ஜெனிவாவில் உள்ள ஐ நா (ஐக்கிய நாடுகள்) நோக்கிய “நீதிக்கான நடைப்பயணத்தின்” இரண்டாவது நாளான இன்று ஐரோப்பிய ஒன்றிய பிரதிநிதிகள் மற்றும் பாராளுமன்ற உறுப்பினர்கள் சிலரை சந்தித்தனர்.

பெல்ஜியதில் இருந்து ஜெனிவாவில் உள்ள ஐ நா (ஐக்கிய நாடுகள்) நோக்கி நீதிக்கான நடைப்பயணத்தினை மேற்கொண்டவர்களாகிய திரு வேலுப்ப்பிள்ளை மகேந்திரராஜா,

திருலோகநாதன் மருதையா மற்றும் திரு ஜக்கமுத்து க்ராசியன் ஆகிய இவர்கள் இரண்டாவது நாளான இன்று ஐரோப்பா நாடுகளுக்கான ஐரோப்பிய ஒன்றிய பிரதிநிதிகள் மற்றும் பாராளுமன்ற உறுப்பினர்கள் சிலரை சந்தித்தனர்.

இவ் சந்திப்பின்போது தமது நடைபயணத்திற்கான நோக்கங்கள் பற்றி விளக்கிக் கூறினார்கள். எதிர்வரும் மார்ச் மாதம் ஜெனிவாவில் நடைபெற இருக்கின்ற 19 ஆவது கூட்டத்தொடரில் இலங்கையில் தமிழ் மக்களுக்கு எதிராக மேற்கொள்ளப்பட்ட போர்க்குற்றங்களுக்கான உண்மைத்தன்மையை அவ்அமர்வில் எடுத்துக்ஊறுமாறு அவர்களிடம் கேட்டுக்கொண்டனர்.

மேலும் இவ் ஒருமாத நடைபயணத்தினை மேற்கொண்ட இவர்கள் கூறுகையில் தமிழீழ தேசியக்கொடியுடன் சென்றால் அவர்களை உயர்மட்ட அதிகாரிகள் சந்திக்கமாட்டார்கள் என்ற கருத்து மக்களிடையே நிலவி வந்ததாகவும் ஆனால் தாங்கள் தமது இவ் நடைபயணத்தினை தமிழர் தேசியக்கொடியுடன் தான் ஆரம்பித்ததாகவும் ஆகவே, இதற்கு இடையூறுகள் எந்தவகையிலும் ஏற்படவில்லை. உயர் அதிகாரிகளும், பாராளுமன்ற உறுப்பினர்களும் எங்களோடு எமது பிரச்சனைகள் பற்றி ஆர்வத்துடன் கேட்டறிந்ததாக கூறியிருந்தனர். இச் சந்திப்பின்போது ஐக்கிய நாடுகள் சபை ஊடாக தமிழர்களுக்கான ஒரு இறுதி தீர்வு ஒன்று முன்வைக்கப்படவேண்டும் எனவும் வலியுறித்தினர்.