4 கப்பல்கள், 11 படகுகளில் ஒரு வருடத்தில் புலிகள் ஆயுதக் கடத்தல்

[02 - April - 2007]

கடந்த சுமார் ஒரு வருட காலத்தில் அதாவது 2006 ஆம் ஆண்டிலிருந்து இதுவரையில் புலிகள் இயக்கத்தினரின் 4 ஆயுதக்கப்பல்களும் 11 பெரிய ஆயுதப்படகுகளும் சிறிலங்கா கடற்படையினரால் தாக்கி அழிக்கப்பட்டுள்ளன.

அத்துடன், 2 ஆயுதப் படகுகள் கடற்படையினரால் தாக்கி கைப்பற்றப்பட்டதுடன், அதில் பயணம் செய்த புலிகள் இயக்கத்தினரும் கைது செய்யப்பட்டனர்.

இவ்வாறு கடற்படையினரால் தாக்கியழிக்கப்பட்ட ஆயுதக்கப்பல்கள் பற்றிய தகவல்களுக் கேற்ப 2006-09-17 ஆம் திகதி கல்முனையை அண்டிய கடற்பரப்பில் வைத்து ஆயுதங்கள் ஏற்றி வந்த கப்பல் ஒன்றும் 2007-02-27 ஆம் திகதி தெய்வேந்திரமுனைக்கு அப்பாலுள்ள கடற்பரப்பில் வைத்து புலிகளின் ஆயுதக்கப்பல் ஒன்றும் மற்றும் 2007-03-18 ஆம் திகதி அறுகம்பே குடாக்கடலை அண்டிய கடற்பிராந்தியத்தில் புலிகளுக்காக ஆயுதம் ஏற்றி வந்த இரண்டு கப்பல்களும் கடற்படையினரால் தாக்கி அழிக்கப்பட்டுள்ளன.

இவற்றில் இறுதியாக 2007-03-18 ஆம் திகதி அழிக்கப்பட்ட இரண்டு ஆயுதக்கப்பல்களும் இந்தோனேசியாவிலிருந்து புறப்பட்டு வந்தவை என்று தெரிவிக்கப்பட்டுள்ளது.

மேற்படி, கடற்படையினரால் அழிக்கப்பட்ட 11 ஆயுதப் படகுகளில் 3 படகுகள் தலைமன்னார் கடற்பரப்பில் வைத்து அழிக்கப்பட்டன. ஏனைய 4 ஆயுதப் படகுகள் பத்தங்குண்டுதீவை அண்டிய கடற்பரப்பில் வைத்து தாக்கியழிக்கப்பட்டன. ஏனைய 4 ஆயுதப் படகுகளும் குதிரைமலை, அரிப்பு , கல்முனைத்துறை , உடப்பு ஆகிய கடற்பகுதிகளில் வைத்து கடற்படையினரால் நிர்மூலமாக்கப்பட்டன.

இவற்றைத் தவிர கடற்படையினரால் தாக்கிக் கைப்பற்றப்பட்ட 2 ஆயுதப்படகுகளில் ஒன்று கச்சதீவுக் கடலில் வைத்தும் மற்றொன்று பருத்தித்துறைக் கடலில் வைத்தும் கைப்பற்றப்பட்டதுடன் அதில் பயணம் செய்த புலிகள் இயக்கத்தினரும் கைது செய்யப்பட்டனர்.

இவற்றில் கச்சதீவில் கைது செய்யப்பட்ட படகு இந்தியாவிலிருந்து டெற்றனேற்றர்கள் மற்றும் வெடிகுண்டுப் பொருட்களை ஏற்றி வந்ததாகும்.

இவ்வாறு 2006 ஆம் ஆண்டிலிருந்து இதுவரையில் புலிகள் இயக்கத்தினர் 4 கப்பல்களிலும் 11 படகுகளிலும் வெளிநாடுகளிலிருந்து யுத்த ஆயுதங்களைக் கடத்தி வந்துள்ளனர் எனத் தெரிவிக்கப்பட்டுள்ளது.

திவயின விமர் சனப்பகுதி 23/03/2007

தினக்குரல்

Edited April 2, 200718 yr by கறுப்பி

உலகத்திலே தன் கப்பலை தானே அழிக்கும் ஒரே அரசு ளசi டயமெய அரசு!