­வா­கத்தைக் கொண்டு நடத்தும் தலை­மையைப் பெற்றுக் கொள்­வ­தற்­காக, ஈ.பி.டி.பி, ஐ.தே.க, ஆகி­ய­வற்றின் உத­வி­களை தமிழ்த் தேசியக் கூட்­ட­மைப்பு பெற்­றி­ருக்­கி­றது. சில இடங்­களில் ஸ்ரீலங்கா சுதந்­திரக் கட்­சியும் ஆத­ர­வ­ளித்­தி­ருக்­கி­றது. சிங்­களப் பேரி­ன­வாதக் கட்­சிகள் என்று விளிக்­கப்­பட்ட கட்­சிகள், தமிழ் மக்­க­ளுக்கு விரோ­த­மான கட்சி, ஒட்­டுக்­குழு என்றும் விமர்­சிக்­கப்­பட்ட ஈ.பி.டி.பி. ஆகி­ய­வற்றின் ஆத­ரவைப் பெறு­வ­தற்கும் கூட, தமிழ்த் தேசியக் கூட்­ட­மைப்பு தயா­ராகி விட்­டது.

தலைமைப் பத­வியைக் கைப்­பற்­று­வ­தற்­காக எந்தக் கூச்­சமும் இன்றி பேச்­சுக்­களை நடத்­தி­யி­ருக்­கி­றது. வெட்­கப்­ப­டாமல், அதனைப் பெரிய வெற்­றி­யா­கவும் காட்டிக் கொள்­கி­றது கூட்­ட­மைப்பு. உள்­ளூ­ராட்சி சபை­களில் தமிழ்த் தேசியக் கூட்­ட­மைப்பே பெரும்­பா­லான சபை­களில் அதிக ஆச­னங்­களைப் பெற்­றது என்­பது உண்மை. அந்­த­வ­கையில் ஆட்­சி­ய­மைப்­ப­தற்கு முயற்­சிக்க வேண்­டி­யதும் அதன் பொறுப்பு. தமிழ்த் தேசிய மக்கள் முன்­னணி, ஈ.பி.டி.பி, ஐ.தே.க, ஸ்ரீலங்கா சுதந்­திரக் கட்சி போன்ற ஏனைய கட்­சி­களின் -சில சுயேட்சைக் குழுக்­களின் ஆத­ரவு இல்­லாமல் எதையும் செய்ய முடி­யாது என்ற நிலை ஏற்­பட்­டி­ருந்­தது.

தமிழ்த் தேசிய மக்கள் முன்­னணி, தமிழ்த் தேசியக் கூட்­ட­மைப்­புக்கு ஒத்­து­ழைப்­ப­தில்லை என்ற நிலைப்­பாட்டை எடுத்த நிலையில், ஈ.பி.டி.பி, ஐ.தே.க, ஸ்ரீலங்கா சுதந்­திரக் கட்சி போன்­ற­வற்றின் தயவை நாடு­வதை விட வேறு வழி­யில்­லாத நிலை கூட்­ட­மைப்­புக்கு ஏற்­பட்­டது. இந்த இணக்­கப்­பாடு, உள்­ளூ­ராட்சி அமைப்­பு­களின் மட்­டத்தில் மேற்­கொள்­ளப்­பட்­டி­ருந்தால் அதற்­கான அர்த்தம் வேறு. ஆனால், இது மேல் மட்­டத்தில் இருந்து செய்­யப்­பட்ட ஏற்­பாடு. எனவே தான் இது அர­சியல் கூட்டு, சந்­தர்ப்­ப­வாதக் கூட்டு என்று பல்­வேறு பெயர்­களில் அழைக்­கப்­ப­டு­கி­றது. தாங்கள் ஈ.பி.டி.பியிடம் ஆத­ரவு கேட்­க­வில்லை.

அத­னுடன் கூட்டு வைத்துக் கொள்­ள­வில்லை என்று, தமிழ்த் தேசியக் கூட்­ட­மைப்பின் பேச்­சாளர் சுமந்­திரன் கூறி­யி­ருக்­கிறார்.

