அரசை கவிழ்க்க, ஜே.வி.பியும் த.தே.கூ உம் எம்முடன் இணைதல் வேண்டும் - மங்கள

எதிர்க்கட்சிகளின் கூட்டமைப்பில் ஜே.வி.பி. அங்கம் வகிக்காத போதிலும் நிறைவேற்று அதிகாரம் கொண்ட ஜனாதிபதி முறைமையை இல்லாதொழிப்பதற்கு ஜே.வி.பி.யும் தமிழ்த் தேசியக் கூட்டமைப்பும் ஒத்த கருத்துடன் எம்மோடு இணைய வேண்டும் என்று சிறிலங்கா சுதந்திரக்கட்சி மக்கள் பிரிவின் தலைவரும் எம்.பி.யுமான மங்கள சமரவீர தெவித்தார்.

அரசாங்கத்திற்கு சிறந்ததொரு சந்தர்ப்பத்தை வழங்கியிருக்கின்றோம். இனியும் நிறைவேற்று அதிகாரத்தை இல்லாதொழிக்க அரசு தவறும் பட்சத்தில் எதிர்க்கட்சிகளின் அடுத்தகட்ட நடவடிக்கைகளுக்கு முகம் கொடுக்க வேண்டியேற்படும் என்றும் அவர் எச்சக்கை விடுத்துள்ளார்.

சிறிலங்கா சுதந்திரக்கட்சி மக்கள் பிரிவு அலுவலகத்தில் நேற்று வியாழக்கிழமை நடைபெற்ற செய்தியாளர் மாநாட்டில் ஊடகவியலாளர்களால் எழுப்பப்பட்ட கேள்விகளுக்கு பதிலளிக்கையிலேயே மங்கள சமரவீர எம்.பி. இதனைத் தெவித்தார்.

இங்கு அவர் மேலும் கூறியதாவது: நிறைவேற்று அதிகாரம் கொண்ட ஜனாதிபதி முறைமையை இல்லாதொழிப்பதில் எதிர்க்கட்சிகள் ஒருமித்த கருத்துக்களை வெளியிட்டு வருவதுடன் ஒரே நிலைப்பாட்டிலும் இருக்கின்றன.

1994 ஆம் ஆண்டு நவம்பர் 14ஆம் திகதி முன்னாள் ஜனாதிபதி சந்திகா பண்டாரநாயக்க குமாரதுங்க தலைமையிலான அரசாங்கத்துடன் ஜே.வி.பி. செய்து கொண்ட ஒப்பந்தத்தில் இம்முறையை வலுவிழக்கச் செய்ய வேண்டும் என்ற நிபந்தனை உள்ளடக்கப்பட்டிருந்தது.

இதன் பிரகாரம் நிறைவேற்று அதிகாரம் கொண்ட ஜனாதிபதி முறைமையை இல்லாதொழிப்பதற்கு அன்றைய எதிர்க்கட்சியான ஐக்கிய தேசியக் கட்சியின் ஆதரவு கிடைக்கவில்லை. ஆனால், இன்றைய சூழ்நிலையில் மாற்றம் ஏற்பட்டுள்ளது.

நோக்கம் ஒன்றாக இருப்பதனால் கட்சி பேதமற்ற வகையில் ஜே.வி.பி. ஐக்கிய தேசியக்கட்சி, தமிழ்த் தேசியக் கூட்டமைப்பு, சிறிலங்;கா முஸ்லிம் காங்கிரஸ் மற்றும் சிறிலங்;கா சுதந்திரக்கட்சி மக்கள் பிரிவு உள்ளிட்ட ஒத்த கருத்துள்ள சகல கட்சிகளும் ஒன்றிணைந்து செயற்பட வேண்டிய தருணம் கிட்டியுள்ளது.

இம்முறைமையை இல்லாதொழிப்பதற்கான பெரும்பான்மையை எதிர்க்கட்சிகளால் பாராளுமன்றத்துக்குள் பெற்றுத்தர முடியும். எனவே, இந்த சிறந்த சந்தர்ப்பத்தை ஜனாதிபதியும் அரசாங்கம் பயன்படுத்திக் கொள்ள வேண்டும்.

மேலும் எதிர்க்கட்சிகளின் கூட்டமைப்பில் சிறிலங்கா சுதந்திரக் கட்சியின் மக்கள் பிரிவு இணைந்திருப்பதற்கான முக்கிய நோக்கமே பொதுத் தேர்தலிலும் ஜனாதிபதித் தேர்தலிலும் பங்கெடுத்து தற்போதைய அரசாங்கத்தை கவிழ்ப்பதற்காக மட்டுமே ஆகும்.

தொடர்ந்து வாசிக்க...