போர்க்குற்ற விசாரணைகளை நடத்த ஐ.நா.வை வலியுறுத்துக!

போர்க்குற்ற விசாரணைகளை நடத்த ஐ.நா.வை வலியுறுத்துக! - கனேடிய புதிய ஜனநாயக கட்சி கோரிக்கை

இலங்கையில் மனித குலத்துக்கு எதிராக மேற்கொள்ளப்பட்ட போர்க்குற்றங்கள் மற்றும் மனிதவுரிமை மீறல்கள் குறித்து சர்வதேச விசாரணைகளை மேற்கொள்ள ஐக்கிய நாடுகள் சபையை கனேடிய அரசாங்கம் வலியுறுத்த வேண்டும் என புதிய ஜனநாயக கட்சி கோரிக்கை விடுத்துள்ளது.

வன்னியில் இடம்பெற்ற இறுதிக் கட்டப் போரின் போது இருதரப்பினராலும் மேற்கொள்ளப்பட்ட போர்க்குற்றங்கள் மற்றும் மனிதவுரிமை மீறல்கள் தொடர்பில் விசாரணைகளை மேற்கொள்ள குழுவொன்றினை நியமிக்க வேண்டும் என ஐக்கிய நாடுகள் சபையின் நிபுணர்கள் குழு பரிந்துரைத்திருந்தது.

இந்நிலையில், இத்தகைய போர்க்குற்றங்கள் மற்றும் மனிதவுரிமை மீறல்கள் தொடர்பில் பொறுப்புக் கூறுவதற்கு அவர்களாகவே முன்வர வேண்டும் என புதிய ஜனநாயக கட்சியின் நாடாளுமன்ற உறுப்பினர் ராதிகா சிற்சபைஈசன் தெரிவித்துள்ளார்.

அதேவேளை, உண்மையையும் நீதியையும் உறுதிப்படுத்த சுயாதீனமான சர்வதேச விசாரணைகள் அவசியம் என ஐக்கிய நாடுகள் சபையிடம் வலியுறுத்துமாறு புதிய ஜனநாயக கட்சி கனேடிய அரசாங்கத்திடம் மனு ஒன்றை கையளித்துள்ளதாக அக்கட்சியின் நாடாளுமன்ற உறுப்பினர் வைன் மார்ஸ்டன் தெரிவித்துள்ளார்.

2009ஆம் ஆண்டு இலங்கையில் இடம்பெற்ற இறுதிக் கட்டப் போரின் போது ஆயிரக்கணக்கான மக்கள் கொல்லப்பட்டதாகவும், இப்போரில் ஈடுபட்ட இருதரப்பினராலும் போர்க்குற்றங்கள் மேற்கொள்ளப்பட்டதாகவும் கனடா சர்வதேச மன்னிப்புச் சபையின் தலைவர் அலெக்ஸ் நெவி தெரிவித்துள்ளார்.

அதேவேளை, சிறிலங்கா ஜனாதிபதியால் நியமிக்கப்பட்ட உண்மைகளைக் கண்டறிவதற்கான நல்லிணக்க ஆணைக்குழு அதன் பணிகளை உhயிமுறையில் செய்யத் தவறி வருவதாகவும் அவர் தெரிவித்துள்ளார்.

2006ஆம் ஆண்டு பயங்கரவாத இயக்கங்களில் பட்டியலில் தமிழீழ விடுதலைப் புலிகளை கனேடிய அரசாங்கம் இணைத்திருந்தமை குறிப்பிடத்தக்கது.

http://ponguthamil.com/news/contentnews.asp?sectionid=1&contentid={99C194FF-C4A4-43B8-9720-2050A6708F96}

Sri Lanka needs war crimes tribunal, NDP says

Canada should press the United Nations to set up a tribunal in Sri Lanka to deal with suspected crimes against humanity, the NDP said Wednesday.

A United Nations report has already called on the organization to set up a commission to look into human rights violations committed by both the Sri Lankan military and the Tamil Tiger rebel group.

"Both sides need to acknowledge and take ownership of their actions and injustices that they have brought on their people," said NDP MP Rathika Sitsabaiesan.

http://www.cbc.ca/news/canada/story/2011/08/03/pol-sri-lanka-commission.html