ஆனால், டக்ளஸ் தேவா­னந்­தா­வுடன் மாவை சேனா­தி­ராசா பேசி­யி­ருக்­கிறார். அதனை அவர்­களே ஒப்புக் கொண்­டி­ருக்­கி­றார்கள். எனினும் நிலைப்­பாட்டைத் தான் எடுத்துச் சொன்னோம், ஆத­ரவு கேட்­க­வில்லை என்று கூறு­கின்­றனர். 

நிலைப்­பாட்டை எடுத்துச் சொல்­வ­தற்கு, டக்ளஸ் தேவா­னந்­தா­வுக்கு, மாவை சேனா­தி­ராசா தொலை­பேசி அழைப்பை எடுக்க வேண்­டி­ய­தில்லை. அதனைப் பகி­ரங்­க­மா­கவே அறிக்­கை­யாக வெளி­யிட்­டி­ருக்­கலாம்.

தமிழ்த் தேசியக் கூட்­ட­மைப்பு ஆட்­சியைப் பிடிக்கும் அவ­தியில், சாணக்­கி­யத்தை கையாளத் தவ­றி­யி­ருக்­கி­றது என்றே தெரி­கி­றது,

தமிழ்த் தேசியக் கூட்­ட­மைப்­புக்கு யாழ்ப்­பாண மாவட்­டத்தில் கடந்த இரண்டு தசாப்­தங்­க­ளாக, ஈ.பி.டி.பி தான் பிர­தான அர­சியல் எதி­ரி­யாக இருந்து வந்­தி­ருக்­கி­றது.

அனைத்து தேர்­தல்­க­ளிலும் கூட்­ட­மைப்­புக்கும் ஈ.பி.டி.பிக்கும் இடையில் தான் பிர­தான போட்டி இருந்து வந்­தது.

தேர்­தல்­களின் போது, மோதல்கள் நிகழ்ந்­தி­ருக்­கின்­றன. உயிர்ப்­ப­லி­களும் எடுக்­கப்­பட்­டி­ருக்­கின்­றன.

ஊர்­கா­வற்­று­றையில் பிர­சா­ரத்­துக்குச் சென்ற கூட்­ட­மைப்­பினர் மீது ஈ.பி.டி.பியினர் தாக்­குதல் நடத்தி, மாவை சேனா­தி­ரா­சாவின் தலையை உடைத்து, கையை முறித்தும், சிவா­ஜி­லிங்­கத்தின் காலை உடைத்தும், கூட்­ட­மைப்பு ஆத­ர­வாளர் ஒரு­வரைக் கொன்றும் வெறி­யாட்டம் ஆடி­யி­ருந்­தனர் என்றும் கூட்­ட­மைப்­பி­னரே கூறி­யி­ருந்­தனர்.

அந்தத் தாக்­கு­தலில் சம்­பந்­தப்­பட்­ட­வர்கள், ஈ.பி.டி.பி அமைப்­பா­ளர்­க­ளா­கவும், எம்.பிக்­க­ளா­கவும் பதவி வகித்­தி­ருந்­தனர் என்ற குற்­றச்­சாட்டு உள்­ளது.

இப்­ப­டி­யான மோதல்கள், உயிர்ப்­ப­லிகள், நிகழ்ந்­தி­ருந்தும், ஈ.பி.டி.பியின் ஆத­ரவை கூட்­ட­மைப்பு கோரி­யது எந்­த­வ­கையில் சாணக்­கி­ய­மாக கொள்ள முடியும் என்ற கேள்வி பர­வ­லாக உள்­ளது.

யாழ். மாவட்­டத்தில் கூட்­ட­மைப்பும்- ஈ.பி.டி.பியு­யுமே பிர­தான போட்­டி­யா­ளர்­க­ளாக இருந்த நிலையில், உள்­ளூ­ராட்சி சபை­களில் இவர்கள் ஒத்­து­ழைத்துச் செயற்­படத் தொடங்­கி­யுள்­ளதன் மூலம், இந்த இரண்டு தரப்­பு­களும் தமிழ் மக்­களை முட்­டாள்­க­ளாக்­கி­யுள்­ளன.

