தமிழீழ விடுதலைப் புலிகளை தோற்கடிப்பதன் மூலம் சுதந்திரப் போராட்டத்தை தடுத்து நிறுத்த முடியாது வசந்த ராஜா பீ.பீ.சீ சிங்களசேவையின் முன்னாள் பணிப்பாளர்

தமிழீழ விடுதலைப் புலிகளை தோற்கடிப்பதன் மூலம் சுதந்திரப் போராட்டத்தை தடுத்து நிறுத்த முடியாது – வசந்த ராஜா ‐ பீ.பீ.சீ சிங்களசேவையின் முன்னாள் பணிப்பாளர்: தமிழில் GTN:

தமிழீழ விடுதலைப் புலிகளை இராணுவ ரீதியாக வெற்றி கொள்வதன் மூலம் தமிழ் மக்களின் சுதந்திரப் போராட்டத்தை தடுத்து நிறுத்த முடியாது.

விடுதலைப் புலிகள் இராணுவ ரீதியாக தோற்கடிக்கப்பட்ட போதிலும், தமிழ் மக்களின் சுதந்திரப் போராட்டம் முன்னொருபோதும் இல்லாத வகையில் தீவிரமடைந்துள்ளது.

விடுதலைப் புலிகளின் தனித் தமிழீழ கோரிக்கையைவிடவும் வலுவான ஓர் கோரிக்கையை நோக்கி தமிழ் சமூகம் நகாந்து கொண்டிருக்கின்றது.

தென் தமிழகத்தின் ஆதரவு மற்றும் உலகம் முழுவதிலும் பரந்து வாழும் புலம் பெயர் தமிழ் மக்களின் ஆசீர்வாதத்துடன் இந்த சுதந்திரப் போராட்டம் வலுவாக முன்னெடுக்கப்படக் கூடிய சாத்தியம் வெகுவாகக் காணப்படுகின்றது.

தமிழ் மக்களின் சுதந்திரப் போராட்டம் சுயாட்சி அதிகாரங்களைக் கொண்ட ஓர் ஆட்சி முறைமையையோ அல்லது தனி நாட்டை உருவாக்கும் முயற்சியை நோக்கியோ நகரக் கூடும் என்பதில் ஐயமில்லை.

தமிழீழ விடுதலைப் புலிகளை இல்லாதொழிக்கும் நோக்கில் சிங்க அரசாங்கங்களினால் கட்டவிழ்த்துவிடப்பட்ட கண் மூடித் தனமான இராணுவ நடவடிக்கைகள் தமிழ் மக்களின் சுதந்திரப் போராட்டத்திற்கு உரமூட்டும் வகையில் அமைந்துள்ளது.

நாடு பிளவுபடாமலிருக்க சிங்களத் தலைவர்கள் காட்டும் தீவிரம் ஓர் எதிர்விளைவை நோக்கி இட்டுச் செல்லும்.

சிங்கள ஆட்சியாளர்களின் கீழ் ஏன் தமிழர்கள் வாழ முடியாது என்ற நியாயப்படுத்தல், தமிழர்களின் சுதந்திரப் போராட்டத்தை துண்டுவதாக அமைந்துள்ளதென்பது மறுக்கப்பட முடியாத உண்மையாகும்.

அரசாங்கத்தினால் முன்னெடுக்கப்பட்டு வரும் யுத்தம் தொடர்பாக சர்வதேச சமூகத்திடம் தெரிவிக்கப்படும் கருத்துக்களின் மூலமே பெரும்பான்மை சமூகத்தின் ஆதிக்கம் வெட்ட வெளிச்சமாகிறது.

உதாரணமாக இராணுவத் தளபதி சரத் பொன்சேகா, இந்த நாடு சிங்கள மக்களுக்கு உரியது, இதில் சிறுபான்மை மக்கள் வாழத் தடையில்லை எனினும் தேவையற்ற வகையில் உரிமைகளை கோரக் கூடாது என சிங்கள அதிகார ஆதிக்கத்தை வெளிப்படுத்தியிருந்தமை குறிப்பிடத்தக்கது.

ஜனநாயக நாடுகளில் பெரும்பான்மை மக்களே ஆட்சி நடத்தி வருவதாகவும், அதன்படி இலங்கையில் சிங்கள மக்களே ஆட்சி நடத்தப்பட வேண்டும் எனவும் பாதுகாப்புச் செயலாளர் கோதபாய ராஜபக்ஷ குறிப்பிட்டிருந்தார்.

ஆங்கிலப் பெரும்பான்மை மக்களைக் கொண்ட பிரித்தானியா ஸ்கொட்லாந்திற்கு தனி பாராளுமன்றமொன்றை அமைத்துக் கொடுக்க வேண்டிய நிர்ப்பந்தத்திற்கு தள்ளப்பட்டது.

சிறுபான்மையினரான ஸ்கொட்கலாந்து மக்களின் தொடர்ச்சியான போராட்டம் இங்கிலாந்திலிருந்து பிளவடைந்து தனிநாடொன்றை உருவாக்க வழிகோலியதென்பது குறிப்பிடத்தக்கது.

கொடூர யுத்த உள்ளம் கொண்ட ஆட்சியாளர்கள் தமிழர் சமூகத்திற்கு நியாயம் வழங்கக் கூடிய தீர்வுத் திட்டங்களை முன்வைப்பார்கள் என்பதில் துளியும் நம்பிக்கையில்லை.

விடுதலைப் புலிகளின் தலைவர் வேலுப்பிள்ளை பிரபாகரனின் தலைமைத்துவத்தின் கீழோ அல்லது அவரது தலைமைத்துவம் இன்றியோ தமிழீழ போராட்டம் தொடரும் என்பதில் இருவேறு கருத்துக்கள் இல்லை.

பல மில்லியன் கணக்கான தென் இந்திய தமிழர்கள் உள்ளிட்ட உலகம் முழுவதிலும் உள்ள தமிழ் மக்கள் தமிழீழ போராட்டத்திற்கு பூரண ஆதரவளித்து வருகின்றமை குறிப்பிடத்தக்கது.

இலங்கை அரசாங்கம் தொடர்பாக சர்வதேச நாடுகள் மத்தியில் நல்ல ஓர் அபிப்பிராயம் காணப்படவில்லை, யுத்தம் குறித்த சரியான பிரச்சாரங்களை மேற்கொள்ள அரசாங்கம் தவறியுள்ளது என்றே கூறத் தோன்றுகின்றது.

முன்னொரு போதும் இல்லாத அளவிற்கு தமிழர் போராட்டம் தொடர்பிலும், அதற்கு ஆதரவான வகையிலும் உலக சமூகம் செயற்பட்டு வருகின்றமை நோக்கத் தக்க வேண்டிய விடயமாகும்.

குறிப்பு:‐ வசந்தராஜா பீ.பீ.சீ சிங்களசேவையின் முன்னாள் பணிப்பாளர். முன்னாள் ஜனாதிபதி சந்திரிக்கா பண்டாரநாயக்கா குமாரதுங்கவின் காலத்தில் ரூபவாஹினிக் கூட்டுத் தாபனத்தின் தலைவர் பதவியை ஏற்றுக் கொண்டவர். பின்னர் சந்திரிக்காவின் அரசியல் நடவடிக்கைகளில் வெறுப்புற்று பதவியை ராஜினாமாச் செய்தவர்.

http://www.globaltamilnews.net/tamil_news....=9348&cat=1