ஐக்கிய நாடுகள் சபையினால் எடுக்கப்பட்ட செய்மதிப் படங்கள் சிறீலங்கா அரசாங்கத்தின் அனுமதியுடனே எடுக்கப்பட்டுள்ளது என சிறீலங்காவுக்கான ஐக்கிய நாடுகள் சபைக்கான வதிவிடப் பிரதிநிதி நீல் பூணே தெரிவித்துள்ளார்.

ஐக்கிய நாடுகள் சபை மக்கள் பாதுகாப்பு வலயத்தில் சிறீலங்கா அரசாங்கம் கனரக ஆயுதங்களை பயன்படுத்துகிறது என செய்திமதிப் படத்தினை வெளியிட்டிருந்தது. இந்த நடவடிக்கையைச் சாடிய சிறீலங்கா அரசாங்கம் ஐ.நா அதன் உறுப்பு நாட்டுக்கு களங்கம் ஏற்படுத்தும் வகையில் புலனாய்வு நடவடிக்கையில் ஈடுபடுவதாக சிறீலங்கா அரசாங்கம் குற்றும் சுமத்தியிருந்தது. இதற்கு பதிலளிக்கும் போதே நீல் பூணே இக்கருத்தினைத் தெரிவித்திருந்தார்.

இதுகுறித்து அவர் மேலும் தெரிவிக்கையில்:

செய்திமதிப் படங்கள் இரகசியமான முறையில் எடுக்கப்படவில்லை. அரசாங்க அதிகாரிகளுடன் இடம்பெற்ற பேச்சுவர்த்தைகளுக்குப் பின்னர், சிறீலங்கா மனித உரிமைகள் அமைச்சர் மகிந்த சமரசிங்க மற்றும் அரச அதிகாரிகளுக்கும் எழுத்து மூலம் அறிவித்த பின்னரே செய்திமதிப் படங்கள் எடுக்கப்பட்டன.

மோதல் தவிர்ப்பு வலயத்தில் எஞ்சியுள்ள மக்களின் நிலைமைகள் எவ்வாறு அமைந்துள்ளது என்பதை அறிவதற்காகவே செய்திமதிப் படங்கள் எடுக்கப்பட்டன.

இவ்வாறு எடுக்கப்பட்ட செய்திமதிப்படங்கள் சிறீலங்கா வெளியுறவு அமைச்சர், மனித உரிமைகள் அமைச்சர் மற்றும் அரசாங்க அதிகாரிகளுக்கும் காண்பிக்கப்பட்டுள்ளது.

யூஎன்ஓசெட் செய்திமதியில் எடுக்கப்பட்ட படம் மூலமே விடுதலைப் புலிகளின் கட்டுப்பாட்டுப் பகுதியில் உள்ள மோதல் தவிர்பு வலயத்தில் மக்களின் நிலைமைகள் குறித்து ஓரளவேனும் அறிய முடிந்துள்ளது என நீல் பூணே மேலும் தெரிவித்துள்ளார்.

நன்றி பதிவு

சிறிலங்கா அரசின் சம்மதத்துடனேயே செய்மதிப் படங்கள் பெறப்பட்டன: ஐ.நா. தூதுவர் விளக்கம்

[புதன்கிழமை, 06 மே 2009, 02:20 பி.ப ஈழம்] [கொழும்பு நிருபர்]

முல்லைத்தீவு மாவட்டத்தில் 'பாதுகாப்பு வலயம்' எனப் பிரகடனம் செய்யப்பட்டுள்ள பகுதிகள் தொடர்பாக 'யுனோ சற்' (UNO SAT) செய்மதி நிறுவனத்தினால் பெறப்பட்ட சர்ச்சைக்குரிய செய்மதி ஒளிப்படங்கள் சிறிலங்கா அரசாங்கத்தினுடைய சம்மதத்துடனேயே பெற்றுக்கொள்ளப்பட்டது என அமைச்சர் மகிந்த சமரசிங்கவுக்கு ஐ.நா. சபை தெரியப்படுத்தியிருப்பதாக கொழும்பு ஊடகம் ஒன்று இன்று செய்தி வெளியிட்டிருக்கின்றது.

இவ்வாறு செய்மதி மூலமாகப் பெறப்பட்ட தகவல்கள் சிறிலங்கா அரசாங்கத்துடன் பகிர்ந்துகொள்ளப்பட்டதாகவும