முல்லை, சிலாபம் மக்கள் மீது கடற்படையினர் பீரங்கித் தாக்குதல்

முல்லை, சிலாபம் மக்கள் மீது கடற்படையினர் பீரங்கித் தாக்குதல்

Written by Ravanan - Aug 13, 2007 at 11:05 AM

முல்லைத்தீவு சிலாவத்துறைப் பகுதி நேற்றிரவு சிறிலங்கா கடற்படையினர் நடத்திய பீரங்கித் தாக்குதலையடுத்து அப்பகுதி மக்கள் இடம்பெயர்ந்துள்ளனர். இரவு 10.30 மணியளவில் இப்பகுதி மீது நடத்திய தாக்குதலையடுத்து சிலாவத்தைப் பகுதி மக்களும் அளம்பில் பகுதி மக்குளும் இடம்பெயர்ந்துள்ளனர்.

இவர்கள் முள்ளியவளைப பகுதி நோக்கி இடம்பெயர்ந்துள்ளனர். இதேவேளை நேற்றுக் காலை 9.15 மணியளவில் அளம்பில் கடற்கரையில் கரைவலைத் தொழிலில் ஈடுபட்டுக்கொண்டிருந்த கடற்தொழிலாளர்கள் மீது சிறிலங்கா கடற்படையினர் தாக்குதலினை மேற்கொண்டனர்.

இதனால் கரைவலைத் தொழிலாளர்கள் வலையினைக் கடலில் விட்டு விட்டு பாதுகாப்பு தேடி ஓடினார்கள். இதனால் உயிரிழப்பெதுவும் ஏற்படவில்லை. இதேவேளை முற்பகல் 11.00 மணிக்கு கள்ளப்பாடு மக்கள் குடியிருப்புகளையும் கரைவலைத் தொழிலாளர்களையும் இலக்கு வைத்து சிறிலங்கா கடற்படையினர் கண்மூடித்தனமான தாக்குதலினை மேற்கொண்டனர்.

சங்கதி