தேர்­தல்­களில் எதிரும் புதி­ரு­மாக விமர்­சித்து விட்டு, ஒன்­றாக வந்து நிற்­கி­றார்­களே என்ற ஆதங்கம் வாக்­க­ளித்த பல­ரிடம் இருக்­கி­றது.

இந்தக் கட்­டத்தில் சாணக்­கி­ய­மாக நடந்து கொண்­டது ஈ.பி.டி.பியா -தமிழ்த் தேசியக் கூட்­ட­மைப்பா என்ற கேள்­வியும் உள்­ளது.

உண்­மையில், ஈ.பி.டி.பி தான் சாணக்­கி­ய­மாக நடந்து கொண்­டி­ருக்­கி­றது என்­பதில் சந்­தே­க­மில்லை.

ஏனென்றால், தற்­போ­தைய அர­சியல் சூழல் கூட்­ட­மைப்­புக்குச் சாத­க­மா­னது அல்ல. 2015ஆம் ஆண்­டுக்குப் பின்­ன­ரான அர­சியல் சூழல், கூட்­ட­மைப்­புக்கு எதி­ரான மனோ­நி­லையில் தான் மக்கள் இருக்­கின்­றனர் என்­பதை, உள்­ளூ­ராட்சித் தேர்­தலில் ஏற்­பட்ட பின்­ன­டைவு வெளிப்­ப­டுத்­தி­யி­ருந்­தது.

இந்­த­நி­லையில், ஈ.பி.டி.பி தனது பிர­தான போட்­டி­யா­ள­ரான கூட்­ட­மைப்பை, மிகச் சாது­ரி­ய­மாக தன்­னிடம் சர­ணா­கதி அடைய வைத்­தி­ருக்­கி­றது.

கூட்­ட­மைப்பின் வாக்குப் பாரம்­ப­ரியம் வேறு. ஈ.பி.டி.பியின் வாக்குப் பாரம்­ப­ரியம் வேறு. கூட்­ட­மைப்­புக்கு வாக்­க­ளித்து வந்­த­வர்கள் ஒரு­போதும் ஈ.பி.டி.பிக்கு வாக்­க­ளிக்­க­மாட்­டார்கள். அந்த நிலையை மாற்றிக் கொள்ளும் சூழல் இப்­போது ஏற்­பட்­டுள்­ளது. கூட்­ட­மைப்­புக்கு நாங்கள் ஆத­ர­வ­ளித்­தி­ருக்­கிறோம். அவர்­களும் எங்­களின் ஆத­ரவை பெற்­றி­ருக்­கி­றார்கள் என்று ஈ.பி.டி.பி வாக்கு கேட்­கலாம்.

அதை­விட, கூட்­ட­மைப்பு- ஈ.பி.டி.பி கூட்டு என்ற பிர­சாரம் தமிழ் மக்கள் மத்­தியில் எதிர்­ம­றை­யான விளை­வு­க­ளையே ஏற்­ப­டுத்தும், அது ஈ.பி.டி.பிக்கு சாத­க­மாக அமையும்.

கூட்­ட­மைப்­புக்கு ஆத­ரவு அளித்­ததால், ஈ.பி.டி.பியின் வாக்கு வங்கி சரி­யாது. ஆனால் ஈ.பி.டி.பியுடன் கூட்டு வைத்­ததால் கூட்­ட­மைப்பின் வாக்­கு­களில் சரிவு ஏற்­படும்.

அடுத்து வரும் தேர்­தல்­களில், ஈ.பி.டி.பி முத­லி­டத்­துக்­காகப் போட்­டி­யி­டு­வ­தற்கு இது சாத­க­மான சூழலை உரு­வாக்கும்.

இந்த விவ­கா­ரத்தை ஈ.பி.டி.பி முற்­றிலும் தனக்குச் சாத­க­மான வகை­யி­லேயே அணு­கி­யி­ருக்­கி­றது. ஆனால், கூட்­ட­மைப்போ, வெறு­மனே தலைவர் பத­வி­க­ளுக்­காக - தனக்கு மூக்குப் போனாலும் சரி, எதி­ரிக்கு சகுனப் பிழை­யாகி விட வேண்டும் என்ற வகையில்- சிந்­தித்­தி­ருக்­கி­றது.

