தமிழர்களுக்கு சரியான அரசியல் தீர்வு வளங்கமாட்டேன் என உறிதி வழங்கினால் மகிந்தவிற்கு ஆதரவு--ஹெல உறுமய நிபந்தனை

13வது சாசனத்திற்கு அப்பால் சென்ற அரசியல் தீர்வு முன்வைக்கப்படாது என்ற உறுதிமொழி வழங்கினால் மாத்திரமே மஹிந்த ராஜபக்சா விற்கு எதிர்வரும் ஜனாதிபதித்

தேர்தலில் மீண்டும் ஆதரவு வழங்கப்படும் என சுற்றாடல்துறை அமைச்சரும், ஜாதிக ஹெல உறுமயவின் கொள்கை வகுப்பாளருமான சம்பிக்க ரணவக்க தெரிவித்துள்ளார். இதற்காக தற்போதைய சூழலுக்கும், எதிர்காலத்திற்கும் ஏற்ற வகையில் மஹிந்த ராஜபக்ஸவுடன் புதிதாக புரிந்துணர்வு ஒப்பந்தமொன்று கையெழுத்திடப்பட வேண்டும் எனவும் சம்பிக்க ரணவக்க கட்சியின் சிரேஸ்ட தலைவர்களுக்கு யோசனை முன்வைத்துள்ளார்.

2005ம் ஆண்டு ஜனாதிபதித் தேர்தலில் மஹிந்த ராஜபக்~விற்கு ஒத்துழைப்பு வழங்குவதற்காக ஜாதிக ஹெல உறுமய, அந்நாள் பிரதமராக இருந்த மஹிந்த ராஜபக்ஸவுடன் அரசியல் புரிந்துணர்வு உடன்படிக்கையொன்றைக் கைச்சாத்திட்டது.

இந்தப் புரிந்துணர்வு உடன்படிக்கைக்கு அமைய ஜனாதிபதி மஹிந்த ராஜபக்ஸ, விடுதலைப் புலிகளை யுத்த ரீதியில் படுகொலை செய்துள்ள போதிலும் அவர் தற்போது தேசிய மற்றும் சர்வதேச அழுத்தங்களுக்கு அடிபணிந்து அதிகாரத்தைப் பரவலாக்குவது தொடர்பான கருத்தாடல்களை ஆரம்பித்திருப்பது பாரதூரமான அரசியல் விடயமென சம்பிக்க ரணவக்க தெரிவித்துள்ளார்.

அத்துடன், 13வது அரசியல் சாசனத் திருத்திற்கு அப்பால் செல்லப் போவதில்லையென ஜனாதிபதித் தேர்தலுக்கு முன்னர் மஹிந்த ராஜபக்ஸவிடம் உறுதிமொழியொன்றைப் பெறவேண்டுமென வலியுறுத்தியுள்ளார்.

அரசாங்கத்திலிருக்கும் சில குழுக்கள் 13வது அரசியல் திருத்தத்திற்கு அப்பால் சென்ற அதிகாரப் பரவலாக்கலை மேற்கொள்ள வேண்டும் என பகிரங்கமாகக் கூறிவரும் நிலையில், ஜனாதிபதி அமைதி காத்துவருவதுடன் 13சது அரசியல் திருத்தத்திற்கு அப்பால் செல்ல வேண்டாம் என தமது கட்சி கோரிக்கையொன்றை முன்வைத்த சந்தர்ப்பத்தில் அதற்கெதிராக ஜனாதிபதி செயற்பட்ட விதம் குறித்து புரிந்துணர்வோடு செயற்படுவது தமது கட்சியின் எதிர்காலத்திற்கு சிறந்தது என சம்பிக்க கருதுகிறார்.

13வது அரசியல் திருத்தத்திற்கு அப்பால் சென்ற அதிகாரப் பரவலாக்கல் தொடர்பாக ஜனாதிபதிக்கும், ஜாதிக ஹெல உறுமயவிற்கும் இடையே இவ்வாறு மோதல்கள் ஆரம்பித்துள்ள நிலையில், எதிர்வரும் ஜனாதிபதித் தேர்தலில் ஜனாதிபதி வேட்பாளராக போட்டியிட எதிர்ப்பார்ப்புகளைக் கொண்டுள்ள எஸ்.பீ. திஸாநாயக்க, ஹெல உறுமய மற்றும் ஜே.வி.பி. ஆகிய கட்சிகளை தம்பக்கம் இழுக்க புதிய அரசியல் யோசனையொன்றைத் தயாரித்து வருவதாக தகவல்கள் வெளியாகியுள்ளன.

http://appaa.com/index.php?option=com_cont...6&Itemid=59