2008 ஆம் ஆண்டிற்கான வாழ்க்கைத தரம் வாய்ந்த உலகளாவிய நகரங்களின் தரப்படுத்தல் வரிசையில் ஒக்லாந்து ஆசிய பசுபிக் பிராந்தியத்தின் சிறந்த வாழ்க்கைத் தரம்வாய்ந்த நகரமாகவும், பிராந்தியத்தின் மோசமான வாழ்க்கைத் தரம் வாய்ந்த நகரமாக டாக்காவும் தரப்படுத்தப்பட்டுள்ளன.

ஐரோப்பிய நகரங்களே உலகளவில் கூடுதல் வாழ்க்கைத்தரம் வாய்ந்த நகரங்களாக தரப்படுத்தப்பட்டுள்ளன. இத்தரப்படுத்தலில் சூரிச் முதலிடத்திலும், வியன்னா மற்றும் ஜெனீவா ஆகிய நகரங்கள் இரண்டாம் இடத்திலும் உள்ளன. வான்கூவர் மற்றும் ஒக்லாந்து ஆகிய நகரங்கள் முறையே நான்காம், ஐந்தாம் இடங்களைப் பிடித்துள்ளன.

அரசாங்கங்கள் மற்றும் தனியார் கம்பனிகளின் உதவியுடன் சர்வதேச ரீதயில் இந்த தரக்கணிப்பீடு மேற்கொள்ளப்பட்டுள்ளது.

இந்தக் கணிப்பீட்டில், தனிப்பட்ட பாதுகாப்பை அடிப்படையாகக் கொண்டு உள்ளக ஸ்திரத்தன்மை, குற்றச்செயல்கள், சட்டத்தை நடைமுறைப்படுத்தல், ஏனைய நாடுகளுடனான உறவு ஆகியவை குறிப்பாக மதிப்பிடப்பட்டுள்ளன.

தனிப்பட்ட பாதுகாப்பு தொடர்பான தரப்படுத்தலில் மிகக் குறைந்த புள்ளிகiளை பாகிஸ்தான் பெற்றுள்ளது. அதனைத் தொடர்ந்து கொழும்பு, டாக்கா, ஜகர்த்தா, மணிலா ஆகிய நகரங்கள் வரிசைப்டுத்தப்பட்டுள்ளன. ஆசியப் பிராந்தியத்தில் சிங்கப்பூர் 120.2 புள்ளிகளைப் பெற்று தனிப்பட்ட பாதுகாப்பில் முதலிடத்திலுள்ளது. பாகிஸ்தான் 25.3 புள்ளிகளைப் பெற்று கடைசி ஸ்தானத்தழில் உள்ளது.

"எல்லைப் பிரச்சினைகள், உள்ளகப் பிரச்சினைகள், மோசமான குற்றச்செயல்களால், பாகிஸ்தான், இலங்கை, இந்தோனேசியா ஆகிய நாடுகளைப் போல ஏனைய நாடுகளும் பின்தள்ளப்படும் வாய்ப்புகள் இருக்கின்றன" என சிரேஸ்ட ஆய்வாளர் ஸ்லாகைன் பரகாதில் தெரிவித்துள்ளார்.

"தனிப்பட்ட, குடும்ப பாதுகாப்பைக் கருத்திற்கொண்டு தொழிலாளர்கள் வெளிநாடுகளில் வாழ்வது பற்றி கவனம் செலுத்துகின்றனர்" என்றும் அவர் குறிப்பிட்டுள்ளார்.

2007 செப்டம்பர் முதல் நவம்பர் வரை தொடர்ச்சியாக சேகரிக்கப்பட்ட தரவுகளைக் கொண்டே இந்தத் தரப்படுத்தல் மேற்கொள்ளப்பட்டுள்ளது. இதற்காக 350 நகரங்களின் தரவுகள் சேகரிக்கப்பட்ட போதிலும் 215 நாடுகள் மாத்திரமே தரப்படுத்தலில் உள்ளடக்கப்பட்டிருக்கின்றன.

http://isoorya.blogspot.com/

ஸ்ரீலங்காவிற்கு இன்னுமொரு மகுடம்

உலக மக்களால் கவர்ந்திழுக்கப்படாத நகரங்களின் வரிசையில் கொழும்பும் சேர்க்கப்பட்டிருக்கிறது. சர்வதேச மட்டத்தில் நடத்தப்பட்ட ஒரு மதிப்பீட்டிலேயே இந்தப் 'பெருமை' கிடைத்துள்ளது.

மோதல்கள், உள்நாட்டுப்பிரச்சினைகள், உயர்மட்டக் குற்றச் செயல்கள் ஆகியன உச்சநிலையிலுள்ள பாகிஸ்தான், இந்தோனேசியா ஆகிய நாடுகளின் வரிசையில் இலங்கையையும் சேர்த்து மதிப்பீடு செய்திருக்கிறது இந்த சர்வதேச ஆய்வு.

215 நகரங்களின் நிலவரம் பற்றிக் கணிப்பு நடத்தபட்டட மேற்படி ஆய்வில் ஆசிய - பசுபிக் பிராந்தியத்தில் ஒக்லாந்து மிகவும் சிறந்த வாழ்கைத் தரம் வாய்ந்த நகரமாகத் தெரிவு செய்யபட்டுள்ளது. ஆசியப் பிராந்தியத்தில் மிகவும் தரம் குறைந்த வாழ்க்கைத் தரம் கொண்ட நகரமாக பங்களாதேசத்தின் டக்கா நகரம் தெரிவு செய்யப்பட்டுள்ளது.

தனிநபர் பாதுகாப்புக் குறைந்த நகரங்கள் வரிசையில் பாகிஸ்தான் தலைநகர் இஸ்லம்பாத்திற்கு அடுத்த இடத்தை கொழும்பு பெற்றிருக்கிறது. இந்தக் கணிப்பீடுகள் கொழும்பின் மதிப்பை மிகவும் குறைப்பனவாகவே அமைந்திருக்கிறது.

பிரித்தானியாவில் மஹிந்த தங்கியிருக்கும் இவ்வேளையில் கொழும்புக்குக் கிடைத்தருக்கும் இந்தக் 'கௌரவம்' ஆட்சியாளர்களுக்கு கொதிப்பை ஏற்படுத்தியிருக்கும் என்பது நிச்சயம்.

பட்டறிவுப் பகிர்வு - அற்பன்

நன்றி சுடர்ஒளி