ஐரோப்பிய நாடுகளின் தாளத்திற்கு ஆட்டம் போட நாம் தயாரில்லை - பிரதமர் ரட்ணசிறி விக்கிர

ஐரோப்பிய நாடுகளின் தாளத்திற்கு ஆட்டம் போட நாம் தயாரில்லை. அத்தோடு எமது நாட்டு பிரச்சினைகளில் தலையிடுவதற்கு ஐரோப்பிய நாடுகளுக்கு எந்த உரிமையும் அதிகாரமும் கிடையாது என பிரதமர் ரட்ணசிறி விக்கிரமநாயக்க தெரிவித்துள்ளார். சட்டத்தின் முன் அனைவரும் சமமானவர்கள். அதற்கு "சீருடை' விதிவிலக்காகாது என்றும் அவர் தெரிவித்துள்ளார்.

இது குறித்து அவர் மேலும் தெரிவிக்கையில், சட்டத்தின் முன் அனைவரும் சமமானவர்கள் அதற்கு சீருடை விதிவிலக்காகாது. அதற்கு உயர்ந்தவர், தாழ்ந்தவர் என்ற பேதம் கிடையாது. அணியும் சீருடை முக்கியமானதல்ல. சட்டத்தின் முன்னிலையில் நாமனைவரும் சமமானவர்கள். சட்டம் நிறைவேற்றப்படாத இடம் பாலைவனமாகும்.

சட்டம் இல்லாத இடத்தில் ஒழுக்கச் சீர்குலைவு ஏற்படும். சட்டம் இல்லாவிட்டால் அபிவிருத்தியின் இலக்கையும் அடைய முடியாது. வியன்னா உடன்படிக்கையில் நாம் கையெழுத்திட்டுள்ளோம். அணிசேராக் கொள்கையை கடைப்பிடிக்கின்றோம். எனவே இன்னொரு நாட்டுப் பிரச்சினையில் நாம் தலையிடுவதில்லை.

எமது நாடு ஒழுக்கம், பண்புகளை பாதுகாத்து வருகிறது. ஐரோப்பிய நாடுகள் இவ் உடன்படிக்கையில் கையெழுத்திடவில்லை என்பதற்காக ஏனைய நாட்டுப் பிரச்சினைகளில் தலையிடுவதற்கு அனுமதிப் பத்திரமாக அதனை பயன்படுத்த முடியாது. ஐரோப்பிய நாடுகளின் தாளத்திற்கு ஆடுவதற்கு நாம் தயாரில்லை. அன்றும் இன்றும் ஒரேயொரு தாளத்திற்கே ஆடுகிறோம். அதுதான் எமது நாட்டு மக்கள் போடும் தாளத்திற்கு ஆடுவதாகும்.

எமது நாட்டில் தேர்தல்கள் நடத்தப்படுகின்றன. மக்களின் கருத்துக்களுக்கு செவிமடுக்கப்படுகிறது. ஆனால் தேர்தல்களையே நடத்தாத நாடுகள் இன்று ஜனநாயகத்தைப் பற்றிப் பேசுகின்றன. ஊழல் மோசடிகளை தடுத்து வீண் விரயங்களை குறைத்து பாரியதொரு சமூக மாற்றத்திற்கு செல்ல வேண்டிய கட்டாயத்திற்கு தள்ளப்பட்டுள்ளோம்.

திட்டமிட்ட முதலீடுகளை ஏற்படுத்த வேண்டிய நிலை உருவாகியுள்ளது. அதற்காகவே மகா சங்கத்தினரது ஆசீர்வாதத்தையும் மக்கள் ஆணையையும் கோருகிறோம். நாட்டில் 30 வருட காலமாக நிலவிய பயங்கரவாதம் பாரிய சீர்குலைவுகளையும் நெருக்கடிகளையும் ஏற்படுத்தியது. வர்த்தக நடவடிக்கைகள் முழுமையாக பின்னடைவைக் கண்டன. இவ்வாறான சூழ்நிலையில் அயல் நாடான இந்தியாவுடன் வர்த்தக ஒப்பந்தங்களை செய்து கொள்ள நேர்ந்தது.

மக்களுக்கு சலுகைகளை பெற்றுக் கொடுப்பதிலேயே அரசாங்கம் அதிக கவனம் செலுத்தி வருகிறது என்றும் பிரதமர் தெரிவித்துள்ளார்.

tamilmedia

இது ஏற்கனவே இணைக்கப்பட்ட செய்தியென்று நினைக்கின்றேன்.

சிங்கள பயங்கரவாதிகளின் தாளத்திற்கு ஆட்டம் போட, போலி ஜனநாயகவாதிகளையும் பயங்கரவாதிகளையும் தவிர வேறு யாரும் தயாரில்லை.

உந்த மரமண்டைக்கு உது புரியுமோ தெரியாது!!!