83 வயதான முதியவருக்கு சோதனைச் சாவடியில் ஏற்பட்ட கதி!

Posted on : Sun Jun 10 7:37:33 EEST 2007

83 வயதான முதியவருக்கு சோதனைச் சாவடியில் ஏற்பட்ட கதி!

அவர் நடப்பதற்கு மிகவும் கஷ்டப் படுகிறார். அவரது வயதின் முதிர்ச்சியை உடலில் காணமுடிகிறது. உற்றார், உற வினர்களின் உதவியின்றி முதியோர் இல்லம் ஒன்றில் வசித்து வருகிறார்.

அவர் முன்னாள் அரச ஊழியர். அத னால் ஓய்வூதியம் மற்றும் கொடுப்பனவு கள் சம்பந்தமான விடயங்களுக்கு அங்கு செல்ல வேண்டுமாயின் தாமே வருவ துண்டு. அதிக தூரம் நடக்க முடியாத, பஸ்ஸில் தானும் அடிக்கடி ஏறமுடியாத முதியவர் அவர். அவருக்கு வயது 83.

கடந்த புதன்கிழமை யாழ்ப்பாணம் செயலகத்திற்கு வரவேண்டிய தேவை இருந்தது. எவரது உதவியுமின்றித் தாமே வந்தார். அலுவலை முடித்துக் கொண்டு திரும்பியபோது ஏற்பட்டஅனுபவம் அவரை விரக்தியுடன் பேச வைத்தது.

உடல் பதற, நாக்குளற அவர் மன வேதனையுடன் தெரிவித்த கதை இது!

கடந்த புதன்கிழமை காலை அலுவல்கள் நிமித்தம் யாழ். செயலகத்துக்குச் சென்றிருந்தேன்.

அங்கிருந்து நான் தங்கும் முதியோர் இல்லத்துக்குச் செல்வதற்காக யாழ். நக ருக்குத் திரும்பினேன். திரும்பும் வழியில் நான் பயணம் செய்த பஸ் சோதனைக்காக யாழ். முற்றவெளியில் உள்ள சோதனைச் சாவடியில் நிறுத்தப்பட்டது.

பஸ்ஸில் இருந்த ஏனைய பயணிகள் இறங்கிச் சென்றனர். என்னால் நடக்க முடியாமையால் நான் பஸ்ஸூக்குள் அமர்ந்திருந்தேன். அப்போது அங்கு வந்த இராணுவ வீரர் ஒருவர் என்னை பஸ்ஸில் இருந்து இறங்கி சோதனைக்குச் செல்லுமாறு பணித்தார். என்னால் இறங்கி நடக்க முடியாதுள்ளதெனத் தெரிவித்தேன். எனினும் அவர் அதை ஏற்றுக் கொள்ளவில்லை. "இது மேலிடத்து உத் தரவு. இறங்கித்தான் போக வேண்டும் என்றார்.

இறுதியில் நான் பஸ்ஸில் இருந்து இறங்கி தள்ளாடித் தள்ளாடியே சென்றேன் என்றார் அந்த முதியவர்.

முதியவர்கள் மிகவும் மதிக்கப்பட வேண்டியவர்கள் பாதுகாக்கப்பட வேண்டியவர்கள். ஆயினும், யாழ்ப்பாணத்தில் இளையோரும் முதியோரும் ஒன்றாகவே சோதனை நிலையங்களில் நோக்கப்படுகின்றனர்.

உதயன்

Edited June 10, 200718 yr by கறுப்பி