அரசசார்பற்ற நிறுவனங்களின் வாகனங்கள் வன்னிக்குள் செல்லத் தடை - வெளியேற அனுமதி

அரசசார்பற்ற நிறுவனங்களின் வாகனங்கள் வன்னிக்குள் செல்வது வெள்ளி முதல் தடை செய்யப்பட்டுள்ளது. கிளிநொச்சி மற்றும் ஏ9 வீதிகளை நோக்கி படையினர்ஷெல் தாக்குதலை மேற்கொண்டு வருவதானாலேயே இந்தத் தடையை ஏற்படுத்தியதாகப் படையினர் தெரிவித்துள்ளனர்.

எனினும் வன்னியிலிருந்து வவுனியாவுக்கு செல்லும் அரசசார்பற்ற நிறுவனங்களின் வாகனங்கள் ஓமந்தையூடாக பிரவேசிப்பதற்கு அனுமதியளிக்கப்பட்டுள்ளது. கடந்த புதன்கிழமை நள்ளிரவு கிளிநொச்சி நகரில் படையினர் மேற்கொண்ட ஷெல்

தாக்குதலில் போரூட் அமைப்பினரின் கட்டிடத்திற்கு அருகிலிருந்த பலநோக்குக் கூட்டுறவுச் சங்கக் கட்டிடம் பலத்த சேதமடைந்துள்ளது.

இந்நிலையில் கிளிநொச்சியில் சர்வதேச அரசசார்பற்ற நிறுவனங்களின் பணிகள் படை நடவடிக்கையால் பெரிதும் முடங்கியுள்ளன. அவற்றின் பணியாளர்கள் பாதுகாப்பற்ற நிலைiமால் அங்கு பணியாற்றத்

தயங்குகிறார்கள்.

இதன்காரணமாக பல அரசசார்பற்ற நிறுவனங்கள் கிளிநொச்சியிலிருந்து முல்லைத்தீவு நோக்கி நகர ஆரம்பித்துள்ளன. இதன்காரணமாகவும் அவற்றின் வாகனங்கள் வன்னிக்குச் செல்ல அனுமதி மறுக்கப்பட்டு வரும் நிலையிலும் இடம் பெயர்ந்த பல்லாயிரக்கணக்கான மக்களுக்கு இத் தொண்டர் அமைப்புக்கள் வழங்கி வந்த இடர்காலப்பணிகள் ஸ்தம்பிதமடையலாம் என அஞ்சப்படுகிறது.

http://www.tamilskynews.com/index.php?opti...s&Itemid=50