நன்னிச் சோழன்

திருக்கை வகுப்புப் படகு

இது "தியாகசீலம்" அன்பு அவர்களின் நினைவாக விடுதலைப்புலிகள் (சூn - சூலை, 2004) மாதயிதழில் வெளிவந்த கட்டுரை பூக்களுள் எழுந்த புயல் எழுத்தாளர்: மலைமகள் அது வலிகாமத்தின் கரையோரமொன்றுக்கு அருகிருக்கும் கிராமம். மீன்பிடித் தோட்டம் என்று பல வேலைகள் அவ்வூர் மக்களுக்கு. செய்தி கேட்கின்றஇ செய்தித்தாள் வாசிக்கின்றஇ ஆகக் குறைந்தது இன்றைக்கென்ன செய்தி என்று கேட்டாவது அறிந்து கொள்கின்ற விடயம் விளங்கிய சனம் அவ்வூர்ச் சனம். அவள் அந்த மண்ணின் மகள். கூர்ப்பான அம்மக்களின் மகள். அவளும் விடயம் விளங்கியவள்தான். அவளுக்கு எல்லாமே மிகச் சரியாக விளங்கியதால், தனது பாதையை நேரியதாய் தெரிவு செய்தாள். சுதந்திரப் பறவைகள் மகளிர் அமைப்பு அவ்வூரில் அமைத்த ஆரம்ப சுகாதார நிலையத்தின் முதல்வி அவளே. மெழுகுதிரி, ஊதுபத்தி, கார வழலை உற்பத்திகளிலும் சுதந்திரப் பறவைகள் இதழ் விற்பனையிலும் அவள் பங்கு பெரிது. எம்மை ஆள வந்தவர்களை வீழவைப்பதற்காக தான் ஆயுதம் ஏந்தப்போகின்ற அந்த நாளை அவள் ஆவலுடன் எதிர்பார்த்திருந்தாள். இப்போது ஆயுதம் ஏந்தாவிட்டாலும், அவள் ஒரு புலியே. 1986 நடுப்பகுதியில் தமது ஒருவருட படையியற் பயிற்சியை நிறைவுசெய்து, நாடு திரும்பி களநடவடிக்கைகளில் விடுதலைப்புலிகள் மகளிர் படையணியின் முதலாவது அணியினர் தம்மை ஈடுபடுத்திக்கொள்ளத் தொடங்க, இவளையொத்த ஆயிரத்துக்கும் அதிகமான சுதந்திரப் பறவைகளின் மனங்களில் ஆவல் அலைமோதியது. அடுத்தது நாங்கள்தான். அவளும் அப்படித்தான் நம்பினாள். ஆனால் ...... ஆயிரம்பேரையும் ஒருசேர உள்வாங்கும் பலம் அன்றைய சூழலில் எமது அமைப்புக்கு இருக்கவில்லை. நூறு சுதந்திரப் பறவைகள் மட்டும் புறப்பட்டார்கள் ஏனையவர்களிடம் தமது பணிகளை ஒப்படைத்துவிட்டு. நாங்கள் பயிற்சி முடித்துவிட்டு வந்து உங்களை மாற்றிவிடும்வரை வேலை செய்துகொண்டிருங்கள். என்ற கோரிக்கைக்கு தலையசைத்து வழிவிட்டவர்களில் அவளும் ஒருத்தி. இப்போது அவள் பணி பாரியதாகியது. ஆள் எண்ணிக்கைதான் குறைந்ததேதவிர, பணியின் அளவு குறைவடையவில்லை. கடல் கடந்து ஒரு படை வந்து எம்மண்ணில் கால்பதித்த நாட்களில் அது இன்னமும் கடினமாகியது. விடுதலைப்புலிகளை அழிக்கவென வந்தவர்கள், விடுதலைப்புலிகளின் பின்னால் திரண்டிருந்த மாபெரும் மக்கள் சக்தியைப் பார்த்து மலைத்து, அதை அழிக்க முனைந்தபோது தலைமறைவாகியவர்களில் அவளும் ஒருத்தி. வந்த படையினர் அவளின் பெயரை விசாரித்துத் தேடிக்கொண்டிருக்கையில், அயலூரின் வீடொன்றில் அமைதி முகத்தினளாய் அவளிருந்தாள். நெருப்பு நெஞ்சிலிருந்தது. கடல் கடந்துவந்த படைகள் தம் அமைதி முகத்திரை கிழித்து, புழு நெளிகின்ற புண்கள் நிறைந்த சொந்த உருவை வெளிக்காட்டி, பெண், ஆண் என்ற பேதம் பாராது எம்மீது தம் நிணத்தை சிந்திச் சென்றபோது, அவளே நெருப்பானாள. அந்த நெருப்பு ஒருபெரும் தொலைவுக்கப்பால், விளாசி ஒருநாள் எரிந்தது. காற்றோடு கலந்தது.

வணக்கம்... இத்துடன் வரவேற்பு செய்திகள் நிறைவடைகின்றன. நன்றி.... வணக்கம்

இந்த 25+ நிமிட காணொளியை காணவும். https://youtu.be/vOL8YgX0suY?si=M4BWna4Inscy51gg

வணக்கம் நிர்வாகத்தினர், எனக்கு யாழ் கருத்துக்களம் மிகவும் மெள்ளமாக இயங்குகிறது. ஏனென்று தெரியவில்லை. நன்றி

மாவீரர் பொது நினைவாலயம் யாழ் பல்கலைக்கழகம் புலிகளின் காலத்திலேயே இது கட்டப்பட்டுவிட்டது.

லெப். செல்லக்கிளி எ சந்திரன் எ அம்மானின் நினைவுக்கல் அஞ்சல் நிலையச் சந்தி, திருநெல்வேலி, யாழ் 23 சூலை 2004 அன்று திறந்துவைக்கப்பட்டது.