தமிழ்த் தேசிய மக்கள் முன்­ன­ணி­யையே தனது எதி­ரி­யாக கூட்­ட­மைப்பு வரிந்து கட்டத் தொடங்­கி­யுள்ள நிலையில், தனக்கு அருகே நிற்­கின்ற – எதி­ரி­யான ஈ.பி.டி.பியை அலட்­சியம் செய்யத் தொடங்­கி­யி­ருக்­கி­றது.

தமிழ்த் தேசிய மக்கள் முன்­ன­ணியை ஓரம் கட்டி விட வேண்டும் என்­ப­தற்­காக, ஈ.பி.டி.பி, ஐ.தே.க, ஸ்ரீலங்கா சுதந்­திரக் கட்சி போன்­ற­வற்றின் ஆத­ரவைப் பெறு­வ­தற்கும் கூட்­ட­மைப்பு தயா­ரா­கி­யி­ருப்­பது அதன் அர­சியல் வங்­கு­ரோத்துத் தனத்­தையே காட்­டு­கி­றது.

இந்த இணக்­கப்­பாட்­டுக்கு அர­சியல் சாணக்­கியம் என்று கூறலாம். அல்­லது வேறு பெயர்­க­ளையும் அவர்கள் சூட்­டலாம். ஆனால், கொள்கை அர­சி­யலில் இது­போன்ற விட­யங்கள், சூழ்­நி­லைகள் தவிர்க்­கப்­பட்­டி­ருக்க வேண்டும்.

யாரை எதிர்த்து அர­சியல் செய்­கிறோம் என்­பதை விட, எப்­படி அர­சியல் செய்­கிறோம் என்­பது தான் முக்­கி­ய­மா­னது. அந்தத் தெளிவு கூட்­ட­மைப்­பிடம் இல்­லாமல் போய்க் கொண்­டி­ருப்­ப­தற்­கான அறி­கு­றிகள் தென்­பட ஆரம்­பித்­தி­ருக்­கின்­றன.

உள்­ளூ­ராட்­சி­களில் ஆட்­சி­ய­மைக்க வேண்­டி­யது முக்­கி­ய­மா­னதே என்­றாலும், அதற்­காக கொள்கை நிலையில் இருந்து இறங்கிப் போவது சாணக்கியம் அல்ல.

உள்ளூராட்சி சபைகளை மாத்திரம் கணக்குப் போட்டிருந்த தமிழ்த் தேசியக் கூட்டமைப்பு, இன்னும் சில மாதங்களில் நடக்கப் போகின்ற மாகாணசபைத் தேர்தல்களை மனதில் கொள்ளத் தவறியிருக்கிறது.

மாகாணசபைத் தேர்தல் களத்தில் கூட்டமைப்பு, எத்தகைய முகத்துடன் வாக்காளர்களைச் சந்திக்கப் போகிறது?

வடக்கில் ஈ.பி.டி.பியின் ஆதரவுடன் ஆட்சியமைத்த கூட்டமைப்பு கிழக்கில் கருணா, பிள்ளையான் கட்சிகளின் ஆதரவுடன் ஆட்சியமைக்குமா என்ற கேள்விகளும் எழத் தொடங்கியிருக்கின்றன.

அத்தகைய எதிர்பார்ப்பு கிழக்கு மக்களிடம் தோன்றினால் அதனைக் கூட்டமைப்பு ஈடு செய்யத் தயாராக இருக்கிறதா?

சாணக்கிய அரசியலுக்கும், சரணாகதி அரசியலுக்கும் வேறுபாடுகள் உள்ளன.

கூட்டமைப்பு இப்போது செய்வது சாணக்கிய அரசியலா, சரணாகதி அரசியலா என்பதை அடுத்து வரும் தேர்தலில் மக்கள் வெளிப்படுத்துவார்கள்.