அமெரிக்காவில் மீண்டும் துப்பாக்கி கலாச்சாரம். 4 மர்ம மனிதர்கள் வீடு புகுந்து சரமாரியாக துப்பாக்கியால் சுட்டதால் பரபரப்பு.

அமெரிக்காவில் இன்று காலை 10 மணியளவில் நான்கு மர்ம மனிதர்கள் நியூயார்க் அருகிலுள்ள  West Webster என்ற இடத்திலுள்ள ஒரு வீட்டிற்குள் நுழைந்து சரமாரியாக துப்பாக்கியால் சுட்டதால் பெரும் பரபரப்பு ஏற்பட்டுள்ளது. இந்த தாக்குதலில் இதுவரை துப்பாக்கி சூடு நடத்திய மர்ம மனிதர்கள் உள்பட ஆறுபேர் பலியாகினர். இரண்டு பேர் கவலைக்கிடமாக மருத்துவமனையில் அனுமதிக்கபட்டுள்ளனர்.

அமெரிக்காவின்  West Webster என்ற இடத்தில் உள்ள Lake Ontario அருகிலுள்ள ஒரு வீட்டில் அதிரடியாக நுழைந்த நான்கு மர்ம மனிதர்கள் அந்த வீட்டில் உள்ளவர்களை சரமாரியாக சுடத்தொடங்கினர். வீட்டில் உள்ள நபர்கள் ஒரு அறைக்குள் நுழைந்து கதவை பூட்டிகொண்டு உடனடியாக காவல்துறைக்கு தகவல் அளித்தனர்.

(துப்பாக்கி சூட்டில் படுகாயம் அடைந்து மருத்துவமனையில் இருக்கும் Joseph Hofsetter என்ற காவல்துறை அதிகாரி)

செய்தி அறிந்ததும் உடனே சம்பவ இடத்திற்கு வந்த SWAT அதிரடி படையினர், தாக்குதலில் ஈடுபட்ட மர்ம மனிதர்களை நோக்கி சரமாரியாக எதிர்த்தாக்குதல் நடத்தினர். அருகிலுள்ள வீடுகளில் உள்ளவர்கள் பாதுகாப்பாக அப்புறப்படுத்தப்பட்டனர். இந்த தாக்குதலில் அந்த வீடே தீப்பிடித்து எரிந்தது. பின்னர் நான்கு மர்ம மனிதர்களும் கொல்லப்பட்டதாக செய்தி தெரிவிக்கப்பட்டது. கொல்லப்பட்ட நான்கு மர்ம மனிதர்களும், யார்? எதற்காக துப்பாக்கி சூடு நடத்தினர் என்பது குறித்த விபரங்கள் உடனே தெரியவில்லை. இதுகுறித்து தீவிரமாக காவல்துறையினர் விசாரணை நடத்தி வருகின்றனர்.

இந்த தாக்குதலில் Mike Chiapperini மற்றும்  Tomasz Kaczowka,  ஆகிய இரண்டு காவல்துறை உயரதிகாரிகள் கொல்லப்பட்டனர். மற்றொரு காவல்துறை அதிகாரி Joseph Hofsetter படுகாயம் அடைந்து ஆபத்தான நிலையில் இருக்கிறார். மேலும் இரண்டு காவல்துறையினர் பலத்த காயம் அடைந்தனர்.

துப்பாக்கி சூட்டில் பலியான மர்ம மனிதர்கள், காவல்துறையினர்களின் புகைப்படங்கள்....