தற்கொலை செய்யப்பட்ட நர்ஸ் குடும்பத்தாரை நேரில் சந்தித்து ஆறுதல் கூறிய தொழிலாளர் எம்.பி.Keith Vaz.

இங்கிலாந்து இளவரசி கேத் விண்செண்ட் கர்ப்ப ரகசியங்களை கசியவிட்டதன் காரணமாக விவகாரத்தில் தற்கொலை செய்யப்பட்ட நர்ஸ் Jacintha Saldanha அவர்களின் கணவர் Benedict Barboza மற்றும் அவரது குழந்தைகளை இன்று பிரிட்டிஷ் தொழிலாளர் கட்சி எம்.பி. Keith Vaz அவர்கள் அவர்களுடைய வீட்டில் சந்தித்து ஆறுதல் கூறினார். தாயை இழந்து வாடும் குழந்தைகள் உள்ள இந்த குடும்பத்திற்கு  King Edward VII தகுந்த நிவாரணம் தரவேண்டும் என மருத்துவமனை நிர்வாகத்திற்கு அவர் கோரிக்கை வைத்துள்ளார்.

மேலும் அவர் கூறுகையில், "பாதிக்கப்பட்ட இந்த குடும்பத்தின் நலனில் பிரிட்டிஷ் அரசு மிகுந்த அக்கறை கொண்டுள்ளது" எனவும், இந்த குடும்பத்தின் நலனுக்கு அரசு எந்த உதவியும் செய்ய தயாராக இருப்பதாக கூறினார்.  மேலும் இங்கிலாந்து பிரதமர் டேவிட் கேமரூன் அவர்களும் இந்த குடும்பத்திற்கு தன்னுடைய ஆழ்ந்த இரங்கலை தெரிவித்துள்ளதாக அவர் செய்தியாளர்களிடம் கூறினார்.

மேலும் எம்.பி. Keith Vaz செய்தியாளர்களிடம் கூறுகையில், ஆஸ்திரேலிய DJக்களின் பொறுப்பற்ற செய்கையால், இதுபோன்ற ஒரு கொடுமையான சம்பவம் நிகழ்ந்துள்ளது என்றும் அவர்கள் மீது தகுந்த நடவடிக்கை எடுக்க ஆஸ்திரேலிய அரசை இங்கிலாந்து அரசு வலியுறுத்தும் என்றும் கூறினார். மேலும் அவர் King Edward VII மருத்துவமனையின் தலைமை நிர்வாக அதிகாரியை நேரில் சந்தித்து விளக்கம் கேட்டார். நர்ஸ் Jacintha Saldanha அவர்களின் குழந்தைகளான 17 வயது Junal மற்றும் 14 வயது மகள் Lisha அவர்களுக்கு நேரில் ஆறுதல் கூறி, அவர்களோடு சிறிது நேரம் பேசிக்கொண்டு இருந்தார்.

நர்ஸ் Jacintha Saldanha குடும்பத்தினருக்கு எம்.பி Keith Vaz ஆறுதல் கூறியபோது எடுத்த புகைப்படங்கள்