எவர் எதனை கூறினாலும் கிழக்கு மாகாணத்தின் அடுத்த முதலமைச்சர் தானே என அந்த மாகாணத்தின் தற்போதைய முதலமைச்சர் சிவநேசதுரை சந்திரகாந்தன் தெரிவித்துள்ளார். கிழக்கு மாகாணத்தின் முதலமைச்சர் பதவி வாக்குகளின் அடிப்படையில் தீர்மானிக்கப்படும் எனவும் அவர் கூறியுள்ளார்.

ஸ்ரீலங்கா முஸ்லிம் காங்கிரஸ், கிழக்கு மாகாண முதலமைச்சர் பதவி தொடர்பாக அரசாங்கத்துடன் பேச்சுவார்த்தைகளை நடத்தி வரும் சந்தர்ப்பத்தில் முதலமைச்சர் இந்த கருத்தை வெளியிட்டுள்ளமை விசேட அம்சமாகும்.

எதிர்வரும் கிழக்கு மாகாண சபைத் தேர்தலில், சந்திரகாந்தன் தலைமையிலான தமிழ் மக்கள் விடுதலைப்புலிகள் கட்சி, ஆளும் ஐக்கிய மக்கள் சுதந்திர முன்னணியுடன் இணைந்து போட்டியிட தீர்மானித்துள்ளது. கிழக்கு மாகாணத்தில் உள்ள மூன்று மாவட்டங்களில் 15 வேட்பாளர்களை நிறுத்தவும் அந்த கட்சி முடிவு செய்துள்ளது.

http://www.globaltam...IN/article.aspx

கைதிகளை தொடர்ந்து தடுத்து வைப்பதானால் கருணா, , ,, , பிள்ளையான் கேபி மூவரையும் உள்ளடக்கவும் - ரங்கா

தமிழ் அரசியல் சிறை கைதிகளை தொடர்ந்தும் தடுத்து வைப்பதானால் கருணா, பிள்ளையான் மற்றும் கேபி ஆகியோரையும் தடுத்து வைக்க வேண்டும் என பாராளுமன்ற உறுப்பினர் ஜே.ஸ்ரீரங்கா தெரிவித்துள்ளார்.

தமிழ் அரசியல் கைதிகளை விடுவிக்க அரசாங்கம் நடவடிக்கை எடுக்க வேண்டும் என வலியுறுத்தி தமிழ்க் கட்சிகள் ஒன்றிணைந்து இன்று காலை முதல் வவுனியா நகர சபை மைதானத்தில் ஒருநாள் அடையாள உண்ணாவிரதப் போராட்டத்தை நடத்தினர்.

இவ்வுண்ணாவிரதப் போராட்டத்தில் தமிழர் விடுதலை கூட்டணியின் செயலாளர் நாயகம் வீ.ஆனந்தசங்கரி, தமிழ்த் தேசியக் கூட்டமைப்பின் பாராளுமன்ற உறுப்பினர்களான சுரேஸ் பிரேமச்சந்திரன், சிவசக்தி ஆனந்தன், செல்வன் அடைக்கலநாதன், பாராளுமன்ற உறுப்பினர் ஸ்ரீரங்கா, ஜனநாயக மக்கள் முன்னணித் தலைவர் மனோ கணேசன் உள்ளிட்ட பலர் கலந்து கொண்டனர்.

இங்கு ஊடகவியலாளர்களில் கருத்து தெரிவித்த பாராளுமன்ற உறுப்பினர் ஜே.ஸ்ரீரங்கா,

"பல அரசியல் கைதிகளை சந்தேகத்தின் பேரிலேயே கைது செய்துள்ளனர். ஆனால் இந்த நபர்களுக்கு பூரணமாக செயற்பட அனுமதி அளித்த தலைமைத்துவம் வழங்கிய கருணா அம்மான், கேபி, பிள்ளையான் போன்றோர் சுதந்திரமாக பாராளுமன்றில் உள்ளனர். அரச வீடுகளில் உள்ளனர். அவர்களுக்கு நீர், உணவு வழங்கியவர்கள் 10, 15 வருடங்கள் சிறையில் சந்தேகத்தின் பேரில் உள்ளனர். இது எவ்வகையில் நியாயம் என நாம் கேட்கிறோம். இவர்களை சிறையில் வைத்திருப்பதானால் கேபி, கருணா

அம்மான், பிள்ளையான் போன்றோரையும் உள்ளே எடுக்க வேண்டும். ஒருவருக்கு ஒரு சட்டம் மற்றையவருக்கு இன்னொரு சட்டம் என்பதை நாம் நிராகரிக்கிறோம். கைதிகள் சிறையில் உள்ளனர். இறுதி யுத்தத்தில் தாங்கள் புலி என கூறி சரணடைந்தவர்களை அரசு புனர்வாழ்வளித்து விடுதலை செய்கிறது. ஆனால் புலி என்ற சந்தேகத்தில் கைது செய்தவர்களை சிறையில் வைத்துள்ளளனர்.

இவர்களையும் புனர்வாழ்வு செய்யுங்கள் அல்லது நீதிமன்ற வழியில் வழக்குத் தொடரவும் அப்படியில்லாவிட்டால் அவர்களின் வாழ்க்கை பாதிக்கப்படும். யுத்தம் முடிந்து இன்னமும் இவர்களை தடுத்து வைத்திருப்பது மேலும் இனவாதத்தை தூண்டும் செயலாகும்".

இவ்வாறு அவர் தெரிவித்தார்.

(அத தெரண)

அப்ப தென் தமிழீழத்தில் அரசியல் கொலைகளுக்கு சந்தர்ப்பம் உண்டு.

நாங்கள் அப்படிதான் அங்க பிள்ளையான், இங்க டக்கிளஸ் 5 வோட்டு விழுந்து வந்தாலும் உலக கண்களுக்கு அவங்களை தான் தெரியும்.

சொந்த இனத்தை காட்டிகொடுத்து அரசியல் பிழைப்பு நடத்தும் இதுபோன்ற முதலமைச்சரின் ஆட்சின் வாழவேண்டிய நிலை

என்ன செய்வது கிழக்கு மாகானமக்களின் தலைவிதி